ຢູນີເທວ ເຊັນບົດບັນທຶກຄວາມເຂົ້າໃຈກ່ຽວກັບການບໍລິຫານລັດເອເລັກໂຕຣນິກ ຢູ່ນະຄອນຫລວງພະບາງ

	ຢູນີເທວ ສືບຕໍ່ອຸປະຖໍາວຽກງານ ຕ້ານການລະບາດ ຂອງພະຍາດໂຄວິດ-19 ຢູ່ລາວ ມູນຄ່າ 2,4 ຕື້ກີບ
	ທ່ານລັດຖະມົນຕີກະຊວງປ້ອງກັນປະເທດ ໂງຊວນລິກ ໄດ້ໄປຢ້ຽມຢາມກິດຈະການສະພາແຫ່ງຊາດ ແລະ ບໍລິສັດ Star Telecom ຫວຽດນາມ ຢູ່ລາວ

ພິທີເຊັນບົດບັນທຶກຄວາມເຂົ້າໃຈ ກ່ຽວກັບການບໍລິຫານລັດເອເລັກໂຕຣນິກ (ພາບ: Kpl)

ພິທີເຊັນບົດບັນທຶກຄວາມເຂົ້າໃຈ ກ່ຽວກັບການບໍລິຫານລັດເອເລັກໂຕຣນິກ,ຫັນເປັນດີຈີຕອນ ແລະ ສ້າງເມືອງທັນສະໄໝ ລະຫວ່າງ ນະຄອນພະບາງ ແລະ ບໍລິສັດ ສະຕາໂທລະຄົມ ຫລື ຢູນີເທວ ໄລຍະປີ 2020-2025 ໄດ້ຈັດຂຶ້ນໃນວັນທີ 3 ທັນວາ 2020 ຢູ່ແຂວງຫລວງພະບາງ ໂດຍສອງຝ່າຍຈະຮ່ວມມືກັນຈັດຕັ້ງປະຕິບັດເປົ້າໝາຍທົ່ວໄປ ເຊິ່ງປະກອບມີ: ຄົ້ນຄວ້າຈັດຕັ້ງປະຕິບັດ ທົດລອງລະບົບສູນກາງນະຄອນທັນສະໄໝ Camera ການຕິດຕາມອອນລາຍ, ລະບົບຕິດຕາມ ແລະ ຄຸ້ມຄອງພາຫະນະຂົນສົ່ງ; ສ້າງລະບົບຄຸ້ມຄອງເອກະສານເອເລັກໂຕຣນິກ, ລະບົບການປະຊຸມທາງວີດີໂອ; ລະບົບການຄຸ້ມຄອງໂຮງໝໍ, ປຶ້ມຕິດຕາມການກວດເອເລັກໂຕຣນິກ; ການຄຸ້ມຄອງໂຮງຮຽນທັນສະໄໝ, ປື້ມຕິດຕາມເອເລັກໂຕຣນິກ, SMS edu ແລະ ການຕິດຕາມນັກຮຽນ, ການຄົ້ນຄວ້າ ແລະ ເຕັກໂນໂລຊີອື່ນໆ ໃຫ້ກັບພະແນກການອ້ອມຂ້າງແຂວງ.

ທ່ານ ພົນຈັດຕະວາ ອຸລາຫາ ທອງວັນທາ ຮອງຜູ້ອຳນວຍການໃຫຍ່ບໍລິສັດ ສະຕາໂທລະຄົມ ໄດ້ຢືນຢັນວ່າ: ບໍລິສັດ Star Telecom ກັບເຄື່ອງໝາຍການຄ້າ Unitel ຈະປະສານສົມທົບກັບບັນດາອົງການ, ໜ່ວຍງານທີ່ກ່ຽວຂ້ອງ ຂອງນະຄອນຫລວງພະບາງ ດຳເນີນການສຳຫລວດ ສະຖານະພາບໃນຂົງເຂດທີ່ຕົວເມືອງມີຄວາມຕ້ອງການ; ສະເໜີທາງອອກໃນການຈັດຕັ້ງປະຕິບັດທົດລອງ, ແຜນທີ່ການຈັດຕັ້ງປະຕິບັດ, ເງື່ອນໄຂຮັບປະກັນ ສຳລັບບາງຂົງເຂດທີ່ຖືກເລືອກຈັດຕັ້ງປະຕິບັດທົດລອງ; ປະເມີນຜົນ, ຮຽນຮູ້ຈາກປະສົບການໃນການຈັດຕັ້ງປະຕິບັດທົດລອງ ແລະ ສືບຕໍ່ຄົ້ນຄວ້າ ຈັດຕັ້ງປະຕິບັດນຳໃຊ້ລັດຖະບານເອລັກໂຕຣນິກ, ຕົວເມືອງທັນສະໄໝ ສຳລັບຂົງເຂດທີ່ຍັງເຫລືອໃຫ້ເໝາະສົມຕາມຂໍ້ກຳນົດຂອງຕົວເມືອງ.

