| ປະເທດລາວ ໄດ້ຄາດວ່າເສດຖະກິດຈະເຕີບໂຕ 3,3% ໃນປີ 2020 | |
| ການທ່ອງທ່ຽວທາງວັດທະນະທຳ ກໍ່ຂາດບໍ່ໄດ້ໂດຍສະເພາະວັດຊຽງທອງ ຊຶ່ງມີຫລາຍຢ່າງໜ້າສຶກສາຄົ້ນຄວ້າເປັນຕົ້ນສະຖາປັດຕະຍາກຳເກົ່າແກ່ ແລະ ການຕົບແຕ່ງແບບລາວແທ້ |
ພິທີຖະແຫຼງຂ່່າວການກະກຽມງານດັ່ງກ່າວມີຂຶ້ນ ໃນຕອນບ່າຍຂອງວັນທີ 4 ພະຈິກ 2020 ທີ່ໂຮງແຮມຄຣາວພລາຊາ ນະຄອນຫຼວງວຽງຈັນ ໂດຍມີ ທ່ານ ນາງ ພອນມະລີ ອິນທະພົມ - ຮອງຫົວໜ້າກົມພັດທະນາການທ່ອງທ່ຽວ ກະຊວງຖະແຫຼງຂ່າວ ວັດທະນະທຳ ແລພທ່ອງທ່ຽວ, ທ່ານນາງ ຫງວຽນເຝື່ອງຖູຍ - ຫົວໜ້າອົງປະກອບຂອງ GIZ, ທ່ານ ດາວວອນ ພະຈັນທະວົງ ຮອງປະທານສະພາການຄ້າ ແລະ ອຸດສາຫະກຳ ແຫ່ງຊາດລາວ. ພ້ອມຕ່າງໜ້າຈາກພາກສ່ວນທີ່ກ່ຽວຂ້ອງ,ພາກທຸລະກິດເຂົ້າຮ່ວມ.
 |
| ທ່ານນາງ ພອນມະລີ ອິນທະພົມ ຮອງຫົວໜ້າກົມພັດທະນາການທ່ອງທ່ຽວ ກະຊວງຖະແຫຼງຂ່າວ ວັດທະນະທຳ ແລພທ່ອງທ່ຽວປະເທດລາວ. (ພາບ: laoedaily.com.la) |
ທ່ານນາງ ພອນມະລີ ອິນທະພົມ ກ່າວວ່າ: ງານວາງສະແດງດັ່ງກ່າວ, ຈະຈັດຂຶ້ນແຕ່ ວັນທີ 5-7 ພະຈິກ 2020 ຢູ່ໂຮງແຮມຄລາວພາຊາ ນະຄອນຫລວງວຽງຈັນ ແລະ ຖືເປັນຄັ້ງທີ 2 ທີ່ ສປປ ລາວ ໄດ້ເປັນເຈົ້າພາບຈັດງານດັ່ງກ່າວ. ໃນໄລຍະຜ່ານມາ, ຢູ່ສປປລາວ ໄດ້ຈັດງານວາງສະແດງໃນລັກສະນະນີ້ມາແລ້ວ 2 ຄັ້ງ ຊຶ່ງເປັນງານພາຍໃນປະເທດ, ຄັ້ງທີ 1 ແມ່ນໄດ້ຈັດທີ່ແຂວງຫຼວງພະບາງ ໃນປີ 2018, ຄັ້ງທີ 2 ແມ່ນໄດ້ຈັດຂຶ້ນ ທີ່ນະຄອນຫຼວງວຽງຈັນ ໃນປີ 2019. ຍ້ອນເຫັນໄດ້ຜົນສໍາເລັດໃນການຈັດງານວາງສະແດງ ດັ່ງກ່າວໃນ 2 ປີທີ່ຜ່ານມາ, ປີນີ້ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ)ຈຶ່ງໄດ້ຍົກ ລະດັບງານດັ່ງກ່າວຂຶ້ນເປັນລະດັບອາຊຽນ ຊຶ່ງເປັນຄັ້ງທໍາອິດຂອງຂົງເຂດທ່ອງທ່ຽວ ໃນລະດັບພາກພື້ນ ທີ່ໄດ້ລິເລີ່ມຈັດງານດັ່ງກ່າວນີ້ຂຶ້ນມາ.
ສຳລັບງານວາງສະແດງນີ້, ຈະມີຜູ້ປະກອບການທ່ອງທ່ຽວ ປະເພດຕ່າງໆ ຫລາຍຫົວໜ່ວຍຈາກ ສປປ ລາວ, ຫວຽດນາມ, ອິນໂດເນເຊຍ, ມາເລເຊຍ, ອົດສະຕຣາລີ, ຝຣັ່ງ ແລະ ປະເທດອື່ນໆ ຈາກອາ ຊີຕາເວັນອອກສຽງໃຕ້ ເຂົ້າຮ່ວມວາງສະແດງ. ສະເພາະຫ້ອງວາງສະແດງ ຢູ່ໂຮງແຮມຄລາວພາຊາ ຈະມີທັງໝົດ 35 ຫົວໜ່ວຍ ໂດຍເຂົ້າຮ່ວມແບບບໍ່ເສຍຄ່າ.
