| ຈີນ ສືບຕໍ່ປະຕິບັດຊ້ອມຮົບຢູ່ເກາະຮ່ວາງຊາ, ລະເມີດອະທິປະໄຕຂອງຫວຽດນາມ | |
| ນັກຊ່ຽວຊານອົດສະຕາລີ: ການກະທຳຂອງ ຈີນແມ່ນການກະທຳເກາະຜິດ |
ວັນທີ 01 ກັນຍາ 2020, ເມື່ອຕອບສຳພາດຕໍ່ສື່ມວນຊົນ ພາຍໃນ ແລະ ຕ່າງປະເທດ ກ່ຽວກັບທ່າທີໂຕ້ຕອບຂອງຫວຽດນາມ ຕໍ່ຂໍ້ມູນວ່າ ປະເທດຈີນ ກຳລັງດຳເນີນການຊ້ອມຮົບ, ຍິງລູກສອນໄຟໃນທະເລຕາເວັນອອກ, ໃນນັ້ນປະກອບມີໝູ່ເກາະຮ່ວາງຊາ (Paracel - Hoang Sa) ແລະ ເຈື່ອງຊາ (Spratly – Truong Sa) ຂອງຫວຽດນາມ, ໂຄສົກກະຊວງການຕ່າງປະເທດຫວຽດນາມ - ທ່ານນາງ ເລທິທູຮັ່ງ ກ່າວວ່າ:
ຫຼັກໝັ້ນຂອງຫວຽດນາມ ກ່ຽວກັບເລື່ອງ ຈີນ ຊ້ອມຮົບຢູ່ເຂດທະເລຕາເວັນອອກ ແມ່ນໄດ້ຍົກອອກມາໃນບົດກ່າວປາໄສຂອງໂຄສົກກະຊວງການຕ່າງປະເທດໃນວັນທີ 26 ສິງຫາ 2020.
 |
| ໂຄສົກກະຊວງການຕ່າງປະເທດຫວຽດນາມ - ທ່ານນາງ ເລທິທູຮັ່ງ. (ພາບ: TTXVN) |
ທັດສະນະສະເໝີຕົ້ນສະເໝີປາຍຂອງ ຫວຽດນາມ ແມ່ນທຸກການກະທຳຢູ່ໝູ່ເກາະ ຮວ່າງຊາ ແລະ ໝູ່ເກາະເຈື່ອງຊາ ຂອງ ຫວຽດນາມ ໂດຍບໍ່ໄດ້ຮັບການອະນຸຍາດຈາກຝ່າຍ ຫວຽດນາມ ແມ່ນການກະທຳລ່ວງລ້ຳອະທິປະໄຕຂອງຫວຽດນາມ ສຳລັບສອງໝູ່ເກາະດັ່ງກ່າວ, ເຊິ່ງເປັນການກະທຳບໍ່ເປັນປະໂຫຍດຕໍ່ສັນຕິພາບ, ສະຖຽນລະພາບ, ຄວາມເປັນລະບຽບຮຽບຮ້ອຍ, ຄວາມໝັ້ນຄົງ ແລະ ສິດເສລີໃນການບິນ ແລະ ການເດີນເຮືອ ຢູ່ທະເລຕາເວັນອອກ.
