 |
| ທ່ານ ເອກອັກຄະລັດຖະທູດ ດັ້ງດິ່ງກຸ໊ຍ ຫົວໜ້າຄະນະຜູ້ແທນຫວຽດນາມ ປະຈຳ ສປຊ (ພາບ: TTXVN) |
ເຫດການມີການເຂົ້າຮ່ວມຂອງພໍ່ແມ່ປະຊາຊົນຊາວຫວຽດນາມ, ພະນັກງງານ, ນັກຮຽນ, ນັກສຶກສາຫວຽດນາມ ກ່ວາ 100 ຄົນ ພ້ອມກັບເພື່ອນມິດສາກົນ ທີ່ພວມດຳລົງຊີວິດ, ອອກແຮງງານ, ຮ່ຳຮຽນຢູ່ຫຼາຍບ່ອນໃນປະເທດອາເມລິກາ, ເປັນຕົ້ນແມ່ນ ນິວຢອກ ແລະ ເຂດໃກ້ຄຽງ.
ກ່າວຄຳເຫັນທີ່ການພົວປະ ຈາກຮ່າໂນ້ຍ ພາຍຫຼັງເຂົ້າຮ່ວມກອງປະຊຸມໃຫຍ່ຄັ້ງທີ 13 ຂອງພັກ ທີ່ຫາກໍ່ອັດລົງ, ທ່ານ ເອກອັກຄະລັດຖະທູດ ດັ້ງດິ່ງກຸ໊ຍ ຫົວໜ້າຄະນະຜູ້ແທນຫວຽດນາມ ປະຈຳ ສປຊ ໄດ້ແຈ້ງໃຫ້ຊາວຫວຽດນາມ ອາໄສຢູ່ອາເມລິກາຮັບຊາບກ່ຽວກັບໝາກຜົນຂອງກອງປະຊຸມໃຫຍ່ກ່ຽວກັບສຸຂະພາບ ຂອງທ່ານເລຂາທິການໃຫຍ່ ເພື່ອໃຫ້ພໍ່ແມ່ປະຊາຊົນອຸ່ນອ່ຽນໃຈ, ກໍ່ຄືສະພາບການພາຍໃນປະເທດໃນປີ 2020 ທີ່ຜ່ານມາ.
ທ່ານເອກອັກຄະລັດຖະທູດ ດັ້ງດຸ່ງກຸ໊ຍ ກໍ່ໄດ້ແຈ້ງໃຫ້ພໍ່ແມ່ປະຊາຊົນຮັບຊາບສະພາບການຕ້ານໂລກລະບາດໂຄວິດ - 19 ຢູ່ຫວຽດນາມ ກໍ່ຄືຄຳໝັ້ນສັນຍາຂອງລັດຖະບານຈະຄວບຄຸມໂລກລະບາດໄດ້ເປັນຢ່າງດີ ເພື່ອໃຫ້ພໍ່ແມ່ປະຊາຊົນພາຍໃນປະເທດອຸ່ນອ່ຽນໃຈຕ້ອນຮັບບຸນເຕັດສະລຸ.
ທ່ານເອກອັກຄະລັດຖະທູດ ດັ້ງດຸ່ງກຸ໊ຍ ກໍ່ໄດ້ແບ່ງບັນຂໍ້ມູນທີ່ວ່າ ຫວຽດນາມໄດ້ປະຕິບັດສຳເລັດເປົ້າໝາຍຄວບຄູ່ໃນປີ 2020: ທັງພັດທະນາເສດຖະກິດ ແລະ ທັງຄວບຄຸມໄດ້ໂລກລະບາດໂຄວິດ - 19.
ຕາມທ່ານເອກອັກຄະລັດຖະທູດແລ້ວ, ໃນສະພາບການປະສົບກັບສິ່ງທ້າທາຍຫຼາຍຢ່າງ, ຫວຽດນາມ ໄດ້ປະຕິບັດສຳເລັດບົດບາດເປັນປະທານອາຊຽນ ແລະ ບົດບາດເປັນກຳມະການບໍ່ປະຈຳການຂອງສະພາຄວາມໝັ້ນຄົງ ສປຊ, ພ້ອມທັງສ້າງສະຖຽນລະພາບດ້ານການເມືອງ ແລະ ສັງຄົມ.
