ຊ​ຸ​ກ​ຍຸ້​​ການ​ຄ້າ ຫວຽດ​ນາມ - ອາ​ເມ​ລິ​ກາ ​ໄລ​ຍະຫຼັງ Covid – 19
	ທ່ານ ຮ່າກິມງອກ ໂອ້ລົມທາງໂທລະສັບກັບທ່ານ Ami Bera ສະມາຊິກສະພາຕ່ຳອາເມລິກາ

ວັນທີ 3 ມິຖຸນາ, ທີ່ນະຄອນຫຼວງ Washington (ອາເມລິກາ), ທ່ານຮ່າກິມຫງ້ອກ - ເອກອັກຄະລັດຖະທູດຫວຽດນາມ ປະຈຳສະຫະລັດອາເມລິກາ ແລະ ທ່ານ Jose Manuel Romualdez - ເອກອັກຄະລັດຖະທູດຟິລິບປິນ ປະຈຳສະຫະລັດອາເມລິກາ ໄດ້ເຂົ້າຮ່ວມກອງປະຊຸມແລກປ່ຽນທາງອິນເຕີເນັດ ເຊິ່ງຈັດໂດຍສູນສາກົນ Meridian ດ້ວຍຫົວຂໍ້ວ່າ “ການຮັບມືຂອງອາຊຽນໃນໄລຍະຟື້ນຟູເສດຖະກິດທີ່ຫຼັງ COVID-19."

ກອງປະຊຸມດັ່ງກ່າວ ມີການເຂົ້າຮ່ວມຂອງບັນດາຜູ້ຕາງໜ້າກະຊວງການຕ່າງປະເທດ ສະຫະລັດອາເມລິກາ, ບັນດາສະຖານທູດ ແລະ ຜູ້ຕາງໜ້າຂັ້ນສູງມາຈາກບໍລິສັດ 30 ກວ່າແຫ່ງ ຂອງສະຫະລັດອາເມລິກາ ແລະ ສະມາຄົມທຸລະກິດຂະໜາດໃຫຍ່ 2 ແຫ່ງ ໃນຂົງເຂດຕ່າງໆ, ເຊັ່ນ: ການແພດ, ອາຫານ ແລະ ກະສິກຳ, ເຄື່ອງດື່ມ, ເຕັກໂນໂລຢີ, ພະລັງງານ, ປະກັນໄພ ແລະ ກົດໝາຍ.

ທ່ານຮ່າກິມຫງ້ອກ - ເອກອັກຄະລັດຖະທູດຫວຽດນາມ ປະຈຳສະຫະລັດອາເມລິກາ ໄດ້ເຂົ້າຮ່ວມກອງປະຊຸມແລກປ່ຽນທາງອິນເຕີເນັດ “ການຮັບມືຂອງອາຊຽນໃນໄລຍະຟື້ນຟູເສດຖະກິດທີ່ຫຼັງ COVID-19." (ພາບ: TTXVn)

ທີ່ການພົບປະ, ທ່ານຮ່າກິມຫງ້ອກ - ເອກອັກຄະລັດຖະທູດຫວຽດນາມ ແລະ ທ່ານ Jose Manuel - ເອກອັກຄະລັດຖະທູດຟິລິບປິນ ໄດ້ເນັ້ນໜັກວ່າ ພະຍາດ COVID-19 ພວມສ້າງບັນດາສິ່ງທ້າທາຍທີ່ບໍ່ເຄີຍມີມາກ່ອນ ສຳລັບບັນດາປະເທດໃນທົ່ວໂລກ, ໃນນັ້ນມີຂົງເຂດອາຊຽນ. ໃນຖານະທີ່ເປັນປະທານອາຊຽນ, ຫວຽດນາມ ໄດ້ຮ່ວມມືຢ່າງແໜ້ນແຟ້ນກັບບັນດາປະເທດສະມາຊິກອາຊຽນອື່ນໆ ໃນການຊຸກຍູ້ກົນໄກຕ່າງໆ ເພື່ອປະສານງານນະໂຍບາຍ ແລະ ການເຄື່ອນໄຫວຂອງອາຊຽນໂດຍໄວ.

ເມື່ອບໍ່ດົນມານີ້, ບັນດາຜູ້ນຳອາຊຽນໄດ້ໃຫ້ຄຳໝັ້ນສັນຍາວ່າ ຈະຮັກສາຂະບວນສິນຄ້າ ແລະ ການບໍລິການ, ໂດຍສະເພາະ ແມ່ນສິນຄ້າທີ່ຈຳເປັນ; ສົ່ງເສີມຫົວຄິດປະດິດສ້າງ, ການພັດທະນາແຜນການເພື່ອຟື້ນຟູ ແລະ ເປີດກວ້າງພື້ນຖານເສດຖະກິດ ແລະ ສັງຄົມ ຫຼັງ COVID-19.

ທ່ານເອກອັກຄະລັດຖະທູດ ຮ່າກິມຫງ້ອກ ໄດ້ປະກາດວ່າ ເພື່ອຕ້ອນຮັບຂະບວນທຶນຮອນ ທີ່ຫັນປ່ຽນການລົງທືນ ແລະ ຕ່ອງໂສ້ການສະໜອງທົ່ວໂລກ, ເມື່ອບໍ່ດົນມານີ້, ທ່ານ ຫງວຽນຊວນຟຸກ - ນາຍົກລັດຖະມົນຕີຫວຽດນາມ ໄດ້ຕົກລົງສ້າງຕັ້ງກຸ່ມປະຕິບັດງານພິເສດ ເພື່ອຊຸກຍູ້ການດຶງດູດການລົງທຶນຈາກຕ່າງປະເທດ, ໃນນັ້ນມີບັນດາວິສາຫະກິດອາເມລິກາ.

