 |
| ກອງປະຊຸມສະພາກອງທຶນຄັ້ງທີ IV ອາຍຸການ 2019 – 2024 |
ອາທິດຜ່ານມາ, ຢູ່ຮ່າໂນ້ຍ, ກອງທຶນສັນຕິພາບ ແລະ ພັດທະນາຫວຽດນາມ ໄດ້ຈັດຕັ້ງກອງປະຊຸມສະພາກອງທຶນຄັ້ງທີ IV ອາຍຸການ 2019 – 2024. ທີ່ກອງປະຊຸມ, ສະພາກອງທຶນໄດ້ເພີ່ມເຕີ່ມກຳມະການ 2 ຄົນ.
ເຂົ້າຮ່ວມກອງປະຊຸມມີທ່ານ ຮ່າຮຸ່ງເກືອງ, ອະດີດລັດຖະມົນຕີກະຊວງຍຸດຕິທຳ, ປະທານສະພາກອງທຶນສັນຕິພາບ ແລະ ພັດທະນາຫວຽດນາມ, ບັນດາຮອງປະທານ ແລະ ສະມາຊິກສະພາກອງທຶນ.
ທີ່ກອງປະຊຸມ, ບັນດາຜູ້ແທນເຂົ້າຮ່ວມການເລືອກຕັ້ງກຳມະການສະມາກອງທຶນເພີ່ມເຕີມ, ຮັບຟັງລາຍງານໝາກຜົນການເຄື່ອນໄຫວປີ 2020 ແລະ ທິດທາງ, ໜ້າທີ ປີ 2021, ບົດລາຍງານທາງການເງິນ ປີ 2020, ບົດລາຍງານຂອງ ຄະນະກວດກາ, ກອງປະຊຸມໄດ້ເຫັນດີເປັນເອກະພາບເພີ່ມເຕີມກຳມະການສະພາກອງທຶນສັນຕິພາບ ແລະ ພັດທະນາອາຍຸການ 2019 – 2024.
ຕາມບົດລາຍງານສະຫຼຸບປີ 2020, ມີ ການເຄື່ອນໄຫວຫຼາຍຢ່າງຂອງກອງທຶນຖືກຕັດຂາດ, ໂຈະໄວ້ ຫຼືຍົກເລິກ, ປັບປຸງຍ້ອນໂລກລະບາດໂຄວິດ - 19 ກໍ່ຂຶ້ນ, ກໍ່ຜົນທະທ້ອນຢ່າງໜັກໜ່ວງຕໍ່ແຜນການທີ່ວາງອອກ, ບັນດາການເຄື່ອນໄຫວແລກປ່ຽນຄະນະຜູ້ແທນ. ກອງປະຊຸມສຳມະນາສາກົນ ເກືອບທັງໝົດບໍ່ສາມາດປະຕິບັດໄດ້. ເຖິງຢ່າງໃດກໍ່ຕາມ, ກອງທອນໄດ້ປັບປຸງແຜນການໃຫ້ເໝາະສົມກັບສະພາບການຕົວຈິງ, ບັນດາການເຄື່ອນໄຫວຂອງກອງທຶນໄດ້ຜັນຂະຫຍາຍລ້ວນແຕ່ບັນລຸໝາກຜົນດີ.
ການເຄື່ອນໄຫວທາງການທູດ ໄດ້ຜັນຂະຫຍາຍຢ່າງມີປະສິດທິຜົນຢ່າງຖືກຕ້ອງຕາມແນວທາງ, ນະໂຍບາຍຂອງ ພັກ ແລະ ກົດໝາຍຂອງ ລັດ, ຍາດແຍ້ງໄດ້ຄວາມເຫັນດີເຫັນພ້ອມ, ຄວາມສາມັກຄີ, ການສະໜັບສະໜູນຂອງປະຊາຊົນຕໍ່ຫວຽດນາມ, ຕັ້ງໜ້າເຂົ້າຮ່ວມການປະກອບຜົນປະໂຫຍດແຫ່ງຊາດ, ຍົກສູງທີ່ຕັ້ງບົດບາດຂອງ ຫວຽດນາມໃນບັນດາເວທີປາໄສປະຊາຊົນໃນພາກພື້ນ ແລະ ສາກົນ.
