ວັນທີ 15 ກັນຍາ, ສະພາຄວາມໝັ້ນຄົງສະຫະປະຊາຊາດ ໄດ້ປຶກສາຫາລື ກ່ຽວກັບສະພາບການຂອງເຢແມນ. ຕາມສຳນັກຂ່າວສານຫວຽດນາມ ປະຈຳ New York, ທ່ານ Martin Griffiths - ທູດສະເພາະການເລຂາທິການໃຫຍ່ສະຫະປະຊາຊາດ ປະຈຳເຢແມນ ແລະ ທ່ານ Mark Lowcock - ຮອງເລຂາທິການໃຫຍ່ສະຫະປະຊາຊາດ ທີ່ຮັບຜິດຊອບບັນຫາມະນຸດສະທຳ ໃຫ້ຮູ້ວ່າ ສະພາບຄວາມໝັ້ນຄົງ, ການເມືອງ ແລະ ມະນຸດສະທຳຢູ່ເຢແມນ ພວມປະສົບກັບສະພາບການວິກິດການການເມືອງຢ່າງແຮງ.
 |
| ທ່ານ ດັ້ງດິ່ງກຸ໊ຍ - ເອກອັກຄະລັດຖະທູດ, ຫົວໜ້າຄະນະຜູ້ແທນຫວຽດນາມ ປະຈຳສະຫະປະຊາຊາດ. (ພາບ: TTXVN) |
ໂດຍສະເພາະ, ການສູ້ຮົບທາງທະຫານທີ່ເພີ່ມຂື້ນຢ່າງຕໍ່ເນື່ອງໃນແຂວງ Ma'rib ບໍ່ພຽງແຕ່ເຮັດໃຫ້ປະຊາຊົນຫຼາຍຮ້ອຍພັນຄົນ ຖືກອອກຈາກບ້ານເຮືອນຂອງເຂົາເຈົ້າ, ແຕ່ຍັງເປັນໄພຂົ່ມຂູ່ທີ່ຈະທຳ ລາຍຄວາມພະຍາຍາມໃນການເຈລະຈາສັນຕິພາບໃນເຢເມນອີກດ້ວຍ.
ນອກຈາກບັນດາສິ່ງທ້າທາຍດ້ານເສດຖະກິດ, ລາຄາທີ່ແພງຂື້ນ, ແລະ ການຂາດແຄນນໍ້າດື່ມ, ພົນລະເມືອງເຢເມນຫຼາຍກວ່າ 9 ລ້ານຄົນ ກຳລັງປະເຊີນກັບໄພອຶດຫິວ, ຄວາມບໍ່ໝັ້ນຄົງດ້ານສະບຽງອາຫານ ແລະ ຂາດການເບິ່ງແຍງດ້ານການແພດ.
ທີ່ກອງປະຊຸມ, ບັນດາປະເທດ ກໍ່ສະແດງການສະໜັບສະໜູນຄວາມພະຍາຍາມຂອງສະຫະປະຊາຊາດໃນການໄກ່ເກ່ຍ, ແລະ ຊຸກຍູ້ການເຈລະຈາເພື່ອສັນຕິພາບ, ໃນນັ້ນມີຂໍ້ສະເໜີກ່ຽວກັບຖະແຫຼງການຮ່ວມເພື່ອແນໃສ່ການຢຸດຍິງທົ່ວປະເທດ.
ກ່າວຄຳເຫັນທີ່ກອງປະຊຸມ, ທ່ານ ດັ້ງດິ່ງກຸ໊ຍ - ເອກອັກຄະລັດຖະທູດ, ຫົວໜ້າຄະນະຜູ້ແທນຫວຽດນາມ ປະຈຳສະຫະປະຊາຊາດ ໄດ້ສະແດງຄວາມວິຕົກກັງວົນກ່ຽວກັບບັນດາການຕໍ່ສູ້ໃນປະຈຸບັນຢູ່ ເຢແມນ.
