 |
| ທີ່ການເຮັດວຽກທາງໄກລະຫວ່າງການນໍານະຄອນໂຮ່ຈີມິນ ແລະນະຄອນ Busan (ສ.ເກົາຫຼີ). |
ທີ່ການພົບປະ ແລະເຮັດວຽກທາງໄກລະຫວ່າງການນໍານະຄອນໂຮ່ຈີມິນ ແລະນະຄອນ Busan (ສ.ເກົາຫຼີ) ທີ່ໄດ້ດໍາເນີນໃນຕອນບ່າຍຂອງວັນທີ 10 ກັນຍາ 2020, ການນໍາສອງນະຄອນເຫັນດີເປັນເອກະພາບນຳກັນວ່າ ໃນສະພາບພະຍາດໂຄວິດ-19 ຜັນແປຢ່າງສັບສົນນັ້ນ, ການເຮັດວຽກທາງໄກໄດ້ສະແດງໃຫ້ເຫັນຄວາມຕັດສິນໃຈ ແລະຄວາມປາດຖະໜາຂອງທັງສອງທ້ອງຖິ່ນເພື່ອແນໃສ່ຊຸກຍູ້ການພົວພັນຮ່ວມມືລະຫວ່າງສອງນະຄອນກວ່າອີກ.
ທີ່ການເຮັດວຽກ, ທ່ານ Byeon Sung Wan ຜູ້ວ່າການເຈົ້າຄອງນະຄອນ Busan ໄດ້ສະແດງຄວາມຂອບອົກຂອບໃຈຕໍ່ການແລກປ່ຽນຂອງການນໍານະຄອນໂຮ່ຈີມິນ ພ້ອມທັງກໍ່ໄດ້ສະເໜີໃຫ້ສອງທ້ອງຖິ່ນສົມທົບກັນເພື່ອສ້າງຕັ້ງໜ່ວຍປະຕິບັດງານທາງອອນລາຍລະຫວ່າງຂະແໜງການເພື່ອແລກປ່ຽນທາງໄກ, ຊຸກຍູ້ການພົວພັນຮ່ວມມືລະຫວ່າງສອງທ້ອງຖິ່ນໃນສະພາບພະຍາດໂຄວິດ-19 ຍັງຜັນແປຢ່າງສັບສົນ.
ສ່ວນທ່ານ ຫງວຽນແທ່ງຟອງ ປະທານຄະນະກໍາມະການປະຊາຊົນນະຄອນໂຮ່ຈີມິນ ໄດ້ເນັ້ນໜັກວ່າ ນະຄອນ ໂຮ່ຈີມິນຍາມໃດກໍ່ສ້າງເງື່ອນໄຂອຳນວຍຄວາມສະດວກເພື່ອໃຫ້ແກ່ບັນດານັກທຸລະກິດ, ນັກຊ່ຽວຊານ ແລະຜູ້ອອກແຮງງານຕ່າງປະເທດ, ໃນນັ້ນມີບັນດາວິສາຫະກິດມາຈາກ Busan, ໄດ້ເຂົ້າປະເທດຫວຽດນາມ ທໍາມາຫາກິນຢ່າງສະດວກ.
