| ແຂວງກວ໋າງບິ່ງ: ຈັດພິທີມອບຂອງຂວັນ 100 ພູດ ລວມມູນຄ່າ 80 ລ້ານດົ່ງ ໃຫ້ແກ່ບັນດານັກສຶກສາລາວ ທີ່ມີສະພາບຫຍຸ້ງຍາກ | |
| ແຂວງສະຫວັນນະເຂດເປີດເວັບໄຊກ່ຽວກັບຂໍ້ມູນຂ່າວສານການລົງທຶນ |
 |
| ພາບປະກອບ |
ທ່ານ ນາງ ລັດສະໝີ ວົງຄຳຊາວ ຮອງຫົວໜ້າກົມຄວບຄຸມພະຍາດຕິດຕໍ່ ກະຊວງສາ ທາລະນະສຸກ ລາຍງານໃຫ້ຮູ້ວ່າ: ມາຮອດວັນທີ 26 ຕຸລາ 2020 ສປປ ລາວ ຍັງບໍ່ພົບຜູ້ຕິດເຊື້ອໂຄວິດ-19 ເພີ່ມ ຜູ້ຕິດເຊື້ອສະສົມ 24 ຄົນ, ເຖິງຢ່າງໃດກໍຕາມ ປະຊາຊົນຈຳນວນບໍ່ໜ້ອຍຍັງປະມາດ ແລະ ບໍ່ມີສະຕິລະວັງໂຕ ໃນການໃຊ້ຊີວິດສະແດງອອກ ເຊັ່ນ: ບໍ່ປະຕິດຕາມຄຳແນະນຳ ທີ່ຄະນະສະເພາະກິດວາງອອກ, ລະເລີ່ຍການລ້າງມືດ້ວຍນໍ້າສະອາດ ໃສ່ສະບູ ຫລື ໃຊ້ເຈວລ້າງມື, ການປະຕິບັດໄລຍະຫ່າງທາງສັງຄົມ, ບໍ່ການໃສ່ຜ້າປິດປາກ-ດັງ ເວລາອອກຈາກບ້ານ ຫລື ໄປສະຖານທີ່ ທີ່ມີຄວາມສ່ຽງຕໍ່ການຕິດເຊື້ອ ແລະ ອື່ນໆ.
ທ່ານ ນາງ ລັດສະໝີ ວົງຄຳຊາວ ຍັງໄດ້ໃຫ້ຮູ້ຕື່ມວ່າ: ມາຮອດວັນທີ 25 ຕຸລາ 2020 ມີ ຜູ້ເດີນທາງເຂົ້າມາທັງໝົດ 949 ຄົນ, ໃນນັ້ນ ຜ່ານດ່ານລາວ-ໄທ 529 ຄົນ, ຜ່ານດ່ານ ລາວ-ຈີນ 218 ຄົນ, ດ່ານລາວ-ຫວຽດນາມ 202 ຄົນ, ທັງໝົດ ໄດ້ແທກອຸນຫະພູມຮ່າງກາຍ, ບໍ່ມີອາການເປັນໄຂ້ ແລະ ໄດ້ເກັບຕົວຢ່າງທັງໝົດມາກວດ ເພື່ອຊອກຫາເຊື້ອໂຄວິດ-19 (ຍົກເວັ້ນແຕ່ຜູ້ຂັບລົດຂົນສົ່ງ ແລະ ຜູ້ຕິດຕາມ). ຈາກນັ້ນ, ໄດ້ນຳສົ່ງໄປສະຖານທີ່ຈຳກັດບໍລິເວນ 14 ວັນ. ໃນວັນດຽວກັນ ກໍໄດ້ເກັບຕົວຢ່າງມາ ກວດວິເຄາະທັງໝົດ 302 ຕົວຢ່າງ, ໃນນັ້ນແຮງງານລາວມາແຕ່ໄທ 121 ຕົວຢ່າງ, ແຮງງານຈີນ 85 ຕົວຢ່າງ, ແຮງງານຫວຽດນາມ 15 ຕົວຢ່າງ, ແຮງງານລາວທີ່ກັບມາແຕ່ຈີນ 14 ຕົວຢ່າງ, ບຸກຄົນທົ່ວ ໄປທີ່ມີອາການ 7 ຕົວຢ່າງ ແລະ ບຸກຄົນທົ່ວໄປທີ່ບໍ່ມີອາການ 59 ຕົວຢ່າງ ຜົນກວດວິເຄາະ ທັງ ໝົດແມ່ນບໍ່ພົບເຊື້ອ, ສັງລວມການກວດວິເຄາະແຕ່ ເດືອນມັງກອນ ຮອດ ວັນທີ 25 ຕຸລາ 2020 ໄດ້ ເກັບຕົວຢ່າງມາກວດທັງໝົດ 63.749 ຕົວຢ່າງ, ກວດພົບເຊື້ອສະສົມ 24 ຄົນ.
