 |
| ກອງປະຊຸມສະຫລຸບວຽກງານ ແຜນການ-ການລົງທຶນ ແລະ ການເງິນ ປະຈຳປີ 2020 ແລະ ທິດທາງແຜນການ ປະຈຳປີ 2021 |
ກອງປະຊຸມຄັ້ງນີ້, ຈັດຂຶ້ນເພື່ອສະຫລຸບການຈັດຕັ້ງປະຕິບັດ ແຜນພັດທະນາເສດຖະກິດ-ສັງ ຄົມແຫ່ງຊາດ ແລະ ແຜນງົບປະມານແຫ່ງລັດ 5 ປີ (2016-2020), ທິດທາງ 5 ປີ (2021-2025) ແລະ ກຳນົດວຽກງານຈຸດສຸມໃນປີ 2021. ນອກຈາກນັ້ນ, ກອງປະຊຸມ ໄດ້ປຶກສາຫາລືກ່ຽວກັບວຽກງານຈຸດສຸມຈຳນວນໜຶ່ງ ເປັນຕົ້ນ ການຈັດຕັ້ງປະຕິບັດຄໍາສັ່ງສະບັບເລກທີ 02/ນຍ, ຄໍາສັ່ງສະບັບເລກທີ 03/ນຍ, ການປັບປຸງຄໍາແນະນຳ ວ່າດ້ວຍການຈັດຕັ້ງປະຕິບັດກົດໝາຍການລົງທຶນຂອງລັດ, ແຜນງານການຫັນເປັນທັນສະໄໝຂອງຂະແໜງການເງິນ, ວຽກງານງົບປະມານ, ຄັງເງິນ, ວຽກສ່ວຍສາອາກອນ, ພາສີ, ວຽກງານຄຸ້ມຄອງຊັບສິນຂອງລັດ ແລະ ສະເໜີ ນິຕິກຳລຸ່ມກົດໝາຍຈໍານວນໜຶ່ງ ໃຫ້ກອງປະຊຸມປະກອບຄຳຄິດຄຳເຫັນ.
ໃນໂອກາດດັ່ງກ່າວ, ທ່ານ ສອນໄຊ ສີພັນດອນ ໄດ້ກ່າວວ່າ: ແຜນພັດທະນາເສດຖະກິດ-ສັງ ຄົມແຫ່ງຊາດ ແລະ ແຜນງົບປະມານແຫ່ງລັດ ປີ 2021 ໄດ້ກໍານົດຄາດໝາຍສູ້ຊົນ ເຮັດໃຫ້ລວມຍອດ ມູນຄ່າຜະລິດຕະພັນພາຍໃນ (GDP) ປີ 2021 ເພີ່ມຂຶ້ນຢ່າງຕໍ່າຢູ່ໃນລະດັບ 4%, ຮັບປະກັນສະຖຽນລະພາບ ທາງດ້ານເສດຖະກິດມະຫາພາກ, ສູ້ຊົນປະຕິບັດ ແຜນລາຍຮັບງົບປະມານ ໃຫ້ໄດ້ 27.629 ຕື້ກີບ ຫລື ທຽບເທົ່າ 15,13% ຂອງ GDP ແລະ ລາຍຈ່າຍງົບປະມານທັງໝົດ 31.583 ຕື້ກີບ ຫລື ເທົ່າກັບ 17,30% ຂອງ GDP ແລະ ບັນດາຄາດໝາຍອື່ນໆ ທີ່ໄດ້ກໍານົດໄວ້ ໃນແຜນພັດທະນາເສດຖະກິດ-ສັງຄົມແຫ່ຊາດ ປະຈໍາປີ 2021, ມະຕິຂອງສະພາແຫ່ງຊາດ ສະບັບເລກທີ 12/ສພຊ, ລົງວັນທີ 4 ພະຈິກ 2020 ວ່າດ້ວຍການຮັບຮອງເອົາບົດລາຍງານຂອງລັດຖະບານ ກ່ຽວກັບການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມແຫ່ງຊາດ ປະຈໍາປີ 2020 ແລະ ທິດທາງແຜນການປະຈໍາປີ 2021 ແລະ ມະຕິສະພາແຫ່ງຊາດ ສະບັບເລກທີ 13/ສພຊ, ລົງວັນທີ 4 ພະຈິກ 2020 ວ່າດ້ວຍການຮັບຮອງເອົາບົດລາຍງານຂອງລັດຖະບານ ກ່ຽວກັບການສະຫລຸບການຈັດຕັ້ງປະ ຕິບັດງົບປະມານແຫ່ງລັດ 9 ເດືອນ, ຄາດຄະເນປະຕິບັດໝົດປີ 2020 ແລະ ແຜນການ ປະຈຳປີ 2021.