ກອງທຶນໄດ້ມີບັນດາການປະກອບສ່ວນຢ່າງຕັ້ງໜ້າເຂົ້າວຽກງານປະສານງານ, ສົມທົບກັບບັນດາອົງການປະຊາຊົນ ຫວຽດນາມເຂົ້າຮ່ວມບັນດາເວທີປາໄສດ ກົນໄກປະຊາຊົນຫຼາຍຝ່າຍພິເສດແມ່ນເວທີປາໄສປະຊາຊົນ ອາຊຽນ 2020 ໄດ້ຈັດຕັ້ງຢູ່ຫວຽດນາມ. ຄຽງຄູ່ກັນນັ້ນ, ກອງທຶນຍັງເປັນເຈົ້າການເຂົ້າຮ່ວມ ແລະ ມີການປະກອບສ່ວນຢ່າງໜັ້າ ໃຫ້ແກ່ບັນດາກົນໄກ, ເວທີປາໄສຄືເວທີປາໄສປະຊາຊົ ອາຊີ - ເອີລົບ, ຈາກນັ້ນປະກອບສ່ວນເຂົ້າການປົກປັກຮັກສາ ແລະ ຍົກສູງພາບພົດ, ຜົນປະໂຫຍດຂອງ ຫວຽດນາມໃນບັນດາບັນຫາອະທິປະໄຕ, ຜືນແຜ່ນດິນ, ປະຊາທິປະໄຕ ກໍ່ຄືປະກອບສ່ວນເຂົ້າການປ້ອງກັນຮັກສາສັນຕິພາບ, ສະຖຽນລະພາບ, ຄວາມສະເໝີພາບ, ປະຊາທິປະໄຕໃນພາກພື້ນ ແລະ ສາກົນ.
 | ແຟນລັງ ໄດ້ສະຫງວນເງິນກ່ວາ 100 ລ້ານ USD ເພື່ອໜູນຊ່ວຍບັນດາໂຄງການລົງທຶນສາທາລະນະຢູ່ຫວຽດນາມ ຍສໝ - ກ່າວຄຳເຫັນທີ່ພິທີ, ທ່ານ Kari Kahiluoto ເອກອັກຄະລັດຖະທູດ ແຟນລັງປະຈຳ ຫວຽດນາມ ໃຫ້ຮູ້ວ່າ ພິທີລົງນາມສັນຍາແມ່ ໄດ້ດຳເນີນໃນວັນທີ 21 ມັງກອນ. ທ່ານ Kari Kahiluoto ແລະ ທ່ານ ເຈິ່ນຊວັນຮ່າ ຮອງລັດຖະມົນຕີກະຊວງການເງິນຫວຽດນາມ ໄດ້ຮັບການມອບສິດລົງນາມສັນຍາຈາກລັດຖະບານສອງປະເທດ. |
 | UNDP ຍົກອອກບຸລິມະສິດໃນການເຄື່ອນໄຫວພັດທະນາໄລຍະ 2021 – 2025 ໃຫ້ແກ່ພາກພື້ນອາຊີ - ປາຊີຟິກ ຍສໝ - ໂຄງການພັດທະນາຂອງສປຊ ໃຫ້ຄຳໝັ້ນສັນຍາສືບຕໍ່ໜູນຊ່ວຍບັນດາປະເທດໃນພາກພື້ນອາຊີ - ປາຊີຟິກໃນການແກ້ໄຂຜົນຮ້າຍຢ້ອນຫຼັງຈາກໂລກລະບາດໂຄວິດ - 19 ແລະ ປະຕິບັດບັນດາເປົ້າໝາຍພັດທະນາແບບຍືນຍົງ. |
 | ນັກຮຽນຮູ້ ສິງກະໂປ ມີຄວາມປະທັບໃຈຕໍ່ບັນດາຜົນງານຂອງ ຫວຽດນາມ ຍສໝ - ທ່ານຮອງສາດສະດາຈານ Bilveer Singh ສັງກັດມະຫາວິທະຍາໄລ ແຫ່ງຊາດ ສິງກະໂປ ໄດ້ຕີລາຄາ ກ່ຽວກັບການພັດທະນາ, ທີ່ຕັ້ງບົດບາດຂອງ ຫວຽດນາມໃນ 5 ປີຜ່ານມາ ແລະ ບັນດາສິ່ງທ້າທາຍໃນໄລຍະຈະມາເຖິງ. |
ບຸນຄົງ
