ຊາວຕ່າງປະເທດ: ຂອບໃຈເດີ, ຂະແຫນງສາທາລະນະສຸກຫວຽດນາມ
	ຫວຽດນາມ ຮຽກຮ້ອງ ຊາວຕ່າງປະເທດຢູ່ຫວຽດນາມ ກໍຄືພົນລະເມືອງຫວຽດນາມ ຕ້ອງປະຕິບັດການໃຊ້ຜ້າອັດປາກຢູ່ບັນດາເຂດສາທາລະນະທີ່ເຕົ້າໂຮມຫຼາຍຄົນຢ່າງເຂັ້ມງວດ

ນັບຕັ້ງແຕ່ການລະບາດຂອງພະຍາດ COVID-19 ເກີດຂື້ນໃໝ່ໃນປະເທດຫວຽດນາມ, ລະບົບການເມືອງ ແລະ ປະຊາຊົນຫວຽດນາມທຸກຊັ້ນຄົນ ໄດ້ມີຄວາມສາມັກຄີ ແລະ ມີຄວາມຕັ້ງໃຈໃນການສະກັດກັ້ນການລະບາດດັ່ງກ່າວ. ນອກຈາກນັ້ນຍັງມີການສະໜັບສະໜູນ ແລະ ການປະກອບສ່ວນຢ່າງຕັ້ງໜ້າຂອງເພື່ອນມິດຕ່າງປະເທດທີ່ມີຄວາມເຊື່ອໝັ້ນ ແລະ ຮ່ວມເດີນທາງກັບລັດຖະບານ ແລະ ປະຊາຊົນຫວຽດນາມໃນການຕໍ່ສູ້ຕ້ານໂລກລະບາດ.

ໃນສອງສາມມື້ທີ່ຜ່ານມາ, ທ່ານ Wayne Worrell, ອາຍຸ 54 ປີ, ແລະ ໝູ່ເພື່ອນຂອງລາວ ສະແດງຄວາມວິຕົກກັງວົນຕໍ່ກັບການລະບາດຂອງ COVID-19 ເກີດຂຶ້ນໃໝ່ ຢູ່ ຫວຽດນາມ. ພວກເຂົາໄດ້ພ້ອມກັນປຶກສາຫາລື ແລະ ຕົກລົງທີ່ຈະດຳເນີນການແຈກຢາຍຜ້າບັງປາກໃຫ້ທຸກຄົນ ໂດຍມີຈຸດປະສົງໃນການໂຄສະນາເຜີຍແຜ່ ແລະ ຊ່ວຍເຫຼືອປະຊາຊົນຢ່າງມີສະຕິໃນການປົກປ້ອງສຸຂະພາບຂອງຕົນເອງ ແລະ ຊຸມຊົນໃນລະດູການລະບາດ.

ຊາວຕ່າງປະເທດ ໄດ້ບຸກບືນເຂົ້າຮ່ວມໃນການສະກັດກັ້ນການລະບາດຂອງພະຍາດ COVID-19 ຢູ່ຫວຽດນາມ. (ພາບ: vietnamplus)

ກ່ອນໜ້ານັ້ນ, ໃນຕົ້ນເດືອນສິງຫາ, ທ່ານ Wayne Worrell ໄດ້ຮຽກຮ້ອງໃຫ້ໝູ່ເພື່ອນຂອງລາວ ເຊິ່ງຖ່າຍຮູບຫລາຍກວ່າ 40 ຮູບ ເຊິ່ງກ່ຽວກັບການໃສ່ຜ້າບັງປາກ ເພື່ອສະແດງສານທີ່ວ່າທຸກຄົນຄວນປົກປ້ອງສຸຂະພາບຂອງຕົນເອງ ແລະ ຊຸມຊົນ. ທ່ານ Chelsea Ann Kerbaugh (ພົນລະເມືອງສະຫະລັດອາເມລິກາ) ໄດ້ກ່າວວ່າຄົນຕ່າງປະເທດທີ່ອາໄສ ແລະ ເຮັດວຽກ ຢູ່ ຫວຽດນາມແມ່ນຈຳນວນຫຼາຍ. ສະນັ້ນ, ເມື່ອທັງຊາວຫວຽດນາມ ແລະ ຊາວຕ່າງປະເທດເຂົ້າຮ່ວມນຳກັນ, ທຸກຄົນຈະກາຍເປັນກຸ່ມໜຶ່ງທີ່ມີຄວາມສາມັກຄີກັນໃນການຕໍ່ສູ້ກັບການລະບາດຂອງພະຍາດດັ່ງກ່າວ.

