 |
| ພິທີມອບ - ຮັບເຂົ້າສານ (ພາບ: baomoi.com) |
ວັນທີ 4 ທັນວາທີ່ຜ່ານມາ, ຢູ່ດ່ານຊາຍແດນສາກົນ ເກົ່າແຈວ, ແຂວງ ຮ່າຕິງ, ຫວຽດນາມ ໂດຍໄດ້ຮັບອະນຸຍາດຈາກກອງບັນຊາການທະຫານຊາຍແດນຫວຽດນາມ, ກອງບັນຊາການກອງທັບຮ່າຕິງໄດ້ຈັດພິທີມອບເຂົ້າສານ 75 ໂຕນ ໃຫ້ກົມປ້ອງກັນຊາຍແດນ, ກົມໃຫຍ່ເສນາທິການກອງທັບປະຊາຊົນ ລາວ ; ກົມໃຫຍ່ຕຳຫຼວດ, ກົມໃຫຍ່ຄວາມໝັ້ນຄົງ, ກະຊວງປ້ອງກັນຄວາມສະຫງົບລາວ ເພື່ອແກ້ໄຂຜົນຮ້າຍຢ້ອນຫຼັງຈາກຝົກຕົກນ້ຳຖ້ວມ.
ໃນໄລຍະທີ່ຜ່ານມາ, ສະພາບການຝົນຕົກນໍ້າຖ້ວມໄດ້ສ້າງຄວາມເສຍຫາຍຢ່າງໜັກໜ່ວງຢູ່ບັນດາແຂວງຢູ່ເຂດພາກກາງ ແລະ ພາກໃຕ້ຂອງລາວ, ເຮັດໃຫ້ຊີວິດການເປັນຢູ່ຂອງປະຊາຊົນກໍ່ຄືກຳລັງທີ່ມີໜ້າທີ່ຮັບຜິດຊອບໃນການຄຸ້ມຄອງ ແລະ ປົກປັກຮັກສາຊາຍ ແດນປະສົບກັບຄວາມຫຍຸ້ງຍາກຫຼາຍຢ່າງ.
ເພື່ອແບ່ງປັນຄວາມຫຍຸ້ງຍາກກັບບັນດາ ກຳລັງຄຸ້ມຄອງ ແລະ ປົກປັກຮັກສາຊາຍແດນ, ໜູນຊ່ວຍປະຊາຊົນລາວຜ່ານຜ່າຄວາມຫຍຸ້ງຍາກ, ກອງບັນຊາການທະຫານຊາຍແດນຫວຽດນາມໄດ້ມອບເຂົ້າສານ 75 ໂຕນທີ່ມີ ມູນຄ່າ 1,5 ຕື້ດົ່ງ ໃຫ້ກົມປ້ອງກັນ, ກົມໃຫຍ່ເສນາທິການກອງທັບປະຊາຊົນລາວ; ກົມໃຫຍ່ຕຳຫຼວດ, ກົມປ້ອງກັນຄວາມໝັ້ນຄົງ, ກະຊວງປ້ອງກັນຄວາມສະຫງົບລາວ.
ທີ່ພິທີ, ມີຜູ້ຕາງໜ້າບັນດາຫົວໜ້າກົມປ້ອງກັນ, ກົມໃຫຍ່ເສນາທິການກອງທັບປະຊາຊົນລາວ; ກົມໃຫຍ່ຕຳຫຼວດ, ກົມໃຫຍ່ເສນາທິການ, ກະຊວງປ້ອງກັນຄວາມສະຫງົບລາວໄດ້ສະແດງຄວາມຂອບອົກຂອບໃຈຢ່າງຈິງໃຈຕໍ່ຄວາມເອົາໃຈໃສ່ ແລະ ການຊ່ວຍເຫຼືອຈາກກອງບັນຊາການທະຫານຊາຍແດນ ຫວຽດນາມ ເວົ້າລວມ ແລະ ກຳລັງປ້ອງກັນຊາຍແດນ ຮ່າຕິງ ເວົ້າສະເພາະ ໃນການສະໜັບສະໜູນ ແລະ ຊ່ວຍເຫຼືອກຳລັງທະຫານທີ່ມີໜ້າທີ່ຮັບຜິດຊອບແລະ ປະຊາຊົນລາວເພື່ອແກ້ໄຂຜົນຮ້າຍຢ້ອນຫຼັງຈາກໄພທຳມະຊາດ ແລະ ການການປ້ອງກັນ, ສະກັດກັ້ນໂລກລະບາດ Covid-19; ພ້ອມດຽວກັນນີ້ກໍ່ປາດຖະ ໜາ ວ່າສອງຝ່າຍສືບຕໍ່ສ້າງເງື່ອນໄຂ ແລະ ຊ່ວຍເຫລືອເຊິ່ງກັນແລະກັນ ໃນການປະຕິບັດວຽກງານຂອງຕົນ, ປະກອບສ່ວນເຂົ້າໃນການຮັກສາຄວາມສະຫງົບທາງດ້ານການເມືອງ, ຄວາມເປັນລະບຽບຮຽບຮ້ອຍແລະຄວາມປອດໄພໃນເຂດຊາຍແດນ.