ກ່ອນນັ້ນ, ໃນວັນທີ 26 ສິງຫາ,ເມື່ອຕອບສຳພາດຕໍ່ສື່ມວນຊົນກ່ຽວກັບປະຕິກິລິຍາຂອງຫວຽດນາມ ຕໍ່ເລື່ອງຈີນ ດຳເນີນການຊ້ອມຮົບຢູ່ເຂດທະເລທາງທິດເໜືອຕາເວັນອອກສ່ຽງເໜືອ ໝູ່ເກາະຮ່ວາງຊາ (Paracel - Hoang Sa) ຂອງຫວຽດນາມ, ທ່ານນາງໂຄສົກກະຊວງການຕ່າງປະເທດຫວຽດນາມ ເລທິທູຮັ່ງ ຊີ້ແຈ້ງວ່າ: ເລື່ອງຈີນ ດຳເນີນການຊ້ອມຮົບຢູ່ເຂດໝູ່ເກາະຮ່ວາງຊາ (Paracel - Hoang Sa) ຢ່າງລຽນຕິດ ແມ່ນໄດ້ລະເມີດອະທິປະໄຕຂອງຫວຽດນາມ ສຳລັບໝູ່ເກາະນີ້, ໄປຝືນກັບເນື້ອໃນຈິດໃຈຂອງຖະແຫຼງການວ່າດ້ວຍການປະພຶດຂອງບັນດາຝ່າຍຢູ່ທະເລຕາເວັນອອກ (DOC), ເຮັດໃຫ້ສະພາບການສັບສົນຂຶ້ນຕື່ມ, ບໍ່ນຳມາເຊິ່ງຜົນປະໂຫຍດໃຫ້ແກ່ວິວັດການເຈລະຈາລະຫວ່າງ ຈີນ ແລະ ອາຊຽນ ກ່ຽວກັບກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC) ໃນປະຈຸບັນ ແລະ ການຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບ ແລະ ການຮ່ວມມືຢູ່ທະເລຕາເວັນອອກ.
 | ສະຫະລັດອາເມລິກາ ສະແດງຄວາມກັງວົນຕໍ່ການກະທໍາ "ສ້າງຄວາມບໍ່ໝັ້ນຄົງ" ຂອງຈີນໃນທະເລຕາເວັນອອກ ຍສໝ - ວັນທີ 7 ສິງຫາ, ທ່ານ Mark Esper - ລັດຖະມົນຕີກະຊວງປ້ອງກັນປະເທດອາເມລິກາ ໄດ້ມີການໂອ້ລົມທາງໂທລະສັບ ກັບ ທ່ານ Wei Fenghe - ລັດຖະມົນຕີກະຊວງປ້ອງກັນປະເທດຈີນ ກ່ຽວກັບສະພາບການໃນທະເລຕາເວັນອອກ ແລະ ບໍລິເວນໃກ້ກັບໄຕ້ຫວັນ. |
 | ຫວຽດນາມຄັດຄ້ານເລື່ອງຈີນສົ່ງກຳປັ່ນສູ້ຮົບ ແລະ ເຮືອບິນສູ້ຮົບ ໄປຍັງເກາະເຈື່ອງຊາ ຍສໝ - ໃນການຖະແຫຼງຂ່າວນັດສາມັນທີ່ໄດ້ດຳເນີນໃນຕອນບ່າຍວັນທີ 7 ສິງຫາ, ໂຄສົກກະຊວງການຕ່າງປະເທດຫວຽດນາມ ໄດ້ໃຫ້ຄຳເຫັນກ່ຽວກັບກິດຈະກຳທີ່ຜ່ານມາຂອງຈີນ ໃນເວລາທີ່ຈີນໄດ້ນຳໃຊ້ກຳປັ່ນສູ້ຮົບ ແລະ ເຮືອບິນສູ້ຮົບ ໄປຍັງ ເກາະເຈື່ອງຊາ ຂອງຫວຽດນາມ, ໃນນັ້ນມີເຂດລານຫີນ ຊູບີ. |
 | ລັດຖະມົນຕີການຕ່າງປະເທດມາເລເຊຍ: ອາຊຽນ ຈຳຕ້ອງສາມັກຄີກັນເພື່ອແກ້ໄຂຄວາມຂັດແຍ້ງອະທິປະໄຕຢູ່ທະເລຕາເວັນອອກ ຍສໝ - ທ່ານລັດຖະມົນຕີຕ່າງປະເທດມາເລເຊຍ Hishamuddin Hussein ໄດ້ຢືນຢັນເຖິງຈິດໃຈສາມັກຄີຂອງບັນດາປະເທດສະມາຊິກອາຊຽນທີ່ສວມບົດບາດສໍາຄັນໃນການແກ້ໄຂຂໍ້ຂັດແຍ່ງອະທິປະໄຕຢູ່ທະເລຕາເວັນອອກ. |
ຄຳຮຸ່ງ
