ໃນວັນທີ 23 ຕຸລາ, ບັນດາອົງການທີ່ມີໜ້າທີ່ຫວຽດນາມ, ສະຖານທູດຫວຽດນາມ ປະຈຳຟີລິບປິນ ແລະ ສາຍການບິນແຫ່ງຊາດຫວຽດນາມ ໄດ້ຮ່ວມມືບັນດາອົງການທີ່ມີໜ້າທີ່ຟີລິບປິນ ເພື່ອນຳສົ່ງພົນລະເມືອງຫວຽດນາມ ຈຳນວນ 240 ຄົນ ກັບບ້ານຢ່າງປອດໄພ. ສະຖານທູດຫວຽດນາມ ປະຈຳຟີລິບປິນ ໄດ້ສົ່ງພະນັກງານໂດຍກົງໄປຊ່ວຍພົນລະເມືອງ ຢູ່ສະໜາມບິນ.
 |
| ຖ້ຽວບິນນຳສົ່ງພົນລະເມືອງ ຫວຽດນາມ 880 ຄົນຈາກຟີລິບປິນ, ສ.ເກົາຫຼີ, ສະຫະລັດອາເມລິກາ ແລະ ເອີຣົບກັບຄືນບ້ານຢ່າງປອດໄພ. (ພາບ: thoidai.com.vn) |
ແລະກໍ່ໃນວັນທີ 22 - 23 ຕຸລາ, ບັນດາອົງການທີ່ມີໜ້າທີ່ຫວຽດນາມ, ສະຖານທູດຫວຽດນາມ ຢູ່ອາເມລິກາ ແລະ ສ.ເກົາຫຼີ, ສາຍການບິນແຫ່ງຊາດຫວຽດນາມ ໄດ້ຮ່ວມມືກັບບັນດາອົງການທີ່ມີໜ້າທີ່ທ້ອງຖິ່ນ ເພື່ອນຳສົ່ງພົນລະເມືອງຫວຽດນາມຫຼາຍກວ່າ 360 ຄົນໄປກັບຄືນບ້ານຢ່າງປອດໄພ.
ຜູ້ໂດຍສານໃນຖ້ຽວບິນທີ່ຖືກຕິດຄ້າງຍ້ອນການລະບາດຂອງພະຍາດ COVID-19 ແລະ ກໍລະນີທີ່ປະສົບຄວາມຫຍຸ້ງຍາກໂດຍສະເພາະ, ເຊັ່ນ: ແມ່ຍິງຖືພາ, ເດັກນ້ອຍອາຍຸຕໍ່າກວ່າ 18 ປີ, ຄົນເຈັບປ່ວຍໜັກ, ແລະ ຜູ້ອອກແຮງງານໝົດກຳນົດວີຊາ ຫຼື ສັນຍາແຮງງານ, ນັກຮຽນທີ່ບໍ່ມີບ່ອນຢູ່ອາໄສ ຍ້ອນຫໍພັກອັດປະຕູ.
ບັນດາອົງການທີ່ມີໜ້າທີ່ຫວຽດນາມ ໄດ້ສະໜັບສະໜູນພົນລະເມືອງຢ່າງຕັ້ງໜ້າ, ເຊິ່ງໃນມັ້ໃມີຫຼາຍຄົນຢູ່ເຂດຫ່າງໄກ, ຕ້ອງການຄວາມຊ່ວຍເຫຼືອພິເສດ ໃນການຍ້າຍໄປຢູ່ຈຸດເຕົ້າໂຮມທີ່ສະໜາມບິນ San Francisco, ອາເມລິກາ ແລະ ຢູ່ Seoul, ສ.ເກົາຫຼີ; ພ້ອມດຽວກັນນີ້, ສະຖານທູດຫວຽດນາມ ໄດ້ສົ່ງພະນັກງານທີ່ລົງສະໜາມບິນໂດຍກົງ ເພື່ອຊ່ວຍເຫຼືອພົນລະເມືອງໃນການປະຕິບັດລະບຽບການ ແລະ ການຂຶ້ນເຮືອບິນໂດຍໄວ ແລະ ປອດໄພ.
ທັນທີຫຼັງຈາກລົງຈອດຢູ່ສະໜາມບິນສາກົນ ເກີນເທີ, ດ່ານັງ, ເວີນໂດນ ຜູ້ໂດຍສານທຸກຄົນ ໄດ້ກວດສອບທາງການແພດ ແລະ ປະຕິບັດການແຍກຫ່າງ ຕາມລະບຽບການທີ່ໄດ້ກຳນົດໄວ້.
 | ລາວ: ສຸມໃສ່ການຊຸກຍູ້ເສດຖະກິດໃນໄລຍະການລະບາດຂອງ Covid-19 ກອງປະຊຸມເປັນເອກະພາບ ຕໍ່ບັນດາທິດທາງ ມາດຕະການກະຕຸ້ນ ແລະ ຍູ້ແຮງການເຕີບໂຕຂອງ ເສດຖະກິດ-ສັງຄົມ ໂດຍສະເພາະໃນໄລຍະ ທີ່ເສດຖະກິດ ຖືກຜົນກະທົບຈາກພະຍາດ ໂຄວິດ-19 ໄດ້ພະຍາຍາມປັບປຸງ ສະພາບແວດລ້ອມຂອງການລົງທຶນ ໃຫ້ມີຄວາມສອດຄ່ອງ ແລະ ສືບຕໍ່ຍູ້ແຮງການຜະລິດ ເປັນສິນຄ້າຕາມທ່າແຮງ ຂອງແຕ່ລະຂະແໜງການ ແລະ ແຕ່ລະທ້ອງຖິ່ນ, ມີການປັບປຸງການຄຸ້ມຄອງ ແລະ ສົ່ງເສີມການຜະລິດສິນຄ້າ ເພື່ອຊົມໃຊ້ພາຍໃນ ແລະ ສົ່ງອອກ ... |
 | ຍອດຈຳນວນຜູ້ຕິດເຊື້ອໂຄວິດ-19 ຢູ່ ຫວຽດນາມ ສະສົມແມ່ນ 1.126 ຄົນ, ໃນນັ້ນ ມີ 1.031 ຄົນໄດ້ຮັບການປິ່ນປົວຫາຍດີເປັນປົກກະຕິແລ້ວ ເປັນມື້ທີ 46 ແລ້ວ ຫວຽດນາມ ບໍ່ພົບຜູ້ຕິດເຊື້ອໂຄວິດ-19 ໃນຊຸມຊົນ. ຍອດຈຳນວນຜູ້ຕິດເຊື້ອໂຄວິດ-19 ຢູ່ ຫວຽດນາມ ສະສົມແມ່ນ 1.126 ຄົນ, ໃນນັ້ນ ມີ 1.031 ຄົນໄດ້ຮັບການປິ່ນປົວຫາຍດີເປັນປົກກະຕິແລ້ວ. |
 | ຕ່າງປະເທດ ຍອດຜູ້ຕິດເຊື້ອໂຄວິດ-19 ທົ່ວໂລກເພີ່ມຂຶ້ນ38 ລ້ານກວ່າຄົນ ຍອດຜູ້ຕິດເຊື້ອໂຄວິດ19 ທົ່ວໂລກ ເພີມຂື້ນ 38.006.121 ລ້ານຄົນ ແລະ ຍອດຜູ້ເສຍຊີວິດແມ່ນ1.083.875 ຄົນ. |
ຄຳຮຸ່ງ
