| ຫວຽດນາມ ແລະ ຍີ່ປຸ່ນ ເປັນປະທານຮ່ວມກອງປະຊຸມອອນລາຍ AFCDM + 3 | |
| Foreign Policy: ຫວຽດນາມ ສະແດງໃຫ້ເຫັນຄວາມສາມາດໃນການນຳພາກຢ່າງດີເດັ່ນໃນອາຊຽນ |
ໃນບົດກ່າວປາໄສເປີດພິທີສະເຫຼີມສະຫຼອງ, ທ່ານ Dato Lim Jock Hoi - ເລຂາທິການໃຫຍ່ອາຊຽນ ໄດ້ຢືນຢັນວ່າ, ພາຍໃຕ້ບົດບາດເປັນປະທານທີ່ເຂັ້ມແຂງ ແລະ ມີຄວາມສາມາດຂອງປະເທດຫວຽດນາມ, ອາຊຽນຍັງສຸມໃສ່ປະຕິບັດບັນດາການເຄື່ອນໄຫວສຳຄັນ ແລະ ສະແດງໃຫ້ເຫັນຄຳໝັ້ນສັນຍາຂອງຕົນໃນການເດີນທາງເຊື່ອມໂຍງຂອງຕົນ.
 |
| ທ່ານຟ້າມບິ່ງມິງ - ຮອງນາຍົກລັດຖະມົນຕີຫວຽດນາມ ກ່າວປາໄສໃນພິທີສະເຫຼີມສະຫຼອງວັນສ້າງຕັ້ງອາຊຽນຄົບຮອບ 53 ປີ. (ພາບ: TTXVN) |
ຕາງໜ້າໃຫ້ປະເທດປະທານາອາຊຽນໃນປີ 2020, ທ່ານຟ້າມບິ່ງມິງ - ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຫວຽດນາມ ໄດ້ຕີລາຄາວ່າ: ເມື່ອອາຊຽນ ໄດ້ຮັບການສ້າງຕັ້ງກ່ອນນີ້ 53 ປີ, ບໍ່ມີຜູ້ໃດວາດພາບໄດ້ວ່າ ອາຊຽນ ຈະບັນລຸຜົນສຳເລັດຄືແນວນີ້. ປະຈຸບັນ, ປະຊາຄົມອາຊຽນ ໄດ້ກາຍເປັນຄອບຄົວໃຫຍ່ ດ້ວຍພົນລະເມືອງ 650 ລ້ານຄົນ ແລະ ຍອດ GDP ບັນລຸ 3.000 ຕື້ USD. ອາຊຽນ ລວມມີ 10 ປະເທດສະມາຊິກ ໄດ້ຊ່ວຍໃຫ້ພາກພື້ນອາຊີຕາເວັນອອກສ່ຽງໃຕ້ ຈາກການແບ່ງແຍກໄປເຖິງການປອງດອງກັນ, ຈາກການສູ້ຢັນກັນຫັນໄປການເຈລະຈາ ແລະ ຮ່ວມມື, ຈາກຄວາມທຸກຍາກ ໄປສູ່ການພັດທະນາຢ່າງຂະຫຍັນຂັນເຄື່ອນ, ຈາກວິໄສທັດ ໄປສູ່ການກະທຳ.
ທ່ານຮອງນາຍົກລັດຖະມົນຕີຟ້າມບິ່ງມິງ ກໍ່ໃຫ້ຮູ້ວ່າ, ບັນດາປະເທດໃນພາກພື້ນ ຕ້ອງເພີ່ມທະວີຄວາມມານະພະຍາຍາມ ເພື່ອສ້າງປະຊາຄົມໃຫ້ເຂັ້ມແຂງ; ຊຸກຍູ້ການຮ່ວມມືລະຫວ່າງອາຊຽນ ແລະ ບັນດາປະເທດຄູ່ຮ່ວມມືເຈລະຈາ, ພ້ອມກັນນັ້ນຕ້ອງການຮັບປະກັນໂຄງປະກອບພາກພື້ນທີ່ເປັນໃຈກາງອາຊຽນ, ເປີດເຜີຍ, ໂປ່ງໃສ ແລະ ອີງໃສ່ກົດລະບຽບ.
