 |
| ກອງປະຊຸມເພື່ອຊອກຫາວິທີການແກ້ໄຂໃຫ້ແກ່ສະພາບການວິກິດການຢູ່ ເຢແມນ (ພາບ: UN) |
ສະພາຄວາມໝັ້ນຄົງສະຫະປະຊາຊາດໄດ້ຮັບຟັງການອັບເດດສະພາບການ ຢູ່ ເຢແມນຈາກທ່ານ Martin Griffiths, ທູດພິເສດຂອງເລຂາທິການໃຫຍ່ສະຫະປະຊາຊາດປະຈຳ ເຢແມນ; ທ່ານ Ramesh Rajasingham, ຜູ້ຊ່ວຍເລຂາທິການໃຫຍ່ອົງການສະຫະປະຊາຊາດຮັບຜິດຊອບຫ້ອງການວຽກງານມະນຸດສະທຳສະຫະປະຊາຊາດ; ແລະພົນຈັດຕະວາ Abhijit Guha, ຫົວໜ້າຄະນະຜູ້ແທນສະຫະປະຊາຊາດ ປະຈຳ ເຢແມນ (UNMHA).
ນັກລາຍງານໄດ້ໃຫ້ຮູ້ວ່າສະຖານະການຍັງສືບຕໍ່ຮ້າຍແຮງຂຶ້ນຢູ່ໃນຫຼາຍແຫ່ງທີ່ເຢເມນ, ເຮັດໃຫ້ສາມັນຊົນຫຼາຍຄົນເສຍຊີວິດ ແລະ ໄດ້ຮັບບາດເຈັບ; ເມື່ອສະແດງຄວາມວິຕົກກັງວົນຕໍ່ການບຸກໂຈມຕີ ຢູ່ Ma'rib ທີ່ນາບຂູ່ຕໍ່ສາມັນຊົນ ແລະ ມີຄວາມສ່ຽງນາບຂູ່ທຳລາຍບັນດາຄວາມມານະພະຍາຍາມຂອງ ສປຊ ໃນການເຈລະຈາສະເໜີສ້າງສັນຕິພາບລະຫວ່າງບັນດາຝ່າຍໃນຊຸມເດືອນທີ່ຜ່ານມາ.
ບັນດາການບຸກໂຈມຕີຢູ່ແຂວງ Al-jawl ໃນຕົ້ນເດືອນສິງຫາກໍ່ເຮັດໃຫ້ຫຼາຍຄົນຖືກຮັບບາດເຈັບ, ລວມທັງເດັກນ້ອຍ. ສະພາບເສດຖະກິດສືບຕໍ່ປະສົບກັບຄວາມຫຍຸ້ງຍາກ, ລາຄານໍ້າປະປາ ແລະສິນຄ້າທີ່ຈຳເປັນໄດ້ເພີ່ມຂຶ້ນ; ສະກຸນເງິນພາຍໃນປະເທດຫຼຸດລົງ. ບັນດາໂຄງການມະນຸດສະທຳ ຂອງສະຫະປະຊາຊາດສຳລັບເຢເມນແມ່ນມີຄວາມສ່ຽງຕ້ອງຢຸດລົງຍ້ອນຂາດທຶນເຄື່ອນໄຫວ.
ບັນດາສະມາຊິກສະພາຄວາມໝັ້ນຄົງສະຫະປະຊາຊາດໄດ້ແລກປ່ຽນກັບການຕີລາຄາຂອງນັກລາຍງານ, ກ່າວປະນາມການໃຊ້ຄວາມຮຸນແຮງຕໍ່ສາມັນຊົນ ແລະ ເດັກນ້ອຍ; ສະແດງການສະໜັບສະໜູນ ຕໍ່ເປັນເອກະລາດ, ອະທິປະໄຕແລະຜືນແຜ່ນດິນອັນຄົບຖ້ວນຂອງເຢແມນ; ເນັ້ນໜັກເຖິງການປະຕິບັດສັນຍາ Stockholm ແລະຂໍ້ຕົກລົງ Riyadh ຢ່າງຄົບຖ້ວນ; ຮຽກຮ້ອງໃຫ້ເພີ່ມງົບປະມານອຸປະຖຳໃຫ້ແກ່ເຢເມນເພື່ອໃຫ້ຮັກສາບັນດາໂຄງການມະນຸດສະທຳ ແລະ ຊ່ວຍໃຫ້ເຢເມນຕໍ່ສູ້ກັບການລະບາດໂລກລະບາດ Covid - 19.
