| ບໍລິສັດການບິນຫວຽດນາມ Vietnam Airline ສືບຕໍ່ຂະຫຍາຍເຄືອຂ່າຍການບິນພາຍໃນປະເທດ | |
| ພົນລະເມືອງຫວຽດນາມຈຳນວນ 300 ຄົນ ໄດ້ກັບຄືນບ້ານຈາກປະເທດຍີ່ປຸ່ນ ດ້ວຍຄວາມປອດໄພ |
ໄລ່ຮອດຕົ້ນເດືອນກັນຍາປີ 2020, ບໍລິສັດສາຍການບິນແຫ່ງຊາດຫວຽດນາມ Vietnam Airlines ໄດ້ບັນລຸປະລິມານຜູ້ໂດຍສານໂດຍສານພາຍໃນປະເທດ ຈຳນວນເກືອບ 40 ພັນຄົນ, ເພີ່ມຂຶ້ນຫຼາຍກວ່າ 12% ເມື່ອທຽບໃສ່ໄລຍະດຽວກັນຂອງປີ 2019.
ການຂະຫຍາຍຕົວດັ່ງກ່າວ ແມ່ນການຟື້ນຟູທີ່ໜ້າປະທັບໃຈສຳລັບສາຍການບິນແຫ່ງຊາດຫວຽດນາມ Vietnam Airlines ໃນສະພາບການຂອງການລະບາດຂອງພະຍາດ COVID-19 ຄັ້ງທີ 2 ຢູ່ຫວຽດນາມ ທີ່ໄດ້ຄວບຄຸມເປັນຢ່າງດີ.
 |
| ການບິນຂອງຫວຽດນາມ ໄດ້ຟື້ນຕົວຢ່າງແຂງແຮງຫຼັງຈາກການລະບາດຂອງ COVID-19 ໄດ້ຄວບຄຸມໄວ້. (ພາບ: vietnamplus) |
ຜົນໄດ້ຮັບນີ້ແມ່ນໄດ້ມາຈາກຄວາມພະຍາຍາມ ໃນການເພີ່ມປະສິດທິພາບຂອງເຄືອຂ່າຍການບິນພາຍໃນປະເທດ, ເພີ່ມປະສິດທິພາບການເຮັດວຽກຂອງເຮືອບິນ, ເປີດໃໝ່ ແລະ ເພີ່ມຈຳນວນສາຍການບິນ, ປະຕິບັດຫລາຍກິດຈະກຳການໂຄສະນາ, ກະຕຸກຊຸກຍູ້ຄວາມຕ້ອງການ, ການຮັບປະກັນຄຸນນະພາບການບໍລິການ ໃນຂະນະທີ່ຍັງຮັບປະກັນການປ້ອງກັນ ແລະ ຕ້ານພະຍາດໃນໄລຍະທີ່ຜ່ານມາ.
ນອກເໜືອຈາກຖ້ຽວບິນພາຍໃນປະເທດແລ້ວ, ສາຍການບິນແຫ່ງຊາດຫວຽດນາມ Vietnam Airlines ຍັງສືບຕໍ່ຟື້ນຟູຖ້ຽວບິນການຄ້າສາກົນ ບົນພື້ນຖານທິດທາງຂອງລັດຖະບານ ແລະ ການຕົກລົງຮັບຮອງຂອງບັນດາເຈົ້າໜ້າທີ່. ສາຍການບິນແຫ່ງຊາດຫວຽດນາມ Vietnam Airlines ໄດ້ນຳໃຊ້ເສັ້ນທາງການບິນຄືນໃໝ່ ທີ່ເປັນການເດີນທາງຈາກປະເທດຫວຽດນາມໄປຍີ່ປຸ່ນ, ແລະ ຄາດວ່າຈະສືບຕໍ່ປະຕິບັດຖ້ຽວບິນລະຫວ່າງຫວຽດນາມ ແລະ ສ.ເກົາຫຼີ, ຈີນ, ໄຕ້ຫວັນ (ຈີນ), ລາວ ແລະ ກຳປູເຈຍໃນອະນາຄົດອັນໃກ້ນີ້.
ກໍ່ຄືສາຍການບິນແຫ່ງຊາດຫວຽດນາມ Vietnam Airlines, ບໍລິສັດການບິນ Vietjet ໄດ້ປະຕິບັດຕາມມາດຕະຖານຄວາມປອດໄພສູງສຸດຂອງບັນດາເຈົ້າໜ້າທີ່, ອົງການອະນາໄມໂລກ (WHO) ແລະສະມາຄົມຂົນສົ່ງທາງອາກາດສາກົນ (IATA) ເພື່ອຮັບປະກັນຄວາມປອດໄພດ້ານສຸຂະພາບ ໃຫ້ແກ່ຜູ້ໂດຍສານ, ພະນັກງານປະຈຳຖ້ຽວບິນທັງໝົດ.
 | ນິວຊີແລນ ຕີລາຄາສູງກຳລັງຄວາມສາມາດນຳພາຂອງ ຫວຽດນາມ ດ້ວຍບົດບາດເປັນປະທານ ອາຊຽນ 2020 ຍສໝ - ທ່ານນາງ Alison Mann, ຫົວໜ້າກົມໃຫຍ່ເຊື່ອມໂຍງພາກພື້ນ ອາຊີ - ປາຊີຟິກ, ກະຊວງການຕ່າງປະເທດ ແລະ ການຄ້າ ນິວຊີແລນ ໃຫ້ຮູ້ວ່າ: Wellington ຕີລາຄາສູງທີ່ສຸດຕໍ່ກຳລັງຄວາມສາມາດນຳພາຂອງ ຫວຽດນາມ ໃນຖານະເປັນປະທານ ອາຊຽນ 2020. |
 | ຖ້ຽວບິນການຄ້າສາກົນຖ້ຽວທຳອິດເລີ່ມເຄື່ອນໄຫວປົກກະຕິພາຍຫຼັງຢຸດຕິຊົ່ວຄາວມາເປັນເວລາຫຼາຍເດືອນຍ້ອນໂລກລະບາດໂຄວິດ-19 ຍສໝ - ໃນເວລາ 6 ໂມງ 30 ນາທີຂອງວັນທີ 19 ກັນຍາ, ຖ້ຽວບິນໝາຍເລກ VN310 ຂອງບໍລິສັດການບິນແຫ່ງຊາດຫວຽດນາມ (Vietnam Airlines) ຈາກຮ່າໂນ້ຍ ໄປໂຕກຽວ ໄດ້ເລີ່ມເດີນທາງຈາກສະໜາມບິນ ໂນ້ຍບາຍ ຢ່າງປອດໄພ. |
 | ງານວາງສະແດງຮູບພາບກ່ຽວກັບປະເທດຊາດ ແລະ ປະຊາຊົນຫວຽດນາມ ຢູ່ຣູມານີ ຍສໝ - ຮູບພາບຈຳນວນຫຼາຍກ່ວາ 60 ຮູບທີ່ວາງສະແດງຢູ່ງານວາງສະແດງ ແມ່ນຊຸດສະສົມທີ່ລ້ຳຄ່າເປັນສັນຍາລັກ ກ່ຽວກັບປະຫວັດສາດແຫ່ງການພັດທະນາ, ຜົນສຳເລັດດ້ານເສດຖະກິດ - ສັງຄົມ ແລະ ການເຊື່ອມໂຍງເຂົ້າຂອງຫວຽດນາມ. |
ຄຳຮຸ່ງ
