ສື່ມວນຊົນອິດສະຣາແອນ ໄດ້ຕີລາຄາສູງບັນດາຜົນງານເສດຖະກິດຂອງຫວຽດນາມ

	ທະນາຄານ HSBC ຕີລາຄາສູງການເຕີບໂຕດ້ານເສດຖະກິດຂອງຫວຽດນາມ
	Bloomberg: ເສດຖະກິດຂອງຫວຽດນາມ ໄດ້ເຕີບໂຕເກີນການຄາດຄະເນ

ວັນທີ 30 ສິງຫາ, ສື່ມວນຊົນອິດສະຣາແອນ ມີບົດຂຽນທີ່ຕີລາຄາສູງນະໂຍບາຍການຕ່າງປະເທດ ຂອງຫວຽດນາມ ກໍ່ຄືບັນດາຜົນງານດ້ານການທູດ ແລະ ເສດຖະກິດຂອງຫວຽດນາມ ເນື່ອງໃນໂອກາດສະເຫຼີມສະຫຼອງ 75 ປີແຫ່ງການປະຕິວັດເດືອນສິງຫາ ແລະ ວັນຊາດຫວຽດນາມ (ວັນທີ 2 ກັນຍາ).

ບົດຂຽນມີຫົວຂໍ້ “ຫວຽດນາມ: ດວງດາວທີ່ສົດໃສໃນອາຊີ” (Vietnam: A Bright Star in Asia) ລົງໃນໜັງສືພິມ Jerusalem Post ວັນທີ 30 ສິງຫາ ມີການຕີລາຄາສູງຕໍ່ການປະຕິບັດນະໂຍບາຍການຕ່າງປະເທດທີ່ເປັນເອກະລາດ ແລະ ເປັນເຈົ້າຕົນເອງຂອງຫວຽດນາມ, ເປີດກວ້າງ, ຫັນເປັນຫຼາຍຝ່າຍ ແລະ ຫັນເປັນຫຼາຍຮູບຫຼາຍແບບການພົວພັນຕ່າງປະເທດ, ແລະ ເຊື່ອມໂຍງເຂົ້າກັບສາກົນຢ່າງຕັ້ງໜ້າ.

(ພາບປະກອບ: TTXVN)

ນະໂຍບາຍນີ້ ໄດ້ຊ່ວຍໃຫ້ຫວຽດນາມສ້າງເຄືອຂ່າຍມີຈຳນ່ວນ 30 ຄູ່ຮ່ວມມືຍຸດທະສາດ ແລະ ຮອບດ້ານ, ເຂົ້າຮ່ວມສັນຍາຮ່ວມມືຍຸດທະສາດຮອບດ້ານ ແລະ ກ້າວໜ້າຂ້າມປາຊີຟິກ (CPTTP). ສັນຍາການຄ້າເສລີລຸ້ນໃໝ່ໃນໂລກນີ້ ເຊິ່ງໄດ້ຊ່ວຍໃຫ້ວົງເງິນສົ່ງອອກຂອງຫວຽດນາມໄປຍັງບັນດາປະເທດສະມາຊິກ, ເຊັ່ນ: ຍີ່ປຸ່ນ, ການາດາ ແລະ ແມັກຊິໂກ ເພີ່ມຂື້ນຢ່າງໄວວາເມື່ອທຽບໃສ່ກັບປີ 2018.

ກ່ຽວກັບເສດຖະກິດ, ບົດຂຽນໜັງສືພິມ Jerusalem Post ໄດ້ຄັດສະເໜີການຄາດຄະເນຂອງກອງທຶນການເງິນສາກົນ (IMF) ແລະ ທະນາຄານໂລກ (WB) ທີ່ໄດ້ຄາດຄະເນວ່າ ເສດຖະກິດຫວຽດນາມຈະເຕີບໂຕຢ່າງຕັ້ງໜ້າໃນປີ 2020, ຕາມລຳດັບ 2,7% ແລະ 4,9%, ບໍ່ຫົວຊາການລະບາດຂອງພະຍາດ COVID-19.

ອີງຕາມໜັງສືພິມ Jerusalem Post, ພື້ນຖານເສດຖະກິດຢ່າງແໜ້ນແກ່ນ ຈະຊ່ວຍໃຫ້ພື້ນຖານເສດຖະກິດຂອງຫວຽດນາມເຕີບໂຕໃນປີ 2021 ແລະ ຫວຽດນາມມີທ່າແຮງໃນການດຶງດູດຕ່ອງໂສ້ການສະໜອງທົ່ວໂລກ. ບັນດາກຸ່ມບໍລິສັດໃຫຍ່, ເຊັ່ນ Samsung, LG, ແລະ Intel ລ້ວນແຕ່ສ້າງຕັ້ງໂຮງງານຜະລິດຢູ່ຫວຽດນາມ.

