| ເພີ່ມທະວີການຮ່ວມມືລະຫວ່າງຫວຽດນາມ ແລະ ຮົງກາລີ | |
| ທົ່ວໂລກມີຜູ້ຕິດເຊື້ອໂຄວິດ-19 ແມ່ນ 33.052.751 ຄົນ, ໃນນັ້ນ ມີ 998.686 ຄົນເສຍຊີວິດ |
 |
| ພາບປະກອບ |
ທ່າອ່ຽງຫັນທິດລົງທຶນຈາກຫລາຍປະເທດເຂົ້າມາຫວຽດນາມ ແມ່ນເລີ່ມຕົ້ນຢ່າງແຮງນັບແຕ່ປີກາຍນີ້ ພາຍຫລັງສົງຄາມການຄ້າ ອາເມລິກາ - ຈີນ ນັບມື້ນັບຜັນແປໄປຢ່າງສັບສົນ ແລະ ໂລກລະບາດໂຄວິດ 19 ໄດ້ຍູ້ທ່າອ່ຽງນີ້ໃຫ້ໄວກວ່າ. ບໍ່ພຽງແຕ່ອຳນາດການປົກຄອງ ອາເມລິກາ ເທົ່ານັ້ນ ຫາກຫລາຍປະເທດ ເອີລົບ, ຍີ່ປຸ່ນ ແລະ ສ.ເກົາຫລີ ກໍ່ໄດ້ຮຽກຮ້ອງ ແລະ ຖະແຫລງວ່າ ພ້ອມແລ້ວທີ່ຈະຫນູນຊ່ວຍບັນດາບໍລິສັດຂອງຕົນຫັນທິດການຜະລິດອອກຈາກຈີນ ເພື່ອແນໃສ່ຫລຸດຜ່ອນການເອື່ອຍອີງພື້ນຖານເສດຖະກິດນີ້.
ທ່ານ Nicolas Audier ປະທານ ສະຫະສະມາຄົມວິສາຫະກິດ ເອີລົບ ປະຈຳຫວຽດນາມ (EuroCham) ຖືວ່າ: ຫວຽດນາມ ພວມນຳຫນ້າໂລກໃນການປ້ອງກັນສະກັດກັ້ນໂລກລະບາດ ໂຄວິດ 19. ບັນດາມາດຕະການຢ່າງແຮງຂອງຫວຽດນາມ ໃນການຕໍ່ສູ້ຕ້ານໂລກລະບາດ ພ້ອມກັບບ້ວງຫນູນຊ່ວຍເສດຖະກິດຢ່າງມີປະສິດທິຜົນໄດ້ເຮັດໃຫ້ຫວຽດນາມ ກາຍເປັນແບບຢ່າງໃນການສະກັດກັ້ນໂລກລະບາດໂຄວິດ 19 ໃນໂລກ.
ຫນັງສືພິມ Economics ຕີລາຄາວ່າ ຫວຽດນາມ ນອນໃນບັນຊີລາຍຊື່ກຸ່ມພື້ນຖານເສດຖະກິດທີ່ປອດໄພຫລັງໂລກລະບາດ. ສ່ວນ WB ໃຫ້ຂໍ້ສັງເກດວ່າ ເສດຖະກິດມະຫາພາກມີສະຖຽນລະພາບ, ບ້ວງຫນີ້ຂອງລັດຖະບານຫຼຸດລົງຢູ່ໃນລະດັບຕ່ຳ, ຄວາມສາມາດຮັບມື ລວມມັງການສະສົມເງິນຕາຕ່າງປະເທດ, ຫລຸດຜ່ອນອັດຕາດອກເບ້ຍຢ່າງທັນການ. ຫວຽດນາມ ໄດ້ລົງນາມໃນສັນຍາການຄ້າເສລີຫລາຍສະບັບ, ເປີດໂອກາດຫລາຍຢ່າງໃນການສຳຜັດກັບຕະຫລາດສາກົນຢ່າງສະດວກ.
ໃນ 4 ເດືອນຕົ້ນປີ 2020, ຄຳໝັ້ນສັນຍາທຶນຈົດທະບຽນFDI ເຂົ້າຫວຽດນາມ ບັນລຸເກືອບ 12,3 ຕື້ USD ເຖິງວ່າ ຫລຸດລົງ 15,5% ເມື່ອທຽບໃສ່ໄລຍະດຽວກັນຂອງປີກາຍ ແຕ່ສິ່ງແປກປະຫລາດນັ້ນແມ່ນມູນຄ່າພັດເພີ່ມຂຶ້ນຄືນໃຫມ່ໃນເດືອນ ເມສາ ເຊິ່ງແມ່ນປະມານ 81% ເມື່ອທຽບໃສ່ 3 ເດືອນກ່ອນນີ້ ແລະ ເພີ່ມຂຶ້ນ 62% ເມື່ອທຽບໃສ່ 4 ເດືອນຕົ້ນປີ. ຕາມທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກແລ້ວ, ຫວຽດນາມ ຈັດອັນດັບ 12/66 ຕະຫລາດຫາກໍ່ພົ້ນເດັ່ນຂຶ້ນ ກ່ຽວກັບລະດັບເຂັ້ມແຂງດ້ານການເງິນ.
