| ເຊື່ອມຕໍ່ປັນຍາຊົນຫວຽດນາມກວ່າ 50 ຄົນຢູ່ຍີ່ປຸ່ນ ເພື່ອຊຸກຍູ້ການຮ່ວມມືດ້ານວິທະຍາສາດ ແລະ ເຕັກໂນໂລຊີ ການຕ່າງປະເທດຂອງລັດຖະບານຊຸກຍູ້ການຮ່ວມມືດ້ານເສດຖະກິດ, ການລົງທຶນ ແລະ ເຕັກໂນໂລຊີ |
ສາຍພົວພັນຫວຽດນາມ - Gruzia ໄດ້ຮັບການສ້າງຕັ້ງບົນພື້ນຖານມິດຕະພາບມູນເຊື້ອນັບແຕ່ສະໄໝສະຫະພາບໂຊວຽດ. ນັບແຕ່ການສ້າງຕັ້ງສາຍພົວພັນການທູດໃນວັນທີ 30/6/1992, ສອງປະເທດໄດ້ຮັກສາການສົນທະນາ, ປະສານງານຢູ່ບັນດາເວທີຫຼາຍຝ່າຍ, ໂດຍສະເພາະອົງການສະຫະປະຊາຊາດ, ພ້ອມທັງຄ່ອຍໆເປີດກວ້າງການຮ່ວມມືດ້ານເສດຖະກິດ ແລະ ການຄ້າ.
ຕາມທ່ານ ຫງວຽນ ແທງ ເລ ເອກອັກຄະລັດຖະທູດ ແລ້ວ, ບັນດາກິດຈະກຳ ເຊັ່ນ: ການສະຫຼອງຄົບຮອບ 30 ປີແຫ່ງການສ້າງຕັ້ງສາຍພົວພັນການທູດໃນປີ 2022, ການປຶກສາຫາລືທາງການເມືອງລະດັບຮອງລັດຖະມົນຕີການຕ່າງປະເທດສອງຄັ້ງຢູ່ຮ່າໂນ້ຍໃນປີ 2013 ແລະ 2023, ພ້ອມທັງການພົບປະລະຫວ່າງການນຳກະຊວງການຕ່າງປະເທດສອງປະເທດ ຢູ່ນອກຂອບເຂດກອງປະຊຸມສະມັດຊາໃຫຍ່ສະຫະປະຊາຊາດໃນເດືອນ 9/2025 ໄດ້ປະກອບສ່ວນຊຸກຍູ້ສາຍພົວພັນສອງຝ່າຍ.
 |
| ທ່ານ ຫງວຽນ ແທງ ເລ ເອກອັກຄະລັດຖະທູດວິສາມັນ ແລະ ຜູ້ມີອຳນາດເຕັມຂອງຫວຽດນາມປະຈຳກາຊັກສະຖານ, ຄວບຕຳແໜ່ງປະຈຳ Gruzia (ເບື້ອງຂວາ). |
ໃນສະພາບການດັ່ງກ່າວ, ການຢ້ຽມຢາມຂອງທ່ານນາງ ຫວໍ ທິ ແອັງ ຊວັນ ຮອງປະທານປະເທດ ສະແດງໃຫ້ເຫັນການໃຫ້ຄວາມສຳຄັນຂອງຫວຽດນາມຕໍ່ Gruzia, ສ້າງໂອກາດໃຫ້ການນຳສອງປະເທດແລກປ່ຽນທິດທາງ ແລະ ມາດຕະການເພີ່ມທະວີການຮ່ວມມື. ຝ່າຍ Gruzia ກໍໄດ້ຕີລາຄາສູງຕໍ່ການຢ້ຽມຢາມຄັ້ງນີ້, ໂດຍຄາດຫວັງວ່າສາຍພົວພັນທາງການເມືອງຈະໄດ້ຮັບການຫັນເປັນຜົນສຳເລັດທີ່ເປັນຮູບປະທຳ.
ທ່ານ ຫງວຽນ ແທງ ເລ ເອກອັກຄະລັດຖະທູດ ເຫັນວ່າ Gruzia ມີທ່າແຮງກາຍເປັນຂົວເຊື່ອມລະຫວ່າງຫວຽດນາມກັບຄໍເຄຊັສໃຕ້ ແລະ ເຂດເສດຖະກິດເອີຣົບ - ອາຊີ. ດ້ວຍທີ່ຕັ້ງທີ່ເຊື່ອມຕໍ່ທະເລດຳ, ເອີຣົບ ແລະ ແລວທາງຂົນສົ່ງຜ່ານທະເລກາສປຽນ, Gruzia ມີຂໍ້ໄດ້ປຽບດ້ານການຂົນສົ່ງ, ໂລຈິສຕິກ ແລະ ການກະຈາຍສິນຄ້າ.
ໃນທາງກັບກັນ, ຫວຽດນາມສາມາດຊ່ວຍ Gruzia ເປີດກວ້າງການເຊື່ອມຕໍ່ກັບອາຊີຕາເວັນອອກສຽງໃຕ້. ການເກື້ອກູນກັນນີ້ສ້າງໂອກາດໃຫ້ວິສາຫະກິດສອງປະເທດພັດທະນາຕະຫຼາດ ແລະ ສ້າງເຄືອຂ່າຍຄູ່ຮ່ວມມື.