ໜັງສືພິມ Forbes ຍັງໄດ້ລົງພິມບົດຂຽນທົບທວນສະຫຼຸບບັນດາຈຸດທີ່ສົດໃສ ກ່ຽວກັບເສດຖະກິດຂອງຫວຽດນາມໃນ 8 ເດືອນຕົ້ນປີ 2020. ບົດຂຽນໄດ້ຍົກຄຳພິນິດໄສຂອງທ່ານ Edward Teather - ຜູ້ຊ່ຽວຊານເສດຖະສາດອາຊຽນ ທີ່ບໍລິສັດຄົ້ນຄ້ວາ UBS ເຊິ່ງໄດ້ຕີລາຄາວ່າ ຫວຽດນາມພວມປະສົບກັບຜົນກະທົບຈາກ ການລະບາດຂອງພະຍາດ COVID-19, ແຕ່ໂດຍລວມ ຫວຽດນາມຍັງແມ່ນໜຶ່ງໃນບັນດາພື້ນຖານເສດຖະກິດທີ່ສົດໃສໃນ ພາກພື້ນ. ອີງຕາມບົດຂຽນໃຫ້ຮູ້ວ່າ, ລັດຖະບານຫວຽດນາມ ກຳລັງຊອກຫາວິທີການເພີ່ມທະວີການລົງທຶນຂອງພາກລັດ ແລະ ເອກະຊົນ, ນັບແຕ່ເດືອນມັງກອນເພື່ອຊ່ວຍພື້ນຖານເສດຖະກິດ ເອົາຊະນະການລະບາດຂອງພະຍາດ COVID-19.

ອີງຕາມປະກາດໂດຍອົງການການຄ້າຕ່າງປະເທດຍີ່ປຸ່ນ (JETRO), Forbes ກໍ່ໃຫ້ຮູ້ວ່າ, ຫວຽດນາມ ຍັງແມ່ນຈຸດພົ້ນເດັ່ນທີ່ດຶງດູດບັນດາບໍລິສັດຜະລິດຂະໜາດໃຫຍ່, ມີ 15/30 ບໍລິສັດຍີ່ປຸ່ນ ໄດ້ເລືອກຫວຽດນາມເປັນສະຖານທີ່ຕົ້ນຕໍ ໃນນະໂຍບາຍຂະຫຍາຍການຜະລິດ ໃນແຜນງານຂອງລັດຖະບານຍີ່ປຸ່ນ ເພື່ອສະໜັບສະໜູນບັນດາບໍລິສັດໃນການຫັນປ່ຽນລະບົບຕ່ອງໂສ້ ໃນຕ່າງປະເທດ.

6 ຂໍ້ສະເໜີແນະ ສຳລັບການຮ່ວມມືລັດຖະສະພາເພື່ອຍົກສູງຄວາມສາມາດໃນການຟື້ນຟູເສດຖະກິດ ຍສໝ - ນີ້ແມ່ນສານປະກາດຂອງຄະນະຜູ້ແທນສະພາແຫ່ງຊາດຫວຽດນາມ ໃນການວາລະເຮັດວຽກເປັນກຸ່ມໃນກອງປະຊຸມກຸ່ມທີ່ປຶກສາຂອງ AIPA (AIPA Caucus) ຄັ້ງທີ 11.

ປີ 2020, ເສດຖະກິດຂອງຫວຽດນາມ ຍັງຄົງສືບຕໍ່ເປັນປົກກະຕິ ແລະ ເຕີບໂຕໃນລະດັບແຕ່ 6,8% - 7% ຍສໝ - ໃນປີ 2020 ແລະ ຊຸມປີຈະມາເຖິງ, ກາລະໂອກາດລົງທຶນຂອງຫວຽດນາມ ຈະນອນໃນບັນດາຂະແໜງການທີ່ມີີຄ່າໄດ້ປຽບມາແຕ່ດົນນານຄື ຕໍາແຜ່ນຕັດຫຍິບ, ເກີບໜັງ, ເຄື່ອງເຟີນີເຈີ, ເຄື່ອງເອເລັກໂຕນິກ; ຜະລິດຕະພັນກະເສດ ແລະ ສິນໃນນໍ້າ...

IMF ຕີລາຄາສູງບັນດາຜົນງານເສດຖະກິດຂອງຫວຽດນາມ ຕອນບ່າຍວັນທີ 4 ພະຈິກ, ທີ່ສໍານັກງານສູນກາງພັກ, ທ່ານ ຫງວຽນວັນບີ່ງ, ກໍາມະການກົມການເມືອງ, ເລຂາທິການສູນກາງພັກ, ຫົວໜ້າຄະນະເສດຖະກິດສູນກາງພັກກອມມູນິດຫວຽດນາມ ໄດ້ຕ້ອນຮັບຄະນະພະນັກງານກອງທຶນເງິນຕາສາກົນ (IMF) ໂດຍທ່ານນາງ Era Dabla-Norris, ຫົວໜ້າມາດຕາ IV, ກົມອາຊີ-ປາຊີຟິກ ເປັນຫົວໜ້າຄະນະ.