| ຍີ່ບຸ່ນ ຮັກສາພັດທະນາການພົວພັນເສດຖະກິດກັບ ອາຊຽນ ແລະ ຫວຽດນາມ | |
| ຫວຽດນາມໄດ້ປະກອບສ່ວນຢ່າງຕັ້ງໜ້າເຂົ້າໃນປີເປັນປະທານ AIPA |
 |
| ກອງປະຊຸມລັດຖະມົນຕີກະຊວງການຕ່າງປະເທດວົງແຄບຢູ່ຫວຽດນາມ |
ໃນຂອບເຂດຂອງກອງປະຊຸມລັດຖະມົນຕີກະຊວງການຕ່າງປະເທດອາຊຽນຄັ້ງທີ 53 ແລະ ບັນດາກອງປະຊຸມທີ່ກ່ຽວຂ້ອງ, ຕອນຄ່ຳວັນທີ 9 ກັນຍາ, ໄດ້ດຳເນີນກອງປະຊຸມລັດຖະມົນຕີກະຊວງການຕ່າງປະເທດ 18 ປະເທດ ເຂົ້າຮ່ວມຂັ້ນສູງ ອາຊີຕາເວັນອອກ (EAS) ຄັ້ງທີ 10. ໃນໂອກາດ 15 ປີແຫ່ງການສ້າງຕັ້ງ, ກອງປະຊຸມແມ່ນໂອກາດເພື່ອໃຫ້ບັນດາລັດຖະມົນຕີຕີລາຄາໝາກຜົນການຮ່ວມມືລະຫວ່າງບັດດາປະເທດໃນໄລຍະທີ່ຜ່ານມາ, ພ້ອມກັນກຳນົດທິດໃຫ້ແກ່ EAS ໃນໄລຍະໃໝ່.
ທີ່ກອງປະຊຸມ, ບັນດາປະເທດຢັ້ງຢືນວ່າ: EAS ແມ່ນເວທີປາໄສເພື່ອໃຫ້ບັນດາການນຳຢູ່ພາກພື້ນປຶກສາຫາລືບັນດາບັນຫາຍຸດທະສາດ, ຊຸກຍູ້ການຜັນຂະຫຍາຍບັນດາຂົງເຂດຮ່ວມມືບຸລິມະສິດຢ່າງມີປະສິດທິຜົນ, ໃນນັ້ນມີບັນຫາຍົກສູງກຳລັງຄວາມສາມາດໃນການຮັບມື ແລະ ຫຼຸດຜ່ອນຜົນກະທົບຫຍໍ່ທໍ້ຈາກໂລກລະບາດ Covid - 19 ແລະ ຊຸກຍູ້ການຟື້ນຟຸແບບຍືນຍົງຢູ່ພາກພື້ນ. ທ່ານ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຟ້າມບິ່ງມິງໃຫ້ຮູ້ວ່າ:
ເນື່ອງໃນໂອກາດສະເຫຼີມສະຫຼອງ 15 ປີແຫ່ງວັນສ້າງຕັ້ງ ໃນສະພາບການພາກພື້ນມີການປ່ຽນແປງຫຼາຍຢ່າງ, ກອງປະຊຸມແມ່ນໂອກາດເພື່ອໃຫ້ບັນດາປະເທດຕີລາຄາບັນດາບາດກ້າວທີ່ບັນລຸໄດ້ ແລະ ຍົກອອກບັນດາການກຳນົດທິດໃຫ້ແກ່ໄລຍະຮ່ວມມືໃໝ່. ໃນຖານະເປັນປະທານອາຊຽນ ກໍ່ຄື EAS ປີນີ້, ຫວຽດນາມບຸລິມະສິດແຖວໜ້າໃຫ້ແກ່ການສືບຕໍ່ສ້າງບັນດາຜົນງານທີ່ບັນລຸໄດ້ ແລະ ຮ່ວມມືກັບທຸກໆປະເທດເຂົ້າຮ່ວມຢ່າງແໜ້ນແຟ້ນເພື່ອເພີ່ມທະວີບົດບາດສຳຄັນຂອງ EAS ໃນໄລຍະໃໝ່, ສືບຕໍ່ປະກອບສ່ວນຢ່າງຕັ້ງໜ້າໃຫ້ແກ່ການໂອ້ລົມສົນທະນາ ແລະ ການຮ່ວມມືຮັກສາສັນຕິພາບ, ຄວາມໝັ້ນຄົງ, ວັດທະນາຖາວອນ ແລະ ການຮັມມືກັບບັນດາສິ່ງທ້າທາຍທີ່ພວມພົ້ນເດັ່ນຂຶ້ນໃນພາກພື້ນຢ່າງມີປະສິດທິຜົນ.