ບັນດາຄວາມພະຍາຍາມ ແລະ ຂໍ້ລິເລີ່ມຂອງຫວຽດນາມໃນການປ້ອງກັນ ແລະ ຄວບຄຸມການລະບາດ ແລະ ສະໜັບສະໜູນປະຊາຊົນໃນເວລາທີ່ເກີດພະຍາດລະບາດ COVID-19, ເຊັ່ນ: ຕູ້ ATM ເຂົ້າສານ, ການແຈກຢາຍຜ້າບັງປາກໂດຍບໍ່ເສຍຄ່າ, ຫຼື ອອກບັດຊື້ເຄື່ອງປະຈຳວັນໃຫ້ແກ່ປະຊາຊົນເມືອງດານັງ... ກໍ່ຄືການສະໜັບສະໜູນ ແລະ ການຮ່ວມເດີນທາງຂອງໝູ່ເພື່ອນຕ່າງປະເທດ ທີ່ໄດ້ສ້າງຄວາມກຳລັງແຮງໃນການຕໍ່ສູ້ ແລະ ເອົາຊະນະການລະບາດ COVID-19. “ລັດຖະບານຫວຽດນາມ ໄດ້ມານະພະຍາຍາມຢ່າງໃຫຍ່ຫຼວງ. ສິ່ງທີ່ພວກເຮົາທຸກຄົນຕ້ອງເຮັດໃນປັດຈຸບັນ ແມ່ນການສາມັກຄີຮ່ວມກັນຕ້ານໂລກລະບາດ” - ທ່ານ Wayne Worrel ກ່າວວ່າ.

6 ຂໍ້ສະເໜີແນະ ສຳລັບການຮ່ວມມືລັດຖະສະພາເພື່ອຍົກສູງຄວາມສາມາດໃນການຟື້ນຟູເສດຖະກິດ ຍສໝ - ນີ້ແມ່ນສານປະກາດຂອງຄະນະຜູ້ແທນສະພາແຫ່ງຊາດຫວຽດນາມ ໃນການວາລະເຮັດວຽກເປັນກຸ່ມໃນກອງປະຊຸມກຸ່ມທີ່ປຶກສາຂອງ AIPA (AIPA Caucus) ຄັ້ງທີ 11.

ບັນດາຜູ້ນຳຫວຽດນາມ ໄດ້ສົ່ງສານອວຍພອນວັນຊາດ ຂອງ ສ.ເກົາຫຼີ ຍສໝ - ທ່ານຫງວຽນຟູຈ້ອງ - ເລຂາທິການໃຫຍ່, ປະທານປະເທດຫວຽດນາມ, ທ່ານຫງວຽນຊວນຟຸກ - ນາຍົກລັດຖະມົນຕີຫວຽດນາມ, ທ່ານນາງຫງວຽນທິກິມເງິນ - ປະທານສະພາແຫ່ງຊາດຫວຽດນາມ, ທ່ານຟ້າມບິ່ງມິງ - ຮອງນາຍົກລັດຖະມົນຕີຫວຽດນາມ ໄດ້ສົ່ງສານອວຍພອນເວັນຊາດ ຂອງ ສ.ເກົາຫຼີ.

ລັດຖະບານຫວຽດນາມໄດ້ຕົກລົງຢຸດຕິດຊົ່ວຄາວການເຂົ້າເມືອງຫວຽດນາມສຳລັບຊາວຕ່າງປະເທດທັງໝົດ ຍສໝ - ລັດຖະບານຫວຽດນາມໄດ້ຕົກລົງຢຸດຕິດຊົ່ວຄາວການເຂົ້າເມືອງຫວຽດນາມສຳລັບຊາວຕ່າງປະເທດທັງໝົດ, ຍົກເວັ້ນກໍລະນີເຂົ້າເມືອງດ້ວຍຈຸດປະສົງທາງການທູດ, ທາງລັດຖະການແລະບັນດາກໍລະນີພິເສດ, ຢຸດຕິຊົ່ວຄາວຜົນສັກສິດຂອງການຍົກເວັ້ນວີຊາທີ່ອອກໃຫ້ຊາວຫວຽດນາມແລະຍາດຕິພີ່ນ້ອງ.