ການນຳ HUFO ຊົມເຊີຍ 63 ປີແຫ່ງວັນຊາດຂອງມາເລເຊຍ | |
ຫວຽດນາມ ຊົມເຊີຍຄວາມມານະພະຍາຍາມຂອງສະຫະປະຊາຊາດ ໃນການປະຕິຮູບການຮັກສາສັນຕິພາບ |
ວັນທີ 15 ກັນຍາ, ທ່ານຫງວຽນຮຸ່ງ - ເອກອັກຄະລັດຖະທູດອຳນາດເຕັມແຫ່ງ ສສ.ຫວຽດນາມ ປະຈຳໂປແລນ ໄດ້ຍື່ນສານຕາຕັ້ງຂອງປະທານປະເທດຫວຽດນາມ ຫງວຽນຝູຈ້ອງ ເຊິ່ງສົ່ງເຖິງທ່ານ Andrzej Duda - ປະທານາທິບໍດີປະເທດໂປແລນ.
ໃນພິທີຕ້ອນຮັບທ່ານເອກອັກຄະລັດຖະທູດຫງວຽນຮຸ່ງ - ປະທານາທິບໍດີ Andrzej Duda ໄດ້ສະແດງຄວາມຂອບໃຈຕໍ່ຄວາມຮັກແພງຂອງຜູ້ນຳ ແລະ ປະຊາຊົນຫວຽດນາມ ທີ່ສະຫງວນໃຫ້ແກ່ປະຊາຊົນໂປແລນ.
ປະທານາທິບໍດີ Andrzej Duda ໄດ້ຕີລາຄາສູງຕໍ່ການຕ້ອນຮັບທີ່ອົບອຸ່ນຂອງລັດ ແລະ ປະຊາຊົນຫວຽດນາມ ໃນລະຫວ່າງການເດີນທາງມາຢ້ຽມຢາມຫວຽດນາມຢ່າງເປັນທາງການໃນປີ 2017.
ທ່ານຫງວຽນຮຸ່ງ - ເອກອັກຄະລັດຖະທູດອຳນາດເຕັມແຫ່ງ ສສ.ຫວຽດນາມ ປະຈຳໂປແລນ ໄດ້ຍື່ນສານຕາຕັ້ງ ຕໍ່ທ່ານ Andrzej Duda - ປະທານາທິບໍດີປະເທດໂປແລນ. (ພາບ: TTXVN) |
ທີ່ພິທີ, ທ່ານປະທານາທິບໍດີ Andrzej Duda ສະແດງຄວາມຊົມຊື່ນຕໍ່ບັນດາຜົນສຳເລັດໃນການພັດທະນາຂອງການພົວພັນມິດຕະພາບ ແລະ ການຮ່ວມມືລະຫວ່າງຫວຽດນາມ ແລະ ປະເທດໂປແລນ ໃນຕະຫຼອດ 70 ປີທີ່ຜ່ານມາ. ພ້ອມກັນນັ້ນ, ທ່ານປະທານາທິບໍດີ Andrzej Duda ໄດ້ຮັບຮູ້ ແລະ ຕີລາຄາສູງການປະກອບສ່ວນຂອງປະຊາຄົມຊາວຫວຽດນາມ ໃນການພັດທະນາເສດຖະກິດ - ສັງຄົມຂອງປະເທດປະຈໍາຖິ່ນ. ທ່ານປະທານາທິບໍດີ Andrzej Duda ກໍ່ຢືນຢັນ ຄວາມປາດຖະໜາຢາກສືບຕໍ່ຊຸກຍູ້ການພົວພັນຮ່ວມມືຮອບດ້ານລະຫວ່າງສອງປະເທດໃຫ້ເລິກເຊິ່ງຫຼາຍກ່ວາອີກ.
ສະແດງຄວາມພາກພູມໃຈທີ່ໄດ້ຮັບໜ້າທີ່ເປັນເອກອັກຄະລັດຖະທູດ ຫວຽດນາມ ປະຈຳ ປະເທດໂປແລນ, ທ່ານເອກອັກຄະລັດຖະທູດ ຫງວຽນຮຸ່ງ ຢືນຢັນວ່າ ປະເທດໂປແລນແມ່ນຄູ່ຮ່ວມມືທີ່ສຳຄັນຂອງຫວຽດນາມໃນພາກພື້ນເອີຣົບຕາເວັນອອກກາງ ແລະ ໃຫ້ຮູ້ວ່າບັນດາທ່າແຮງໃນການຮ່ວມມືລະຫວ່າງສອງປະເທດຍັງມີຫຼາຍ, ໂດຍສະເພາະແມ່ນຫຼັງຈາກສັນຍາການຄ້າເສລີລະຫວ່າງສະຫະພາບເອີຣົບ ແລະ ຫວຽດນາມ (EVFTA) ທີ່ມີຜົນບັງຄັບນຳໃຊ້ແຕ່ວັນທີ 1 ສິງຫາປີ 2020 ເປັນຕົ້ນໄປ.