ພ້ອມນີ້, ທ່ານນາຍົກລັດຖະມົນຕີ ໄດ້ຍ້ອງຍໍຊົມເຊີຍທັງ 2 ຂະແໜງການ ທີໄດ້ທຸ້ມເທເຫື່ອ ແຮງສະຕິປັນຍາ ເຂົ້າໃນການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ ແລະ ແຜນງົບປະມານແຫ່ງລັດ ກໍຄື ການພັດທະນາຂອງປະເທດ ໃຫ້ມີຄວາມຄືບໜ້າເປັນກ້າວໆ, ພ້ອມທັງຮຽກ ຮ້ອງໃຫ້ຄະນະນໍາ ພ້ອມດ້ວຍພະນັກງານຫລັກແຫລ່ງຂອງຂະແໜງແຜນການ ແລະ ການລົງທຶນ ແລະ ຂະແໜງການເງິນ ແລະ ທຸກຂະແໜງການ ຕ້ອງໄດ້ຍົກສູງຄວາມຮັບຜິດຊອບໜ້າທີ່ການເມືອງຂອງຕົນ ໃນພາລະກິດການສ້າງສາ ແລະ ພັດທະນາປະເທດຊາດ ໃຫ້ມີຄວາມເຂັ້ມແຂງ ແລະ ໜັກ ແໜ້ນ, ມີຈິດໃຈຮັກຊາດ, ເສຍສະຫລະເພື່ອສ່ວນລວມ, ຊື່ສັດບໍລິສຸດ ພ້ອມກັນສ້າງບາດລ້ຽວໃໝ່ຂອງການພັດທະນາ; ເພີ່ມທະວີຄວາມຮັບຜິດຊອບຂອງຕົນ ໃນການຜັນຂະຫຍາຍມະຕິກອງປະຊຸມໃຫຍ່ ຄັ້ງທີ XI ຂອງພັກ, ວິໄສທັດຮອດປີ 2030 ແລະ ຍຸດທະສາດການພັດທະນາ ຮອດປີ 2025, ແຜນພັດທະນາເສດຖະກິດ-ສັງຄົມແຫ່ງຊາດ ແລະ ແຜນງົບປະມານແຫ່ງລັດ ປີ 2021 ໃຫ້ມີໝາກຜົນຕົວຈິງ ເພື່ອພ້ອມກັນຕັດສິນໃຈຜ່ານຜ່າສະພາບຂໍ້ຫຍຸ້ງຍາກຕ່າງໆ ແລະ ສ້າງພື້ນຖານການພັດທະນາເສດຖະກິດ-ສັງຄົມ ສູ່ທິດທີ່ມີຄຸນນະພາບ, ມີຈຸດສຸມ, ສີຂຽວ ແລະ ຍືນຍົງ ຕາມຈຸດໝາຍກ້າວຂຶ້ນສັງຄົມນິຍົມ ທີ່ພັກໄດ້ວາງໄວ້.
 | EARC 2021: ເຊື່ອມໂຍງ ແລະ ເຊື່ອມຕໍ່ດີຕີຕອນ ອາຊີຕາເວັນອອກເພື່ອອະນາຄົດທີ່ໝັ້ນຄົງ ຍສໝ - ຄາດວ່າໃນໄລຍະຈະມາເຖິງ, ສະພາ EABC ຈະຈັ້ງຕັ້ງ ກອງປະຊຸມສະພາແຫ່ງຊາດ ແລະ ບັນດາກອງປະຊຸມຂອງກຸ່ມເຮັດວຽກວິຊາສະເພາະ ເພື່ອກະກຽມໃຫ້ແກ່ບັນດາກອງປະຊຸມໂອ້ລົມສົນທະນາລະຫວ່າງ EABC ແລະ ເຈົ້າໜ້າທີ່ອາວຸໂສຂັ້ນສູງ ອາຊຽນ + 3 (SEOM +3), ລັດຖະມົນຕີເສດຖະກິດ ອາຊຽນ +3 (AEM+3). |
 | ກອງທຶນສັນຕິພາບ ແລະ ພັດທະນາຫວຽດນາມ ວາງອອກ 6 ມາດຕະຖານເພື່ອປະຕິບັດບັນດາເປົ້າໝາຍ ປີ 2021 ຍສໝ - ທີ່ກອງປະຊຸມ, ບັນດາຜູ້ແທນເຂົ້າຮ່ວມການເລືອກຕັ້ງກຳມະການສະມາກອງທຶນເພີ່ມເຕີມ, ຮັບຟັງລາຍງານໝາກຜົນການເຄື່ອນໄຫວປີ 2020 ແລະ ທິດທາງ, ໜ້າທີ ປີ 2021, ບົດລາຍງານທາງການເງິນ ປີ 2020, ບົດລາຍງານຂອງ ຄະນະກວດກາ, ກອງປະຊຸມໄດ້ເຫັນດີເປັນເອກະພາບເພີ່ມເຕີມກຳມະການສະພາກອງທຶນສັນຕິພາບ ແລະ ພັດທະນາອາຍຸການ 2019 – 2024. |
 | ເສດຖະກິດຫວຽດນາມ ຍັງຄົງໄດ້ຮັບການຄາດຄະເນວ່າ ຈະບັນລຸການເຕີບໂຕສູງ ແລະ ຫວຽດນາມ ສືບຕໍ່ແມ່ນຈຸດເດັ່ນຂອງເສດຖະກິດໂລກປີ 2021 ຍສໝ - ດ້ວຍບັນດາຜົນງານທີ່ບັນລຸໄດ້ໃນປີ 2020 ພ້ອມກັບບັນດາການຕີລາຄາຢ່າງມີວິທະຍາສາດ, ພາວະວິໄສກ່ຽວກັບແງ່ຫວັງເສດຖະກິດ ສັງຄົມ ກໍ່ຄື ຖານະບົດບາດຂອງຫວຽດນາມ ນັບມື້ນັບໄດ້ຮັບການປັບປຸງ, ຍົກສູງຂຶ້ນໃນເວທີ ສາກົນ. |
kpl.gov.la