ໃນປີ 2025, ມູນຄ່າການຄ້າສອງຝ່າຍບັນລຸກວ່າ 192 ລ້ານໂດລາສະຫະລັດ. ຕາມທ່ານເອກອັກຄະລັດຖະທູດ ແລ້ວ, ຫວຽດນາມສາມາດເປີດກວ້າງການສົ່ງອອກເຂົ້າສານ, ສິນຄ້າເອເລັກໂຕຣນິກ, ກາເຟ, ໝາກມ່ວງຫິມະພານ, ໝາກພິກໄທ, ສິນໃນນ້ຳ, ແຜ່ນແພ ແລະ ເຄື່ອງຕັດຫຍິບ, ເກີບ ແລະ ເຄື່ອງໃຊ້ໄມ້; ໃນຂະນະທີ່ Gruzia ມີຈຸດແຂງດ້ານເຫຼົ້າແວງ, ຜະລິດຕະພັນກະສິກຳທີ່ມີລັກສະນະສະເພາະ, ການບໍລິການ ແລະ ການທ່ອງທ່ຽວ. Gruzia ຍັງເປັນທີ່ຮູ້ຈັກດ້ວຍທິວທັດທຳມະຊາດ, ມໍລະດົກວັດທະນະທຳ, ສະຖາປັດຕະຍະກຳ, ອາຫານ ແລະ ປະເພນີຜະລິດເຫຼົ້າແວງທີ່ມີປະຫວັດສາດຍາວນານ 8.000 ປີ.
ນອກຈາກການຄ້າແລ້ວ, ສອງຝ່າຍຍັງມີທ່າແຮງຮ່ວມມືໃນດ້ານການປຸງແຕ່ງ ແລະ ເກັບຮັກສາຜະລິດຕະພັນກະສິກຳ, ການກໍ່ສ້າງ, ໂຄງລ່າງພື້ນຖານ, ໂລຈິສຕິກ, ການບິນ, ການທ່ອງທ່ຽວ ແລະ ບໍລິການດິຈິຕອນ.
ທ່ານ ຫງວຽນ ແທງ ເລ ເອກອັກຄະລັດຖະທູດ ໃຫ້ຮູ້ວ່າ ສະຖານທູດຫວຽດນາມຈະສືບຕໍ່ຊ່ວຍເຫຼືອວິສາຫະກິດໃນການສຶກສາຕະຫຼາດ, ເຊື່ອມຕໍ່ຄູ່ຮ່ວມມື, ເຂົ້າເຖິງບັນດາອົງການທີ່ມີໜ້າທີ່ຮັບຜິດຊອບ ແລະ ແກ້ໄຂຂໍ້ຕິດຂັດພາຍໃນຂອບເຂດອຳນາດໜ້າທີ່, ປະກອບສ່ວນຊຸກຍູ້ການຮ່ວມມືດ້ານການລົງທຶນ, ການດຳເນີນທຸລະກິດ ແລະ ການແລກປ່ຽນວັດທະນະທຳລະຫວ່າງສອງປະເທດ ບົນພື້ນຖານການປະຕິບັດຕາມກົດໝາຍ.
 ການຢ້ຽມຢາມລາວ ແລະ ກຳປູເຈຍ ຂອງນາຍົກລັດຖະມົນຕີ ເລ ມິງ ຮຶງ ບັນລຸຜົນສຳເລັດທີ່ເປັນຮູບປະທຳຫຼາຍດ້ານ ຍສໝ - ການຢ້ຽມຢາມຢ່າງເປັນທາງການຢູ່ລາວ ແລະ ກຳປູເຈຍ ແຕ່ວັນທີ 8 - 10/10/2026 ຂອງທ່ານ ເລ ມິງ ຮຶງ ນາຍົກລັດຖະມົນຕີຫວຽດນາມ ໄດ້ປະກອບສ່ວນເສີມສ້າງຄວາມໄວ້ວາງໃຈທາງການເມືອງ, ແກ້ໄຂບັນດາຄວາມຫຍຸ້ງຍາກໃນການຮ່ວມມື ແລະ ເປີດກວ້າງຂົງເຂດ ແລະ ໂຄງການໃໝ່. ທ່ານ ເລ ຮວ່າຍ ຈຸງ ລັດຖະມົນຕີກະຊວງການຕ່າງປະເທດ ຕີລາຄາວ່າ ການຢ້ຽມຢາມຄັ້ງນີ້ໄດ້ສ້າງແຮງຂັບເຄື່ອນເພີ່ມເຕີມໃຫ້ແກ່ການພັດທະນາສາຍພົວພັນລະຫວ່າງຫວຽດນາມກັບສອງປະເທດເພື່ອນບ້ານ. |
 ເຊື່ອມໂຍງສາມເສດຖະກິດ ຫວຽດນາມ - ລາວ - ກຳປູເຈຍ, ເປີດກວ້າງໂອກາດການເຕີບໂຕ ຍສໝ - ການຢ້ຽມຢາມຢ່າງເປັນທາງການຢູ່ລາວ ແລະ ກຳປູເຈຍ ແຕ່ວັນທີ 8 - 10/10 ຂອງທ່ານ ເລ ມິງ ຮຶງ ນາຍົກລັດຖະມົນຕີຫວຽດນາມ ໄດ້ເປີດໂອກາດໃນການຊຸກຍູ້ການເຊື່ອມໂຍງດ້ານການຄ້າ, ການລົງທຶນ, ໂຄງລ່າງພື້ນຖານ ແລະ ການຜະລິດລະຫວ່າງສາມປະເທດ. ການນຳໃຊ້ຈຸດແຂງທີ່ສາມາດເກື້ອກູນກັນຂອງແຕ່ລະເສດຖະກິດ, ການແກ້ໄຂອຸປະສັກໃນການຮ່ວມມື ແລະ ການສ້າງຕ່ອງໂສ້ມູນຄ່າຂ້າມຊາຍແດນ ຄາດວ່າຈະສ້າງແຫຼ່ງກຳລັງເພີ່ມເຕີມໃຫ້ແກ່ການເຕີບໂຕໃນໄລຍະຍາວ. |
ດວງດີ
