ສະພາແຫ່ງຊາດ ຮັບຮອງເອົາກົດໝາຍວ່າດ້ວຍການປັບປຸງ ບາງມາດຕາຂອງກົດໝາຍວ່າດ້ວຍການກວດສອບແຫ່ງລັດ

ໃນກອງປະຊຸມສະໄໝສາມັນ ເທື່ອທີ 10 ຂອງສະພາແຫ່ງຊາດ ຊຸດທີ VIII ໃນວັນທີ 13 ພະຈິກ 2020 ນີ້, ໂດຍການເປັນປະທານຂອງ ທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ, ບັນດາສະມາຊິກສະພາແຫ່ງຊາດ (ສສຊ) ໄດ້ພ້ອມກັນສຸມໃສ່ ປະກອບຄຳຄິດຄຳເຫັນໃສ່ກົດໝາຍ ວ່າດ້ວຍການປັບປຸງບາງມາດຕາ ຂອງກົດໝາຍວ່າດ້ວຍ ການກວດສອບແຫ່ງລັດ ທີ່ສະເໜີໂດຍ ທ່ານ ນາງ ວຽງທອງ ສີພັນດອນ ປະທານອົງການກວດສອບແຫ່ງລັດ, ເຊິ່ງໂດຍລວມແລ້ວແມ່ນເຫັນດີເປັນເອກະພາບ ຕາມການສະເໜີ ປັບປຸງບາງມາດຕາ ຂອງກົດໝາຍສະບັບນີ້ ແລະ ພ້ອມກັນລົງຄະແນນສຽງ ຮັບຮອງເອົາ ດ້ວຍຄະແນນສຽງເຫັນດີ ເປັນສ່ວນຫລາຍ.

	ສະເໜີປັບປຸງບາງມາດຕາ ຂອງກົດໝາຍວ່າດ້ວຍການກວດສອບແຫ່ງລັດ
	ກອງປະຊຸມສຸດຍອດຜູ້ນຳແມ່ຍິງ ອາຊຽນ

ສະພາແຫ ງຊາດ ຮ ບຮອງເອ າກ ດໝາຍວ າດ ວຍການປ ບປ ງ ບາງມາດຕາຂອງກ ດໝາຍວ າດ ວຍການກວດສອບແຫ ງລ ດ

