ປະເທດລາວ: ງານວາງສະແດງ ແລະ ຈໍາໜ່າຍສິນຄ້າ ໜຶ່ງເມືອງ ໜຶ່ງຜະລິດຕະພັນ ຈະຈັດຂຶ້ນກາງເດືອນສິງຫາ
	ພະຍາດໂຄວິດ-19 ໄດ້ສົ່ງຜົນກະທົບຕໍ່ເສດຖະກິດປະເທດລາວ ຢ່າງໜັກ

ເຂົ້າຮ່ວມພິທີດັ່ງກ່າວ ມີ ສະຫາຍ ບຸນຈັນ ສິນທະວົງ - ກຳມະການສູນກາງພັກລັດຖະມົນຕີກະຊວງໂຍທາທິການ ແລະ ຂົນສົ່ງ, ສະຫາຍພົນຕີ ປອວົງຄໍາ ພົມມະກອນ - ກຳມະການຄະນະປະຈຳພັກກະຊວງ ຫົວໜ້າກົມໃຫຍ່ພະລາທິການກອງທັບ, ສະຫາຍ ພັນເອກ ສີວຽງທອງ ກອນນີວົງ - ຜູ້ອໍານວຍການໃຫຍ່ ບໍລິສັດ ລັດວິສາຫະກິດ ລາວເດີນ ອາກາດ, ທັງເປັນເຈົ້າຂອງໂຄງການ, ສະຫາຍ ຄໍາຜາຍ ສີລາຊາ - ປະທານ ບໍລິສັດ ກຸ່ມດວງຈະເລີນ ພັດທະນາກໍ່ສ້າງຈໍາກັດ ຜູ້ຮັບເໝົາກໍ່ສ້າງ, ມີບັນດາແຂກຖືກເຊີນ, ພາກສ່ວນກ່ຽວຂ້ອງ ແລະ ພະນັກງານບໍລິສັດ ລັດວິສາຫະກິດລາວເດີນອາກາດເຂົ້າຮ່ວມ.

ພິທີມອບຮັບໂຄງການກໍ່ສ້າງຕຶກສຳນັກງານຫ້ອງການ ແລະ ສະໂມສອນ Lao Skyway. (ພາບ: KPL)

ສະຫາຍ ຄໍາຜາຍ ສີລາຊາ ໄດ້ຂຶ້ນກ່າວມອບໂຄງການຢ່າງ ເປັນທາງການໂດຍທ່ານໄດ້ ກ່າວວ່າ: ໂຄງການກໍ່ສ້າງຕຶກ ສໍານັກງານ, ຫ້ອງການ ແລະ ສະໂມສອນລາວສະກາຍເວ ນີ້ ໃນມູນຄ່າການປະມູນ 25.990.682.704 ກີບ ແລະ ໄດ້ມີການຕໍ່ລອງລົງມາເປັນ ມູນຄ່າ 25.600.000.000 ກີບ, ພາຍຫຼັງເຊັນສັນຍາຮັບ ເໝົາກໍ່ສ້າງໃນວັນທີ 4 ທັນວາ 2018, ມາຮອດວັນທີ 20 ທັນ ວາ 2018 ໄດ້ວາງສີລາເລີກ, ການກໍ່ສ້າງທັງໝົດນັບແຕ່ມື້ເຊັນ ສັນຍາຈົນສໍາເລັດແມ່ນຜູ້ຮັບ ເໝົາເປັນຜູ້ລົງທຶນກ່ອນ 100%, ເຊິ່ງໂຄງການກໍ່ສ້າງປະກອບມີ 3 ໜ້າວຽກໃຫຍ່ຄື: ວຽກກໍ່ສ້າງ ອາຄານຫ້ອງການ 3 ຊັ້ນ ຂະ ໜາດ 43X21 ແມັດ 1 ຫຼັງ, ວຽກກໍ່ສ້າງອາຄານສະໂມສອນ ຂະໜາດ 42,5X31 ແມັດ 1 ຫຼັງ, ວຽກກໍ່ສ້າງເດີ່ນ ແລະ ບ່ອນ ຈອດລົດໃນເນື້ອທີ 1,650 ຕາແມັດ. ພາຍຫຼັງການກໍ່ສ້າງ ມາເປັນໄລຍະເວລາ 18 ເດືອນ ມາຮອດວັນທີ 1 ມິຖຸນາ 2020 ໂຄງການດັ່ງກ່າວໄດ້ສໍາເລັດ ຢ່າງສົມບູນ, ເພື່ອເປັນການຢັ້ງ ຢືນເຖິງຜົນສໍາເລັດ ບໍລິສັດໄດ້ ເຊີນຄະນະກໍາມະການເຈົ້າຂອງ ໂຄງການ, ທີ່ປຶກສາຕິດຕາມ ກໍ່ສ້າງໄດ້ລົງສົມທົບກັບຜູ້ຮັບ ເໝົາໃນການກວດຜົນສໍາເລັດ ຂອງໂຄງການຕາມບົດບັນທຶກ ກວດກາວຽກສະບັບເລກທີ 429/ລດອ, ລົງວັນທີ 26/06/ 2020, ດັ່ງນັ້ນ, ມາຮອດວັນທີ 29 ມິຖຸນາ 2020 ຈຶ່ງໄດ້ມີພິທີ ມອບ-ຮັບໂຄງການກໍ່ສ້າງຕຶກ ສໍານັກງານ, ຫ້ອງການ ແລະ ສະໂມສອນລາວສະກາຍເວ ຢ່າງເປັນທາງການ.