ທ່ານ ຈັນສຸກ ພັນໂດລັກ ເຈົ້າຄອງນະຄອນຫລວງພະບາງ ໄດ້ກ່າວວ່າ: ຫລວງພະບາງ ຈະຮ່ວມມືກັບ Unitel ໃນຂົງເຂດການສ້າງ ແລະ ພັດທະນານະຄອນຫລວງພະບາງ ໃຫ້ກາຍເປັນຕົວເມືອງທັນສະໄໝ; ກໍ່ສ້າງລັດຖະບານເອເລັກໂຕຣນິກ, ການປະຕິຮູບດ້ານການບໍລິຫານ, ການປົກຄອງດີຈີຕອນ; ແກ້ໄຂດ້ານເຕັກໂນໂລຊີຂໍ້ມູນຂ່າວສານ, ພື້ນຖານໂຄງລ່າງທາງໂທລະຄົມມະນາຄົມຮັບໃຊ້ໃຫ້ນະຄອນ, ນັກທຸລະກິດ ແລະ ປະຊາຊົນ; ພັດທະນາ ແລະ ສ້າງສູນລວມຂົງເຂດເຕັກໂນໂລຊີຂໍ້ມູນຂ່າວສານ. ໂດຍຈະສ້າງເງື່ອນໄຂ ອຳນວຍຄວາມສະດວກໃຫ້ Unitel ດຳເນີນການຄົ້ນຄວ້າ, ສຳຫລວດ, ວິເຄາະສະຖານະພາບວິຊາຊີບຂອງຂະແໜງສາຂາ, ອົງກອນ, ໜ່ວຍງານຕ່າງໆໃນນະຄອນຫລວງພະບາງ ແລະ ໃນຂໍ້ກຳນົດຂອບເຂດການຮ່ວມມື.

ຢູນີເທວ ສືບຕໍ່ອຸປະຖໍາວຽກງານ ຕ້ານການລະບາດ ຂອງພະຍາດໂຄວິດ-19 ຢູ່ລາວ ມູນຄ່າ 2,4 ຕື້ກີບ ທ່ານ ລີວ ແມ໋ງ ຮ່າ ກ່າວວ່າ: ວຽກງານການສືບຕໍ່ສະກັດກັ້ນປ້ອງກັນການແຜ່ລະບາດຂອງພະຍາດໂຄວິດ-19 ເປັນວຽກທີ່ສໍາຄັນ ແລະ ຈະຕ້ອງໄດ້ສືບຕໍ່ໃຫ້ການຊ່ວຍເຫລືອ ເພື່ອສົ່ງເສີມໃຫ້ແກ່ທຸກພາກສ່ວນໃນການປະຕິບັດວຽກງານດັ່ງກ່າວ.

ທ່ານລັດຖະມົນຕີກະຊວງປ້ອງກັນປະເທດ ໂງຊວນລິກ ໄດ້ໄປຢ້ຽມຢາມກິດຈະການສະພາແຫ່ງຊາດ ແລະ ບໍລິສັດ Star Telecom ຫວຽດນາມ ຢູ່ລາວ ຍສໝ - ເນື່ອງໃນໂອກາດຢ້ຽມຢາມ ແລະ ເຂົ້າຮ່ວມ ງານສະເຫຼີມສະຫຼອງວັນທະຫານອາສາສະໝັກ ແລະ ຊ່ຽວຊານຫວຽດນາມປະຕິບັດໜ້າທີ່ສາກົນຊ່ວຍເຫຼືອລາວ ຄົບຮອບ 70 ປີ, ຕອນບ່າຍວັນທີ 25 ທັນວາ, ກຳມະການກົມການເມືອງ, ລັດຖະມົນຕີກະຊວງປ້ອງກັນປະເທດ ໂງຊວນລິກ ພ້ອມດ້ວຍຄະນະວຽກງານຂອງກະຊວງປ້ອງກັນປະເທດ ໄດ້ລົງຢ້ຽມຢາມໂຄງການກໍ່ສ້າງເຮືອນຫໍສະພາແຫ່ງຊາດລາວແຫ່ງໃໝ່ - ເຊິ່ງເປັນຂອງຂວັນຈາກພັກ ແລະ ລັດ ຫວຽດນາມ ໃຫ້ແກ່ລາວ. ...

ສະເຫຼີມສະຫຼອງວັນປະກາດໃຊ້ເຄື່ອງໝາຍ ການຄ້າຢູນິເທວຄົບຮອບ 10 ປີ. ຍສໝ - ລັດຖະມົນຕີກະຊວງປ້ອງກັນປະເທດລາວ ຢືນຢັນວ່າ ໃນຖານະເປັນວິສາຫະກິດດ້ານໂທລະຄົມມະນາຄົມທີ່ໃຫຍ່ທີ່ສຸດໃນລາວ, Unitel ບໍ່ພຽງແຕ່ປະກອບສ່ວນຢ່າງຕັ້ງໜ້າໃຫ້ແກ່ເສດຖະກິດເທົ່ານັ້ນ ແຕ່ຍັງປະກອບສ່ວນສ້າງສັງຄົມທີ່ດີຂື້ນອີກດ້ວຍ.