 |
| ທ່ານເລຂາທິການໃຫຍ່ປະທານປະເທດ ຫວຽດນາມ ຫງວຽນຝູຈ້ອງໄດ້ໃຫ້ການຕ້ອນຮັບທ່ານ Konstantin Vasilievich Vnukov ເອກອັກຄະລັດຖະທູດລັດເຊຍ (ພາບ: TTXVN) |
ວັນທີ 3 ທັນວາ 2020, ຢູ່ຮ່າໂນ້ຍ, ທ່ານເລຂາທິການໃຫຍ່ປະທານປະເທດ ຫວຽດນາມ ຫງວຽນຝູຈ້ອງ ໄດ້ໃຫ້ການຕ້ອນຮັບທ່ານ Konstantin Vasilievich Vnukov ເອກອັກຄະລັດຖະທູດ ຜູ້ມີອຳນາດເຕັມແຫ່ງ ສະຫະພັນ ລັດເຊຍ ເຂົ້າຢ້ຽມອຳລາເນື່ອງໃນໂອກາດສິ້ນສຸດການປະຕິບັດງານທາງການທູດ ຢູ່ຫວຽດນາມ.
ທີ່ການຕ້ອນຮັບ, ທ່ານຫງຽນຝູຈ້ອງ ໄດ້ຕີລາຄາວ່າ ການພົວພັນລະຫວ່າງ ຫວຽດນາມ ແລະ ສະຫະພັນໂຊວຽດໃນເມື່ອກ່ອນ ແລະ ສະຫະພັນລັດເຊຍໃນປັດຈຸບັນແມ່ນການພົວພັນທີ່ເປັນມູນເຊື້ອ, ມິດຕະພາບທີ່ສວຍງາມ, ທ່ານກໍ່ສະແດງຄວາມຂອບອົກຂອບໃຈຕໍ່ການຊ່ວຍເຫຼືອເຊິ່ງລັດເຊຍໄດ້ສະຫງວນໃຫ້ແກ່ຫວຽດນາມໃນໄລຍະທີ່ຜ່ານມາ.
ທ່ານເລຂາທິການໃຫຍ່, ປະທານປະເທດ ຫວຽດນາມ ໄດ້ສະແດງຄວາມຊົບເຊີຍຕໍ່ເລື່ອງທ່ານເອກອັກຄະລັດຖະທູດ ໄດ້ປະຕິບັດສຳເລັດໜ້າທີ່ ໃນອາຍຸການປະຕິບັດງານຂອງຕົນເອງ, ທ່ານກໍ່ຕີລາຄາສູງບັນດາການປະກອບສ່ວນຢ່າງຕັ້ງໜ້າຂອງທ່ານ ເອກອັກຄະລັດຖະທູດໃນການປັບປຸງ ແລະເພີ່ມທະວີການພົວພັນຄູ່ຮ່ວມມືຍຸດທະສາດຢ່າງຮອບດ້ານລະຫວ່າງ ຫວຽດນາມ - ສະຫະພັນລັດເຊຍ, ທ່ານ ຫງວຽນຝູຈ້ອງຢັ້ງຢືນວ່າໃນນະໂຍບາຍສະເໜີຕົ້ນສະເໜີປາຍຂອງພັກ, ລັດ ຫວຽດນາມ ແມ່ນຖືເປັນສຳຄັນການປັບປຸງ ແລະ ເພີ່ມທະວີການພົວພັນກັບ ສະຫະພັນ ລັດເຊຍ, ຊຸກຍູ້ການຮ່ວມມືໃນທຸກຂົງເຂດ.
