 |
ຕະຫລາດຫລັກຊັບລາວ.
ເມື່ອບໍ່ດົນມານີ້, ອີງຕາມການລາຍງານ ຂອງທະນາຄານແຫ່ງ ສປປ ລາວ ໃຫ້ຮູ້ວ່າ ມູນຄ່າຂອງຮຸ້ນການຊື້-ຂາຍ ໃນຕະຫລາດຫລັກຊັບລາວ ໄດ້ມີການຂະຫຍາຍຕົວຢ່າງໄວວາ ໃນປີທີ່ຜ່ານມາຈົນເຖິງປັດຈຸບັນ.
ໃນການລາຍງານປະຈໍາປີ ຂອງກຸ່ມບໍລິສັດຫລັກຊັບໃນ ສປປ ລາວ, ທະນາຄານກາງ ໄດ້ເປີດ ເຜີຍຂໍ້ມູນທີ່ສະແດງໃຫ້ເຫັນ ເຖິງການພັດທະນາເສດຖະກິດ ຂອງປະເທດລາວ ໃນປີທີ່ຜ່ານມານີ້ ລວມທັງ ການຊື້-ຂາຍ ໃນຕະຫລາດຫລັກຊັບລາວ, ເຊິ່ງຖືວ່າ ເປັນໜຶ່ງໃນຕະຫລາດທຶນໃໝ່ ໃນປະເທດ ເຫັນໄດ້ວ່າໃນປີ 2017 ມູນຄ່າການຊື້ - ຂາຍ ຂອງຮຸ້ນແມ່ນປະມານ 343 ຕື້ກີບ (ປະມານ 41 ລ້ານໂດລາສະ ຫະລັດ) ນີ້ແມ່ນການເພີ່ມຂຶ້ນ 202% ເມື່ອທຽບກັບປີກ່ອນ, ເຊິ່ງກວມເອົາຂໍ້ມູນຈາກຕະຫລາດຫລັກຊັບລາວ ທີ່ເປັນບໍລິສັດຮ່ວມທຶນລາວ - ເກົາຫລີ. ພິເສດ, ແມ່ນເຫັນວ່າມີປະມານ 51 ລ້ານຮຸ້ນ ໄດ້ຖືກຊື້-ຂາຍໃນປີ 2017 ເຊິ່ງເພີ່ມຂຶ້ນ 126% ເມື່ອທຽບກັບປີທີ່ຜ່ານມາ. ສະນັ້ນ, ເຫັນໄດ້ຈາກການລາຍງານ ສະພາບເສດຖະກິດປະຈໍາປີຂອງທະນາຄານ ແຫ່ງ ສປປ ລາວ ແລ້ວ ແມ່ນປະມານ 49% ຂອງນັກລົງທຶນທີ່ເປັນຊາວຕ່າງຊາດ ທີ່ເຫັນໄດ້ໂອກາດໃນການລົງທຶນ ກ່ຽວກັບຕະຫລາດ ການແລກປ່ຽນຫລັກຊັບໃໝ່ໃນອາຊີ, ສິ່ງເຫລົ່ານັ້ນມັນສະທ້ອນໃຫ້ເຫັນວ່າ ປັດຈຸບັນ ແມ່ນເກີດມີບັນດາ ຕະຫລາດຫລັກຊັບເພີ່ມຫລາຍຂຶ້ນ, ບາງຮຸ້ນລວມທັງຮຸ້ນທະນາຄານການຄ້າຕ່າງປະເທດລາວ BCEL, ມີຜົນຕອບແທນດ້ານການລົງທຶນທີ່ໜ້າສົນໃຈ, ເຊິ່ງໃນປີ 2017, ທະນາຄານດັ່ງກ່າວ ໄດ້ຈ່າຍເງິນປັນຜົນ 712 ກີບຕໍ່ຮຸ້ນ ໃຫ້ແກ່ຜູ້ຖືຫຸ້ນອັດຕາດອກເບ້ຍນີ້ ແມ່ນສູງກ່ວາດອກເບ້ຍທີ່ໄດ້ຮັບຈາກປີ 2011 ທີ່ ລາວ ໄດ້ເປີດຕະຫລາດຫລັກຊັບໃນປີແລກ ແລະ ມັນເປັນສ່ວນໜຶ່ງ ຂອງຄວາມພະຍາຍາມ ເພື່ອຂະຫຍາຍຕະຫລາດທຶນ. ຍິ່ງໄປກ່ວານັ້ນ, ຕະຫລາດທຶນຕົ້ນຕໍ ແມ່ນມີລາຍໄດ້ຈາກບັນດາທະນາຄານທຸລະກິດ, ຊຶ່ງສາມາດສະໜອງການກູ້ຢືມໄລຍະສັ້ນ, ເງິນຝາກໃຫ້ແກ່ປະຊາຊົນລາວ.
ລັດຖະບານເຊື່ອວ່າ ຕະຫລາດຫລັກຊັບຈະສ້າງເງື່ອນໄຂ ທີ່ດີໃຫ້ກັບບັນດາບໍລິສັດ ໃນປະເທດລາວ ໃນການເຂົ້າເຖິງການລົງທຶນໄລຍະຍາວ ທີ່ພວກເຂົາສາມາດນໍາໃຊ້ເພື່ອຂະຫຍາຍ ທຸລະກິດ, ແຕ່ເຖິງຢ່າງໃດກໍຕາມ, ເຖິງວ່າຈະມີການເຕີບໂຕຢ່າງວ່ອງໄວ ໃນການລົງທຶນຫລັກຊັບລາວ, ຜູ້ຄ້າຂາຍຫລັກຊັບສ່ວນຫລາຍ ແມ່ນເປັນຊາວຕ່າງຊາດ ຍ້ອນແນວນັ້ນຈຶ່ງຮຽກຮ້ອງ ບັນດາພາກສ່ວນທີ່ກ່ຽວຂ້ອງ ຊອກຫາຊ່ອງທາງ ໃນການຊຸກຍູ້ສົ່ງເສີມໃຫ້ບັນດານັກລົງທຶນຊາວລາວ ໃຫ້ມີສ່ວນຮ່ວມໃນຕະຫລາດຫລັກຊັບເພີ່ມຂຶ້ນ ແລະ ຢາກໃຫ້ປະຊາຊົນລາວ ມີຄວາມເຂົ້າໃຈ ກ່ຽວກັບໂອກາດຕະຫລາດ ແລະ ສິ່ງທ້າທາຍ, ນັກລົງທຶນຍັງຕ້ອງເຂົ້າເຖິງຂໍ້ມູນດ້ານການເງິນ ແລະ ຄວາມເປັນໄປ, ການປະຕິບັດວຽກງານຂອງບໍລິສັດ ໃນການລົງທຶນເຮັດໃຫ້ສາມາດຕັດສິນໃຈ ໃນການລົງທຶນ ເພຶ່ອເສີມຂະຫຍາຍເສດຖະກິດ ໃຫ້ແກ່ປະເທດຊາດ ໄດ້ຕື່ມອີກ.
（ແຫຼ່ງຂໍ້ມູນ： ຂປລ）
