ລາຍຮັບຂະແໜງທ່ອງທ່ຽວແຂວງວຽງຈັນຫລຸດລົງ ກວ່າ 70% ຫລັງໄດ້ຮັບຜົນກະທົບຈາກໂຄວິດ-19

	ວຽກງານການຕ່າງປະເທດປະກອບສ່ວນຊຸກຍູ້ການທ່ອງທ່ຽວແຂວງບັກຢາງ ສສ.ຫວຽດນາມ
	ການທ່ອງທ່ຽວຂອງຫວຽດນາມ ໄດ້ຮັບການຄັດເລືອກເຂົ້າໃນ 11 ປະເພດການທ່ອງທ່ຽວແຖວໜ້າຂອງອາຊີ

ພາບ​ປະ​ກອບ:commons

ແຂວງວຽງຈັນ 5 ປີຜ່ານມາສາມາດດຶງດູດນັກທ່ອງທ່ຽວ ນັບມື້ເພີ່ມຂຶ້ນເຖິງ 2,8 ລ້ານເທື່ອຄົນ, ທຽບໃສ່ 5 ປີຜ່ານມາເພີ່ມຂຶ້ນ 7 ແສນກວ່າເທື່ອຄົນ. ໃນນີ້ເປັນນັກທ່ອງທ່ຽວ ຕ່າງປະເທດ 1,1 ລ້ານເທື່ອຄົນ ສ້າງລາຍຮັບໄດ້ 1.008 ຕື້ກີບ, ເພີ່ມຂຶ້ນ 243 ຕື້ກີບ. ແຕ່ພາຍຫລັງການເກີດ ແຜ່ລະບາດຂອງໂຄວິດ-19 ຕາມການເກັບກໍາ ສະຖິຕິນັກທ່ອງທ່ຽວ 6 ເດືອນຕົ້ນປີ 2020 ມີນັກທ່ອງທ່ຽວເຂົ້າມາພຽງ 2 ແສນກວ່າຄົນ, ນັກທ່ອງທ່ຽວ ຕ່າງປະເທດ 1 ແສນກວ່າຄົນ, ສ້າງລາຍຮັບໄດ້ພຽງ 88 ຕື້ກວ່າກີບ, ທຽບໃສ່ແຜນການປີບັນລຸພຽງ 30,50%, ເຮັດໃຫ້ຫລາຍຫົວໜ່ວຍທຸລະກິດ ດ້ານການ ທ່ອງທ່ຽວໄດ້ຮັບຜົນກະທົບ ໂດຍສະເພາະໂຮງແຮມ, ເຮືອນພັກ, ຮ້ານອາຫານ, ສະຖານທີ່ທ່ອງທ່ຽວກວ່າ 700 ກວ່າແຫ່ງ ໄດ້ປິດການບໍລິການ.

ທ່ານ ນາງ ອິ່ນຄໍາ ພັນດາລາ ຫົວໜ້າພະແນກຖະແຫລງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ແຂວງວຽງຈັນ ໄດ້ລາຍງານໃຫ້ຮູ້ເມື່ອບໍ່ດົນຜ່ານມານີ້ວ່າ: ໃນໄລຍະປ້ອງກັນ ແລະ ເຝົ້າລະວັງການແຜ່ລະບາດຂອງ ໂຄວິດ-19 ຄະນະພັກອົງການປົກຄອງ ກໍຄື ຂະແໜງ ຖວທ ພາຍໃນແຂວງໄດ້ຊຸກຍູ້ໃຫ້ພະນັກງານ, ປະຊາຊົນ ຕະຫລອດຮອດຜູ້ປະກອບການ ທຸລະກິດທ່ອງທ່ຽວ ຫັນຈາກວິກິດການເປັນໂອກາດ ປັບປຸງກິດຈະການຕ່າງໆ ໃຫ້ດີຮັບປະກັນ ແລະ ປະດັບປະດາໃຫ້ຈົບງາມກວ່າເກົ່າ.

