| ອົງການສະຫະປະຊາຊາດ ຍົກຍ້ອງເຊີດຊູ ນັກຮົບ “ໝວກເບເລສີຟ້າ” ຂອງຫວຽດນາມ ເກືອບ 200 ທ່ານ ຫວຽດນາມ ຮຽກຮ້ອງໃຫ້ເພີ່ມທະວີການຮ່ວມມືສາກົນ ກ່ຽວກັບການຄຸ້ມຄອງຊັບພະຍາກອນ ທຳມະຊາດ |
ໃນໂອກາດຕ້ອນຮັບ ຮອງເລຂາທິການໃຫຍ່ ສປຊ ຮັບຜິດຊອບດ້ານເສດຖະກິດ ແລະ ສັງຄົມ, ທ່ານ ຮອງນາຍົກລັດຖະມົນຕີ ຫງວຽນ ວັນ ທັງ ໄດ້ເນັ້ນໜັກວ່າ ຫວຽດນາມ ຍາມໃດກໍ່ຍຶດໝັ້ນທິດທາງການພັດທະນາແບບຍືນຍົງ, ໂດຍກຳນົດເອົາປະຊາຊົນເປັນໃຈກາງ, ເປັນເຈົ້າການ ແລະ ເປັນກຳລັງຂັບເຄື່ອນຕົ້ນຕໍຂອງທຸກໆນໂຍບາຍການພັດທະນາ.
 |
| ທ່ານ ຫງວຽນວັນຖັງ ຮອງນາຍົກລັດຖະມົນຕີ ໃນການພົບປະ ແລະ ແລກປ່ຽນກັບ ທ່ານ ລີຈຸນຮົວ ຮອງເລຂາທິການໃຫຍ່ຂອງສະຫະປະຊາຊາດ |
ບົນຈິດໃຈດັ່ງກ່າວ, ທ່ານ ຮອງນາຍົກລັດຖະມົນຕີ ໄດ້ສະເໜີໃຫ້ຝ່າຍ ສປຊ ເພີ່ມທະວີການຮ່ວມມື ແລະ ແບ່ງປັນບົດຮຽນ ເພື່ອຊ່ວຍ ຫວຽດນາມ ປັບໂຕເຂົ້າກັບການປ່ຽນແປງສະພາບພູມອາກາດ. ຈຸດສຸມລວມມີ ການຊ່ວຍເຫຼືອດ້ານເຕັກໂນໂລຊີ ແລະ ແຫຼ່ງທຶນການເງິນ ເພື່ອຈັດຕັ້ງປະຕິບັດບັນດາຄຳໝັ້ນສັນຍາກ່ຽວກັບສະພາບພູມອາກາດ, ການຫັນປ່ຽນພະລັງງານ, ການພັດທະນາພະລັງງານໝູນວຽນ ກໍ່ຄືການຮັບປະກັນການພັດທະນາແບບຍືນຍົງຢູ່ເຂດແມ່ນ້ຳຂອງທາງຕອນໃຕ້. ພ້ອມກັນນັ້ນ, ຕາງໜ້າລັດຖະບານ ຫວຽດນາມ ຫວັງວ່າ ສປຊ ຈະຊ່ວຍເຫຼືອການລະດົມທຶນ ODA ຢ່າງມີປະສິດທິຜົນ, ໂດຍບູລິມະສິດໃຫ້ແກ່ການຫັນເປັນດິຈິຕອນ, ການພັດທະນາວິທະຍາສາດ ເຕັກໂນໂລຊີ ແລະ ການຝຶກອົບຮົມຊັບພະຍາກອນມະນຸດທີ່ມີຄຸນນະພາບສູງ.
 |
| ທ່ານ ລີຈຸນຮົວ ຮອງເລຂາທິການໃຫຍ່ ອົງການສະຫະປະຊາຊາດ ເນັ້ນໜັກເຖິງຄວາມສໍາຄັນ ແລະ ບູລິມະສິດການຮ່ວມມືຮອບດ້ານກັບຝ່າຍ ຫວຽດນາມ. |
ເພື່ອຕອບຄຳສະເໜີ, ທ່ານ ຮອງເລຂາທິການໃຫຍ່ ລີ ຈຸນຮົວ ຢືນຢັນວ່າ ສປຊ ຍາມໃດກໍ່ໃຫ້ຄວາມສຳຄັນ, ບູລິມະສິດຊຸກຍູ້ສາຍພົວພັນການຮ່ວມມືຮອບດ້ານກັບ ຫວຽດນາມ – ປະເທດທີ່ນັບມື້ນັບສະແດງໃຫ້ເຫັນບົດບາດ ແລະ ສຽງເວົ້າທີ່ສຳຄັນ ໃນບັນດາອົງກອນຂຶ້ນກັບອົງການນີ້.
