ອາຊຽນ ໜູນຊ່ວຍແຂວງເທື່ອທຽນ-ເຫວ້ ແລະກວ໋າງຈິ້ ແກ້ໄຂຜົນຮ້າຍຢ້ອນຫຼັງຈາກໄພທໍາມະຊາດ
	ຫວຽດນາມ ແລະເປຣູ ເພີ່ມທະວີການພົວພັນຮ່ວມມືຫຼາຍດ້ານ

ວັດຊຽງທອງ

ວັດຊຽງທອງ ຊຶ່ງເປັນວັດທີ່ສຳຄັນ ແລະ ມີຄວາມງົດງາມທີ່ສຸດແຫ່ງນີ້ ຈົນໄດ້ຮັບການຍົກຍ້ອງຈາກນັກບູຮານຄະດີ ວ່າເປັນດັ່ງອັນຍະມະນີແຫ່ງສະຖາປັດຕະຍະກຳລາວ ວັດຊຽງທອງຖືກສ້າງຂຶ້ນໃນລາຊະສະໄໝພຣະເຈົ້າໄຊເສດຖາທິລາດ ຫລັງຈາກສ້າງວັດນີ້ບໍ່ດົນພະອົງກໍຊົງຍ້າຍເມືອງຫລວງໄປຍັງນະຄອນວຽງຈັນ ແລະ ວັດນີ້ຍັງໄດ້ຮັບການອຸບປະຖຳເບິ່ງແຍງ ຈາກເຈົ້າມະຫາຊີວິດສີສະຫວ່າງວົງ ແລະ ເຈົ້າມະຫາຊີວິດສີສະຫວ່າງວັດທະນາ ເຈົ້າມະຫາຊີວິດ ສອງພະອົງສຸດທ້າຍຂອງລາວ ເມື່ອເດິນທາງມາເຖິງວັດນີ້ສິ່ງທຳອິດກໍຄືການໄປຊົມພຣະອຸໂປສົດ ຫລື ທີ່ເອີ້ນວ່າ “ສິມ” ແມ່ນຂະໜາດ ຈະບໍ່ໃຫຍ່ ແຕ່ກໍສະແດງເຖິງສະຖາປັດຕະຍະກຳທາງສາດສະຫນາແບບຫລວງພະບາງແທ້ໆ ດ້ວຍຫລັງຄາພຣະອຸໂປສົດ ທີ່ແອ່ນໂຄ້ງຊ້ອນກັນຢູ່ 3 ຊັ້ນ ຫຼຸດລື່ນເກືອບຮອດຖານຈົນເບິ່ງຄ່ອນຂ້າງເຕີ້ຍ ສ່ວນກາງຂອງຫລັງຄາມີເຄື່ອງຍອດສີທອງຊຶ່ງຊາວລາວຈະຮຽກວ່າ “ຊໍ່ຟ້າ ” ປະກອບດ້ວຍ 17 ຊໍ່ ອັນມີຄວາມຫມາຍວ່າເປັນ "ສິມ” (ອຸໂປສົດ) ທີ່ເຈົ້າມະຫາຊີວິດຊົງສ້າງຂຶ້ນ ສ່ວນ “ສິມ” ທີ່ຄົນສາມັນສ້າງຈະມີຊໍ່ຟ້າພຽງ 1-7 ຊໍ່ເທົ່ານັ້ນ ເຊື່ອກັນວ່າບໍລິເວນປ່ອງສີ່ຫລ່ຽມນ້ອຍໆ ເຄິ່ງກາງຂອງຊໍ່ຟ້າເຄີຍໃຊ້ເປັນທີ່ເກັບຂອງມີຄ່າ ປະຈຸບັນເຫລືອພຽງປ່ອງວ່າງເປົ່າ ຖັດມາທີ່ສ່ວນຂອງໜ້າບັນມີ “ໂຫງ່” ຮູບຮ່າງຄ້າຍຫົວນາກເປັນສ່ວນປະດັບຕາມຄະຕິທຳທາງພຸດທະສາດສະຫນາເມື່ອຍ່າງເຂົ້າຕໍ່ມາທີ່ປະຕູພະອຸໂປສົດ ຈະສະດຸດຕາກັບລວດລາຍແກະສະຫລັກອັນສວຍງາມ ເຊັ່ນດຽວກັບທີ່ປ່ອງຢ້ຽມ.