ທ່ານເອກອັກຄະລັດຖະທູດ ດັ້ງດິ່ງກຸ໊ຍ ຍັງໄດ້ເນັ້ນໜັກເຖິງຄວາມສຳຄັນ ຂອງການຊຸກຍູ້ການອະນຸຍາດໂດຍໄວ ຂອງກຸ່ມຊ່ຽວຊານສະຫະປະຊາຊາດທີ່ະຕິບັດໜ້າທີ່ໃນເຮືອ Safer; ຮຽກຮ້ອງໃຫ້ທຸກຝ່າຍຈົ່ງປະຕິບັດຕາມຂໍ້ຕົກລົງ Stockholm ແລະ ຂໍ້ຕົກລົງ Ryadh ຢ່າງເຂັ້ມງວດ.
ທ່ານເອກອັກຄະລັດຖະທູດ ດັ້ງດິ່ງກຸ໊ຍ ໄດ້ເນັ້ນໜັກວ່າ ຫວຽດນາມສະໜັບສະໜູນຄວາມພະຍາຍາມ ຂອງບັນດາອົງການສະຫະປະຊາຊາດ ໃນການຊຸກຍູ້ການແກ້ໄຂທາງດ້ານການເມືອງຢ່າງຮອບດ້ານ ສຳລັບເຢແມນ.
 | ໄຂກອງປະຊຸມສະພາສິດທິມະນຸດສະຫະປະຊາຊາດຄັ້ງທີ 45 ຍສໝ - ກອງປະຊຸມສະພາສິດທິມະນຸດຄັ້ງທີ 45 ໄດ້ຈັດຂື້ນພາຍໃຕ້ຮູບການປະຊຸມກັບທີ່ ແລະ ທາງອອນລາຍ. |
 | ການພົວພັນຕ່າງປະເທດດ້ານປ້ອງກັນຊາດ ໄດ້ປະກອບສ່ວນຍົກສູງອິດທິພົນຊື່ສຽງ, ຖານະທີ່ຕັ້ງຂອງກອງທັບ ແລະ ປະເທດຫວຽດນາມ ບົນເວທີສາກົນ ຍສໝ - ການເຄື່ອນໄຫວພົວພັນຕ່າງປະເທດດ້ານປ້ອງກັນຊາດນັບມື້ນັບໄດ້ຮັບການຍູ້ແຮງຕາມທິດພັດທະນາຢ່າງເລິກເຊິ່ງກວ້າງຂວາງທາງດ້ານຂອບຂະໜາດ ແລະລະດັບການຮ່ວມມືກັບບັນດາປະເທດ, ບັນດາອົງການຈັດຕັ້ງສາກົນ, ປະກອບສ່ວນນໍາການປ້ອງກັນຊາດຫວຽດນາມ ເຊື່ອມໂຍງເຂົ້າກັບສາກົນເທື່ອລະກ້າວ. |
 | ຫວຽດນາມ ພ້ອມແລ້ວທີ່ເພີ່ມທະວີການຮ່ວມມືລະຫວ່າງ ອາຊຽນ - ສະຫະປະຊາຊາດ ໃນການຮັກສາສັນຕິພາບ ຍສໝ - ທ່ານເອກອັກຄະລັດຖະທູດ ດັ້ງດິ່ງກຸ໊ຍ - ຫົວໜ້າຄະນະຜູ້ແທນຫວຽດນາມ ປະຈຳສະຫະປະຊາຊາດ ໄດ້ຕີລາຄາວ່າ ບັນດາການເຄື່ອນໄຫວຮັກສາສັນຕິພາບ ແມ່ນເຄື່ອງມືສຳຄັນຂອງສະຫະປະຊາຊາດ ໃນການຮັກສາສັນຕິພາບ ແລະ ຄວາມໝັ້ນຄົງສາກົນ. |
ຄຳຮຸ່ງ