 | ການແລກປ່ຽນການຄ້າລະຫວ່າງ ລາວ - ຫວຽດ ຍາກທີ່ຈະບັນລຸໄດ້ເປົ້າໝາຍທີ່ວາງອອກຍ້ອນໂລກລະບາດ Covid – 19 ຍສໝ - ການລົງທຶນຂອງ ຫວຽດນາມ ຢູ່ລາວສຸມໃສ່ບັນດາຂົງເຂດຄື: ເຄື່ອນໄຟຟ້າ, ຂຸດຄົ້ນໂລຫະ, ຄົມມະນາຄົມ, ປູກຕົ້ນໄມ້ອຸດສາຫະກຳ, ການບໍລິການ, ປະກອບສ່ວນຢ່າງສຳຄັນເຂົ້າໃນການພັດທະນາເສດຖະກິດ - ສັງຄົມຂອງລາວ. ສ່ວນລັດຖະບານ ລາວຄາດຄະເນແຫຼ່ງລາຍຮັບການສົ່ງອອກຂອງປະເທດໃນປີນີ້ ຈະຫຼຸດລົງ 483,3 ລ້ານ USD ປະມານ 8,4% ເມື່ອທຽບໃສ່ 2019. |
 | 8 ເມືອງໃນແຂວງສະຫວັນນະເຂດ ໄດ້ຮັບຜົນກະທົບໝັກຈາກໄພພິບັດນໍ້າຖ້ວມ ປັດຈຸບັນປະຊາຊົນ 8 ເມືອງໃນແຂວງສະຫວັນນະເຂດ ໄດ້ຮັບຜົນກະທົບໝັກຈາກໄພພິບັດນໍ້າຖ້ວມ ຄື: ເຊໂປນ, ເມືອງນອງ, ວິລະບູລີ, ເມືອງພີນ ແລະ 4 ເມືອງຕອນລຸ່ມລຽບຕາມລໍານໍ້າເຊບັ້ງຫຽງ. |
 | ສປປ.ລາວ: ເຂົ້ານາຫລາຍພັນເຮັກຕາທັງເມືອງວິລະບູລີ, ເຊໂປນ, ຈຳພອນ, ສອງຄອນ, ໄກສອນ ພົມວິຫານ ແລະອື່ນໆ ຖືກນໍ້າຖ້ວມ ສ່ວນສະພາບການໃນຫລາຍເມືອງຂອງສະຫວັນນະເຂດທີ່ໄດ້ຮັບຜົນກະທົບຈາກສະພາບຝົນຕົກຫລາຍວັນ, ເຂົ້ານາ ຫລາຍພັນເຮັກຕາ ທັງເມືອງວິລະບູລີ, ເຊໂປນ, ຈຳພອນ, ສອງຄອນ, ໄກສອນ ພົມວິຫານ ແລະອື່ນໆ ຖືກນໍ້າຖ້ວມ, ກຳລັງ ປກຊ, ປກສ ກໍຄື ອົງການຈັດຕັ້ງທາງປົກຄອງບ່ອນມີເງື່ອນໄຂໄດ້ພາກັນລົງຊ່ວຍປະຊາຊົນ ໃນການເກັບກູ້ເອົາເຂົ້າ ແລະ ສັດ ໄປໄວ້ບ່ອນສູງ. |
kpl.gov.la