ຝາພາຍໃນກໍສວຍງາມດ້ວຍລວດລາຍປິດທອງສະຫລຸເທິງພື້ນສີດຳ ເລົ່າເລື່ອງພຸດທະປະຫວັດ, ທ້າວສີທົນ, ພະເຈົ້າ10ຊາດ ແລະ ພາບນິທານເພື່ອນບ້ານ ເລິກເຂົ້າໄປຄືພະປະທານຊຶ່ງມີຊື່ວ່າ “ພະອົງຫລວງ” ນອກຈາກວັດຊຽງທອງຈະມີພະອຸໂປສົດທີ່ໂດດເດັ່ນດ້ວຍສະຖາປັດຕະຍະກຳແບບລ້ານຊ້າງແລ້ວ ການຕົບແຕ່ງລວດລາຍຕາມຝາພາຍໃນກໍສວຍງາມຄືກັນ ບໍລິເວນຝາດ້ານຫລັງຂອງພະອຸໂປສົດກໍມີການຕົບແຕ່ງດ້ວຍການເອົາແກ້ວສີມາຕັດຕໍ່ກັນເປັນຮູບຕົ້ນໂພຂະໜາດໃຫຍ່ ດ້ານຂ້າງກໍຕິດເປັນຮູບສັດໃນວັນນະຄະດີ ຍາມບ່າຍທີ່ແສງແດດສ່ອງສະທ້ອນລົງມາເບິ່ງງົດງາມ.

ເຄື່ອງປັ້ນດິນເຜົາເຄືອບແບບບູຮານດັ້ງເດີມ

ວັດຊຽງທອງ ສ້າງຕັ້ງຂຶ້ນເມື່ອປີ ຄສ 1560 ໂດຍພະເຈົ້າໄຊຍະເສດຖາທິລາດ, ຕັ້ງຢູ່ໃກ້ແມ່ນ້ຳຂອງ, ເປັນວັດເກົ່າແກ່ ແລະ ມີສະຖາປັດຕະຍະກຳລ້ານຊ້າງທີ່ສວຍງາມແຫ່ງໜຶ່ງໃນນະຄອນຫລວງພະບາງ. ຂະນະທີ່ຜ່ານມາ, ວັດຊຽງທອງ ໄດ້ຮັບລາງວັນລະດັບສາກົນຄື ລາງວັນການອະນຸລັກມໍລະດົກທີ່ດີ ເດັ່ນຂອງໂລກ ໂດຍອົງການ UNESCO ປີ 2015 ແລະ ລາງວັນການທ່ອງທ່ຽວແບບຍືນຍົງອາຊຽນ (ຜະລິດຕະພັນການທ່ອງທ່ຽວໃນຕົວເມືອງ) ທີ່ປະກາດ ແລະ ມອບລາງວັນຢູ່ປະເທດບຣູໄນ ໃນວັນທີ 16 ມັງກອນ 2020. ຈຸດໝາຍປາຍທາງການທ່ອງທ່ຽວຂອງຄົນລາວ ແລະ ຕ່າງປະເທດຢູ່ແຂວງຫລວງພະບາງນອກຈາກແຫລ່ງທ່ອງທ່ຽວທຳມະຊາດ ປະຫວັດສາດແລ້ວ, ການທ່ອງທ່ຽວທາງວັດທະນະທຳ ກໍ່ຂາດບໍ່ໄດ້ໂດຍສະເພາະວັດຊຽງທອງ ຊຶ່ງມີຫລາຍຢ່າງໜ້າສຶກສາຄົ້ນຄວ້າເປັນຕົ້ນສະຖາປັດຕະຍາກຳເກົ່າແກ່ ແລະ ການຕົບແຕ່ງແບບລາວແທ້.