ກ່ອນໜ້ານັ້ນ, ທີ່ກອງປະຊຸມ ກ່ຽວກັບວຽກງານປ້ອງກັນ, ສະກັດກັ້ນໂລກລະບາດໂຄວິດ-19 ພ້ອມກັບບາງກະຊວງ, ຂະແໜງການ, ທ້ອງຖິ່ນຕາມຮູບການທາງອອນລາຍ. ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ຕີລາຄາວ່າ 10 ມື້ຜ່ານມາຢູ່ ຫວຽດນາມ ບໍ່ກວດພົບຜູ້ຕິດເຊື້ອໂຄວິດ-19 ໃໝ່ໃນຊຸມຊົມ. ພ້ອມທັງກໍ່ຮຽກຮ້ອງໃຫ້ກະຊວງຄົມມະນາຄົມຂົນສົ່ງ ຫວຽດນາມ ຊີ້ນຳບັນດາບໍລິສັດການບິນ ພິຈາລະນາເປີດສາຍການບິນດ້ານການຄ້າຄືນໃໝ່ກັບບາງປະເທດ ແລະ ພາກພື້ນ, ເປີດບັນດາສາຍການບິນໂດຍສະເພາະສຳລັບຜູ້ໄປຜ່ານແດນ ຍີ່ປຸ່ນ, ສ.ເກົາຫຼີ, ໄຕ້ຫວັນ (ຈີນ), ລາວ, ກຳປູເຈຍ ກັບມາ ຫວຽດນາມ. ສໍາລັບຊາວຕ່າງປະເທດທີ່ອະນຸຍາດເຂົ້າມາປະເທດຫວຽດນາມນັ້ນຕ້ອງ ມີມາດຕະການກວດສຸຂະພາບຢ່າງເຄັ່ງຄັດ, ເໝາະສົມ, ບົນເນື້ອໃນຈິດໃຈທັງຮັບປະກັນຄວາມປອດໄພ, ທັງສ້າງເງື່ອນໄຂສະດວກໃຫ້ບັນດານັກລົງທຶນ, ນັກຊ່ຽວຊານ.
 | ຫວຽດນາມ - ຈີນ ເຈລະຈາກ່ຽວກັບເຂດທະເລນອກອ່າວພາກເໜືອ ແລະຮ່ວມມືພ້ອມກັນພັດທະນາບົນທະເລ ຍສໝ - ສອງຝ່າຍກໍ່ແລກປ່ຽນຢ່າງກົງໄປກົງມາກ່ຽວກັບສະພາບການທະເລຕາເວັນອອກໃນໄລຍະຜ່ານມາ, ເຫັນດີເປັນເອກະພາບເຄົາລົບຄວາມຮັບຮູ້ລວມຂອງການນຳຂັ້ນສູງສອງປະເທດຢ່າງເຂັ້ມງວດ. |
 | ນະຄອນດານັງ ມອບອຸປະກອນການແພດຊ່ວຍເຫຼືອປະຊາຊົນຫວຽດນາມ ຢູ່ ກຳປູເຈຍ ຍສໝ - ເຄື່ອງອຸປະກອນການແພດຂ້າງເທິງນີ້ແມ່ນຂອງຂວັນຂອງຄະນະພັກ, ອຳນາດການປົກຄອງ ແລະປະຊາຊົນນະຄອນດານັງເພື່ອສະໜັບສະໜູນ ແຂວງ Kampong Chhnang ແລະປະຊາຄົມຊາວຫວຽດນາມ ຢູ່ ແຂວງ Kampong Chhnang ເພື່ອປ້ອງກັນການລະບາດຂອງພະຍາດ COVID-19. |
 | ທ່ານ ສະຖານກົງສຸນໃຫຍ່ຈີນ ປະຈຳ ນະຄອນໂຮ່ຈີມິນ: ຈະຊຸກຍູ້ການຮ່ວມມືດ້ານການສຶກສາ ແລະ ການແລກປ່ຽນວັດທະນະທຳ ຢູ່ ເກີ່ນເທີ ຍສໝ - ປະທານສະຫະພັນ ເກີ່ນເທີ ປາດຖະໜາຢາກສືບຕໍ່ໄດ້ຮັບການສະໜັບສະໜູນ ຈາກ ທ່ານກົງສຸນໃຫຍ່ ສຳລັບ ເກີ່ນເທີ ໃນອະນາຄົດອັນໃກ້ນີ້; ຫວັງວ່າມິດຕະພາບຫວຽດນາມ - ຈີນ ເວົ້າລວມ ແລະ ຈີນ - ເກີ່ນເທີ ເວົ້າສະເພາະ ແມ່ນນັບມື້ນັບຮັດແໜ້ນ ແລະ ເໝັ້ນແກ່ນ. |
ໄຊພອນ