 | ສະໜັບສະໜູນເຂົ້າສານ 12 ໂຕນໃຫ້ແກ່ບັນດາກົງກອງທະຫານ, ຄວາມໝັ້ນຄົງລາວເພື່ອແກ້ໄຂຜົນຮ້າຍຢ້ອນຫຼັງຈາກພາຍຸນ້ຳຖ້ວມ ຍສໝ - ໃນຊຸມວັນທີ່ຜ່ານມາ, ບັນດາປ້ອມປ້ອງກັນຊາຍແດນ ແລະ ປະຊາຊົນບັນດາແຂວງຢູ່ຕາແສງເຂດຊາຍແດນຂອງ ແຂວງກ໋ວາງຈິໄດ້ໜູນຊ່ວຍໃຫ້ບັນດາກອງຮ້ອຍປ້ອງກັນເຂດຊາຍແດນ ແລະ ບັນດາກຸ່ມບ້າຍຢູ່ເຂດຊາຍແດນຂອງແຂວງສະຫວັນນາເຂດເຂົ້າສານກ່ວາ 30 ໂຕນ ແລະ ໝີ່ສຳເລັດຮູບນັບຮ້ອຍແກັດ. |
 | ປະຊາຊົນພາກກາງ ຫວຽດນາມໄດ້ຮັບການໜູນຊ່ວຍຈາກປະຊາຄົມສາກົນເພື່ອ ແກ້ໄຂຜົນຮ້າຍຢ້ອນຫລັງຈາກຝົນຕົກໜັກ, ນ້ຳຖ້ວມ ຍສໝ - ລັດຖະບານລາຊະອານາຈັກ ໂຮນລັງ ຈະໜູນຊ່ວຍແກ້ໄຂໄພພິບັດທຳມະຊາດໃຫ້ແກ່ຜູ້ປະສົບເຄາະຮ້າຍຈາກພະຍຸພັດເຂົ້າພາກກາງ ຫວຽດນາມ ໃນໄລຍະຜ່ານມາ ດ້ວຍມູນຄ່າ 2 ລ້ານເອີໂຣ. |
 | ສະມາຄົມຊາວຫວຽດນາມ ອາໄສຢູ່ເຊັກໂກອຸປະຖຳເງິນບໍລິຈາກສະໜັບສະໜູນໃຫ້ແກ່ພໍ່ແມ່ປະຊາຊົນເຂດພາກກາງ ຍສໝ - ເຖິງວ່າດຳລົງຊີວິດຢູ່ໃສກໍ່ຕາມ ແຕ່ຊາວຫວຽດນາມຍາມໃດກໍ່ເສີມຂະຫຍາຍມູນເຊື້ອຊ່ວຍເຫຼືອເຊິ່ງກັນແລະກັນ, ແບ່ງປັນຄວາມຫຍຸ້ງຍາກຕໍ່ຜູ້ປະສົບເຄາະຮ້າຍ. ໃນຊຸມວັນທີ່ຜ່ານມາ, ປະຊາຄົມຊາວຫວຽດນາມອາໄສຢູ່ເອີລົບ ມີບັນດາການເຄື່ອນໄຫວມຸ່ງໄປສູ່ພໍ່ແມ່ປະຊາຊົນເຂດພາກກາງເພື່ອແນໃສ່ແບ່ງປັນຄວາມຫຍຸ້ງຍາກ, ເສຍຫາຍຕໍ່ພໍ່ແມ່ປະຊາຊົນ. |
ບຸນຄົງ
