 |
ງານບຸນນ່າງຮາຍ ຢູ່ແຂວງ ກາວບັ່ງ
ງານບຸນ ນ່າງຮາຍ ຂອງບ້ານ ຕຽນແທ່ງ ເມືອງ ຟຸກຮວ່າ ໄດ້ຮັບການອະນູມັດຈາກ ກະຊວງວັດທະນະທຳ, ກິລາ ແລະ ທ່ອງທ່ຽວ ແລະ ໄດ້ກາຍມາເປັນ ມໍລະດົກດ້ານວັດທະນະທຳແຫ່ງຊາດ, ໃນວັນທີ 20 ມິຖຸນນາ 2017 ກ່ຽວກັບການປະກາດລາຍຊື່ມໍລະດົກດ້ານວັດທະນະທຳແຫ່ງຊາດ.
ນີ້ແມ່ນຫນຶ່ງໃນງານບຸນພື້ນເມືອງທີ່ເຕັມໄປດ້ວຍສີສັນຂອງຄວາມເປັນຊົນເຜົ່າ ໄຕ່ ເວົ້າລວມ ແລະ ຊົນເຜົ່າ ໂຕ່ຢູ່ແຂວງກາວບັ່ງເວົ້າສະເພາະ. ສະແດງອອກໃຫ້ເຫັນຄວາມນັບຖືດັ້ງເດີມຂອງປະຊາຊົນທີ່ຍາມໃດກໍ່ປາດຖະໜາໃຫ້ດິນຟ້າອາກາດຕົກຖືກຕາມລະດູການ. ງານບຸນຈັດຂື້ນຈາກແນວຄິດປະດິດສ້າງມາຈາກການດຳລົງຊີວິດ ແລະ ອອກແຮງງານຜລິດຜົນຂອງຊາວນາຊາວກະສິກອນເຂດພູສູງ.
ຜ່ານພິທີກໍາຢູ່ທີ່ງານບຸນ, ສະທ້ອນໃຫ້ເຫັນເຖິງຄວາມປາຖະຫນາຂອງປະຊາຊົນຊາວຜູ່ອອກແຮງງານ, ຍາມໃດກໍ່ມີຄວາມມຸ້ງຫວັງຢາກໃຫ້ ດິນຟ້າອາກາດ ຕົກຕ້ອງຕາມລະດູການ, ການເກັບກູ້ຜົນຜລິດໄດ້ຮັບໝາກຜົນຫຼາຍ, ຊີວິດການນເປັນຢູ່ມີຄວາມອົບອຸ່ນ, ຄວາມສຸກກາຍສະບາຍໃຈ.
ພາຍຫຼັງຈາກພິທີຕ້ອນຮັບ ໃບຢັ້ງຢືນ ມໍລະດົກດ້ານວັດທະນະທຳແຫ່ງຊາດແລ້ວ, ຄະນະກໍາມະການຈັດຕັ້ງພິທີໄດ້ຕີກອງໄຂງານບຸນຢ່າງເປັນທາງການ. ໃນງານບຸນນີ້ ໄດ້ມີ ກິດຈະກໍາ ແລະ ການເຄື່ອນໄຫວ ສິນລະປະ ວັດທະນະທໍາ ທີ່ຫນ້າຕື່ນເຕັ້ນຈໍານວນຫຼາຍເຊັ່ນ: ການວາງສະແດງຮູບພາບ ການສະແດງ ພິທີ ນ່າງຮາຍ , ວາງສະແດງຂາຍອາຫານ, ການລະຫຼິ້ນຂອງບັນຊົນເຜົ່າເກົ່າແກ່.(ດືງເຊືອກ, ຊຸກໄມ້ສ້າວ,ໂຍນບານເຂົ້າຮ່ວງ, ຫຼິ້ນໝາກລຸກ)
（ຫັດທະບູນ）
