 |
| ພາບປະກອບ |
ປະຈຸບັນ, ທົ່ວໂລກມີຜູ້ຕິດເຊື້ອພະຍາດໂຄວິດ-19 ທັງໝົດກວ່າ 39,15 ລ້ານຄົນ, ໃນນັ້ນມີຜູ້ເສຍຊີວິດໄດ້ເພີ່ມຂຶ້ນເປັນ 1.102.412 ຄົນ. ຈຳນວນຜູ້ໄດ້ຮັບການປິ່ນປົວຫາຍດີເປັນປົກກະຕິແມ່ນກວ່າ 8,68 ລ້ານຄົນ. ອາເມລິກາ ຍັງແມ່ນປະເທດຖືກຜົນສະທ້ອນຢ່າງໜັກໜ່ວງທີ່ສຸດດ້ວຍຜູ້ຕິດເຊື້ອພະຍາດກວ່າ 8,21 ລ້ານຄົນ, ມີຜູ້ເສຍຊີວິດ 222.706 ຄົນ.
ຕາມຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ-19 ແລ້ວ, ຫວຽດນາມ ບໍ່ກວດພົບຜູ້ຕິດເຊື້ອພະຍາດໂຄວິດ-19 ລາຍໃໝ່, ເປັນມື້ທີ 44 ແລ້ວທີ່ຫວຽດນາມ ບໍ່ກວດພົບກໍລະນີຕິດໂລກລະບາດໂຄວິດ-19 ໃນຊຸມຊົນ. ໄລ່ຮອດຈຸດເວລານີ້, ຜູ້ຕິດເຊື້ອພະຍາດໂຄວິດ-19 ຢູ່ຫວຽດນາມ ມີທັງໝົດ 1.124 ຄົນ, ໃນນັ້ນໄດ້ປິ່ນປົວຫາຍດີເປັນປົກກະຕິ 1030 ຄົນ. ມີຜູ້ເສຍຊີວິດ 35 ຄົນ.
ປັດຈຸບັນ ທົ່ວປະເທດລາວ ມີສູນຈໍາກັດບໍລິເວນທີ່ຍັງເປີດບໍລິການ ທັງໝົດ 35 ສູນ, ມີຜູ້ຖືກຈຳກັດບໍລິເວນຢູ່ສູນ 2.621 ຄົນ, ໄດ້ເກັບຕົວຢ່າງມາກວດວິເຄາະທັງໝົດ ແລະ ບໍ່ພົບຜູ້ຕິດເຊື້ອ. ສໍາລັບການເຝົ້າລະວັງ ໂຄວິດ-19 ຢູ່ ສປປ ລາວ ຮອດຕອນແລງ ຂອງວັນທີ 15 ຕຸລາ 2020 ມີຜູ້ເດີນທາງຈາກ ຈຸດຜ່ານແດນຕ່າງໆ ໃນທົ່ວປະເທດເຂົ້າມາ ທັງໝົດ 1.870 ຄົນ, ທຸກຄົນແມ່ນໄດ້ແທກ ອຸນຫະພູມຮ່າງກາຍ, ແຕ່ບໍ່ພົບຜູ້ທີ່ມີອາການເປັນໄຂ້ ແລະ ໄດ້ເກັບຕົວຢ່າງທຸກໆຄົນມາກວດ (ຍົກເວັ້ນແຕ່ຜູ້ຂັບລົດຂົນສົ່ງ ແລະ ຜູ້ຕິດຕາມ) ແລ້ວຈຶ່ງນຳສົ່ງໄປຫາສະຖານທີ່ຈຳກັດບໍລິເວນທີ່ກຳນົດໄວ້ຈົນກວ່າຈະຄົບກຳນົດ 14 ວັນ.
