 |
| ທ່ານຫງວຽນກ໊ວກຢຸງ, ຮອງລັດຖະມົນຕີ ກະຊວງການຕ່າງປະເທດຫວຽດນາມ, ຫົວໜ້າ SOM ອາຊຽນ ຫວຽດນາມເຂົ້າຮ່ວມເວທີປາໄສລະຫວ່າງ ອາຊຽນ - ອົດສະຕາລີ ຄັ້ງທີ 32 (ພາບ: TTXVN) |
ພາຍຫຼັງກອງປະຊຸມເຈົ້າໜ້າທີ່ອາວຸໂສອາຊຽນ, ໃນວັນທີ 18 ພຶດສະພາ 2020, ທ່ານຫງວຽນກ໊ວກຢຸງ, ຮອງລັດຖະມົນຕີກະຊວງການຕ່າງປະເທດຫວຽດນາມ, ຫົວໜ້າ SOM ອາຊຽນ ຫວຽດນາມ ໃນຖານະເປັນປະທານອາຊຽນ ໄດ້ເຂົ້າຮ່ວມເວທີປາໄສລະຫວ່າງ ອາຊຽນ - ອົດສະຕາລີ ຄັ້ງທີ 32. ເມື່ອແລກປ່ຽນກ່ຽວກັບສະພາບການໂລກລະບາດ Covid – 19, ສອງຝ່າຍໄດ້ເຫັນດີເປັນເອກະພາບ ຈະຍູ້ແຮງການແບ່ງປັນຂໍ້ມູນຂ່າວສານ, ບົດຮຽນ, ປະສົບການ, ໜູນຊ່ວຍກັນດ້ານເຕັກນິກ, ຍົກສູງກຳລັງຄວາມສາມາດດ້ານສາທາລະນະສຸກ ແລະ ຄວາມສາມາດໃນການຮັບມືກັບກໍລະນີແຜ່ລະບາດຂອງໂລກລະບາດໃນອະນາຄົດ, ສອງຝ່າຍກໍ່ໃຫ້ຄຳໝັ້ນສັນຍາວ່າຈະໜູນຊ່ວຍພົນລະເມືອງຂອງກັນທີ່ຖືກຜົນສະທ້ອນຈາກໂລກລະບາດ, ມານະພະຍາຍາມຫຼຸດຜ່ອນຜົນກະທົບຈາກໂລກລະບາດຕໍ່ເສດຖະກິດ - ສັງຄົມໃຫ້ຫຼາຍທີ່ສຸດ, ສົມທົບນະໂຍບາຍກະກຽມບັນດາແຜນການຟື້ນຟູເສດຖະກິດພາຍຫຼັງໂລກລະບາດສິ້ນສຸດລົງ.
ທ່ານຫົວໜ້າຄະນະຝ່າຍອົດສະຕາລີຢັ້ງຢືນວ່າ ລັດຖະບານອົດສະຕາລີໃຫ້ຄຳໝັ້ນສັນຍາຈະໜູນຊ່ວຍ, ສ້າງເງື່ອນໄຂສະດວກໃຫ້ແກ່ພົນລະເມືອງ ແລະ ນັກສຶກສາບັນດາປະເທດ ອາຊຽນທີ່ພວມເຮັດວຽກ ແລະ ຮ່ຳຮຽນຢູ່ອົດສະຕາລີໃນໄລຍະປະສົບຄວາມຫຍຸ້ງຍາກນີ້. ອາຊຽນສະເໜີໃຫ້ອົດສະຕາລີຕັ້ງໜ້າສະໜັບສະໜູນ ແລະ ປະກອບສ່ວນໃຫ້ແກ່ກອງທຶນຮັບມືກັບໂລກລະບາດ Covid – 19...