ນອກຈາກນັ້ນ, ຖ້າໄປຫລວງພະບາງຂໍແນະນຳໄປບ້ານຈ່ານເໜືອ ເມືອງຈອມເພັດ ນອກຈາກໄດ້ເບິ່ງ ແລະ ເຫັນປະຈັກຂັ້ນຕອນການຜະລິດເຄື່ອງປັ້ນດິນເຜົາເຄືອບແບບບູຮານດັ້ງເດີມຫລາຍຂະໜາດ ຫລາຍຊະນິດທີ່ເນັ້ນຄຸນນະພາບແລ້ວຍັງສາມາດເລືອກຊື້ຕິດໄມ້ຕິດມືມາໃຊ້ ຫລື ເປັນຂອງຕ້ອນຂອງຝາກກໍ່ບໍ່ວ່າ. ພຽງແຕ່ເດີນທາງຈາກນະຄອນຫລວງພະບາງ ຂີ່ເຮືອບັກຂ້າມຜ່ານ ບ້ານຊຽງແມນ ມຸ່ງໜ້າສູ່ບ້ານຈ່ານເໜືອ 4 ກິໂລແມັດ ເທົ່ານັ້ນ.

ນໍ້າກັດຢໍລະປາ ເປັນສະຖານທີ່ທ່ອງທ່ຽວທາງທໍາມະຊາດທີ່ມີຊື່ສຽງແຫ່ງໜຶ່ງຂອງລາວ ເວົ້າສະເພາະຢູ່ແຂວງອຸດົມໄຊ ນໍ້າກັດຢໍລະປາ ເປັນສະຖານທີ່ທ່ອງທ່ຽວທາງທໍາມະຊາດທີ່ມີຊື່ສຽງແຫ່ງໜຶ່ງຂອງລາວ ເວົ້າສະເພາະຢູ່ແຂວງອຸດົມໄຊ ແລະຢູ່ຫ່າງຈາກເທສະບານເມືອງໄຊ ແຂວງອຸດົມໄຊ 17 ກິໂລແມັດ.

ສປປ.ລາວ: ສົ່ງເສີມການທ່ອງທ່ຽວ “ລາວທ່ຽວລາວ” ເພື່ອຊຸກຍູ້ສົ່ງເສີມການທ່ອງທ່ຽວລາວ ໃຫ້ກັບຄືນສູ່ສະພາບປົກກະຕິໂດຍໄວ ແລະ ກະຕຸ້ນການທ່ອງທ່ຽວ ແບບ “ລາວທ່ຽວລາວ” ກະຊວງຖະແຫ່ງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ກໍຄື ລັດຖະບານ ໄດ້ຊຸກຍູ້ພາກທຸລະກິດ ຮ່ວມກັນສ້າງລາຍການທ່ອງທ່ຽວໃຫ້ຫລກຫລາຍ, ມີສ່ວນຫລຸດຫລາຍຮູບແບບ ເປັນຕົ້ນ ສ່ວນຫລຸດລາຍການທ່ອງທ່ຽວ, ສ່ວນຫລຸດໂຮງແຮມ, ເຮືອນພັກ, ຮ້ານອາຫານ-ເຄື່ອງດື່ມ ແລະ ອື່ນໆ.

ລາວ: ກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດ ຊຸດທີ VIII ຈະໄດ້ຮັບຟັງລາຍງານ, ພິຈາລະນາ ແລະ ຕົກລົງບັນຫາສໍາຄັນຕ່າງໆ ຂອງຊາດ ກອງປະຊຸມສະໄໝສາມັນເທື່ອທີ 10 ຂອງສະພາແຫ່ງຊາດຊຸດທີ VIII ຈະໄຂຂຶ້ນໃນວັນທີ 27 ຕຸລາ ຫາ 17 ພະຈິກ 2020.