ຈາກນັ້ນ ສະຫາຍ ພັນເອກ ສີ ວຽງທອງ ກອນນີວົງ ໄດ້ກ່າວ ວ່າ: ໂຄງການກໍ່ສ້າງອາຄານ ສໍານັກງານຫ້ອງການລາວສະ ກາຍເວ ເປັນອາຄານ 3 ຊັ້ນ, ສູງ 13,80 ແມັດ, ມີເນື້ອທີ 1,317.5 ຕາແມັດ. ພາຍຫຼັງ ມອບ-ຮັບໂຄງການຕັ້ງແຕ່່ມື້ນີ້ ເປັນຕົ້ນໄປ ບໍລິສັດ ລັດວິສາຫະ ກິດ ລາວເດີນອາກາດ ຂໍໃຫ້ຄໍາ ໝັ້ນສັນຍາກັບຜູ້ຮັບເໝົາກໍ່ສ້າງ ວ່າ: ຈະໃຊ້ສໍານັກງານ, ຫ້ອງ ການ ແລະ ສະໂມສອນແຫ່ງນີ້ ໃຫ້ເກີດຜົນປະໂຫຍດສູງສຸດແກ່ ກິດຈະການໃນການດຳເນີນທຸລະ ກິດຂອງບໍລິສັດລາວເດີນອາ ກາດໃຫ້ພະນັກງານລຸ້ນຕໍ່ໄປໄດ້ ສືບທອດນໍາໄປໃຊ້ທັງເປັນສັບ ສິນຄົງທີ່ຂອງລັດກໍຄື ກະຊວງ ປ້ອງກັນປະເທດ, ຈະປະຕິບັດ ພັນທະສັນຍາໃນການຊໍາລະສະ ສາງໃຫ້ໄດ້ຕາມພັນທະສັນຍາ ຕາມຂໍ້ກໍານົດທັງສອງຝ່າຍເຫັນ ດີຮ່ວມກັນ.

ລາວ: ຊຸກຍູ້ ການກໍ່ສ້າງທາງລົດໄຟ ຢູ່ແຂວງຫລວງພະບາງ ໃນໂອກາດທີ່ເດີນທາງເຂົ້າຮ່ວມກອງປະຊຸມຄະນະຊີ້ນໍາໂຄງການກໍ່ສ້າງທາງລົດໄຟລາວ-ຈີນ ຄັ້ງທີ 8 ທີ່ແຂວງຫຼວງພະບາງ ທ່ານ ປອ ບຸນທອງ ຈິດມະນີ - ກໍາມະການກົມການເມືອງສູນກາງພັກ, ຄະນະເລຂາທິການສູນກາງພັກ, ຮອງນາຍົກລັດຖະມົນຕີ, ປະທານຄະນະກວດກາສູນກາງພັກ, ປະທານອົງການກວດກາລັດຖະບານ ແລະ ຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ, ຫົວໜ້າຄະນະຊີ້ນຳໂຄງການກໍ່ສ້າງທາງລົດໄຟ ລາວ-ຈີນ ພ້ອມຄະນະໄດ້ໄປຢ້ຽມຢາມ ແລະ ຊຸກຍູ້ໂຄງການກໍ່ສ້າງທາງລົດໄຟ ລາວ-ຈີນ ຢູ່ຈຸດຂົວຂ້າມນໍ້າຂອງນະຄອນຫຼວງ-ພະບາງ ແຂວງ ຫຼວງພະບາງ.

ພິທີລົງນາມສັນຍາ ປະຕິບັດໂຄງການປ້ອງກັນດິນຟ້າອາກາດ ລະຫວ່າງ ປະເທດເຢຍລະມັນ ແລະ ລາວ ໃນວັນທີ 17 ມິຖຸນາ 2020 ຢູ່ນະຄອນ ຫລວງວຽງຈັນ ໄດ້ຈັດຂຶ້ນພິທີລົງນາມສັນຍາ ວ່າດ້ວຍການປະຕິບັດ ໂຄງການປ້ອງກັນດິນຟ້າອາກາດ ໂດຍຫລີກລ້ຽງການທໍາລາຍປ່າໄມ້ (cli PAD) ແລະ ແຜນງານການສ້າງຄວາມເຂັ້ມແຂງ ໃນວຽກງານປ່າໄມ້, ຄຸ້ມຄອງປ່າໄມ້ແບບພູມິທັດ ແລະ ສົ່ງເສີມຊີວິດການເປັນຢູ່ (I-GFLL).

ປະເທດລຸກຊຳບວກ ມອບອຸປະກອນການແພດມູນຄ່າ 2,36 ຕື້ກີບໃຫ້ປະເທດລາວ ເພື່ອຕ້ານ COVID-19 ໃນວັນທີ 21 ພຶດສະພາ 2020 ຢູ່ກະຊວງສາທາລະນະສຸກ, ປະເທດລາວ ໄດ້ຈັດພິທີມອບຮັບເຄື່ອງອຸປະກອນການແພດ ເພື່ອຊ່ວຍເຫຼືອ ປະເທດ ລາວ ໃນການປ້ອງກັນ ແລະ ຄວບຄຸມ, ແກ້ໄຂການລະບາດຂອງພະຍາດ COVID -19.