ກ່າວຄຳເຫັນທີ່ເວທີປາໄສ, ໃນຖານະເປັນປະທານອາຊຽນ, ທ່ານຫງວຽນກ໊ວກຢຸງ ຢັ້ງຢືນວ່າດ້ວຍຄວາມມານະພະຍາຍາມຮັບມືກັບໂລກລະບາດ Covid -19, ຫວຽດນາມຈະສົມທົບຢ່າງແໜ້ນແຟ້ນກັບບັນດາປະເທດອາຊຽນ ແລະ ບັນດາຄູ່ຮ່ວມມື, ໃນນັ້ນມີອົດສະຕາລີ, ມານະພະຍາຍາມຮັກສາບັນດາການເຄື່ອນໄຫວຂອງອາຊຽນຢ່າງເປັນປົກກະຕິ, ຕັ້ງໜ້າຊຸກຍູ້ບັນດາກຳນົດທິດ ແລະ ບຸລິມະສິດການຮ່ວມມືທີ່ໄດ້ຍົກອອກມາໃນປີ 2020, ຍູ້ແຮງການປະຕິບັດວິໄສທັດປະຊາຄົມ 2025, ປັບປຸງ ແລະ ເພີ່ມທະວີບັນດາກົນໄກຂອງອາຊຽນ, ພັດທະນາເຂດອະນຸພາກພື້ນແມ່ນ້ຳຂອງ, ເປີດກ້ວາງການພົວພັນຄູ່ຮ່ວມມືເພື່ອສັນຕິພາບ ແລະການພັດທະນາແບບຍືນຍົງ ແລະ ມຸ່ງໄປເຖິງວິໄສທັດອາຊຽນພາຍຫຼັງປີ 2025.
 | ຫວຽດນາມ ໄດ້ ແລະ ພວມຕັ້ງໜ້າຮ່ວມມືກັບບັນດາປະເທດເພື່ອຄວບຄຸມໂລກລະບາດ Covid – 19 ແລະ ຟື້ນຟູການພັດທະນາເສດຖະກິດ - ສັງຄົມ ຍສໝ - ຫວຽດນາມເຊື່ອໝັ້ນວ່າ ຜ່ານບັນດາກົນໄກຮ່ວມມື, ແລກປ່ຽນ, ໂອ້ລົມທາງໂທລະສັບດ້ວຍຈິດໃຈສ້າງສັນ ແລະ ມີຄວາມຮັບຜິດຊອບ, ບັນດາປະເທດ ແລະ ປະຊາຄົມໂລກຈະພ້ອມກັນຄວບຄຸມ, ຍູ້ໂລກລະບາດໃຫ້ຖອຍໄປໂດຍໄວ ພ້ອມທັງຟື້ນຟູການພັດທະນາເສດຖະກິດ - ສັງຄົມເທື່ອລະກ້າວ. |
 | ອາຊຽນໃຫ້ຄຳໝັ້ນສັນຍາຮັບປະກັນຄວາມໝັ້ນຄົງດ້ານສະບຽງອາຫານໃນໄລຍະເກີດໂລກລະບາດ Covid – 19 ຍສໝ - ອາຊຽນຈະສືບຕໍ່ຮ່ວມມືເພື່ອແນໃສ່ຮັບປະກັນການສະໜອງສະບຽງອາຫານຢ່າງຄົບຖ້ວນ, ມີຄຸນນະພາບ, ປອດໄພ ເພື່ອຕອບສະໜອງຄວາມຮຽກຮ້ອງຕ້ອງການຂອງປະຊາຊົນ ໃນພາກພື້ນ ແລະ ພາຍຫຼັງເກີດໂລກລະບາດ Covid - 19. |
 | ເສດຖະກິດ ດີຈີຕອນ ຫວຽດນາມ ມີລະດັບການເຕີບໂຕສູງກ່ວາໝູ່ໃນພາກພື້ນ ອາຊຽນ ຍສໝ - ວັນທີ 11 ທັນວາ 2019, ຢູ່ຮ່າໂນ້ຍ, ສະຫະສະມາຄົມ ອິນເຕີແນັດ ຫວຽດນາມ ໄດ້ຈັດຕັ້ງ ກອງປະຊຸມສຳມະນາ ແລະ ງານສະແດງ ສະເຫຼີມສະຫຼອງ ວັນອິນເຕີແນັດ ຫວຽດນາມ ປີ 2019 ຂຶ້ນດ້ວຍຫົວຂໍ້ “ອິນເຕີແນັດ ຫວຽດນາມ - ປ່ຽນແປງໃໝ່ປະດິດຄິດສ້າງເພື່ອຫັນເປັນດີຈີຕອນ”. |
ບຸນຄົງ
