| ||
| ທ່ານ ຫງວຽນວັນບີ່ງ ຕ້ອນຮັບທ່ານນາງ Era Dabla-Norris. ພາບ: ສໍານັກຂ່າວສານຫວຽດນາມ. |
ທ່ານ ຫງວຽນວັນບີ່ງ ຕີລາຄາສູງການຮ່ວມມືທີ່ແທດຈິງ, ມີປະສິດທິຜົນລະຫວ່າງຫວຽດນາມ ແລະ IMF ໃນໄລຍະຜ່ານມາ, ພິເສດໃນບັນດາການເຄື່ອນໄຫວໃຫ້ຄຳປຶກສາດ້ານນະໂຍບາຍເສດຖະກິດມະຫາພາກ, ການເງິນ, ເງິນຕາ. ທ່ານ ຫງວຽນວັນບີ່ງ ຢັ້ງຢືນວ່າບັນດາບູລິມະສິດນະໂຍບາຍຂອງຫວຽດນາມ ກ່ຽວກັບການສືບຕໍ່ສ້າງສະຖຽນລະພາບເສດຖະກິດມະຫາພາກ, ຄວບຄຸມໄພເງິນເຟີ້, ຍົົກສູງສະມັດຕະພາບ, ຄຸນນະພາບ, ມີປະສິດທິຜົນ, ມີລັກສະນະເປັນເຈົ້າຕົນເອງ ແລະກໍາລັງແກ່ງແຍ້ງຂອງພື້ນຖານເສດຖະກິດ...; ພ້ອມທັງເນັ້ນໜັກເຖິງເປົ້າໝາຍເສດຖະກິດຂອງຫວຽດນາມ ປີ 2020 ຮອດປີ 2025, ວິໄສທັດຮອດປີ 2030. ທ່ານ ຫງວຽນວັນບີ່ງ ແບ່ງປັນກໍານົດທິດສືບຕໍ່ປ່ຽນແປງໃໝ່, ພັດທະນາບັນດາຂົງເຂດສຳຄັນ, ບັນດາໜ້າທີ່ຈຸດສຸມ ແລະບັນດາຂອດບຸກທະລຸຍຸດທະສາດ; ປາດຖະໜາຢາກໃຫ້ IMF ສືບຕໍ່ຮ່ວມເດີນທາງ, ໜູນຊ່ວຍຫວຽດນາມ ໃນໄລຍະຈະມາເຖິງ.
ທ່ານນາງ Era Dabla-Norris ຕີລາຄາສູງບັນດາຜົນງານເສດຖະກິດຂອງຫວຽດນາມ ທີ່ບັນລຸໄດ້ໃນປີ 2019 ໃນສະພາບແວດລ້ອມສາກົນຍັງຂາດສະຖຽນລະພາບ, ມີຄວາມສ່ຽງ, ພິເສດແມ່ນໃນຂະນະທີ່ຄວາມເຄັ່ງຕຶງດ້ານການຄ້າພວມເພີ່ມຂຶ້ນ. ທ່ານນາງ Era Dabla-Norris ກໍ່ຕີລາຄາສູງບັນດາແຜນນະໂຍບາຍ, ນະໂຍບາຍຂອງພັກ ແລະລັດຫວຽດນາມ ກ່ຽວກັບການສ້າງເສດຖະກິດມະຫາພາກໃຫ້ມີສະຖຽນລະພາບ, ປ່ຽນແປງໃໝ່ຮູບແບບການເຕີບໂຕ ແລະໃຫ້ຄໍາໝັ້ນສັນຍາວ່າຈະສືບຕໍ່ປະກອບສ່ວນ, ປັບປຸງ ແລະເສີມຂະຫຍາຍມູນເຊື້ອການຮ່ວມມືອັນດີງາມລະຫວ່າງ IMF ແລະຫວຽດນາມ.
（ແຫຼ່ງຂໍ້ມູນ： la.qdnd.vn）