ມາຮອດປັດຈຸບັນ, ທຶນ FDI ທີ່ຈົດທະບຽນລົງທຶນເຂົ້າຫວຽດນາມ ບັນລຸ 21,2 ຕື້ໂດລາສະຫະລັດ, ແຫຼ່ງທຶນດັ່ງກ່າວລວມມີທຶນ FDI ຈົດທະບຽນໃໝ່, ທຶນເພີ່ມເຕີມ ແລະການປະກອບທຶນຊື້ຫຸ້ນສ່ວນຂອງວິສາຫະກິດພາຍໃນປະເທດ. ໃນນັ້ນມີກວ່າ 1.900 ໂຄງການທີ່ຫາກໍ່ໄດ້ຮັບໃບຢັ້ງຢືນຈົດທະບຽນລົງທຶນດ້ວຍຍອດຈຳນວນທຶນຈົດທະບຽນກວ່າ10 ຕື້ໂດລາສະຫະລັດ. ບັນດານັກລົງທຶນ FDI ໄດ້ລົງທຶນເຂົ້າ 18 ຂົງເຂດ, ໃນນັ້ນຂົງເຂດອຸດສາຫະກໍາປຸງແຕ່ງ, ປະດິດສ້າງໄດ້ດຶງດູດ 9,9 ຕື້ໂດລາສະຫະລັດ, ຈັດອັນດັບທີ 1, ຖັດມາແມ່ນຂົງເຂດຜະລິດ, ແຈກຈ່າຍໄຟຟ້າ, ດໍາເນີນທຸລະກິດອະສັງຫາລິມະຊັບ, ຂາຍສົ່ງ ແລະຂາຍຍ່ອຍ.
ຫວຽດນາມ ພວມສຸມໃສ່ຄົ້ນຄ້ວາບັນດາກະແສເງິນລົງທຶນຈາກບັນດາປະເທດໃນໂລກເພື່ອຮັບເອົາກາລະໂອກາດລົງທຶນ. ຫວຽດນາມ ກໍ່ພວມປັບປຸງກົດໝາຍວ່າດ້ວຍການລົງທຶນ, ກົດໝາຍວ່າດ້ວຍວິສາຫະກິດ, ຜັນຂະຫຍາຍບັນດາໂຄງການດຳເນີນງານເພື່ອປະຕິບັດມະຕິ ແນໃສ່ດຶງດູດການລົງທຶນຈາກຕ່າງປະເທດໃນສະພາບການໃຫມ່. ພ້ອມກັນນັ້ນ ບັນດາເຂດເສດຖະກິດ, ເຂດອຸດສາຫະກຳ ຢູ່ ບັນດາແຂວງ ນະຄອນ ກໍ່ຂຶ້ນແຜນ, ກະກຽມທີ່ດິນ, ພື້ນຖານໂຄງລ່າງ, ແຫລ່ງຊັບພະຍາກອນມະນຸດໃຫ້ບັນດານັກລົງທຶນຍ້າຍໂຮງຈັກໂຮງງານເຂົ້າມາຫວຽດນາມ.
 | ເພີ່ມພູນຄູນສ້າງສາຍພົວພັນມິດຕະພາບແບບພິເສດ ລະຫວ່າງຫວຽດນາມ ແລະ ກູບາ ຍສໝ - ຕອນບ່າຍວັນທີ 23 ກັນຍາ, ທີ່ຮ່າໂນ້ຍ, ທ່ານ ເຈີນແທັງເມີ້ນ - ເລຂາສູນກາງພັກ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ໃຫ້ການຕ້ອນຮັບທ່ານນາງ Lianys Torres Rivera - ເອກອັກຄະລັດຖະທູດກູບາ ປະຈຳຫວຽດນາມ. |
 | ກອງປະຊຸມ ເຈົ້າໜ້າທີ່ອາວຸໂສອາຊຽນຕ້ານອາດຊະຍາກຳຂ້າມຊາດ ຍສໝ - ຫວຽດນາມ ສະເໜີໃຫ້ບັນດາປະເທດຕ້ອງເພີ່ມທະວີຄວາມໄວ້ເນື້ອເຊື່ອໃຈ ແລະ ແລກປ່ຽນຂໍ້ມູນຂ່າວສານລະຫວ່າງບັນດາອົງການປະຕິບັດກົດໝາຍຂອງບັນດາປະເທດອາຊຽນ. |
 | ເພີ່ມທະວີການຮ່ວມມືລະຫວ່າງບັນດາອົງການ ຜູ້ຕາງໜ້າຫວຽດນາມຢູ່ຕ່າງປະເທດກັບວິສາຫະກິດ ຍສໝ - ນີ້ແມ່ນໂອກາດໃຫ້ສະມາຄົມທຸລະກິດແລະວິສາຫະກິດຂອງບັນດາແຂວງ, ນະຄອນແລກປ່ຽນແລະສົນທະນາການສົ່ງອອກ, ເພີ່ມທະວີການສະໜັບສະ ໜູນແລະການຮ່ວມມືກັບກະຊວງການຕ່າງປະເທດແລະບັນດາອົງການຕົຕາງໜ້າຫວຽດນາມປະຈຳຕ່າງປະເທດເພື່ອສົ່ງເສີມການຜະລິດແລະດຳເນີນທຸລະກິດ, ຂຸດຄົ້ນແລະພັດທະນາຕະຫລາດສາກົນ. |
ໄຊພອນ