ເພື່ອແກ້ໄຂຜົນກະທົບດັ່ງກ່າວ, ພາຍຫລັງທີ່ລັດຖະບານ ໄດ້ມີການການຜ່ອນຜັນ ກໍຄືຄະນະສະເພາະກິດພະແນກ ຖວທ ແຂວງ ໃນການສືບຕໍ່ຄຸ້ມຄອງ ບັນດາຫົວໜ່ວຍທຸລະກິດ ທີ່ຈະກັບມາເປີດກິດຈະການ ກໍໄດ້ເອົາໃຈໃສ່ ໂຄສະນາຜ່ານສື່ຕ່າງໆ ແລະ ການຕິດຕາມຢ່າງ ໃກ້ຊິດຕໍ່ການປະຕິບັດມາດ ຕະການປ້ອງກັນຕ່າງໆ ຂອງຜູ້ປະກອບການ ເພື່ອປ້ອງກັນຄວາມສ່ຽງບໍ່ໃຫ້ພະຍາດດັ່ງກ່າວ ກັບມາລະບາດອີກຄັ້ງ ໃໝ່ ເປັນຕົ້ນ ປະຕິບັດໄລຍະຫ່າງ 1 ແມັດ, ມີບ່ອນລ້າງມືດ້ວຍນໍ້າສະອາດໃສ່ສະບູ ຫລື ນໍ້າຢາລ້າງມື, ໃສ່ຜ້າອັດປາກ, ແທກອຸນນະພູມ ແລະ ອະນາໄມສະຖານທີ່ຕາມຄໍາແນະນໍາ ຂອງຄະນະສະເພາະກິດ ວາງອອກ.

ວຽກງານການຕ່າງປະເທດປະກອບສ່ວນຊຸກຍູ້ການທ່ອງທ່ຽວແຂວງບັກຢາງ ສສ.ຫວຽດນາມ ຍສໝ - ດ້ວຍຄວາມມານະພະຍາຍາມໃນວຽກງານການຕ່າງປະເທດໄດ້ປະກອບສ່ວນຊຸກຍູ້ການພັດທະນາການທ່ອງທ່ຽວຂອງແຂວງ. ທີ່ດິນ ແລະ ຜູ້ຄົນແຂວງບັກຢາງເປັນທີ່ຮູ້ຈັກດີຈາກເພື່ອນມິດສາກົນຫຼາຍຄົນ. ຄາດວ່າໃນແຕ່ລະປີ, ແຂວງຕ້ອນຮັບແຂກສາກົນປະມານ 20.000 ເທື່ອຄົນ.

ບັນດາທັດສະນີຍະພາບຈັບອົກຈັບໃຈທີ່ສຸດຢູ່ຫວຽດນາມ ຍສໝ - ຊາປາ ແມ່ນສະຖານທີ່ງາມຍອດຍິ່ງເພື່ອຍ່າງໄປ, ຖີບລົດ ແລະໄຕ່ພູ, ຊົມບັນດານ້ຳຕົກຕາດໃຫຍ່ໂຕມະໂຫຖານ, ບັນດາທົ່ງນາອ້ອມຮອບໝູ່ບ້ານພູດອຍດ້ວຍຫຼາຍອາຊີບຫັດຖະກຳທີ່ເປັນມູນເຊື້ອ.

ສະມາຄົມມິດຕະພາບ ຫວຽດນາມ - ໄທ ຢູ່ ດານັງປະກອບສ່ວນຊຸກຍູ້ຂະແໜງການທ່ອງທ່ຽວ ຍສໝ - ວັນທີ 22 ກໍລະກົດ 2020, ກອງປະຊຸມໃຫຍ່ຄັ້ງທີ 4 ໄລຍະ 2020 - 2025 ຂອງສະມາຄົມມິດຕະພາບຫວຽດນາມ - ໄທ ນະຄອນດານັງໄດ້ຈັດຂຶ້ນ ຢູ່ ສຳນັກງານໃຫຍ່ຂອງສະຫະພັນບັນດາອົງການມິດຕະພາບນະຄອນດານັງ.