ທ່ານເອກອັກຄະລັດຖະທູດ ດັ້ງດິ່ງກຸ໊ຍ ໄດ້ສະແດງຄວາມຂອບອົກຂອບໃຈຢ່າງສົມກຽມ ແລະ ຕີລາຄາສູງບັນດາການປະກອບສ່ວນອັນລ້ຳຄ່າຂອງພໍ່ແມ່ປະຊາຊົນຕໍ່ບ້ານເກີດເມືອງນອນ, ປະເທດຊາດ, ຫວັງວ່າ ພໍ່ແມ່ປະຊາຊົນຍາມໃດກໍ່ຮັກສານ້ຳໃຈສະໜິດຕິດພັນກັບບ້ານເກີດເມືອງນອນຫວຽດນາມ ແລະ ປະກອບສ່ວນເຂົ້າການພັດທະນາ ແລະ ການພົວພັນທາງການທູດທີ່ເລິກເຊິ່ງກວ້າງຂວາງຂອງປະເທດຊາດ.
ທ່ານສະແດງຄວາມຫວັງວ່າ ໂລກຈະຜ່ານຜ່າໂລກລະບາດໂຄວິດ - 19 ໃນປີນີ້ ແລະ ຫວຽດນາມ ຈະມີວັກຊິນກັນພະຍາດໂຄວິດ - 19 ໃຫ້ແກ່ປະຊາຊົນໃນລະດູຮ້ອນຈະມາເຖິງໂດຍໄວ.
 | ຊາວຫວຽດນາມອາໄສຢູ່ຕ່າງປະເທດ ຢູ່ນະຄອນໂຮ່ຈີມິນຕັ້ງໜ້າເຂົ້າຮ່ວມການສ້າງສາປະເທດຊາດ ຍສໝ - ທ່ານ ດັ້ງມິງຄອຍ ຮອງລັດຖະມົນຕີ ການຕ່າງປະເທດຫວຽດນາມ ໄດ້ຕີລາຄາສູງຄວາມມານະພະຍາຍາມຂອງຊາວຫວຽດນາມອາໄສຢູ່ຕ່າງປະເທດ ໃນຊຸມປີຜ່ານມາ ເຊິ່ງໄດ້ປະກອບສ່ວນຢ່າງຕັ້ງໜ້າເຂົ້າການພັດທະນາເສດຖະກິດ - ສັງຄົມຂອງປະເທດເວົ້າລວມ ແລະ ນະຄອນ ໂຮ່ຈີມິນເວົ້າສະເພາະ. |
 | ຊາວຫວຽດນາມ ອາໄສຢູ່ຕ່າງປະເທດມີຄວາມເຊື່ອໝັ້ນຕໍ່ຜົນສຳເລັດຂອງ ກອງປະຊຸມໃຫຍ່ຄັ້ງທີ 13 ຂອງພັກກອມມູນິດ ຫວຽດນາມ ທ່ານ ດ່າວດ້າຍຫ໋າຍ, ຮອງປະທານສະມາຄົມຊາວຫວຽດນາມ ອາໄສຢູ່ ນະຄອນ Saint.Peterbury ສະຫະພັນ ລັດເຊຍ ຖືວ່າ ກອງປະຊຸມໃຫຍ່ຄັ້ງທີ 13 ຂອງພັກແມ່ນເຫດການການເມືອງທີ່ສຳຄັນຍິ່ງ, ມີຄວາມໝາຍດ້ານປະຫວັດສາດ, ສ້າງຂີດໝາຍບາດກ້າວພັດທະນາໃໝ່ຂອງປະເທດຊາດ. |
 | ປະຊາຄົມຊາວຫວຽດນາມ ອາໄສຢູ່ການາດາຕ້ອນຮັບບຸນເຕັດ ປີສະລຸ ທາງອອນລາຍ ຍສໝ - ສະຖານທູດຫວຽດນາມປະຈຳການາດາໄດ້ສົມທົບກັບສະມາຄົມ ການາດາ - ຫວຽດນາມ (CVS) ຈັດຕັ້ງເຫດການທາງອອນລາຍ “ບຸນເຕັດຫວຽດນາມ: ປະຊາຄົມເຂັ້ມແຂງ ແລະ ອົງອາດກ້າແກ່ນ”. |
ບຸນຄົງ
