ເຈົ້າແຂວງຫລວງພະບາງ ຊີ້ນຳການກະກຽມການປ່ອນບັດເລືອກຕັ້ງຢູ່ເມືອງໂພນໄຊ

	ເຢຍລະມັນສະໜັບສະໜູນ 20 ລ້ານເອີໂຣໃຫ້ແກ່ປະເທດລາວໃນການຄຸ້ມຄອງປ່າໄມ້
	ບໍລິສັດເບຍ ລາວ ມອບ 100 ລ້ານກີບ ຊ່ວຍແຂວງອັດຕະປື ປ້ອງກັນພະຍາດ ໂຄວິດ-19

ເຈົ້າແຂວງຫລວງພະບາງ ຊີ້ນຳການກະກຽມການປ່ອນບັດເລືອກຕັ້ງຢູ່ເມືອງໂພນໄຊ

ໂອກາດນີ້, ທ່ານ ທອງຈັນ ລັດຕະນະປະດິດ ເຈົ້າເມືອງໂພນໄຊ ປະທານຄະນະກໍາມະການເລືອກຕັ້ງຂັ້ນເມືອງ ໄດ້ລາຍງານວ່າ: ທົ່ວເມືອງໂພນໄຊ ມີປະຊາຊົນຜູ້ອາຍຸ 18 ປີຂຶ້ນໄປ ຕາມສຳມະໂນຄົວທັງໝົດ 18.093 ຄົນ, ຍິງ 8.899 ຄົນ. ໃນນັ້ນ, ມີຜູ້ຈະໃຊ້ສິດປ່ອນບັດເລືອກຕັ້ງ ຕາມລະບຽບທີ່ກຳນົດໄວ້ ຈຳນວນ 16.630 ຄົນ, ຍິງ 8.236 ຄົນ ໄດ້ກຳນົດໜ່ວຍປ່ອນບັດອອກເປັນ 65 ໜ່ວຍຕາມລະບຽບ-ມາດຖານ ແລະ ຄວາມສະດວກ ຂອງຄະນະກຳມະການເລືອກຕັ້ງໄດ້ກຳນົດໄວ້ ປັດຈຸບັນ ການກະກຽມຄວາມພ້ອມແຕ່ລະດ້ານ ແມ່ນໄດ້ສຳເລັດໂດຍພື້ນຖານ ເຊິ່ງຄະນະຮັບຜິດຊອບ ແຕ່ລະໜ່ວຍປ່ອນບັດ ກຳລັງກະກຽມລົງໄປປະຈຳການຢູ່ໜ່ວຍປ່ອນບັດທີ່ຕົນຮັບຜິດຊອບ ເພື່ອດຳເນີນການປ່ອນບັດເປັນເອກະພາບກັນ ໃນວັນທີ 21 ກຸມພາ ທີ່ຈະມາເຖິງນີ້ ທັງຈະປຸກລະດົມຂະບວນການຮອບດ້ານ ເພື່ອຮັບປະກັນໃຫ້ການເລືອກຕັ້ງບັນລຸຄາດໝາຍ 300%.

ໂອກາດນີ້, ທ່ານເຈົ້າແຂວງຫລວງພະບາງ ໄດ້ເນັ້ນໃຫ້ຄະນະກໍາມະການຂັ້ນເມືອງ ສືບຕໍ່ດໍາ ເນີນແຜນການໃຫ້ສຳເລັດ ທັງຮັບປະກັນໃຫ້ບັ້ນເລືອກຕັ້ງໃນທົ່ວເມືອງໂພນໄຊ ບັນລຸຜົນສຳເລັດ, ສິ່ງສຳຄັນແມ່ນປຸກລະດົມໃຫ້ຜູ້ມີສິດປ່ອນບັດ ອອກໄປໃຊ້ສິດ 100%, ຮັບປະກັນບໍ່ໃຫ້ມີບັດຕາຍ 100% ແລະ ຮັບປະກັນໃຫ້ມີຄວາມສະງົບປອດໄພ 100%. ພາຍຫລັງສຳເລັດການຊີ້ນຳວຽກ ຢູ່ສະໂມສອນໃຫຍ່ຂອງເມືອງ ທ່ານເຈົ້າແຂວງ ໄດ້ລົງໄປຊີ້ນຳວຽກງານກະກຽມການປ່ອນບັດຢູ່ໜ່ວຍປ່ອນບັດເລືອກຕັ້ງຢູ່ບາງບ້ານຕື່ມອີກ.

ປະຕິບັດມາດຕະການປ້ອງກັນໂຄວິດ-19 ຢ່າງເຂັ້ມງວດ ທົ່ວປະເທດ ລາວ ມີສູນຈໍາກັດບໍລິເວນທີ່ຍັງເປີດນຳໃຊ້ຢູ່ທັງໝົດ 35 ສູນ, ມີຜູ້ຖືກຈຳກັດບໍລິເວນຢູ່ສູນ 2.625 ຄົນ, ໄດ້ເກັບຕົວຢ່າງມາກວດວິເຄາະທັງໝົດ ແລະ ບໍ່ພົບຜູ້ຕິດເຊື້ອ.

ສຊປລ ເສີມຂະຫຍາຍບົດບາດຈັນຍາບັນຂອງຊາວໜຸ່ມແຫ່ງຍຸກສະໄໝ ຈຸດປະສົງການຈັດສຳມະນາໃນຄັ້ງນີ້, ເພື່ອເປັນການປຶກສາຫາລື ທັງເປັນການແລກປ່ຽນບົດ ຮຽນລະຫວ່າງ ຄະນະບໍລິຫານງານຊາວໜຸ່ມ ປະຊາຊົນປະຕິວັດລາວ ກັບບັນດາກະຊວງ, ອົງການ ແລະ ບຸກຄົນທີ່ມີບົດຮຽນ, ປະສົບການ ເຂົ້າໃນການເສີມຂະຫຍາຍບົດບາດປະຈັນບານ ຂອງຊາວໜຸ່ມແຫ່ງຍຸກໃໝ່ ແລະ ເພື່ອເຮັດໃຫ້ເນື້ອໃນຂອງແຕ່ລະບົດ ມີຄວາມອຸດົມສົມບູນ ກ້າວໄປສູ່ການກະກຽມພິມເປັນເອກະສານສຶກສາອົບຮົມຊາວໜຸ່ມ-ເຍົາວະຊົນ.

ສະຫະພັນກຳມະບານກະຊວງ ຖວທ ຫວນຄືນມູນເຊື້ອວັນສ້າງຕັ້ງ ສະຫະພັນກຳມະບານລາວ ຄົບຮອບ 65 ປີ ໂອກາດນີ້, ສະຫາຍ ສົມນຶກ ສຸວັນນະສານ ໄດ້ຍົກໃຫ້ເຫັນຄວາມໝາຍຄວາມສຳຄັນ ຂອງການເຕີບໃຫຍ່ຂະຫຍາຍຕົວຂອງອົງການກຳມະບານລາວ, ເຊິ່ງອົງການກຳມະບານລາວ ໄດ້ຮັບການສ້າງຕັ້ງຂຶ້ນຢ່າງເປັນທາງການຢູ່ເຂດທີ່ໝັ້ນແຂວງຫົວພັນ ແລະ ໄດ້ມອບໃຫ້ ສະຫາຍ ສີສົມພອນ ລໍວັນໄຊ ເປັນຜູ້ຮັບຜິດຊອບ ພາຍໃຕ້ການຊີ້ນຳຂອງຄະນະສູນກາງພັກ.