ຕາງໜ້າ ສປຊ ໃຫ້ຄຳໝັ້ນສັນຍາ ພ້ອມທີ່ຈະຊ່ວຍເຫຼືອ ຫວຽດນາມ ໃຫ້ບັນລຸເປົ້າໝາຍການພັດທະນາແບບຍືນຍົງ ໂດຍຜ່ານການຍູ້ແຮງການໃຫ້ຄຳປຶກສານະໂຍບາຍ, ການແບ່ງປັນຄວາມຮູ້ກ່ຽວກັບການບໍລິຫານທົ່ວໂລກ, ການຍົກສູງຂີດຄວາມສາມາດ ແລະ ການຊ່ວຍເຫຼືອດ້ານເຕັກນິກ. ພ້ອມດຽວກັນນັ້ນ, ສປຊ ຈະເປັນຂົວຕໍ່ຢ່າງຕັ້ງໜ້າ ໃນການເຊື່ອມໂຍງ ຫວຽດນາມ ກັບບັນດາສະຖາບັນການເງິນລະຫວ່າງຊາດ ແລະ ບັນດາທະນາຄານເພື່ອການພັດທະນາ.
 UNDP ສົມທົບກັບຫວຽດນາມ ເພື່ອຊຸກຍູ້ບົດບາດຂອງແມ່ຍິງໃນລະບົບການເມືອງ-ສັງຄົມ. ຍສໝ - ຕອນບ່າຍວັນທີ 10 ທັນວາ, ຄະນະຜູ້ແທນໂຄງການພັດທະນາສະຫະປະຊາຊາດ (UNDP) ປະຈຳຫວຽດນາມ ໂດຍທ່ານນາງ Ramla Khalidi, ຜູ້ຕ່າງໜາ້ປະຈຳ UNDP ປະຈຳ ຫວຽດນາມ ເປັນນຳໜ້າ ໄດ້ມາຢ້ຽມຢາມ ແລະ ເຮັດວຽກກັບອົງການຄະນະກຳມະການສູນກາງແນວໂຮມປະເທດຊາດຫວຽດນາມ. ທ່ານນາງ ຫງວຽນທິຕ໋ຽວນ, ກໍາມະການສູນກາງພັກ, ຮອງປະທານຄະນະສູນກາງແນວໂຮມປະເທດຊາດ ຫວຽດນາມ, ປະທານສະຫະພັນແມ່ຍິງຫວຽດນາມ ເປັນປະທານກອງປະຊຸມ. ທີ່ການພົບປະ, 2 ຝ່າຍໄດ້ແລກປ່ຽນຄຳເຫັນກ່ຽວກັບທີ່ຕັ້ງ ແລະ ບົດບາດຂອງແມ່ຍິງ ຫວຽດນາມ ໃນລະບົບການເມືອງ - ສັງຄົມ, ແລະ ທິດທາງການຮ່ວມມືທີ່ມີທ່າແຮງລະຫວ່າງສະຫະພັນແມ່ຍິງ ຫວຽດນາມ ແລະ UNDP ໃນໄລຍະຈະມາເຖິງ. |
 ທ່ານເລຂາທິການໃຫຍ່, ປະທານປະເທດ ໂຕເລິມ: ຊຸກຍູ້ປະເທດພັດທະນາໂດຍໄວ, ຍືນຍົງ, ຍົກສູງຊີວິດການເປັນຢູ່ທຸກດ້ານຂອງປະຊາຊົນ. ທ່ານເລຂາທິການໃຫຍ່, ປະທານປະເທດ ໂຕເລິມ ແບ່ງປັນວ່າ ເລື່ອງດຳລົງຕຳແໜ່ງເປັນເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ສາທາລະນະລັດ ສັງຄົມນິຍົມ ຫວຽດນາມ ແມ່ນຄວາມເປັນກຽດອັນຍິ່ງໃຫຍ່, ແມ່ນຄວາມຮັບຜິດຊອບ ແລະ ພັນທະອັນສັກສິດ, ສູງສົ່ງ. |
ແທັງຮັ່ງ