ທ່ານເລຂາທິການໃຫຍ່, ປະທານປະເທດ ຫງວຽນຝູຈ້ອງ ໄດ້ສະແດງຄວາມຊົມເຊີຍຕໍ່ການຮ່ວມມືເສດຖະກິດ ລະຫວ່າງ ສອງປະເທດ ບັນລຸໄດ້ບັນດາບາດກ້າວພັດທະນາຢ່າງຕັ້ງໜ້າໃນໄລຍະທີ່ຜ່ານມາ,ໃນການຮ່ວມມືດ້ານປ້ອງກັນຊາດ, ຄວາມໝັ້ນຄົງ ແລະ ການເຕັກນິດການທະຫານ, ການຮ່ວມມືພະລັງງານ, ນ້ຳມັນອາຍແກັດ ສືບຕໍ່ແມ່ນເສົາຄ້ຳສຳຄັນໃນການພົວພັນລະຫວ່າງ ສອງປະເທດ. ສອງຝ່າຍຄວນຕັ້ງໜ້າຜັນຂະຫຍາຍບັນດາຂໍ້ຕົກລົງທີ່ບັນລຸໄດ້ລະຫວ່າງການນຳຂັ້ນສູງສອງປະເທດ, ເພື່ອຜົນປະໂຫຍດຂອງ ຫວຽດນາມ ແລະ ສະຫະພັນລັດເຊຍ, ພ້ອມທັງປະກອບສ່ວນເຂົ້າການຮັກສາສັນຕິພາບ, ສະຖຽນລະພາບ ແລະ ພັດທະນາຢູ່ພາກພື້ນ ແລະ ໂລກ.
 | ທ່ານຮອງນາຍົກລັດຖະມົນຕີ ຫວຽດນາມ ຈິ້ງດິ່ງຢຸງ ມີການເຮັດວຽກກັບທ່ານຮອງນາຍົກລັດຖະມົນຕີ ສະຫະພັນລັດເຊຍ D.N. Chernushenko ຍສໝ - ຮອງນາຍົກລັດຖະມົນຕີສອງທ່ານໄດ້ໃຫ້ຂໍ້ສັງເກດວ່າ: ເຖິງວ່າໄດ້ຮັບຜົນກະທົບຫຼາຍພໍສົມຄວນຈາກໂລກລະບາດ ໂຄວິດ - 19 ກໍ່ຕາມ, ແຕ່ການແລກປ່ຽນການຄ້າສອງຝ່າຍລະຫວ່າງ ຫວຽດນາມ - ສະຫະພັນລັດເຊຍໃນ 9 ເດືອນຕົ້ນປີ 2020 ມີສັນຍານຟື້ນຟູຢ່າງຕັ້ງໜ້າ ແລະ ບັນລຸໄດ້ລະດັບ 4,1 ຕື້ USD (ເພີ່ມຂຶ້ນ 13%ເມື່ອທຽບໃສ່ໄລຍະດຽວກັນຂອງປີ 2019). |
 | ການໂອ້ລົມທາງໂທລະສັບລະຫວ່າງ ລັດຖະມົນຕີກະຊວງຕຳຫຼວດຫວຽດນາມ ແລະ ເລຂາສະພາຄວາມໝັ້ນຄົງ ສະຫະພັນ ລັດເຊຍ ຍສໝ - ໃນການໂອ້ລົມທາງໂທລະສັບ, ທ່ານລັດຖະມົນຕີ ໂຕເລິມ ຢັ້ງຢືນວ່າ ຫວຽດນາມ ຍາມໃດກໍຖືການປັບປຸງ ແລະ ເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານ ກັບ ສະຫະພັນ ລັດເຊຍ ເປັນສຳຄັນ. |
 | ຫວຽດນາມ ຈະຊຸກຍູ້ການຮ່ວມມືລະຫວ່າງລັດເຊຍ-ອາຊຽນ ຍສໝ - ໃນບົດຂຽນ “ບົດບາດ ແລະ ທີ່ຕັ້ງຂອງຫວຽດນາມ ໃນການຮ່ວມມືລະຫວ່າງລັດເຊຍ - ອາຊຽນ”, ທ່ານປະລິນຍາເອກ Ekaterina Koldunova ຖືວ່າ, ເມື່ອຫວຽດນາມ ຮັບດຳລົງຕຳແໜ່ງປະທານອາຊຽນ ໃນປີ 2020 ອາດຈະປະກົດມີບັນດາຂົງເຂດຮ່ວມມືລະຫວ່າງລັດເຊຍ ແລະ ອາຊຽນ. |
ບຸນຄົງ
