ກຸ່ມອາຊຽນຢູ່ລັດຖະສະພາ ອາເມລິກາຢັ້ງຢືນເພີ່ມທະວີການພົວພັນຕໍ່ຄູ່ຮ່ວມມືຍຸດທະສາດ ລະຫວ່າງ ອາຊຽນ

ຍສໝ - ໃນການປຶກສາຫາລື, ເອກອັກຄະລັດຖະທູດ, ອຸປະທູດບັນດາປະເທດອາຊຽນ ສະແດງຄວາມຂອບໃຈຕໍ່ການສະໜັບສະໜູນຂອງອາເມລິກາ ໃນຄວາມມານະພະຍາຍາມຮັກສາກົດໝາຍສາກົນ, ໃນນັ້ນມີສົນທິສັນຍາສະຫະປະຊາຊາດ ກ່ຽວກັບກົດໝາຍວ່າດ້ວຍທະເລປີ 1982, ຢູ່ທະເລຕາເວັນອອກ ແລະ ບັນດາເຂດທະເລຢູ່ພາກພື້ນ.

	ເຈົ້າໜ້າທີ່ອາວຸໂສອາຊຽນ ຈັດຕັ້ງກອງປະຊຸມທາງອອນລາຍ ຕັ້ງໜ້າກະກຽມໃຫ້ແກ່ບັນດາກອງປະຊຸມຂັ້ນລັດຖະມົນຕີ
	ຫວຽດນາມຈັດຕັ້ງກອງປະຊຸມອອນລາຍຕາໜ່າງບັນດາສູນຮັກສາສັນຕິພາບ ອາຊຽນ

ກ ມອາຊຽນຢ ລ ດຖະສະພາ ອາເມລ ກາຢ ງຢ ນເພ ມທະວ ການພ ວພ ນຕ ຄ ຮ ວມມ ຍ ດທະສາດ ລະຫວ າງ ອາຊຽນ ອາເມລ ກາ

ທ່ານ ຮ່າກິມງອັກ ເອກອັກຄະລັດຖະທູດຫວຽດນາມ ປະຈຳອາເມລິກາ ພ້ອມກັບເອກອັກຄະລັດຖະທູດ, ອຸປະທູດບັນດາປະເທດອາຊຽນ ແລກປ່ຽນໂດຍກົງກັບທ່ານ Joaquin Castro ສະມາຊິກສະພາຕ່ຳອາເມລິກາ (ພາບ: baoquocte.vn)

ວັນທີ 18 ກໍລະກົດ, ທ່ານ ຮ່າກິມງອັກ ເອກອັກຄະລັດຖະທູດຫວຽດນາມ ປະຈຳອາເມລິກາ ພ້ອມກັບເອກອັກຄະລັດຖະທູດ, ອຸປະທູດບັນດາປະເທດອາຊຽນ ປະຈຳນະຄອນຫຼວງ ວໍຊິງຕັນ ອາເມລິກາ ໄດ້ແລກປ່ຽນໂດຍກົງກັບທ່ານ Joaquin Castro ສະມາຊິກສະພາຕ່ຳອາເມລິກາ, ຮອງປະທານກຳມາທິການການຕ່າງປະເທດສະພາຕ່ຳ, ທັງເປັນປະທານຮ່ວມກຸ່ມອາຊຽນ ຂອງລັດຖະສະພາອາເມລິກາ ກ່ຽວກັບການປັບປຸງການພົວພັນຄູ່ຮ່ວມມືຍຸດທະສາດລະຫວ່າງ ອາຊຽນ - ອາເມລິກາ.

ທີ່ການແລກປ່ຽນ, ທ່ານ Joaquin Castro ໄດ້ຕີລາຄາສູງບົດຮຽນໃນການຄວບຄຸມໂລກລະບາດ Covid -19 ຂອງບັນດາປະເທດອາຊຽນ, ພິເສດແມ່ນ ຫວຽດນາມ, ກໍຄືການຮ່ວມມືເພື່ອຮັບມືກັບໂລກລະບາດ Covid -19 ໃນໄລຍະຜ່ານມາລະຫວ່າງອາຊຽນ - ອາເມລິກາ. ທ່ານ Joaquin Castro ກໍຢືນຢັນວ່າ, ດ້ວຍບົດບາດເປັນປະທານຮ່ວມກຸ່ມອາຊຽນ ຂອງລັດຖະສະພາ ອາເມລິກາ, ທ່ານເອງຈະສືບຕໍ່ສະໜັບສະໜູນ ແລະ ສົ່ງເສືມອຳນາດການປົກຄອງ ອາເມລິກາ ເປີດກວ້າງການຮ່ວມມືກັບອາຊຽນ.

ສ່ວນທ່ານ ຮ່າກິມງອັກ ໄດ້ເນັ້ນໜັກວ່າ, ດ້ວຍບົດບາດເປັນປະທານອາຊຽນ, ຫວຽດນາມ ໄດ້ສົມທົບກັບບັນດາປະເທດອາຊຽນ ໃນການຮັກສາບັນດາການເຄື່ອນໄຫວຂອງອາຊຽນ ແລະ ຫວັງວ່າ ຈະຄວບຄຸມໂລກລະບາດໂຄວິດ-19 ໂດຍໄວ ເພື່ອໃຫ້ຫວຽດນາມ ສາມາດຕ້ອນຮັບບັນດາການນຳອາຊຽນ ແລະ ບັນດາຄູ່ຮ່ວມມື, ໃນນັ້ນມີທ່ານປະທານາທິບໍດີອາເມລິກາ, ມາຮ້າໂນ້ຍ ເພື່ອເຂົ້າຮ່ວມກອງປະຊຸມສຸດຍອດອາຊີຕາເວັນອອກສ່ຽງໃຕ້ ເຊິ່ງຈະຈັດຂຶ້ນໃນທ້າຍປີນີ້.

