| ຫວຽດນາມ ແລະ ກຳປູເຈຍ ມອບຮັບແຜນທີ່ພູມີປະເທດເຂດຊາຍແດນ | |
| ປະທານສະພາແຫ່ງຊາດຫວຽດນາມໃຫ້ການຕ້ອນຮັບເອກອັກຄະລັດຖະທູດກຳປູເຈຍ ປະຈຳຫວຽດນາມ |
 |
| ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ຕ້ອນຮັບປະທານສະພາແຫ່ງຊາດກໍາປູເຈຍ Samdech Heng Samrin (ພາບ: VOV) |
ຕອນເຊົ້າວັນທີ 15 ສິງຫາ, ຢູ່ຫໍສະພາແຫ່ງຊາດ, ທ່ານນາງສະພາແຫ່ງຊາດ ຫງວຽນທິກິມເງິນ ໄດ້ໃຫ້ການຕ້ອນຮັບທ່ານ Samdech Heng Samrin ປະທານສະພາແຫ່ງຊາດ ລາຊະອານາຈັກກຳປູເຈຍ ແລະ ຄະນະຜູ້ແທນຂັ້ນສູງກຳປູເຈຍ ເນື່ອງໃນໂອກາດ ຄະນະຜູ້ແທນເຂົ້າພິທີໄວ້ອາໄລທ່ານ ອະດີດເລຂາທິການໃຫຍ່ ເລຂາຟຽວ.
ໂດຍເປັນຕາງໜ້າໃຫ້ແກ່ພັກ, ລັດ, ສະພາແຫ່ງຊາດ ແລະ ປະຊາຊົນ ຫວຽດນາມ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ໄດ້ສະແດງຄວາມຂອບອົກຂອບໃຈຕໍ່ການນໍາຂັ້ນສູງຂອງ ກໍາປູເຈຍ ທີ່ໄດ້ສົ່ງໂທລະເລກສະແດງຄວາມເສົ້າສະຫຼົດໃຈ, ມາໄວ້ອາໄລທ່ານອະດີດເລຂາທິການໃຫຍ່ ເລຂາຟຽວ. ນີ້ແມ່ນການກະທໍາອັນຈົບງາມ ເຊິ່ງໄດ້ສະແດງໃຫ້ເຫັນຄວາມຜູກພັນ, ສະໜິດສະໜົມ, ການພົວພັນສາມັກຄີ, ໄມຕີຈິດມິດຕະພາບທີ່ເປັນມູນເຊື້ອ ລະຫວ່າງສອງພັກ, ສອງລັດ ແລະ ປະຊາຊົນສອງປະເທດ, ກໍຄືອາລົມຈິດຄວາມຮັກແພງຂອງພັກ CPP, ລັດ ແລະ ປະຊາຊົນ ກໍາປູເຈຍ ທີ່ມີຕໍ່ ທ່ານອະດີດເລຂາທິການໃຫຍ່ ເລຂ໋າຟຽວ.
ທີ່ການຕ້ອນຮັບ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ສະເໜີໃຫ້ສອງປະເທດ ສືບຕໍ່ຮ່ວມມືກັນຢ່າງແໜ້ນແຟ້ນໃນການປ້ອງກັນ, ສະກັດກັ້ນໂລກລະບາດໂຄວິດ - 19 ທັງຮັກສາການພົວພັນແລກປ່ຽນການຄ້າຊາຍແດນລະຫວ່າງສອງປະເທດ. ທ່ານນາງຖືວ່າ, ເລື່ອງສະພາແຫ່ງຊາດສອງປະເທດໄດ້ໃຫ້ສັດຕະຍາບັນສົນທິສັນຍາສະບັບປັບປຸງ ປີ 2019 ແລະ ອະນຸສັນຍາກ່ຽວກັບການຂີດແບ່ງເສັ້ນຊາຍແດນ, ປັກຫຼັກໝາຍຊາຍແດນ ບັນລຸໄດ້ 84% ນັ້ນ ແມ່ນພື້ນຖານທີ່ມີຄວາມສໍາຄັນຍິ່ງເພື່ອໃຫ້ສອງປະເທດສ້າງເຂດຊາຍແດນແຫ່ງສັນຕິພາບ, ມິດຕະພາບ ແລະ ການຮ່ວມມືແບບຍືນຍົງ.
ທ່ານນາງ ຫງວຽນທິກິມເງິນ ກໍປາດຖະໜາວ່າ, ສະພາແຫ່ງຊາດສອງປະເທດຈະສືບຕໍ່ສົມທົບກັນຢ່າງແໜ້ນແຟ້ນເພື່ອສະໜັບສະໜູນສອງປະເທດປະຕິບັດໜ້າວຽກຕໍ່ໄປໃຫ້ສໍາເລັດໂດຍໄວ, ຕໍ່ສູ້, ປະຕິເສດບັນດາຖ້ອຍທໍານອງເສກສັນປັ້ນແຕ່ງ, ບໍ່ມີມູນຄວາມຈິງຂອງກໍາລັງເປັນປໍລະປັກ, ທໍາລາຍວຽກງານຂີດແບ່ງເສັ້ນຊາຍແດນ, ປັກຫຼັກໝາຍຊາຍແດນຂອງສອງປະເທດ.
ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ຍັງປາດຖະໜາວ່າ, ໃນໄລຍະຈະມາເຖິງ, ກໍາປູເຈຍ ຈະສືບຕໍ່ສະໜັບສະໜູນຫຼັກໝັ້ນລວມຂອງ ອາຊຽນ, ສະໜັບສະໜູນ ແລະ ໃຫ້ການສົມທົບຢ່າງແໜ້ນແຟ້ນ ເພື່ອໃຫ້ຫວຽດນາມ ສາມາດປະຕິບັດສໍາເລັດໜ້າທີ່ສໍາຄັນຄື ເປັນປະທານ ອາຊຽນ, ປະທານ AIPA 41 ໃນປີ 2020 ແລະ ກໍາມະການບໍ່ປະຈໍາການສະພາຄວາມໝັ້ນຄົງ ສປຊ ອາຍຸການ 2020 – 2021.
