 |
| ພາບປະກອບ |
ໃນຕອນເຊົ້າວັນທີ 26 ທັນວາ 2020, ພາຍຫຼັງການຄັດເລືອກ, ອາສາສະໝັກ 3 ຄົນທໍາອິດໄດ້ທົດລອງສັກວັກຊິນ Nano Covax ດ້ວຍປະລິມານ 50mcg. ນີ້ແມ່ນໄລຍະ 1b ໃນວິວັດການທົດລອງ Nano Covax ກັນໂຄວິດ-19 ຢູ່ທີ່ວິທະຍາຄານການແພດ. 3 ຄົນທີ່ໄດ້ສັກວັກຊິນໃນວັນທີ 17 ທັນວາ ແລະ 17 ຄົນທີ່ໄດ້ສັກວັກຊິນໃນວັນທີ 22 ທັນວານັ້ນລ້ວນແຕ່ໄດ້ກັບຄືນສູ່ທ້ອງຖິ່ນເພື່ອສືບຕໍ່ຕິດຕາມອາການສຸຂະພາບຕື່ມອີກ. ໝາກຜົນຈາກຜູ້ສັກວັກຊິນດ້ວຍປະລິມານ 25mcg ໄດ້ຊີ້ໃຫ້ເຫັນວ່າ, ການນໍາໃຊ້ວັກຊິນດ້ວຍປະລິມານ 50mcg ກໍຈະຮັບປະກັນຄວາມປອດໄພ. ອາສາສະໝັກທຸກຄົນຮູ້ສຶກສະບາຍໃຈເມື່ອສັກວັກຊິນໃນຄັ້ງນີ້. ຄາດວ່າ, ວັນທີ 30 ທັນວາ 2020, ວິທະຍາຄານການແພດ ຈະສືບຕໍ່ທົດລອງສັກວັກຊິນ Nano Covax ດ້ວຍປະລິມານ 50mcg ໃຫ້ 17 ຄົນຕື່ມອີກ.
ກ່ຽວຂ້ອງເຖິງວັກຊິນກັນໂຄວິດ-19 "made in Vietnam", ທ່ານ ຫງວຽນແທັງລອງ ລັດຖະມົນຕີກະຊວງສາທາລະນະສຸກຫວຽດນາມ ໃຫ້ຮູ້ວ່າ, ຄາດວ່າວັນທີ 1 ມີນາ 2021, ວັກຊິນ 2 ຊະນິດຂອງຫວຽດນາມ ນັ້ນແມ່ນ Ivac ແລະ Vabiotech ທີ່ຄົ້ນຄວ້າ ແລະຜະລິດນັ້ນ ຈະດໍາເນີນການສັກທົດລອງຢູ່ພາກເໜືອ, ພາກກາງ ແລະພາກໃຕ້.
ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ, ຫົວໜ້າຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ - 19 ໃຫ້ຮູ້ວ່າ, ພາຍຫຼັງເກືອບ 1 ປີ, ທຸກກຳລັງໄດ້ເຂົ້າຮ່ວມບັ້ນປ້ອງກັນ, ສະກັດກັ້ນໂລກລະບາດ, ຫວຽດນາມ ບັນລຸໄດ້ຜົນງານເບື້ອງຕົ້ນໃນການປ້ອງກັນ, ສະກັດກັ້ນ. ເຖິງຢ່າງໃດກໍຕາມ, ດ້ວຍລະດັບການແຜ່ລະບາດຢ່າງໄວວາຂອງໂລກລະບາດ ໂຄວິດ - 19 ຢູ່ຫຼາຍປະເທດໃນໂລກ, ພິເສດແມ່ນປະກົດມີສາຍພັນໃໝ່ຂອງເຊື້ອໄວຣັດນັ້ນ, ທ່ານຮອງນາຍົກລັດຖະມົນຕີ ຮຽກຮ້ອງໃຫ້ຕັດສິນໃຈຮັກສາໝາກຜົນການປ້ອງກັນ, ສະກັດກັ້ນໂລກລະບາດໃຫ້ໄດ້ເພື່ອໃຫ້ປະຊາຊົນຕ້ອນຮັບບຸນປີໃໝ່ດ້ວຍຄວາມປອດໄພ, ອົບອຸ່ນ ແລະ ເບີກບານມ່ວນຊື່ນ.
ໄລ່ຮອດວັນທີ 26 ທັນວາ 2020, ຫວຽດນາມ ຢັ້ງຢືນມີຜູ້ຕິດເຊື້ອໂຄວິດ - 19 ໃໝ່ຕື່ມອີກ 1 ຄົນ, ເຊິ່ງເປັນຄົນເຂົ້າເມືອງຢ່າງຜິດກົດໝາຍ ແລະ ໄດ້ແຍກຕົວຢູ່ ຫວິງລອງ ໃນທັນທີ. ໄລ່ຮອດປັດຈຸບັນ, ຫວຽດນາມ ໄດ້ຢັ້ງຢືນມີຜູ້ຕິດເຊື້ອໂຄວິດ - 19 ທັງໝົດ 1.440 ຄົນ.
 | ສະພາແຫ່ງຊາດ ຮັບຮອງເອົາບົດລາຍງານການເຄື່ອນໄຫວວຽກງານ ປີ 2020 ແລະ ທິດທາງແຜນການ ປີ 2021 ຂອງອົງການກວດສອບແຫ່ງລັດ ໃນວາລະດຳເນີນ ກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ VIII ໃນວັນທີ 6 ພະຈິກ 2020 ໂດຍການເປັນປະທານຂອງ ທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ, ບັນດາສະມາຊິກສະພາແຫ່ງຊາດ (ສສຊ) ໄດ້ສຸມໃສ່ປະກອບ ຄຳຄິດຄຳເຫັນ ໃສ່ບົດລາຍງານ ການເຄື່ອນໄຫວວຽກງານ ປະຈຳປີ 2020 ແລະ ທິດທາງແຜນການ ... |
 | ສະເທືອນໃຈຕໍ່ສາຍຈິດມິດຂອງນັກສຶກສາລາວ ທີ່ຮ່ວມແຮງຮ່ວມໃຈຊ່ວຍເຫຼືອ ພາກກາງ ຫຼັງຈາກນໍ້າຖ້ວມຖອຍລົງ, ນັກສຶກສາລາວໄດ້ຊວນກັນໄປສະຖານທີ່ທີ່ຢູ່ອາໄສຂອງປະຊາຊົນພາກກາງທີ່ຖືກເຄາະຮ້າຍຈາກໄພທໍາມະຊາດ ເພື່ອພ້ອມກັນເກັບມ້ຽນ, ທໍາຄວາມສະອາດ ແລະສະໜັບສະໜູນທຸກໆຄົນບັນດາໜ້າວຽກທີ່ສາມາດເຮັດໄດ້. |
 | ການຄາດຄະເນຂອງປະເທດລາວກ່ຽວກັບການຟື້ນຕົວ ແລະ ການເຕີບໂຕຂອງເສດຖະກິດໃນປີ 2021 ຈະຢູ່ທີ່ 4,8% ກອງທຶນການເງິນສາກົນ (IMF) ຄາດຄະເນວ່າການຂະຫຍາຍຕົວຂອງເສດຖະກິດລາວຈະບັນລຸພຽງແຕ່ 0,2% ໃນປີນີ້, ເຊິ່ງຕໍ່າກ່ວາການຄາດຄະເນທີ່ໄດ້ວາງອອກໃນ ເດືອນມິຖຸນາ ແມ່ນ 0.7%. |
ໄຊພອນ
