ຫວຽດນາມ - ລາວ ເຮັດໃຫ້ການຮ່ວມມືດ້ານແຮງງານ ແລະ ການຈ້າງງານເລິກເຊິ່ງຍິ່ງຂຶ້ນ

ກະຊວງພາຍໃນ ເປັນປະທານ ແລະ ຕ້ອນຮັບຄະນະຜູ້ແທນກະຊວງແຮງງານ ແລະ ສະຫວັດດີການສັງຄົມ ແຫ່ງສາທາລະນະລັດ ປະຊາທິປະໄຕ ປະຊາຊົນລາວ ທີ່ເດີນທາງມາເຂົ້າຮ່ວມກອງປະຊຸມແລກປ່ຽນດ້ານເຕັກນິກ ກ່ຽວກັບການຄຸ້ມຄອງແຮງງານພາຍໃນ ແລະ ຕ່າງປະເທດ, ຂົງເຂດຄວາມປອດໄພແຮງງານ ແລະ ບັນດາສົນທິສັນຍາສາກົນ.

ແບ່ງປັນປະສົບການດ້ານກົນໄກ, ນະໂຍບາຍ

ທ່ານ ກາວຮຸຍ, ລັດຖະມົນຕີຊ່ວຍວ່າການກະຊວງພາຍໃນ ກ່າວຄຳປາໄສເປີດກອງປະຊຸມ.

ກ່າວຄຳປາໄສເປີດກອງປະຊຸມ, ທ່ານ ກາວຮຸຍ, ລັດຖະມົນຕີຊ່ວຍວ່າການກະຊວງພາຍໃນ ໃຫ້ຮູ້ວ່າ, ໃນບໍລິບົດທີ່ສາຍພົວພັນສອງປະເທດໄດ້ຮັບການຍົກລະດັບເປັນ “ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ, ການຮ່ວມມືຮອບດ້ານ ແລະ ຄວາມຜູກພັນທາງຍຸດທະສາດ”, ການຈັດກອງປະຊຸມຄັ້ງນີ້ ມີຄວາມໝາຍເປັນຮູບປະທຳໃນການຜັນຂະຫຍາຍບັນດາເນື້ອໃນທີ່ໄດ້ເຫັນດີກັນ ຢູ່ກອງປະຊຸມລັດຖະມົນຕີແຮງງານ ຫວຽດນາມ - ລາວ ຄັ້ງທີ 9 ໃນເດືອນ 11/2025 ຢູ່ແຂວງນິງບິ່ງ, ໂດຍສະເພາະ ບົດບັນທຶກກ່ຽວກັບການຮ່ວມມືໃນຂົງເຂດແຮງງານ - ການຈ້າງງານ ແລະ ຜູ້ມີຄຸນງາມຄວາມດີຕໍ່ການປະຕິວັດ ລະຫວ່າງສອງກະຊວງ.

ທ່ານ ກາວຮຸຍ ຢືນຢັນວ່າ ກະຊວງພາຍໃນຫວຽດນາມ ຍາມໃດກໍພ້ອມແບ່ງປັນປະສົບການກັບລາວ ກ່ຽວກັບວຽກງານກົນໄກ ແລະ ນະໂຍບາຍ, ບົນພື້ນຖານສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ, ການຮ່ວມມືຮອບດ້ານ ແລະ ຄວາມຜູກພັນທາງຍຸດທະສາດ ຫວຽດນາມ - ລາວ ກໍຄືສາຍພົວພັນອັນແໜ້ນແຟ້ນລະຫວ່າງສອງກະຊວງ ທີ່ໄດ້ຮັບການກໍ່ສ້າງ ແລະ ປັບປຸງມາເປັນເວລາຫຼາຍປີ.

ຕາມທ່ານ ກາວຮຸຍ ແລ້ວ, ກອງປະຊຸມແມ່ນໂອກາດໃຫ້ພະນັກງານສອງຝ່າຍ ເຂົ້າໃຈຈະແຈ້ງຍິ່ງຂຶ້ນກ່ຽວກັບບັນດາໂຄງການ, ນະໂຍບາຍໃນການຄຸ້ມຄອງແຮງງານຢູ່ຕ່າງປະເທດ, ພັດທະນາຕະຫຼາດແຮງງານ, ຄວາມປອດໄພ ແລະ ສຸຂະອະນາໄມແຮງງານ; ພ້ອມທັງແລກປ່ຽນປະສົບການດ້ານການປະຕິຮູບຂັ້ນຕອນບໍລິຫານ ໃນການອອກໃບອະນຸຍາດແຮງງານ, ການຄຸ້ມຄອງແຮງງານຕ່າງປະເທດ, ການຫັນຂໍ້ມູນແຮງງານເປັນດິຈິຕອນ ແລະ ວຽກງານພັກຟື້ນຟູ, ຟື້ນຟູສຸຂະພາບໃຫ້ແກ່ຜູ້ມີຄຸນງາມຄວາມດີຕໍ່ການປະຕິວັດ.

ຜ່ານນັ້ນ, ສອງຝ່າຍສາມາດກຳນົດໄດ້ຈະແຈ້ງຍິ່ງຂຶ້ນບັນດາກິດຈະກຳຈຸດສຸມທີ່ຕ້ອງໃຫ້ບຸລິມະສິດຊຸກຍູ້ໃນໄລຍະຕໍ່ໄປ, ຮັບປະກັນໃຫ້ການຮ່ວມມືນັບມື້ນັບເຂົ້າສູ່ລວງເລິກ, ເປັນຮູບປະທຳ, ຮັບໃຊ້ຄວາມຕ້ອງການພັດທະນາເສດຖະກິດ - ສັງຄົມຂອງສອງປະເທດ ແລະ ສົມກັບສາຍພົວພັນອັນຍາວນານລະຫວ່າງຫວຽດນາມ ແລະ ລາວ.