ຕີລາຄາກ່ຽວກັບບັນດາບາດກ້າວສຳຄັນໃນການເຄື່ອນໄຫວຂອງບັນດາປະເທດເຂົ້າຮ່ວມກອງປະຊຸມຂັ້ນສູງ ອາຊີຕາເວັນອອກໃນໄລຍະທີ່ຜ່ານມາ, ທ່ານ Lim Jock hoi ເລຂາທິຫານໃຫຍ່ ອາຊຽນ ໄດ້ເນັ້ນໜັ້ກເຖິງການຮ່ວມມືໃນ 15 ປີທີ່ຜ່ານມາ ລະຫວ່າງບັນດາປະເທດບັນລຸໄດ້ບັນດາບາດກ້າວຢ່າງຕັ້ງໜ້າ, ໃນນັ້ນຕ້ອງເວົ້າເຖິງຂົງເຂດພະລັງງານກັບບັນດາການເຄື່ອນໄຫວຮ່ວມມືຢ່າງມີປະສິດທິຜົນ ແລະ ແທດຈິງ.
 | ປະທານສະພາແຫ່ງຊາດ ລາວ ຕີລາຄາສູງຕໍ່ຄວາມສາມາດໃນການຈັດຕັ້ງ AIPA 41 ຂອງ ສະພາແຫ່ງຊາດຫວຽດນາມ ຍສໝ - ຫວຽດນາມ ໄດ້ມານະພະຍາຍາມປະຕິບັດບົດບາດປະທານເປັນຢ່າງດີ, ມີກົນໄກປຶກສາຫາລືກັບບັນດາປະເທດສະມາຊິກ AIPA ດີທີ່ສຸດ, ເຊິ່ງເປັນສິ່ງທີ່ຊ່ວຍໃຫ້ກອງປະຊຸມຮັບຮອງເອົາບັນດາມະຕິຕົກລົງແຕກຕ່າງກັນໂດຍໄວ ແລະ ດ້ວຍຄວາມເຫັນດີເປັນເອກະພາບສູງ. |
 | ບໍ່ມີປະເທດໃດສາມາດຜ່ານຜ່າໂລກລະບາດ ນີ້ໄດ້ດ້ວຍຕົນເອງ ສິ້ນສຸດວາລະປຶກສາຫາລື, ບັນດາຜູ້ແທນໄດ້ເຫັນດີເປັນເອກະພາບຮັບຮອງເອົາຮ່າງມະຕິຕົກລົງກ່ຽວກັບ “ບົດບາດຂອງລັດຖະສະພາໃນການຊຸກຍູ້ຄວາມຜູກພັນ ແລະ ຟື້ນຟູເສດຖະກິດ ອາຊຽນໄລຍະຫຼັງ Covid – 19”. |
 | AIPA ຈະມານະພະຍາຍາມຊຸກຍູ້ສັນຕິພາບ, ຄວາມໝັ້ນຄົງ ແລະ ຄວາມເປັນລະບຽບຮຽບຮ້ອຍຂອງໂຄງປະກອບພາກພື້ນ ຜູ້ແທນບັນດາລັດຖະສະພາໄດ້ຢັ້ງຢືນວ່າຈະສືບຕໍ່ສະໜັບສະໜູນ, ເພີ່ມທະວີກຳລັງຄວາມສາມາດຂອງ ອາຊຽນໃນການແກ້ໄຂບັນດາສິ່ງທ້າທາຍແບບເກົ່າ ແລະ ແບບໃໝ່, ຖືປະຊາຊົນເປັນໃຈກາງ, ພິເສດແມ່ນການຮັບມືກັບໂລກລະບາດ Covid – 19. |
ບຸນຄົງ
