ຕອນເຊົ້າວັນທີ 5 ມັງກອນ, ກອງບັນຊາການທະຫານເຂດ 7 ໄດ້ປະສານສົມທົບກັບ ສະຖານີໂທລະພາບແຫ່ງຊາດ ຫວຽດນາມ ໃນການຈັດຕັ້ງ ໂຄງການ “ລະດູບານໃໝ່ຂອງນັກຮົບ ປີ 2020” ຢູ່ນະຄອນໂຮ່ຈີມິນ.
ທ່ານພົນໂທ ຫງວຽນກົງແອງ, ຮອງຫົວໜ້າການເມືອງກອງບັນຊາການທະຫານເຂດ 7 ໃຫ້ຮູ້ວ່າ: ໂຄງການ “ລະດູບານໃໝ່ຂອງນັກຮົບ ປີ 2020” ໄດ້ຈັດຕັ້ງເປັນເວລາ 5 ປີດ້ວຍຄວາມໝາຍທາງດ້ານການເມືອງ, ສັງຄົມ ແລະ ມະນຸດສະທຳຢ່າງເລິກເຊິ່ງ, ພ້ອມດ້ວຍການສ້າງຄວາມໄວ້ເນື້ອເຊື່ອໃຈ ແລະ ກຳລັງໜູນໃຫ້ພະນັກງານ, ທະຫານ ແລະ ປະຊາຊົນຢູ່ເຂດຊາຍແດນ ແລະ ເກາະທະເລ.
 |
ລາຍການ “ລະດູບານໃໝ່ຂອງນັກຮົບ ປີ 2020” (ພາບ: qdnd.vn)
ນີ້ແມ່ນລາຍການປະຈຳປີ ໂດຍກອງບັນຊາການ ທະຫານເຂດ 7 ຈັດຕັ້ງຂຶ້ນ, ເຊິ່ງມີຄວາມໝາຍດ້ານການເມືອງ, ສັງຄົມ, ມະນຸດສະທຳ ທີ່ເລິກເຊິ່ງ, ສະແດງໃຫ້ເຫັນຄວາມເອົາໃຈໃສ່ຂອງອົງຄະນະພັກ, ກອງບັນຊາການທະຫານເຂດ 7 ສຳລັບຊີວິດດ້ານວັດຖຸ ແລະ ຈິດໃຈ ຂອງ ພະນັກງານ, ນັກຮົບ ແລະ ບັນດາປະຊາຊົນທີ່ປະສົບກັບຄວາມຫຍຸ້ງຍາກ ຢູ່ເຂດ ຊາຍແດນ, ທະເລໝູ່ເກາະ. ລາຍການລວມມີ ການເຄື່ອນໄຫວທີ່ຄຶກຄື້ນ ແລະ ມີຄວາມໝາຍຫຼາຍຢ່າງ. ຄຽງຄູ່ກັນນັ້ນ, ລາຍການກໍ່ໄດ້ໃຫ້ບໍລິຈາກເງິນອຸດໜູນເກືອບ 250 ລ້ານດົ່ງ, ເພື່ອຊື້ຂອງຂວັນໃຫ້ແກ່ ພະນັກງານ, ນັກຮົບ, ບັນດາຄອບຄົວນະໂຍບາຍ, ຄອບຄົວທຸກຍາກຢູ່ເຂດຊາຍແດນ, ທະເລໝູ່ເກາະໃນບຸນປີໃໝ່ປະຈໍາຊາດ 2020.
（ຄຳຮຸ່ງ）
