ໃນວັນທີ 28 ທັນວາ 2019 ທີ່ບ້ານຕ້າຍ ເມືອງແປກ, ສູນກາງພັກປະຊາຊົນ ປະຕິວັດລາວ ແລະ ລັດຖະບານ ແຫ່ງ ສປປ ລາວ ໄດ້ຈັດພິທີເປີດເຂດອະນຸສອນສະຖານສຳນັກງານສູນກາງຊີ້ນຳການປະຕິວັດ ເຂດຊຽງຂວາງສູນກາງພັກປະຊາຊົນ ປະຕິວັດລາວ ແລະ ລັດຖະບານ ແຫ່ງ ສປປ ລາວ ໄດ້ຈັດພິທີເປີດເຂດອະນຸສອນສະຖານສຳນັກງານສູນກາງຊີ້ນຳການປະຕິວັດ ເຂດຊຽງຂວາງ.
 |
ບັນດາຜູ້ນຳ ເປີດເຂດອະນຸສອນສະຖານ ສຳນັກງານສູນກາງຊີ້ນຳການປະຕິວັດ ເຂດຊຽງຂວາງ. (ພາບ: vientianemai.net)
ທ່ານ ບົວສອນ ສີນວນທອງ ຮອງເລຂາພັກແຂວງ ຮອງເຈົ້າແຂວງຊຽງຂວາງໄດ້ກ່າວລາຍງານວ່າ: ການກໍ່ສ້າງອະນຸສອນສະຖານ ສຳນັກງານສູນກາງຊີ້ນຳການປະຕິວັດເຂດຊຽງຂວາງຄັ້ງນີ້ ເພື່ອເປັນການຈາລຶກມູນເຊື້ອແຫ່ງຂະບວນການຕໍ່ສູ້ປົດປ່ອຍຊາດ ເພື່ອໃຫ້ຄົນລາວໄດ້ຮຽນຮູ້ມູນເຊື້ອປະຫວັດສາດຂອງພັກ ທັງເປັນການບູລະນະຟື້ນຟູໃຫ້ກາຍເປັນອະນຸສອນສະຖານລະດັບຊາດ ຊຶ່ງໄດ້ເລີ່ມລົງມືຈັດຕັ້ງປະຕິບັດໃນກາງເດືອນຕຸລາ 2019 ເປັນຕົ້ນມາ ໂດຍມີການບຸກເບີກຖົມພື້ນທີ່ບໍລິເວນວາງສີລາລຶກ ລວມຈຳນວນ 3.330 ຕາແມັດ ກໍ່ສ້າງແຜ່ນສີລາລຶກດ້ວຍຫີນທຳມະຊາດ ມີຄວາມຍາວ 3,60 ແມັດ ກວ້າງ 2,70 ແມັດ ໜາ 60 ເຊັນ ມີນ້ຳໜັກປະມານ 9,9 ໂຕນກວ່າ ແກະສະຫຼັກເນື້ອໃນເປັນພາສາລາວ ແລະ ພາສາອັງກິດ ນອກຈາກນັ້ນ ຍັງໄດ້ກໍ່ສ້າງສິ່ງອຳນວຍຄວາມສະດວກຕ່າງໆອີກ ລວມງົບປະມານທັງໝົດ 119,5 ລ້ານກີບ ແມ່ນການປະກອບສ່ວນຂອງພາກສ່ວນຕ່າງໆ.
ຈາກນັ້ນ ທ່ານ ພັນຄຳ ວິພາວັນ ໄດ້ຕາງໜ້າອ່ານສານຂອງທ່ານ ຄຳໄຕ ສີພັນດອນ ອະດີດປະທານພັກ ປະທານປະເທດແຫ່ງ ສປປ ລາວ ຊຶ່ງທ່ານແມ່ນຜູ້ໜຶ່ງໃນຈຳນວນຜູ້ນຳທີ່ຊີ້ນຳບັນຊາການ ຢູ່ໃນເຂດອະນຸສອນສະຖານແຫ່ງນີ້ໃນໄລຍະແຕ່ປີ 1964-1972 ຢູ່ສະຖານທີ່ນີ້ສຳນັກງານສູນກາງພັກໄດ້ເຂົ້າມາຕັ້ງຢູ່ໃນຊຸມປີ 1960 ໂດຍມີບັນດາຜູ້ນຳຂອງການປະຕິວັດຊີ້ນຳບັນຊາຢູ່ ຍ້ອນເຫັນໄດ້ຄວາມສຳຄັນດັ່ງກ່າວ ໃນມື້ນີ້ຈຶ່ງໄດ້ມີການຈັດຕັ້ງພິທີເປີດເຂດອະນຸສອນສະຖານ ສຳນັກງານສູນກາງຊີ້ນຳການປະຕິວັດທີ່ບ້ານຕ້າຍ ຊຶ່ງເປັນສະຖານທີ່ບັນຊາການທະຫານເຂດທົ່ງໄຫຫີນ-ຊຽງຂວາງ ກໍຄືສະຖານທີ່ບັນຊາການໃນຫຼາຍບັ້ນຮົບທີ່ສຳຄັນ ເພື່ອໃຫ້ເປັນສະຖານທີ່ສຶກສາອົບຮົມຄົນຮຸ່ນໃໝ່ ໄດ້ສຶກສາຄົ້ນຄວ້າຮ່ຳຮຽນກ່ຽວກັບປະຫວັດສາດແຫ່ງການຕໍ່ສູ້ ທັງເປັນສະຖານທີ່ຢ້ຽມຊົມຂອງນັກທ່ອງທ່ຽວທັງພາຍໃນ ແລະ ຕ່າງປະເທດ.
（ແຫຼ່ງຂໍ້ມູນ： vientianemai.net）
