| ແຂວງຊຽງຂວາງ ແບ່ງປັນຄວາມຫຍຸ້ງຍາກກັບປະຊາຊົນນະຄອນໂຮ່ຈີມິນ | |
| ທ້ອນໂຮມໄດ້ 8 ອັດຖິນັກຮົບເສຍສະຫຼະຊີວິດເພື່ອຊາດທີມີຊື່ແມ່ນທະຫານຫວຽດນາມ ຢູ່ ແຂວງຊຽງຂວາງ, ລາວ |
ຕາມນັ້ນແລ້ວ, ສອງແຂວງ ໄດ້ຊຸກຍູ້ການຮ່ວມມືໃນ 6 ຂົງເຂດ, ໃນນັ້ນມີການສຶກສາ ແລະ ບຳລຸງສ້າງ; ວັດທະນະທໍາ, ກິລາ ແລະ ການທ່ອງທ່ຽວ; ອຸດສາຫະກຳ - ການຄ້າ; ກະສິກຳ ແລະ ພັດທະນາຊົນນະບົດ; ປ້ອງກັນຄວາມເປັນລະບຽບຮຽບຮ້ອຍ; ກິດຈະກຳພົບປະມິດຕະພາບຂອງຊາວໜຸ່ມ ແລະ ແມ່ຍິງ.
ໃນນັ້ນ, ແຂວງວິ້ງລອງ ຈະຊ່ວຍສ້າງເງື່ອນໄຂສະດວກໃຫ້ບັນດານັກສຶກສາແຂວງຊຽງຂວາງ ທີ່ມາຮ່ຳຮຽນຢູ່ທ້ອງຖິ່ນ; ເຊື່ອມຕໍ່ການຄ້າລະຫວ່າງວິສາຫະກິດແຂວງວິ້ງລອງ ແລະ ວິສາຫະກິດແຂວງຊຽງຂວາງ; ຊຸກຍູ້ການຮ່ວມມື, ແລກປ່ຽນປະສົບການ ແລະ ເຕັກນິກໃນຂົງເຂດກະສິກຳ...
 |
ແຂວງ ວິ້ງລອງ ເພີ່ມທະວີການຮ່ວມມືກັບ ແຂວງຊຽງຂວາງ (ລາວ) ໃນ 6 ຂົງເຂດ |
ຕາມທ່ານປະທານຄະນະກຳມະການປະຊາຊົນແຂວງວິ້ງລອງ ຫຼືກວາງເຫງີຍ ແລ້ວ, ເພື່ອແນໃສ່ສະເຫຼີມສະຫຼອງ 46 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມືລະຫວ່າງ ຫວຽດນາມ - ລາວ (18 ກໍລະກົດ 1977), ແຂວງວິ້ງລອງ ແລະ ແຂວງຊຽງຂວາງ ໄດ້ດຳເນີນພິທີລົງນາມໃນບົດບັນທຶກການຮ່ວມມືລະຫວ່າງແຂວງວິ້ງລອງ ແລະ ແຂວງຊຽງຂວາງ ໄລຍະ 2023 – 2025; ສິ່ງດັ່ງກ່າວສືບຕໍ່ຢືນຢັນຄວາມມານະພະຍາຍາມຂອງສອງແຂວງ ໃນການເພີ່ມທະວີການແລກປ່ຽນ ແລະ ການຮ່ວມມື, ປະກອບສ່ວນຢ່າງຕັ້ງໜ້າເຂົ້າໃນການພັດທະນາຂອງແຕ່ລະແຂວງ ແລະ ເພີ່ມທະວີສາຍພົວພັນມິດຕະພາບ, ການຮ່ວມມື ແລະ ຄວາມສາມັກຄີແບບພິເສດລະຫວ່າງສອງປະເທດ ຫວຽດນາມ - ລາວ.
ກ່າວຄຳເຫັນທີ່ພິທີລົງນາມໃນການຮ່ວມມື, ທ່ານ ບຸນຈັນ ສີວົງພັນ ເລຂາພັກແຂວງ, ເຈົ້າແຂວງຊຽງຂວາງ ໄດ້ສະແດງຄວາມເຫັນດີເປັນເອກະພາບກ່ຽວກັບທິດທາງການຮ່ວມມືລະຫວ່າງ 2 ທ້ອງຖິ່ນໃນໄລຍະຈະມາເຖິງ. ທ່ານ ບຸນຈັນ ສີວົງພັນ ເນັ້ນໜັກວ່າ: ການລົງນາມໃນໂຄງການຮ່ວມມືປມ່ນສືບຕໍ່ເຊື່ອມໂຍງ ແລະ ເສີມຂະຫຍາຍມູນເຊື້ອການພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານຂອງສອງປະເທດ ລາວ - ຫວຽດນາມ ເວົ້ົ້າລວມ, ແຂວງ ຊຽງຂວາງ ແລະ ແຂວງວິ້ງລອງ ເວົ້ົ້າສະເພາະ ໃຫ້ນັບມື້ນັບແໜ້ນແຟ້ນຍິ່ງຂຶ້ນ.
ພ້ອມກັນນັ້ນ, ທ່ານເລຂາພັກແຂວງ, ເຈົ້າແຂວງຊຽງຂວາງ ກໍ່ປາດຖະໜາວ່າ ແຂວງວິ້ງລອງ ຈະສົ່ງນັກຊ່ຽວຊານ ໄປໜູນຊ່ວຍວຽກງານຝຶກອົບຮົມ, ຖ່າຍທອດເຕັກໂນໂລຊີ ໃຫ້ພະແນກກະສິກຳ ແລະ ປ່າໄມ້ ແຂວງຊຽງຂວາງ ກ່ຽວກັບການປູກຝັງ, ລ້ຽງສັດ ແລະ ການປະມົງ; ພ້ອມກັນນັ້ນ ກໍ່ສະໜັບສະໜູນທຶນການສຶກສາລະດັບປະລິນຍາຕີ ໃຫ້ແກ່ນັກສຶກສາແຂວງຊຽງຂວາງ ໄປຮຽນຢູ່ ວິ້ງລອງ.
ຄຳຮຸ່ງ