ພາບປະກອບ

ທ່ານ ນາງ ວຽງທອງ ສີພັນດອນ ລາຍງານໃຫ້ຮູ້ວ່າ: ກົດໝາຍວ່າດ້ວຍການ ກວດສອບແຫ່ງລັດ ປະກອບມີ X ພາກ, 7 ໝວດ, 75 ມາດຕາ, ໃນນັ້ນ ສະເໜີປັບປຸງ 3 ມາດຕາ ຄື: ມາດຕາ 34 ກ່ຽວກັບປະທານ ອົງການກວດສອບແຫ່ງລັດ, ມາດຕາ 35 ກ່ຽວກັບສິດ ແລະ ໜ້າທີ່ຂອງປະທານອົງການກວດສອບແຫ່ງລັດ ແລະ ມາດຕາ 44 ກ່ຽວກັບມາດຕະຖານສະເພາະ ຂອງປະທານອົງການກວດສອບປະຈຳພາກ, ເຊິ່ງບໍ່ໄດ້ເຮັດໃຫ້ຈຳນວນ ພາກ, ໝວດ ແລະ ມາດຕາ ຂອງກົດໝາຍນີ້, ເພີ່ມຂຶ້ນ ຫລື ຫລຸດລົງ. ໃນນັ້ນ, ມາດຕາ 34 ໄດ້ ປັບປຸງວັກທີ 1 ໂດຍຕັດເນື້ອໃນ ຫລື ປະໂຫຍກ “ຫ້າປີການເລືອກຕັ້ງດັ່ງກ່າວ ຕ້ອງດໍາເນີນຢ່າງໄວໜຶ່ງປີ ຫລັງຈາກກອງປະຊຸມຄັ້ງປະຖົມມະລືກ ຂອງສະພາແຫ່ງຊາດ" ອອກ ແລະ ເພີ່ມເນື້ອໃນ “ເທົ່າກັບອາຍຸການ ຂອງສະພາແຫ່ງຊາດ ເຂົ້າແທນ; ປັບປຸງວັກທີ 2 ໂດຍໄດ້ຕັດເນື້ອໃນ ຫລື ປະໂຫຍກ “ສໍາລັບເງິນເດືອນ ແລະ ນະໂຍບາຍອື່ນ ຂອງປະທານອົງການ ກວດສອບແຫ່ງລັດ ໃຫ້ປະຕິບັດຕາມ ລະບຽບການທີ່ລັດວາງອອກ" ອອກ, ເຊິ່ງການປັບປຸງບາງ ເນື້ອໃນຂອງມາດຕາ 34 ກ່ຽວກັບການເລືອກຕັ້ງ ປະທານອົງການກວດສອບແຫ່ງລັດ ແມ່ນສອດຄ່ອງກັບມາດຕາ 57 ຂໍ້ 6 ຂອງກົດໝາຍວ່າດ້ວຍ ການປັບປຸງບາງມາດຕາ ຂອງກົດໝາຍ ວ່າດ້ວຍສະພາແຫ່ງຊາດ ແລະ ກົດໝາຍວ່າດ້ວຍສະພາ ປະຊາຊົນຂັ້ນແຂວງ ສະບັບເລກທີ 82/ສພຊ, ລົງວັນທີ 30 ມິຖຸນາ 2020 ແລະ ສອດຄ່ອງກັບນະໂຍບາຍເງິນເດືອນ ແລະ ນະໂຍບາຍອື່ນ ທີ່ລັດ ຖະບານ ໄດ້ກໍານົດໄວ້.