ພາຍຫຼັງວາລະເປີດກອງປະຊຸມ, ຜູ້ຕາງໜ້າບັນດາກົມ, ຫ້ອງການວິຊາສະເພາະຂອງສອງກະຊວງ ໄດ້ເຂົ້າຮ່ວມບັນດາວາລະປຶກສາຫາລືຫົວຂໍ້ສະເພາະ, ສຸມໃສ່ຕີລາຄາບັນດາໂຄງການ, ນະໂຍບາຍຄຸ້ມຄອງແຮງງານຢູ່ຕ່າງປະເທດ ແລະ ການປະຕິບັດບັນດາສົນທິສັນຍາສາກົນທີ່ກ່ຽວຂ້ອງຂອງຫວຽດນາມ ແລະ ລາວ.

ສອງຝ່າຍຍັງໄດ້ແລກປ່ຽນຂໍ້ມູນ ແລະ ກົນໄກສະເພາະ ສຳລັບບັນດາໂຄງການຈຸດສຸມຢູ່ລາວ ທີ່ນຳໃຊ້ແຮງງານຫວຽດນາມ; ແບ່ງປັນປະສົບການດ້ານການປະຕິຮູບຂັ້ນຕອນບໍລິຫານ ໃນການອອກໃບອະນຸຍາດ, ການຄຸ້ມຄອງແຮງງານຕ່າງປະເທດ; ນະໂຍບາຍພັດທະນາຕະຫຼາດແຮງງານ, ຄວາມປອດໄພ ແລະ ສຸຂະອະນາໄມແຮງງານ; ການຫັນຂໍ້ມູນແຮງງານເປັນດິຈິຕອນ ແລະ ການເຊື່ອມລວມຂໍ້ມູນ ເພື່ອພັດທະນາລະບົບຂໍ້ມູນຕະຫຼາດແຮງງານທີ່ທັນສະໄໝ.

ຕາມໂຄງການປະຕິບັດງານແລ້ວ, ວັນທີ 24/9, ຄະນະຜູ້ແທນກະຊວງແຮງງານ ແລະ ສະຫວັດດີການສັງຄົມລາວ ຈະໄປຢ້ຽມຢາມ, ສຳຫຼວດພາກຕົວຈິງຢູ່ສູນບໍລິການຈ້າງງານນະຄອນຮ່າໂນ້ຍ ເພື່ອສຶກສາຮູບແບບການດຳເນີນງານ, ກິດຈະກຳໃຫ້ຄຳປຶກສາ, ແນະນຳວຽກເຮັດງານທຳ, ໂດຍສະເພາະ ປະສົບການນຳໃຊ້ເຕັກໂນໂລຊີຂໍ້ມູນໃນການສະໜອງບໍລິການຈ້າງງານ.

ກະຈາຍພາສາຫວຽດ ແລະ ເພີ່ມພູນຄູນສ້າງສາຍພົວພັນມິດຕະພາບ ຫວຽດນາມ - ລາວ ຢູ່ ອັດຕະປື ຍສໝ - ໃນໂອກາດການເຄື່ອນໄຫວເຮັດວຽກຢູ່ ແຂວງ ອັດຕະປື (ລາວ) ໃນວັນທີ 17 ກັນຍາ, ຕາງໜ້ານະຄອນ ດານັງ ໄດ້ເຂົ້າຢ້ຽມຢາມ ສູນພາສາຫວຽດນາມ ຢູ່ທ້ອງຖິ່ນ. ນີ້ແມ່ນຂົວຕໍ່ສຳຄັນ ເພື່ອຊ່ວຍປົກປັກຮັກສາວັດທະນະທຳ, ຖ່າຍທອດພາສາ ແລະ ຮັດແໜ້ນສາຍພົວພັນການຮ່ວມມືຢ່າງແໜ້ນແຟ້ນ ລະຫວ່າງ ສອງປະເທດ.

ຫວຽດນາມ - ລາວ ສືບຕໍ່ເຮັດໃຫ້ສາຍພົວພັນພິເສດເລິກເຊິ່ງຍິ່ງຂຶ້ນ ຍສໝ - ຕອນບ່າຍວັນທີ 21/9, ໃນຂອບເຂດການຢ້ຽມຢາມ ແລະ ເຮັດວຽກຢູ່ລາວ, ທ່ານ ຟ້າມຢາຕູກ, ຮອງນາຍົກລັດຖະມົນຕີຜູ້ປະຈຳ ໄດ້ເຂົ້າຢ້ຽມຄຳນັບສະຫາຍ ທອງລຸນ ສີສຸລິດ, ເລຂາທິການໃຫຍ່, ປະທານປະເທດລາວ ແລະ ສະຫາຍ ສອນໄຊ ສີພັນດອນ, ນາຍົກລັດຖະມົນຕີລາວ, ແລກປ່ຽນກ່ຽວກັບບັນດາມາດຕະການເພື່ອສືບຕໍ່ປັບປຸງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີພິເສດ, ການຮ່ວມມືຮອບດ້ານ ແລະ ຄວາມຜູກພັນທາງຍຸດທະສາດ ຫວຽດນາມ - ລາວ ໃຫ້ເລິກເຊິ່ງຍິ່ງຂຶ້ນ.