ສ່ວນທ່ານ Heng Samrin ປະທານສະພາແຫ່ງຊາດ ກຳປູເຈຍ ໄດ້ສະແດງຄວາມເສົ້າສະຫຼົດໃຈຢ່າງສຸດເຊິ້ງຂອງການນຳພັກ, ລັດ, ປະຊາຊົນຫວຽດນາມ ແລະ ຄອບຄົວອະດີດເລຂາທິຫານໃຫຍ່ ເລຂາຟຽວ, ເນັ້ນໜັກວ່າ ອະດີດເລຂາທິການ ເລຂາຟຽວ ແມ່ນ ເພື່ອນມິດທີ່ດີຂອງກຳປູເຈຍ, ໂດຍແມ່ນຜູ້ທີ່ເຄີຍເຂົ້າຮ່ວມພາລະກິດສ້າສາ ແລະ ພັດທະນາປະເທດກຳປູເຈຍ ພາຍຫຼັງ ກຳປູເຈຍຫຼຸດພົ້ນອອກຈາກລະບົບດັບສູນເຊື້ອຊາດ ແລະ ປະກອບສ່ວນເຂົ້າການເພີ່ມທະວີການພົວພັນລະຫວ່າງ ສອງປະເທດ ຫວຽດນາມ - ກຳປູເຈຍ.
ທ່ານ Heng Samrin ໄດ້ຮັບຮອງເອົາ ແລະ ຕີລາຄາສູງສາຍພົວພັນທີ່ເປັນມູນເຊື້ອ ແລະ ການຮ່ວມມືຢ່າງຮອບດ້ານລະຫວ່າງສອງປະເທດ ແລະ ປະຊາຊົນສອງປະເທດ, ທ່ານມີຄວາມຫວັງຢາກສືບຕໍ່ເພີ່ມພູນຄູນສ້າງ, ພັດທະນາການພົວພັນລະຫວ່າງ ສອງປະເທດ ຫວຽດນາມ - ກຳປູເຈຍຢ່າງໝັ້ນຄົງ ເພື່ອຜົນປະໂຫຍດຂອງປະຊາຊົນສອງປະເທດ ເພື່ອສັນຕິພາບ, ສະຖຽນລະພາບ ແລະ ພັດທະນາຢູ່ພາກພື້ນ ແລະ ໃນໂລກ.
 | ຫວຽດນາມ ແລະ ກຳປູເຈຍ ມອບຮັບແຜນທີ່ພູມີປະເທດເຂດຊາຍແດນ ຍສໝ - ເລື່ອງສອງປະເທດປະຕິບັດສຳເລັດວຽກງານມອບຮັບແຜນທີ່ພູມີປະເທດເຂດຊາຍແດນລະຫວ່າງ ຫວຽດນາມ ກຳປູເຈຍແມ່ນພື້ນຖານສຳຄັນເພື່ອຊຸກຍູ້ການຈັດຕັ້ງເພື່ອຊຸກຍູ້ການຈັດຕັ້ງພິທີ່ແລກປ່ຽນເອກະສາຮັບຮອງເອົາສັນຍາວ່າດ້ວຍປັບປຸງສັນຍາວາງແຜນກຳນົດເຂດຊາຍແດນແຫ່ງຊາດປີ 1985 ແລະ ສັນຍາວ່າດ້ວຍການປັບປຸງປີ 2005 |
 | ຢາລາຍເລີ່ມປະຕິບັດໜ້າທີ່ສ້າງແຂວງກາຍເປັນເຂດກຳລັງໜູນໃນເຂດສາມລ່ຽມພັດທະນາລະຫວ່າງ ຫວຽດນາມ - ລາວ - ກຳປູເຈຍ ຍສໝ - ການສ້າງແຜນການດ້ວຍວິໄສທັດ ຮອດປີ 2050, ຈະຊ່ວຍໃຫ້ແຂວງລະດົມບັນດາແຫຼ່ງກຳລັງຂອງຕົນຢ່າງມີປະສິດທິຜົນ, ເຊື່ອມຕໍ່ບັນດາແຫຼ່ງກຳລັງທັງຢູ່ພາຍໃນ ແລະ ຕ່າງປະເທດຢ່າງມີປະສິດທິຜົນ ເພື່ອພັດທະນາເສດຖະກິດແບບຍືນຍົງ , ຮັກສາອະທິປະໄຕເຂດຊາຍແດນ. |
 | ກໍາປູເຈຍ ຈັດຕັ້ງກອງປະຊຸມ ASEM 13 ຕາມເວລາກຳນົດ ຍສໝ - ທ່ານ Luy David ຊີ້ແຈ້ງວ່າ ຄະນະກໍາມະການແຫ່ງຊາດກ່ຽວກັບການຈັດຕັ້ງ ກອງປະຊຸມ ASEM 13 ແລະ ຄະນະເລຂາຄະນະກໍາມະການນີ້ ພວມສືບຕໍ່ວຽກງານກະກຽມໃຫ້ແກ່ກອງປະຊຸມ ASEM 13 ທີ່ໄດ້ຮັບການເຫັນດີຈາກການນໍາບັນດາປະເທດສະມາຊິກ. ເພື່ອກະກຽມໃຫ້ແກ່ກອງປະຊຸມຂັ້ນສູງນີ້, ກໍາປູເຈຍພວມກະກຽມຫຼາຍກິດຈະກໍາ, |
ບຸນຄົງ