ພາຍໃຕ້ການນຳພາຂອງຫວຽດນາມໃນປີນີ້, ອາຊຽນ ໄດ້ສົ່ງເສີມຈິດໃຈສາມັກຄີ ແລະ ການປັບຕົວຢ່າງຕັ້ງໜ້າ, ປະຕິບັດມາດຕະການປະສານງານເປັນຢ່າງດີ ເພື່ອປົກປ້ອງສຸຂະພາບຂອງປະຊາຊົນ ແລະ ຟື້ນຟູພື້ນຖານເສດຖະກິດ. ອາຊຽນ ໄດ້ນຳໜ້າບັນດາຄວາມະບຸກບືນຂອງພາກພື້ນ ເພື່ອສະກັດກັ້ນການແຜ່ລະບາດຂອງພະຍາດ COVID - 19, ປ່ຽນໃໝ່ການດຳເນີນງານ, ເຮັດໃຫ້ການພົວພັນກັບພາຍນອກເລິກເຊິ່ງ, ພ້ອມທັງຍົກສູງຖານະບົດບາດຂອງຕົນໃນສາກົນ.
ສຸດທ້າຍ, ທ່ານຮອງນາຍົກລັດຖະມົນຕີຟ້າມບິ່ງມິງ ໄດ້ເນັ້ນໜັກວ່າ, ດ້ວຍແນວທາງ “ແນວຄິດເພື່ອປະຊາຄົມ, ການກະທຳເພື່ອປະຊາຄົມ”, ຫວຽດນາມ ຈະສືບຕໍ່ຮ່ວມມືຢ່າງແໜ້ນແຟ້ນກັບບັນດາປະເທດບ້ານໃກ້ເຮືອນຄຽງ ແລະ ເພື່ອນມິດເພື່ອສ້າງອາຊຽນໄດ້ເຂັ້ມແຂງ ແລະ ສາມັກຄີ, ສັນຕິພາບ ແລະ ຈະເລີນຮຸ່ງເຮືອງໃນພາກພື້ນ ແລະ ໃນໂລກ.
 | ລັດຖະມົນຕີການຕ່າງປະເທດມາເລເຊຍ: ອາຊຽນ ຈຳຕ້ອງສາມັກຄີກັນເພື່ອແກ້ໄຂຄວາມຂັດແຍ້ງອະທິປະໄຕຢູ່ທະເລຕາເວັນອອກ ຍສໝ - ທ່ານລັດຖະມົນຕີຕ່າງປະເທດມາເລເຊຍ Hishamuddin Hussein ໄດ້ຢືນຢັນເຖິງຈິດໃຈສາມັກຄີຂອງບັນດາປະເທດສະມາຊິກອາຊຽນທີ່ສວມບົດບາດສໍາຄັນໃນການແກ້ໄຂຂໍ້ຂັດແຍ່ງອະທິປະໄຕຢູ່ທະເລຕາເວັນອອກ. |
 | ອາເມລິກາ ສະໜັບສະໜູນອາຊຽນ ເສີມຂະຫຍາຍບົດບາດເປັນໃຈກາງໃນພາກພື້ນ ຍສໝ - ທ່ານ ຫງວຽນກວກຢຸ້ງ ຮອງລັດຖະມົນຕີກະຊວງການຕ່າງປະເທດຫວຽດນາມ ໄດ້ກ່າວຢໍ້າຄືນຫຼັກໝັ້ນຂອງອາຊຽນໃນການຮັບປະກັນສັນຕິພາບ, ຄວາມໝັ້ນຄົງ, ສະຖຽນລະພາບ, ຄວາມປອດໄພ ແລະ ສິດເສລີພາບໃນການເດີນເຮືອ ແລະການໄປມາຫາສູ່ກັນຢູ່ທະເລຕາເວັນອອກ. |
 | ຫວຽດນາມ ແລະ ຍີ່ປຸ່ນ ເປັນປະທານຮ່ວມກອງປະຊຸມອອນລາຍ AFCDM + 3 ຍສໝ - ບັນດາທ່ານລັດຖະມົນຕີກະຊວງການເງິນ ແລະ ຮອງຜູ້ວ່າການທະນາຄານກາງຫວຽດນາມ ໄດ້ທົບທວນຄວາມຄືບໜ້າຂອງບັນດາຂໍ້ລິເລີ່ມພາຍໃຕ້ແນວທາງຍຸດທະສາດ ຂອງຂະບວນການຮ່ວມມືດ້ານການເງິນອາຊຽນ +3. |
ຄຳຮຸ່ງ