ທ່ານ ນາງ ພອນມະລີ ອິນທະພົມ ກ່າວຕື່ມວ່າ: ຕະຫລອດການຈັດງານ ແມ່ນຈະມີເວທີສົນທະນາ ແລະ ສຳມະນາທາງໄກ ຫລາຍຫົວຂໍ້ສຳຄັນ ຄື: ທິດທາງການພັດທະນາ ການທ່ອງທ່ຽວຂອງອາຊຽນ, ການຕິດຕໍ່ ສື່ສານການທ່ອງທ່ຽວ ໃນໄລຍະວິກິດການຢູ່ ຈຸດໝາຍປາຍທາງ ການທ່ອງທ່ຽວ, ການນຳໃຊ້ເຕັກໂນໂລຊີ ເພື່ອປັບປຸງທຸລະກິດທ່ອງທ່ຽວ ແລະ ການຕ້ອນຮັບ, ການສະໜັບສະໜູນ ການທ່ອງທ່ຽວ ທີ່ປະຊາຊົນ ທ້ອງຖິ່ນມີສ່ວນຮ່ວມ, ການຫລຸດຜ່ອນການນຳໃຊ້ ວັດສະດຸປລາສະຕິກ ແລະ ການຮັກສາຄວາມປອດໄພ ຂອງນັກທ່ອງທ່ຽວ, ການປະຢັດຕົ້ນທຶນ ການບໍລິຫານຂອງທຸລະກິດ ການທ່ອງທ່ຽວ ໂດຍການປະຢັດພະລັງງານໄຟຟ້າ, ການຟື້ນຟູການທ່ອງທ່ຽວຄືນໃໝ່, ເສດຖະກິດໝູນວຽນ ໃນຂະແໜງການທ່ອງທ່ຽວ ແລະ ລະບົບບຳບັດນ້ຳເປື້ອນ ສຳລັບທຸລະກິດ ສະຖານທີ່ພັກແຮມ.
ງານວາງສະແດງນີ້, ຈັດຂຶ້ນເພື່ອນຳສະເໜີ ຜະລິດຕະພັນ ທີ່ເປັນມິດກັບສິ່ງແວດລ້ອມ ໃຫ້ບັນດາທຸລະກິດການທ່ອງທ່ຽວ, ປະກອບສ່ວນປະຕິບັດ ເປົ້າໝາຍການພັດທະນາ ແບບຍືນຍົງຂອງ ສປປ ລາວ, ທັງເປັນການໂຄສະນາອາຊຽນ ເປັນຈຸດໝາຍປາຍທາງ ການທ່ອງທ່ຽວທີ່ຍືນຍົງ, ໂດຍໄດ້ຮັບການສະໜັບສະໜູນ ຈາກໂຄງການເຊື່ອມໂຍງ ເສດຖະກິດລາວ ສູ່ເສດຖະກິດອາຊຽນ, ໂຄງການຂອງລັດຖະບານເຢຍລະມັນ (GIZ) ແລະ ໂຄງການສ້າງສະພາບແວດລ້ອມ ທີ່ເອື້ອອຳນວຍຕໍ່ທຸລະກິດລາວ (USAID LBE), ໂຄງການທັກສະ ດ້ານການທ່ອງທ່ຽວ, ໂຄງການ Lao/029 ແລະ ພາກສ່ວນອື່ນໆ ຕື່ມອີກ.
 | ປະເທດລາວ ພິຈາລະນາເປີດທົວທ່ອງທ່ຽວສາກົນຄືນໃໝ່ ຍສໝ - ນີ້ແມ່ນຈຸດໃໝ່ໃນການດຶງດູດນັກທ່ອງທ່ຽວສາກົນໃຫ້ເຂົ້າເມືອງປະເທດລາວ ເພາະວ່າຈຳນວນນັກທ່ອງທ່ຽວພາຍໃນປະເທດລາວຍັງບໍ່ໄດ້ເພີ່ມຂຶ້ນຫຼັງຈາກສອງສາມເດືອນທີ່ໄດ້ສົ່ງເສີມນະໂຍບາຍ "ປະຊາຊົນລາວທ່ອງທ່ຽວພາຍໃນລາວ" ຫຼັງຈາກພະຍາດ COVID-19. |
 | ຫວຽດນາມຫວັງວ່າ ຍີ່ປຸ່ນຈະແມ່ນຄູ່ຮ່ວມມືດ້ານການລົງທຶນ, ການຄ້າ ແລະການທ່ອງທ່ຽວອັນດັບໜຶ່ງ ຂອງຫວຽດນາມ ຍສໝ - ຕອນບ່າຍວັນທີ 7 ກັນຍາ, ຢູ່ຮ່າໂນ້ຍ,ທ່ານນາຍົກລັດຖະມົນຕີຫງວຽນຊວນຟຸກໄດ້ມີການພົບປະກັບບັນດາວິສາຫະກິດແລະອົງການເສດຖະກິດຍີ່ປຸ່ນຢູ່ຫວຽດນາມ. |
 | ການທ່ອງທ່ຽວຂອງຫວຽດນາມ ໄດ້ຮັບການຄັດເລືອກເຂົ້າໃນ 11 ປະເພດການທ່ອງທ່ຽວແຖວໜ້າຂອງອາຊີ ຍສໝ - ຄະນະກຳມະການຈັດງານລາງວັນການທ່ອງທ່ຽວໂລກປີ 2020 (WTA) ໄດ້ປະກາດເວລາຄັດເລືອກເອົາ ໃນເຂດອາຊີໃນປີ 2020 ແຕ່ວັນທີ 15 ມິຖຸນາເຖິງວັນທີ 24 ກັນຍາ 2020. ໃນລະດູການນີ້, ການທ່ອງທ່ຽວຫວຽດນາມໄດ້ຮັບການຄັດເລືອກໃນ 11 ປະເພດການທ່ອງທ່ຽວ “ແຖວໜ້າຂອງອາຊີ”. |
ຄຳຮຸ່ງ
