 |
| ພາບປະກອບ: VOV |
ຕອນເຊົ້າວັນທີ 20 ກໍລະກົດ, ທ່ານ ຫງວຽນກວັກຢຸງ ຮອງລັດຖະມົນຕີກະຊວງການຕ່າງປະເທດຫວຽດນາມ, ຫົວໜ້າຄະນະ SOM ອາຊຽນ ຂອງຫວຽດນາມ ໄດ້ເປັນປະການກອງປະຊຸມອອນລາຍ ລະຫວ່າງຂະແໜງ ເພື່ອປຶກສາຫາລືແລກປ່ຽນກ່ຽວກັບວິໄສທັດປະຊາຄົມ ອາຊຽນ ພາຍຫຼັງ ປີ 2025 ເຂົ້າຮ່ວມກອງປະຊຸມມີເຈົ້າໜ້າທີ່ອາວຸໂສ ອາຊຽນ ແລະ ຮອງເລຂາທິການໃຫຍ່ ອາຊຽນ 3 ທ່ານ ຮັບຜິດຊອບກ່ຽວກັບ 3 ເສົາຄໍ້າ ປະຊາຄົມການເມືອງ - ຄວາມໝັ້ນຄົງ, ເສດຖະກິດ ແລະ ວັດທະນະທໍາ - ສັງຄົມ ອາຊຽນ.
ແລກປ່ຽນຄໍາເຫັນທີ່ກອງປະຊຸມ, ບັນດາປະເທດ ອາຊຽນ ໄດ້ຕີລາຄາສູງຕໍ່ຂໍ້ສະເໜີຂອງຫວຽດນາມທີ່ເປັນປະທານ ອາຊຽນ, ພ້ອມທັງຢັ້ງຢືນວ່າ ຈະສົມທົບກັບ ຫວຽດນາມ ຢ່າງແໜ້ນແຟ້ນ ໃນວິວັດທະນາການປຶກສາຫາລື, ປະກອບສ່ວນກໍານົດທິດພັດທະນາທີ່ເໝາະສົມໃຫ້ແກ່ປະຊາຄົມ ອາຊຽນ ໃນໄລຍະຈະມາເຖິງ. ວິໄສທັດປະຊາຄົມ ອາຊຽນ ພາຍຫຼັງ ປີ 2025 ຕ້ອງກວມເອົາບັນດາເນື້ອໃນກ່ຽວກັບການຫັນເປັນດີຈີຕອນ, ຄວາມປອດໄພທາງເຄືອຂ່າຍອິນເຕີເນັດ, ການປ່ຽນແປງຂອງດິນຟ້າອາກາດ, ພັດທະນາແບບກວມລວມ, ຊຸກຍູ້ສີສັນ ອາຊຽນ...ເອົາໃຈໃສ່ບັນດາມາດຕະການຍົກສູງປະສິດທິຜົນຂອງກົນຈັກອາຊຽນ, ປະສານສົມທົບລະຫວ່າງຂະແໜງ - ເສົາຄ້ຳ, ເພີ່ມທະວີການເຂົ້າຮ່ວມຂອງບັນດາພາກສ່ວນໃນການສ້າງສາປະຊາຄົມລວມມີຊ່ອງທາງລັດຖະສະພາ , ນັກຮຽນຮູ້, ນັກຄົ້ນຄ້ວາ,ວິສາຫະກິດ, ບັນດາອົງການຈັດຕັ້ງສາກົນ...
ທ່ານຮອງລັດຖະມົນຕີກະຊວງການຕ່າງປະເທດ ຫວຽດນາມ ຫງວຽນກວັກຢຸງ ສະເໜີວ່າ ວິໄສທັດປະຊາຄົມ ອາຊຽນ ພາຍຫຼັງປີ 2025 ຄວນກໍານົດແຈ້ງບັນດາເປົ້າໝາຍ, ຫຼັກການ ແລະ ໂຄງສ້າງ, ສອດຄ່ອງກັບ ກົດບັດຂອງ ອາຊຽນ. ຜ່ານເອກະສານ ວິໄສທັດນີ້, ອາຊຽນ ຕ້ອງສືບຕໍ່ຢັ້ງຢືນບົດບາດເປັນໃຈກາງໃນການຊຸກຍູ້ການເຊື່ອມໂຍງເຂົ້າກັບພາກພື້ນ, ຮັກສາສັນຕິພາບ, ສະຖຽນລະພາບ ແລະ ຄວາມໝັ້ນຄົງຂອງພາກພື້ນ, ປະກອບສ່ວນເຂົ້າໃນການສ້າງສັນຕິພາບ ແລະ ພັດທະນາຂອງໂລກ. ອາຊຽນ ສືບຕໍ່ກໍ່ສ້າງປະຊາຄົມ ອາຊຽນ ມຸ່ງໄປເຖິງປະຊາຊົນ, ຖືປະຊາຊົນເປັນໃຈກາງຂອງວິວັດທະນາການພັດທະນາ.
 | ສັນຍາ EVFTA – EVIPA ບາດກ້າວຜັນຂະຫຍາຍສຳຄັນໃນຍຸດທະສາດສັງລວມຂອງການເຊື່ອມໂຍງເຂົ້າກັບສາກົນຈົນຮອດປີ 2020, ວິໄສທັດຮອດປີ 2030 ຍສໝ - ໂດຍແມ່ນສັນຍາຮອບດ້ານ, ມີລະດັບ ແລະ ຂອບເຂດຄຳໝັ້ນສັນຍາຕາມມາດຕະຖານສູງ, ພ້ອມທັງຍ້ອນວ່າຕະຫຼາດຫວຽດນາມ ແລະ EU ມີລັກສະນະເພີ່ມເຕີມສູງ, ດັ່ງກນັ້ນ EVFTA ໄດ້ມຸ່ງຫວັງວ່າ ຈະນຳມາຜົນປະໂຫຍດອັນຍິ່ງໃຫຍ່ ແລະ ສົມດູນໃຫ້ແກ່ທັງ ຫວຽດນາມ ແລະ EU. |
 | ເສດຖະກິດຫວຽດນາມໄລຍະ 2021 – 2025: ກາລະໂອກາດ ແລະ ສິ່ງທ້າທາຍຈາກບັນດາສັນຍາການຄ້າເສລີລຸ້ນໃໝ່ ຍສໝ - ໃນແຜນການພັດທະນາເສດຖະກິດ ສັງຄົມ ໄລຍະ 2016 – 2020, ຫວຽດນາມ ຍາມໃດກໍ່ຮັກສາການເຕີບໂຕ GDP ຢູ່ໃນລະດັບສູງ (6,84%), ໃນນັ້ນ ປີ 2018 ບັນລຸ 7,08% ແລະ ປີ 2019 ຄາດວ່າບັນລຸ 7,1%. |
 | ອົດສະຕາລີໃຫ້ຄຳໝັ້ນສັນຍາໜູນຊ່ວຍອາຊຽນໃນການປະຕິບັດວິໄສທັດອາຊຽນ 2025 ຍສໝ - ໃນວັນທີ 24 ພຶດສະພາ 2019, ກອງປະຊຸມຄັ້ງທີ 9 ຄະນະກຳມະການຮ່ວມມືລວມອາຊຽນ - ອົດສະຕາລີ ໄດ້ຈັດຂຶ້ນຢູ່ສຳນັກງານຄະນະເລຂາອາຊຽນ, ທີ່ນະຄອນຫຼວງ ຈາກາຕາ, ປະເທດອິນໂດເນເຊຍ. |
ບຸນຄົງ
