ປະທານສະພາແຫ່ງຊາດຫວຽດນາມ ພົບປະ ນາຍົກລັດຖະມົນຕີ ຍີ່ປຸ່ນ

15:07 | 22/10/2020

ຍສໝ - ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ສະເໜີໃຫ້ທ່ານນາຍົກລັດຖະມົນຕີຍີ່ປຸ່ນ Suga Yoshihide ສືບຕໍ່ເອົາໃຈໃສ່ ສ້າງເງື່ອນໄຂສະດວກເພື່ອຊຸກຍູ້ການພົວພັນແລກປ່ຽນວັດທະນະທຳ, ການຮ່ວມມືລະຫວ່າງບັນດາທ້ອງຖິ່ນຂອງສອງປະເທດ, ຮ່ວມມືພັດທະນາແຫຼ່ງຊັບພະຍາກອນມະນຸດທີ່ມີຄຸນນະພາບສູງ ໂດຍຜ່ານການຮັບນັກຝຶກງານ ຫວຽດນາມ.

	ທ້ອງຖິ່ນ ລັດເຊຍຍົກສູງຄວາມຫວັງຮ່ວມມືທາງການຄ້າ ກັບວິສາຫະກິດ ຫວຽດນາມ
	ນຳສົ່ງພົນລະເມືອງຫວຽດນາມ 230 ຄົນຈາກສິງກະໂປ ແລະ ຍີ່ປຸ່ນກັບມາຫວຽດນາມ

ປະ ທານ ສະ ພາ ແຫ ງ ຊາດ ຫວຽດ ນາມ ພ ບ ປະ ນາ ຍ ກ ລ ດ ຖະ ມ ນ ຕ ຍ ປ ນ

ການພົບປະໂອ້ລົມລະຫວ່າງ ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ແລະ ທ່ານນາຍົກລັດຖະມົນຕີຍີ່ປຸ່ນ Suga Yoshihide (ພາບ: TTXVN)

ວັນທີ 19 ຕຸລາ, ຢູ່ຮ່າໂນ້ຍ, ທ່ານນາງຫງວຽນທິກິມເງິນປະທານສະພາແຫ່ງຊາດຫວຽດນາມ ໄດ້ມີການພົບປະກັບທ່ານSuga Yoshihideນາຍົກລັດຖະມົນຕີ ຍີ່ປຸ່ນເຊິ່ງພວມຢ້ຽມຢາມ ຫວຽດນາມ ຕາມຄຳເຊື້ອເຊີນຂອງທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ.

ທີ່ການພົບປະ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ສະເໜີໃຫ້ທ່ານນາຍົກລັດຖະມົນຕີຍີ່ປຸ່ນ Suga Yoshihide ສືບຕໍ່ເອົາໃຈໃສ່ ສ້າງເງື່ອນໄຂສະດວກເພື່ອຊຸກຍູ້ການພົວພັນແລກປ່ຽນວັດທະນະທຳ, ການຮ່ວມມືລະຫວ່າງບັນດາທ້ອງຖິ່ນຂອງສອງປະເທດ, ຮ່ວມມືພັດທະນາແຫຼ່ງຊັບພະຍາກອນມະນຸດທີ່ມີຄຸນນະພາບສູງ ໂດຍຜ່ານການຮັບນັກຝຶກງານ ຫວຽດນາມ, ສ້າງເງື່ອນໄຂສະດວກໃຫ້ແກ່ພໍ່ແມ່ພີ່ນ້ອງຊາວຫວຽດນາມ ທີ່ພວມດຳລົງຊີວິດ, ສຶກສາຮ່ຳຮຽນ ແລະ ເຮັດວຽກຢູ່ ຍີ່ປຸ່ນ. ທ່ານນາງກໍປາດຖະໜາວ່າ ສອງຝ່າຍຈະສືບຕໍ່ຮັກສາການຢ້ຽມຢາມ, ພົບປະແລກປ່ຽນໃນທຸກຂັ້ນ, ໂດຍສະເພາະແມ່ນລະຫວ່າງການນຳຂັ້ນສູງ.

່ສ່ວນທ່ານນາຍົກລັດຖະມົນຕີ ຍີ່ປຸ່ນ Suga Yoshihide ໄດ້ສະແດງຄວາມຂອບໃຈຕໍ່ສະພາແຫ່ງຊາດຫວຽດນາມ ທີ່ໄດ້ມອບຜ້າອັດປາກ ດັ່ງຈຳນວນ 20.000 ອັນໃຫ້ແກ່ ຍີ່ປຸ່ນ; ພ້ອມທັງ ປາດຖະໜາວ່າ ຈະພ້ອມກັບ ຫວຽດນາມ ຜ່ານຜ່າໂລກລະບາດໂຄວິດ - 19. ທ່ານນາຍົກລັດຖະມົນຕີຍີ່ປຸ່ນ ຢັ້ງຢືນວ່າ ຍີ່ປຸ່ນ ສະໜັບສະໜູນຫຼັກໝັ້ນຂອງ ອາຊຽນ ແລະ ຫວຽດນາມ ກ່ຽວກັບການຮັກສາສັນຕິພາບ, ສະຖຽນລະພາບ, ຄວາມປອດໄພ, ສິດເສລີທາງທະເລ ແລະ ການບິນ ຢູ່ທະເລຕາເວັນອອກ, ແກ້ໄຂບັນດາການຂັດແຍ້ງກັນໂດຍສັນຕິວິທີຕາມກົດໝາຍສາກົນ.

ຜ່ານຜ່າຜົນກະທົບຈາກໂລກລະບາດ Covid – 19 ເພື່ອຟື້ນຟູ ແລະ ພັດທະນາເສດຖະກິດ

ຍສໝ - ທີ່ກອງປະຊຸມສຳມະນາ, ບັນດາຜູ້ແທນໄດ້ຕີລາຄາວ່າ ໂລກລະບາດ Covid – 19 ພວມມີການຜັນແປຢ່າງສັບສົນຢູ່ລະດັບທີ່ແຕກຕ່າງກັນລະຫວ່າງ ບັນດາປະເທດ.

ຍີ່ບຸ່ນ ຮັກສາພັດທະນາການພົວພັນເສດຖະກິດກັບ ອາຊຽນ ແລະ ຫວຽດນາມ

ຍສໝ - ທ່ານ Kawada ໃຫ້ຂໍ້ສັງເກດວ່າ ຫວຽດນາມ ແລະ ບັນດາປະເທດ ອາຊຽນ ຕ່າງ ແມ່ນບັນດາຄູ່ຮ່ວມມືສຳຄັນທີ່ສຸດສຳລັບ ຍີ່ບຸ່ນ ໃນບັນດາຂົງເຂດເສດຖະກິດ, ການເມືອງ ແລະ ການທູດ. ສຳລັບ ອາຊຽນ, ການພົວພັນດ້ານເສດຖະກິດ ລະຫວ່າງ ຍີ່ບຸ່ນ ແລະ ອາຊຽນ ຈະສືບຕໍ່ໄດ້ຮັບການເພິ່ມທະວີ ແລະ ເຮັດໃຫ້ເລິກເຊິ່ງກ່ວາອີກ.