ໃນການປຶກສາຫາລື, ເອກອັກຄະລັດຖະທູດ, ອຸປະທູດບັນດາປະເທດອາຊຽນ ສະແດງຄວາມຂອບໃຈຕໍ່ການສະໜັບສະໜູນຂອງອາເມລິກາ ໃນຄວາມມານະພະຍາຍາມຮັກສາກົດໝາຍສາກົນ, ໃນນັ້ນມີສົນທິສັນຍາສະຫະປະຊາຊາດ ກ່ຽວກັບກົດໝາຍວ່າດ້ວຍທະເລປີ 1982, ຢູ່ທະເລຕາເວັນອອກ ແລະ ບັນດາເຂດທະເລຢູ່ພາກພື້ນ. ທ່ານເອກອັກຄະລັດຖະທູດ ຮ່າກິມງອັກ ຕີລາຄາສູງເລື່ອງກຳມາທິການການຕ່າງປະເທດສະພາສູງ ແລະ ສະພາຕ່ຳ ໄດ້ອອກຖະແຫຼງການຢືນຢັນບັນດາຄຳຮຽກສິດຜືນແຜ່ນດິນ ແລະ ການເດີນທະເລຂອງຈີນ ຢູ່ທະເລຕາເວັນອອກ ແມ່ນບໍ່ຖືກຕ້ອງຕາມກົດໝາຍ.

ທ່ານສະມາຊິກສະພາຕ່ຳ Joaquin Castro ຢືນຢັນຄວາມເຫັນດີເຫັນພ້ອມຂອງສະພາສູງ, ສະພາຕ່ຳສຳລັບວິທີສຳຜັດຖືກກົດໝາຍສາກົນເປັນສຳຄັນ, ແກ້ໄຂບັນດາການຂັດແຍ້ງກັນຢູ່ທະເລຕາເວັນອອກໂດຍສັນຕິວິທີ, ເນັ້ນໜັກເຖິງຄຸນຄ່ານິຕິທຳຂອງຄຳຕັດສິນຂອງສານກຳມະການ ໃນເຫດຟີລິບປິນ ຮ້ອງຟ້ອງຈີນ ແລະ ຢືນຢັນວ່າ ອາເມລິກາ ຍາມໃດກໍ່ຮຽງບ່າຮຽງໄຫຼ່ພ້ອມກັບບັນດາປະເທດຢູ່ພາກພື້ນ, ບໍ່ອະນຸຍາດໃຫ້ປະເທດໃດ ນຳໃຊ້ກຳລັງແຮງເພື່ອເປີດກວ້າງຜືນແຜ່ນດິນ ເຖິງວ່າຢູ່ທະເລຕາເວັນອອກ, ທະເລ ຮວາຕຸງ ຫຼື ນັບທັງທາງບົກ.

ເຈົ້າໜ້າທີ່ອາວຸໂສອາຊຽນ ຈັດຕັ້ງກອງປະຊຸມທາງອອນລາຍ ຕັ້ງໜ້າກະກຽມໃຫ້ແກ່ບັນດາກອງປະຊຸມຂັ້ນລັດຖະມົນຕີ

ຍສໝ - ໃນຕອນເຊົ້າວັນທີ 17 ກໍລະກົດ, ຢູ່ຮ່າໂນ້ຍ ກອງປະຊຸມເຈົ້າໜ້າທີ່ອາວຸໂສ (SOM) ອາຊຽນ ໄດ້ດຳເນີນທາງອອນລາຍ ເພື່ອຕັ້ງໜ້າກະກຽມໃຫ້ແກ່ບັນດາກອງປະຊຸມຂັ້ນລັດຖະມົນຕີ.

ຫວຽດນາມຈັດຕັ້ງກອງປະຊຸມອອນລາຍຕາໜ່າງບັນດາສູນຮັກສາສັນຕິພາບ ອາຊຽນ

ຍສໝ - ການເຄື່ອນໄຫວດັ່ງກ່າວ ແມ່ນເພື່ອແນໃສ່ສະແດງບົດບາດຕັ້ງໜ້າ, ເປັນເຈົ້າການຂອງປະເທດເຈົ້າພາບຫວຽດນາມ ໃນຖານະເປັນປະເທດປະທານ APCN; ສືບຕໍ່ຮັກສາກໍາລັງໜູນ ແລະ ເພີ່ມທະວີການຮ່ວມມືລະຫວ່າງບັນດາສະມາຊິກ ໃນ APCN ໃນການຮັບມືກັບໂລກລະບາດ, ບໍ່ປະໃຫ້ຄວາມຫຍຸ້ງຍາກເຮັດໃຫ້ການເຄື່ອນໄຫວຂອງຕາໜ່າງຮັກສາສັນຕິພາບຂອງພາກພື້ນຖືກຕັດຕອນ.