ສະນັ້ນ, ທ່ານຮ່າກິມຫງ້ອກ ໄດ້ປາດຖະໜາວ່າ ບັນດາວິສາຫະກິດອາເມລິກາ ມີຄວາມສາມາດບົ່ມຊ້ອນດ້ານເຕັກໂນໂລຢີ, ວິຊາສະເພາະ ແລະ ທຶນຮອນ ຈະໄດ້ສືບຕໍ່ເລືອກເຟັ້ນ ຫວຽດນາມ ແມ່ນສະຖານທີ່ດຶງດູດ ແລະ ປອດໄພສຳລັບບັນດາການເຄື່ອນໄຫວດຳເນີນທຸລະກິດ.

ທ່ານຮ່າກິມຫງ້ອກ ກ່າວຕື່ມວ່າ: ນອກເໜືອຈາກການຮ່ວມມືດ້ານສາທາລະນະສຸກ ແລະ ການຜະລິດວັກຊີນ, ມັນຍັງມີຫລາຍຂົງເຂດທີ່ມີທ່າແຮງ, ເຊັ່ນ: ການຄ້າດິຈິຕອນ, ພື້ນຖານໂຄງລ່າງ ແລະ ພະລັງງານ, ໂດຍສະເພາະ ແມ່ນພະລັງງານແບບສ້າງໃໝ່. ນີ້ແມ່ນບັນດາຂົງເຂດມີທ່າດີເຊິ່ງບັນດາວິສາຫະກິດອາເມລິກາ ໄດ້ຮ່ວມມື ແລະ ການລົງທຶນກັບຫວຽດນາມ.

ທີ່ການພົບປະ, ຜູ້ຕາງໜ້າບັນດາວິສາຫະກິດອາເມລິກາ ໄດ້ສືບຕໍ່ສະແດງຄວາມເອົາໃຈໃສ່ເຖິງຫວຽດນາມ, ຊົມເຊີຍຜົນສຳເລັດຂອງຫວຽດນາມ ໃນການຄວບຄຸມພະຍາດ, ພ້ອມທັງໄດ້ຕີລາຄາສູງ ຕໍ່ນະໂຍບາຍເປີດປະຕູ ແລະ ການຟື້ນຟູເສດຖະກິດຂອງຫວຽດນາມ.

ບັນດາວິສາຫະກິດອາເມລິກາ ໄດ້ສະແດງຄວາມປາດຖະໜາຢາກໃຫ້ອາຊຽນເວົ້າລວມ ແລະ ຫວຽດນາມເວົ້າສະເພາະ ແມ່ນຮັກສາລະບົບຕ່ອງໂສ້ການສະໜອງ, ໂດຍສະເພາະ ແມ່ນບັນດາຜະລິດຕະພັນ ແລະ ອຸປະກອນການແພດ, ພ້ອມທັງສະເໜີໃຫ້ຫວຽດນາມ ໄດ້ເປີດປະຕູຄືນໃໝ່ໂດຍໄວ ເພື່ອວິສາຫະກິດອາເມລິກາ ສາມາດເຂົ້າເຖິງຄູ່ຮ່ວມມື ແລະ ທ້ອງຕະຫຼາດຫວຽດນາມ.

ປະເທດອາເມລິກາ ໄດ້ຖືຫວຽດນາມ ແມ່ນບຸລິມະສິດໃນການຮ່ວມມື ໃນລະບົບຕ່ອງໂສ້ການສະໜອງ ຍສໝ - ເມື່ອບໍ່ດົນມານີ້, ປະເທດອາເມລິກາ ໄດ້ກ່າວວ່າ, ຫວຽດນາມ ແມ່ນຄູ່ຮ່ວມມືບຸລິມະສິດໃນບັນດາໂຄງການພາກພື້ນທີ່ຈະມາເຖິງ, ປະກອບມີ ການຜະລິດບັນດາຜະລິດຕະພັນຍຸດທະສາດໃນຕ່ອງໂສ້ການສະໜອງ ຂອງປະເທດອາເມລິກາ.

ຜູ້ຊ່ຽວຊານອາເມລິກາ: ຫວຽດນາມ ເປັນແບບຢ່າງ ໃນການຄວບຄຸມພະຍາດ Covid-19 ຍສໝ - ໃນການໃຫ້ສຳພາດກັບ ບົດຂຽນທີ່ລົງໃນໜັງສືພິມ Washington Post, ທ່ານ Matthew Moore, ຜູ້ຊ່ຽວຊານຈາກສູນຄວບຄຸມ ແລະ ປ້ອງກັນພະຍາດ (CDC) ອາເມລິກາ ຢູ່ຮ່າໂນ້ຍ ໄດ້ກ່າວວ່າ: “ຫວຽດນາມໄດ້ປະຕິບັດມາດຕະການທີ່ເປັນແບບຢ່າງ ໃນການຄວບຄຸມພະຍາດ Covid-19”.

ຫວຽດນາມ ສືບຕໍ່ນຳສົ່ງພົນລະເມືອງຈຳນວນ 340 ຄົນ ຈາກສະຫະລັດອາເມລິກາ ກັບຄືນປະເທດຢ່າງປອດໄພ. ຍສໝ - ຫຼັງຈາກຈອດລົງດິນຢູ່ສະໜາມບິນ ໂນຍບາຍq, ຜູ້ໂດຍສານ ແລະ ພະນັກງານປະຈຳຖ້ຽວບິນທຸກຄົນ ໄດ້ຕິດຕາມກວດກາດ້ານການແພດ ແລະ ແຍກອອກຫ່າງຕາມລະບຽບການ.