ທ່ານ ດັ້ງດິ່ງກຸ໊ຍ ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຖາວອນ ຫວຽດນາມ ປະຈຳ ສະຫະປະຊາຊາດ ສະແດງຄວາມວິຕົກກັງວົນຕໍ່ສະພາບການທີ່ຮັບມື້ນັບຮ້າຍແຮງຂອງເຢແມນ; ທ່ານກໍ່ໜູນຊ່ວຍ ແຜນການສັນຕິພາບ 3 ຈຸດຂອງທູດພິເສດສະຫະປະຊາຊາດປະຈຳ ເຢແມນ; ສ້າງຄວາມສະດວກແລະບໍ່ຂັດຂວາງກິດຈະກຳມະນຸດສະທຳ; ເນັ້ນໜັກເຖິງພັນທະໃນການປົກປ້ອງສາມັນຊົນ, ໂດຍສະເພາະແມ່ນແມ່ຍິງແລະເດັກນ້ອຍ. ທ່ານເອກອັກຄະລັດຖະທູດກໍ່ໄດ້ປຶກສາຫາລືກ່ຽວກັບບັນດາສິ່ງກີດຂວາງຕົ້ນຕໍໃນການປະຕິບັດສັນຍາ Stockholm, ຂໍ້ຕົກລົງ Riyadh ແລະບັນດາຄຳໝັ້ນສັນຍາຂອງຝ່າຍຕ່າງໆ ຢູ່ ເຢແມນ; ຮຽກຮ້ອງໃຫ້ຝ່າຍຕ່າງໆສືບຕໍ່ການສົນທະນາແລະເຮັດວຽກເພື່ອກ້າວໄປສູ່ວິທີການແກ້ໄຂ ດ້ານການເມືອງທີ່ສົມບູນແບບກັບບົດບາດຂອງຜູ້ໄກ່ເກ່ຍສະຫະປະຊາຊາດ.
 | ຫວຽດນາມ ເຂົ້າຮ່ວມກອງປະຊຸມຂອງສະພາຄວາມໝັ້ນຄົງ ສປຊ ກ່ຽວກັບສະພາບການຢູ່ ກີເນ - ບິດຊາວ ຍສໝ - ທີ່ກອງປະຊຸມ ບັນດາປະເທດສະມາຊິກສະພາຄວາມໝັ້ນຄົງ ສປຊ ໄດ້ແບ່ງປັນຂໍ້ມູນຂ່າວສານ, ການຕີລາຄາຂອງບັນດານັກລາຍງານ ແລະ ສະແດງຄວາມວິຕົກກັງວົນກ່ຽວກັບຄວາມໝັ້ນຄົງ ແລະ ສະພາບການມະນຸດສະທຳທີ່ພວມຊົ່ວຮ້າຍລົງໃນໄລຍະທີ່ຜ່ານມາ. |
 | ຫວຽດນາມ ຕັ້ງໜ້າເຂົ້າຮ່ວມການສ້າງເນື້ອໃນບັນດາເອກະສານວາລະກອງປະຊຸມປະຈຳປີ ຄັງທີ 44 ສະພາສິດທິມະນຸດ ສປຊ ຍສໝ - ຄະນະຜູ້ຕາງໜ້າຫວຽດນາມ ດ້ວຍບົດບາດເປັນປະທານອາຊຽນ, ໄດ້ຕາງໜ້າໃຫ້ອາຊຽນກ່າວຄຳເຫັນລວມຢູ່ບັນດາກອງປະຊຸມ ກ່ຽວກັບບົດລາຍງານປະຈຳປີຂອງ ຂະຫຼວງໃຫຍ່ກ່ຽວກັບສະພາບການສິດຂອງມະນຸດ ແລະ ຜົນກະທົບຂອງໂລກລະບາດ Covid – 19, ສະພາບສິດທິມະນຸດຂອງ ຟີລິບປິນ, ບັນດາກອງປະຊຸມປຶກສາຫາລືແລກປ່ຽນຫົວເລື່ອງສະເພາະປະຈຳປີກ່ຽວກັບການປ່ຽນແປງຂອງດິນຟ້າອາກາດ, ການຮ່ວມມືດ້ານເຕັກນິກ. |
 | ຫວຽດນາມເຂົ້າຮ່ວມສະພາຄວາມໝັ້ນຄົງ ສປຊ ກ່ຽວກັບການເຄື່ອນໄຫວສ້າງສັນຕິພາບ ແລະ ສິດທິມະນຸດ ຍສໝ - ທ່ານເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ແທນຫວຽດນາມ ປະຈຳ ສະຫະປະຊາຊາດ ໄດ້ຢັ້ງຢືນຄືນໃໝ່ບັນດາຫຼັກການພື້ນຖານຂອງ ການເຄື່ອນໄຫວສ້າງສັນຕິພາບ ແລະ ເລື່ອງປະເທດເຈົ້າພາບມີບົດບາດແຖວໜ້າໃນການປົກປ້ອງ ແລະ ຊຸກຍູ້ສິດທິມະນຸດ. |
ບຸນຄົງ
