 |
| ທ່ານ ດັ້ງດິ່ງກຸ໊ຍ ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ (ພາບ: ຄະນະຜູ້ຕາງໜ້າຫວຽດນາມປະຈຳ ສປຊ) |
ວັນທີ 10 ສິງຫາສະພາຄວາມໝັ້ນຄົງ ສປຊ ໄດ້ຈັດກອງປະຊຸມປຶກສາຫາລືກ່ຽວກັບສະພາບການກີເນ - ບິດຊາວ ແລະ ການປະຕິບັດໜ້າທີ່ຂອງ ສປຊ ຢູ່ ກີເນ - ບິດຊາວ (UNIOGBIS) ໃນ 6 ເດືອນທີ່ຜ່ານມາ.
ທ່ານນາງ Rosine Sori-Coulibaly ຜູ້ຕາງໜ້າພິເສດຂອງເລຂາທິການໃຫຍ່ ສປຊ ກ່ຽວກັບກີເນ - ບິດຊາວ, ຫົວໜ້າຄະນະປະຕິບັດງານ UNIOGBIS; ທ່ານນາງ Ghada Fathi Waly ຜູ້ອຳນວຍການບໍລິຫານຫ້ອງການ ສປຊ ກ່ຽວກັບບັນດາຢາເສັບຕິດ ແລະ ອາດຊະຍາກຳ (UNDC) ແລະ ຜູ້ຕາງໜ້າຄະນະຜູ້ແທນບຣາຊິນ, ປະທານກຸ່ມກ່ຽວກັບກີເນ - ບິດຊາວໃນຄະນະກຳມະການສ້າງສັນຕິພາບ ສປຊ ໄດ້ລາຍງານທີ່ກອງປະຊຸມ. ທ່ານເອກອັກຄະລັດຖະທູດ ກີເນ - ບິດຊາວ ກໍ່ໄດ້ເຂົ້າຮ່ວມກອງປະຊຸມໃນຖານະເປັນແຂກຖືກເຊີນ.
ທີ່ກອງປະຊຸມ ບັນດາປະເທດສະມາຊິກສະພາຄວາມໝັ້ນຄົງ ສປຊໄດ້ແບ່ງປັນຂໍ້ມູນຂ່າວສານ, ການຕີລາຄາຂອງບັນດານັກລາຍງານ ແລະ ສະແດງຄວາມວິຕົກກັງວົນກ່ຽວກັບຄວາມໝັ້ນຄົງ ແລະ ສະພາບການມະນຸດສະທຳທີ່ພວມຊົ່ວຮ້າຍລົງໃນໄລຍະທີ່ຜ່ານມາ.
ບັນດາປະເທດກໍ່ຮຽກຮ້ອງໃຫ້ບັນດາຝ່າຍສືບຕໍ່ປະຕິບັດສົນທິສັນຍາ Conarky ແລະ ວິວັດແຫ່ງການປະຕິບັດ 6 ຈຸດຂອງ ECOWAS. ບັນດາປະເທດກໍ່ສະເໜີໃຫ້ສືບສວນບັນດາການກະທຳລະເມີດສິດທິມະນຸດຂອງກອງທັບ ແລະ ກຳລັງປ້ອງກັນຄວາມໝັ້ນຄົງ.
ກ່າວຄຳເຫັນທີ່ກອງປະຊຸມ, ທ່ານ ດັ້ງດິ່ງກຸ໊ຍ ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສປຊ ໄດ້ຮຽກຮ້ອງໃຫ້ບັນດາຝ່າຍຮ່ວມມືກັນ, ຫຼຸດຜ່ອນຄວາມແຕກຕ່າງກັນ, ມານະພະຍາຍາມປະຕິບັດການໄກ່ເກ່ຍບັນຫາລະຫວ່າງຊາດ, ສືບຕໍ່ປະຕິບັດບັນດາການປະຕິຮູບທີ່ສຳຄັນ ໃນສົນທິສັນຍາ Conarky, ສົນທິສັນຍາສ້າງສະຖຽນລະພາບ ແລະ ວິວັດຂະບວນການປະຕິບັດ 6 ຈຸດຂອງປະຊາຄົມເສດຖະກິດ ອາຟຼິກກາຕາເວັນຕົກ.