ສຳລັບ ມາດຕາ 35 ສິດ ແລະ ໜ້າທີ່ ຂອງປະທານອົງການກວດສອບແຫ່ງລັດ ໄດ້ປັບປຸງ ຂໍ້ 7 ໂດຍຕັດເນື້ອໃນ ຫລື ປະໂຫຍກ “ບົດສະຫລຸບຂາດຕົວງົບປະມານແຫ່ງລັດ ປະຈໍາປີ, ກອງປະຊຸມ” ອອກ ເພື່ອໃຫ້ອົງການກວດສອບແຫ່ງລັດ ສາມາດລາຍງານຜົນການ ກວດສອບ ຕໍ່ສະພາແຫ່ງຊາດ ໃນກໍລະນີທີ່ສະພາແຫ່ງຊາດ ບໍ່ໄດ້ເປີດກອງປະຊຸມສະພາແຫ່ງຊາດ ແລະ ອົງການກວດສອບແຫ່ງລັດ ສາມາດລາຍງານ ແຕ່ລະປະເພດຜົນການກວດສອບ ຕໍ່ສະພາແຫ່ງຊາດ; ປັບ ປຸງ ຂໍ້ 9 ໂດຍຕັດເນື້ອໃນຄໍາສັບ “ຝຶກອົບຮົມ, ລວມທັງ" ອອກ ເນື່ອງຈາກ ການໃສ່ຊື່ສະຖາບັນຝຶກອົມຮົມ ເຮັດໃຫ້ມີຂໍ້ຈໍາກັດ ໃນການພັດທະນາ ຊັບພະຍາກອນມະນຸດ ຫລື ພະນັກງານ-ບຸກຄະລາກອນ ຂອງອົງການກວດສອບແຫ່ງລັດ, ການກໍານົດວຸດທິ ການສຶກສາ. ສະນັ້ນ, ໃນຕໍ່ໜ້າອົງການ ກວດສອບແຫ່ງລັດ ຈະມີການປ່ຽນຊື່ ສະຖາບັນຝຶກອົບຮົມເປັນ ຊື່ອື່ນ ເພື່ອໃຫ້ສອດຄ່ອງກັບເງື່ອນໄຂ, ມາດຖານ ຫລື ລະບຽບການທີ່ກະຊວງສຶກສາທິການ ແລະ ກິລາ ວາງອອກ; ປັບປຸງ ຂໍ້ 10 ໂດຍຕັດເນື້ອໃນຄໍາສັບ “ຄະນະປະຈໍາ” ອອກ ແລະ ເພີ່ມເນື້ອໃນຄໍາສັບ “ແລະ ຫ້າປີ" ເຂົ້າແທນ ເພື່ອເຮັດໃຫ້ການສ້າງ ແລະ ການຈັດຕັ້ງປະຕິບັດແຜນການ ເຄື່ອນໄຫວວຽກງານ ກວດສອບແຫ່ງລັດ ສອດຄ່ອງກັບກົດໝາຍ, ມະຕິເລກທີ 82/ຄປຈ ຂອງຄະນະປະຈໍາສະພາແຫ່ງຊາດ ວ່າດ້ວຍການຮັບຮອງ ເອົາວິໄສທັດຮອດປີ 2030, ຍຸດທະສາດ ການພັດທະນາຮອດປີ 2025, ແຜນພັດທະນາ ຂອງອົງການກວດສອບແຫ່ງລັດ ຮອດປີ 2021 ແລະ ສອດຄ່ອງກັບແຜນພັດທະນາ ເສດຖະກິດ-ສັງຄົມ, ແຜນງົບປະມານແຫ່ງລັດ, ນະໂຍບາຍເງິນຕາໃນໄລຍະສັ້ນ, ໄລຍະກາງ, ໄລຍະຍາວຂອງລັດຖະບານ ແລະ ສອດຄ່ອງກັບມາດຕາ 57 ຂໍ້ 13 ຂອງກົດໝາຍວ່າດ້ວຍ ການປັບປຸງບາງມາດຕາ ຂອງກົດໝາຍວ່າດ້ວຍ ສະພາແຫ່ງຊາດ ແລະ ກົດໝາຍວ່າດ້ວຍສະພາປະຊາຊົນຂັ້ນແຂວງ; ຮັບປະກັນໃຫ້ແກ່ວຽກງານ ຕິດຕາມກວດກາ ຂອງສະພາແຫ່ງຊາດ ແລະ ສາມາດສະຫລຸບ, ລາຍງານການເຄື່ອນໄຫວວຽກງານຕໍ່ກອງປະ ຊຸມສະພາແຫ່ງຊາດ ໃນເວລາທີ່ສະພາແຫ່ງຊາດເປີດກອງປະຊຸມ.

ສ່ວນ ມາດຕາ 44 ມາດຕະຖານສະເພາະ ຂອງປະທານອົງການກວດສອບ ປະຈໍາພາກ ໄດ້ຕັດເນື້ອໃນຄໍາສັບ “ຂັ້ນ” ອອກ ແລະ ເພີ່ມເນື້ອໃນ “ຫລື ຫົວໜ້າອົງການລັດທຽບ ເທົ່າກົມ” ແລະ “ຍົກເວັ້ນ ໃນກໍລະນີທີ່ມີຄວາມຈໍາເປັນ ໂດຍການຕົກລົງຂອງ ຄະນະປະຈໍາສະພາແຫ່ງຊາດ ຕາມການສະເໜີ ຂອງປະທານອົງ ການກວດສອບແຫ່ງລັດ" ເຂົ້າຕື່ມ ເພື່ອເຮັດໃຫ້ການຄົ້ນຄວ້າ ພິຈາລະນາຄັດເລືອກບຸກຄະລາກອນ ທີ່ມີມາດຖານເງື່ອນໄຂໃນ ການແຕ່ງຕັ້ງເປັນປະທານ ອົງການກວດສອບປະຈໍາພາກ; ອີກດ້ານໜຶ່ງ ແນໃສ່ເຮັດໃຫ້ລະບົບການຈັດຕັ້ງ ຂອງອົງການກວດສອບແຫ່ງລັດ ມີຄວາມໜັກ ແໜ້ນ, ເຂັ້ມແຂງທາງດ້ານການເມືອງ, ແນວຄິດ, ການຈັດຕັ້ງ ແລະ ແບບແຜນວິທີເຮັດວຽກ; ຮັບປະ ກັນປະສິດທິພາບ, ປະສິດທິຜົນ ແລະ ຄຸນນະພາບຜົນການກວດສອບ ຂອງອົງການກວດສອບ ແຫ່ງລັດ.