ໃນການຖະແຫຼງຂ່າວນັດສາມັນຂອງ ກະຊວງການຕ່າງປະເທດ ຫວຽດນາມ, ໂດຍຕອບຄຳຖາມຂອງ ນັກຂ່າວທີ່ສະເໜີໃຫ້ຮູ້ກ່ຽວກັບຂໍ້ມູນການຄົ້ນຄ້ວາ, ຜະລິດ ວັກຊິນ ກັນ ໂຄວິດ-19 ຂອງຫວຽດນາມ, ທ່ານນາງ ເລທິທູຮັ່ງ ໂຄສົກກະຊວງການຕ່າງປະເທດ ຫວຽດນາມ ໃຫ້ຮູ້ວ່າ: ໄປຄຽງຄູ່ກັບວຽກງານປ້ອງກັນ, ສະກັດກັ້ນໂລກລະບາດ ໂຄວິດ-19 , ລັດຖະບານ ຫວຽດນາມ ຍາມໃດກໍ່ມີຄວາມເອົາໃຈໃສ່ເປັນພິເສດຕໍ່ການຊີ້ນຳບັນດາອົງການທີ່ມີໜ້າທີ່ຮັບຜິດຊອບຢ່າງ ຮີບດ່ວນ ປະຕິບັດບັນດາການຄົ້ນຄ້ວາເພື່ອຜະລິດວັກຊິນພາຍໃນປະເທດ, ພ້ອມທັງຍູ້ແຮງການສົມທົບກັບບັນດາບໍລິສັດ, ຄູ່ຮ່ວມມືຜະລິດ ແລະ ສະໜອງ ວັກຊິນ ທີ່ມີອິດທິພົນຊື່ສຽງ ໃນທົ່ວໂລກ ເພື່ອມີວັກຊິນ ກັນ ໂຄວິດ-19 ໂດຍໄວ.
 | ຄະນະຊີ້ນຳແຫ່ງຊາດວາງອອກບັນດາມາດຕະການກຽມພ້ອມປ້ອງກັນສະກັດກັ້ນໂລກລະບາດໂຄວິດ19 ກ່າວຄຳເຫັນສະຫລຸບກອງປະຊຸມ,ທ່ານຮອງນາຍົກລັດຖະມົນຕີ ຫວູດຶກດາມ ເນັ້ນຫນັກວ່າ ໄລຍະນີ້ ຫວຽດນາມຕ້ອງປັບປຸງກຳລັງ, ບັນດາມາດຕະການທັງໝົດກຽມພ້ອມຮັບມືປ້ອງກັນສະກັດກັ້ນໂລກລະບາດ. |
 | ຫວຽດນາມມີຜູ້ຕິດເຊື້ອພະຍາດ Covid – 19 ສະສົມທັງໝົດແມ່ນ 1122 ຄົນ, ໃນນັ້ນມີ ຜູ້ໄດ້ຮັບການປິ່ນປົວຫາຍດີ 1026 ຄົນ ຫວຽດນາມ ຢັ້ງຢືນມີຜູ້ຕິດເຊື້ອພະຍາດ Covid – 19 ລາຍໃໝ່ຕື່ມອີກ 9 ຄົນ, ນີ້ແມ່ນຜູ້ຕິດເຊື້ອກັບມາຈາກຕ່າງປະເທດ ແລະ ໄດ້ຮັບການແຍກຕົວໃນທັນທີ. |
 | ການຮ່ວມມືດ້ານປ້ອງກັນຊາດ, ປ້ອງກັນຄວາມສະຫງົບ ແລະຊາຍແດນ ລະຫວ່າງ ຫວຽດນາມ ແລະ ລາວ ປະກອບສ່ວນສຳຄັນເຂົ້າໃນການຮັກສາຄວາມສະຫງົບທາງດ້ານການເມືອງ, ຄວາມເປັນລະບຽບຮຽບຮ້ອຍທາງສັງຄົມ, ສ້າງອຳນວຍຄວາມສະດວກໃຫ້ແກ່ການພັດທະນາເສດຖະກິດ - ສັງຄົມ, ຮັບປະກັນການປ້ອງກັນຊາດ - ປ້ອງກັນຄວາມສະຫງົບຢູ່ເຂດຊາຍແດນ, ປະກອບສ່ວນເຂົ້າໃນການປັບປຸງ, ເພີ່ມທະວີການພົວພັນທີ່ຍິ່ງໃຫຍ່, ຄວາມສາມັກຄີພິເສດ ແລະການຮ່ວມມືຮອບດ້ານລະຫວ່າງສອງພັກ, ສອງລັດ ແລະປະຊາຊົນຂອງສອງປະເທດຫວຽດນາມ - ລາວ. |
ໄຊພອນ