ທ່ານກໍ່ເນັ້ນໜັກເຖິງໜ້າທີ່ປົກປ້ອງສາມັນຊົນ ແລະ ເພີ່ມທະວີການເຂົ້າຮ່ວມຂອງແມ່ຍິງ, ຊາວໜຸ່ມ ໃນການວາງແຜນກຳນົດນະໂຍບາຍ ແລະ ພັດທະນາປະເທດຊາດ. ທ່ານເອກອັກຄະລັດຖະທູດດັ້ງດິ່ງກຸ໊ຍໄດ້ຮຽກຮ້ອງໃຫ້ປະຊາຄົມສາກົນໜູນຊ່ວຍບັນດາຄວາມມານະພະຍາຍາມຂອງ ກີເນ - ບິດຊາວໃນບັ້ນຕໍ່ສູ້ຕ້ານໂລກລະບາດ Covid – 19, ຢ້ຳຄືນເຖິງການສະໜັບສະໜູນຂອງຫວຽດນາມໃນການປະຕິບັດມະຕິເລກທີ 2512 (2020) ເພື່ອສັນຕິພາບ, ຄວາມໝັ້ນຄົງ ແລະ ການພັດທະນາແບບຍືນຍົງຢູ່ເຂດກີເນ - ບິດຊາວ.
 | ຫວຽດນາມ ຕັ້ງໜ້າເຂົ້າຮ່ວມການສ້າງເນື້ອໃນບັນດາເອກະສານວາລະກອງປະຊຸມປະຈຳປີ ຄັງທີ 44 ສະພາສິດທິມະນຸດ ສປຊ ຍສໝ - ຄະນະຜູ້ຕາງໜ້າຫວຽດນາມ ດ້ວຍບົດບາດເປັນປະທານອາຊຽນ, ໄດ້ຕາງໜ້າໃຫ້ອາຊຽນກ່າວຄຳເຫັນລວມຢູ່ບັນດາກອງປະຊຸມ ກ່ຽວກັບບົດລາຍງານປະຈຳປີຂອງ ຂະຫຼວງໃຫຍ່ກ່ຽວກັບສະພາບການສິດຂອງມະນຸດ ແລະ ຜົນກະທົບຂອງໂລກລະບາດ Covid – 19, ສະພາບສິດທິມະນຸດຂອງ ຟີລິບປິນ, ບັນດາກອງປະຊຸມປຶກສາຫາລືແລກປ່ຽນຫົວເລື່ອງສະເພາະປະຈຳປີກ່ຽວກັບການປ່ຽນແປງຂອງດິນຟ້າອາກາດ, ການຮ່ວມມືດ້ານເຕັກນິກ. |
 | ຫວຽດນາມເຂົ້າຮ່ວມສະພາຄວາມໝັ້ນຄົງ ສປຊ ກ່ຽວກັບການເຄື່ອນໄຫວສ້າງສັນຕິພາບ ແລະ ສິດທິມະນຸດ ຍສໝ - ທ່ານເອກອັກຄະລັດຖະທູດ ດັ້ງດິ່ງກຸ໊ຍ, ຫົວໜ້າຄະນະຜູ້ແທນຫວຽດນາມ ປະຈຳ ສະຫະປະຊາຊາດ ໄດ້ຢັ້ງຢືນຄືນໃໝ່ບັນດາຫຼັກການພື້ນຖານຂອງ ການເຄື່ອນໄຫວສ້າງສັນຕິພາບ ແລະ ເລື່ອງປະເທດເຈົ້າພາບມີບົດບາດແຖວໜ້າໃນການປົກປ້ອງ ແລະ ຊຸກຍູ້ສິດທິມະນຸດ. |
 | ສະພາຄວາມໝັ້ນຄົງ ສະຫະປະຊາຊາດ ປຶກສາຫາລືກ່ຽວກັບສະພາບການມະນຸດສະທຳ ຢູ່ ຊີຣີ ຍສໝ - ທ່ານ ດັ້ງດິ່ງກຸ໊ຍ ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຫວຽດນາມປະຈຳສະຫະປະຊາຊາດໄດ້ຮຽກຮ້ອງໃຫ້ວົງຄະນະຍາດສາກົນສືບຕໍ່ ສະໜອງການໜູນຊ່ວຍດ້ານມະນຸດສະທຳໃຫ້ແກ່ ຊີຣີ ແລະ ເນັ້ນໜັກວ່າ ຄວາມຈຳເປັນຕ້ອງຂອງຄວາມເປັນເອກະພາບໃນບັນຫາໜູນຊ່ວຍດ້ານມະນຸດສະທຳ. |