ພ້ອມດຽວກັນນັ້ນ, ການປັບປຸງກົດໝາຍສະບັບນີ້, ແນໃສ່ເຮັດໃຫ້ການເຄື່ອນໄຫວວຽກງານກວດສອບແຫ່ງລັດ ສອດຄ່ອງກັບການຈັດຕັ້ງປະຕິບັດ ການເຄື່ອນໄຫວວຽກງານຕົວຈິງ ເປັນຕົ້ນ: ການບັນຈຸ, ການສັບຊ້ອນ, ການຍົກຍ້າຍ, ການເລືອກຕັ້ງ, ການແຕ່ງຕັ້ງ, ປົດຕຳແໜ່ງ, ການຄຸ້ມຄອງ, ການນຳໃຊ້ ແລະ ປະເມີນຜົນການປະຕິບັດວຽກງານ ເປັນໄປຕາມຫລັກການພື້ນຖານ ຂອງການຄຸ້ມຄອງພະນັກງານ-ລັດຖະກອນ, ເພື່ອເຮັດໃຫ້ການຈັດຕັ້ງ ຂອງອົງການກວດສອບແຫ່ງລັດ ມີຄວາມໜັກແໜ້ນ, ເຂັ້ມແຂງ ແລະ ອື່ນໆ.

ລາວ ສະໜັບສະໜູນ ຫວຽດນາມ ແກ້ໄຂຜົນຮ້າຍຢ້ອນຫຼັງຈາກໄພນໍ້າຖ້ວມ

ເມື່ອບໍ່ດົນມານີ້, ທ່ານ ສົມຈິດ ປັນຍາສັກ, ຮອງເຈົ້າແຂວງອຸດົມໄຊ ພ້ອມດ້ວຍຄະນະຜູ້ແທນແຂວງອຸດົມໄຊ ໄດ້ໄປສະຖານກົງສູນໃຫຍ່ຫວຽດນາມ ປະຈໍາ ແຂວງຫຼວງພະບາງ ມອບເງິນຈໍານວນ 80 ລ້ານກີບ ເພື່ອສະໜັບສະໜູນພາກກາງຫວຽດນາມ ແກ້ໄຂຜົນຮ້າຍຢ້ອນຫຼັງຈາກໄພນໍ້າຖ້ວມ.

ລາວ: ຍັງບໍ່ມີຜູ້ຕິດເຊື້ອໂຄວິດ-19 ເພີ່ມ

ປັດຈຸບັນ, ທົ່ວປະເທດສູນຈໍາກັດ ບໍລິເວນທີ່ຍັງເປີດ ຢູ່ມີທັງໝົດ 36 ສູນ, ມີຜູ້ຖືກຈຳກັດບໍລິເວນຢູ່ສູນ 2.692 ຄົນ, ໄດ້ເກັບຕົວຢ່າງມາ ກວດວິເຄາະທັງໝົດ ແລະ ບໍ່ພົບຜູ້ຕິດເຊື້ອ, ສັງລວມການກວດວິເຄາະ ແຕ່ເດືອນມັງກອນ ຮອດ ວັນທີ 11 ພະຈິກ 2020 ໄດ້ເກັບຕົວຢ່າງ ມາກວດທັງໝົດ 71.020 ຕົວຢ່າງ, ກວດພົບເຊື້ອສະສົມ 24 ຄົນ, ສ່ວນຜູ້ຕິດເຊື້ອເບີ 24 ຍັງຄົງພັກຮັກສາ ຢູ່ໂຮງໝໍມິດຕະພາບ.