ທ່ານເອກອັກຄະລັດຖະທູດ ຫງວຽນຮຸ່ງ ກໍ່ໄດ້ສະແດງຄວາມຂອບໃຈຕໍ່ປະທານາທິບໍດີ ແລະ ລັດຖະບານປະເທດໂປແລນ ທີ່ໄດ້ສ້າງເງື່ອນໄຂອັນສະດວກໃຫ້ປະຊາຄົມຊາວຫວຽດນາມຢູ່ປະເທດໂປແລນ ໃນການດຳເນີນທຸລະກິດ, ດຳລົງຊີວິດຢ່າງໝັ້ນຄົງ ແລະ ເຊື່ອມໂຍງເຂົ້າກັບສັງຄົມຂອງປະເທດປະຈໍາຖິ່ນ.
ທ່ານເອກອັກຄະລັດຖະທູດ ຫງວຽນຮຸ່ງ ໄດ້ຢືນຢັນວ່າຈະພ້ອມກັບທ່ານເອກອັກຄະລັດຖະທູດໂປແລນ ປະຈຳຫວຽດນາມ ເພື່ອປະຕິບັດທີ່ດີບົດບາດເປັນຂົວຕໍ່, ປະກອບສ່ວນຊຸກຍູ້, ຍົກສູງການພົວພັນຮ່ວມມືລະຫວ່າງສອງປະເທດຂຶ້ນສູ່ລະດັບສູງໃໝ່, ເພື່ອຜົນປະໂຫຍດຂອງປະຊາຊົນສອງປະເທດ, ເພື່ອສັນຕິພາບ, ສະຖຽນລະພາບ, ການຮ່ວມມື ແລະ ການພັດທະນາໃນພາກພື້ນ ແລະ ທົ່ວໂລກ.
ຫວຽດນາມ ໄດ້ຮຽກຮ້ອງໃຫ້ບັນດາຝ່າຍ ຢູ່ ເຢແມນ ຕ້ອງດຳເນີນການເຈລະຈາເພື່ອສັນຕິພາບ ຍສໝ - ຫວຽດນາມ ໄດ້ສະໜັບສະໜູນຄວາມມານະພະຍາຍາມຂອງຄະນະການທູດສະເພາະການເລຂາທິການໃຫຍ່ສະຫະປະຊາຊາດ ກ່ຽວກັບສະພາບການເຢເມນ ແລະ ບັນດາອົງການສະຫະປະຊາຊາດ ໃນການຊຸກຍູ້ການແກ້ໄຂທາງດ້ານການເມືອງຢ່າງຮອບດ້ານສຳລັບເຢແມນ. |
ທະຫານປ້ອງກັນຊາຍແດນ ເຫງ້ອານ ມອບຂອງຂວັນ ໃຫ້ແກ່ກຳລັງປະກອບອາວຸດ ແລະ ປະຊາຊົນເຂດຊາຍແດນຢູ່ແຂວງຫົວພັນ, ປະເທດລາວ ຍສໝ - ຈຳນວນຂອງຂວັນດັ່ງກ່າວລວມມີເຂົ້າສານ, ໝີ່ສໍາເລັດຮູບ, ນໍ້າປາ, ເກືອ, ປາແຫ້ງ, ເຄື່ອງໃຊ້ທີ່ ຈຳເປັນໃນຊິວີດປະຈໍາວັນ, ດ້ວຍຈຳນວນເງິນທັງໝົດເກືອບ 30 ລ້ານດົ່ງ. |
ການພົວພັນຕ່າງປະເທດດ້ານປ້ອງກັນຊາດ ໄດ້ປະກອບສ່ວນຍົກສູງອິດທິພົນຊື່ສຽງ, ຖານະທີ່ຕັ້ງຂອງກອງທັບ ແລະ ປະເທດຫວຽດນາມ ບົນເວທີສາກົນ ຍສໝ - ການເຄື່ອນໄຫວພົວພັນຕ່າງປະເທດດ້ານປ້ອງກັນຊາດນັບມື້ນັບໄດ້ຮັບການຍູ້ແຮງຕາມທິດພັດທະນາຢ່າງເລິກເຊິ່ງກວ້າງຂວາງທາງດ້ານຂອບຂະໜາດ ແລະລະດັບການຮ່ວມມືກັບບັນດາປະເທດ, ບັນດາອົງການຈັດຕັ້ງສາກົນ, ປະກອບສ່ວນນໍາການປ້ອງກັນຊາດຫວຽດນາມ ເຊື່ອມໂຍງເຂົ້າກັບສາກົນເທື່ອລະກ້າວ. |
ຄຳຮຸ່ງ