ຫວຽດນາມ ຈັດພິທີໄຂກອງປະຊຸມສຸດຍອດອາຊຽນ ຄັ້ງທີ 36
	ນາຍົກລັດຖະມົນຕີ ຄາດປີນີ້ເສດຖະກິດລາວ ຈະຂະຫຍາຍຕົວລະດັບ 3,6%

ນາຍົກລັດຖະມົນຕີ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 36 ແລະ ກອງປະຊຸມທີ່ກ່ຽວຂ້ອງອື່ນໆ ແບບທາງໄກ.(ພາບ: Kpl)

ກອງປະຊຸມສຸດຍອດອາຊຽນ ຄັ້ງທີ 36 ແບບທາງໄກນີ້, ບັນດາຜູ້ນຳອາຊຽນ ໄດ້ພ້ອມກັນປຶກສາຫາລື ແລະ ແລກປ່ຽນຄຳຄິດຄຳເຫັນ ກ່ຽວກັບ ຄວາມພະຍາຍາມໃນການສືບຕໍ່ສ້າງປະຊາຄົມອາຊຽນໃຫ້ເຂັ້ມແຂງ ໂດຍຜ່ານການຮ່ວມມືທັງໃນຂອບອາຊຽນ ແລະ ລະຫວ່າງ ອາຊຽນ ກັບຄູ່ເຈລະຈາ ແລະ ຄູ່ຮ່ວມມືພາຍນອກອື່ນໆ ໂດຍສະເພາະທ່າມກາງສະພາບປະຈຸບັນທີ່ພາກພື້ນ ແລະ ໃນໂລກ ປະສົບກັບສິ່ງທ້າທາຍຈາກການລະບາດຂອງໂຄວິດ-19 ພາຍໃຕ້ຄຳຂວັນ: “ອາຊຽນທີ່ໜຽວແໜ້ນ ແລະ ຕອບສະໜອງຕໍ່ສະພາບການ”. ໃນນີ້, ຜູ້ນໍາອາຊຽນ ໄດ້ຕີລາຄາສູງຕໍ່ຄວາມຄືບໜ້າໃນການຈັດຕັ້ງປະຕິບັດວິໄສທັດອາຊຽນ 2025 ທີ່ກຳລັງຢູ່ໃນໄລຍະການທົບທວນກາງສະໄໝການຈັດຕັ້ງປະຕິບັດວິໄສທັດດັ່ງກ່າວ ທີ່ກວມເອົາສາມເສົາຄ້ຳ ຄື: ການເມືອງ-ຄວາມໝັ້ນຄົງ, ເສດຖະກິດ ແລະ ສັງຄົມ-ວັດທະນະທຳ.

ພ້ອມນັ້ນ, ປຶກສາຫາລືກັນ ກ່ຽວກັບ ທິດທາງໃນຕໍ່ໜ້າຂອງອາຊຽນ ໂດຍສະເພາະການຟື້ນຟູເສດຖະກິດສັງຄົມຮອບດ້ານຫລັງໂຄວິດ-19. ທ່ານ ນາຍົກລັດຖະມົນຕີ ທອງລຸນ ສີສຸລິດ, ໄດ້ຕີລາຄາສູງ ກ່ຽວກັບຜົນສຳເລັດຂອງອາຊຽນ ໃນປີຜ່ານມາ ແລະ ໄດ້ຢໍ້າຄືນການສືບຕໍ່ເພີ່ມທະວີການຮ່ວມມືກັນ ເພື່ອປ້ອງກັນບໍ່ໃຫ້ພະຍາດໂຄວິດ-19 ກັບຄືນມາລະບາດຮອບໃໝ່ ໂດຍສືບຕໍ່ການແລກປ່ຽນຂໍ້ມູນ-ຂ່າວສານ ແລະ ບົດຮຽນໃນການສະກັດກັ້ນ, ປິ່ນປົວ, ຄົ້ນຄວ້າ ແລະ ພັດທະນາ, ແລະ ຜະລິດຢາປົວພະຍາດໂຄວິດ ກໍຄື ຢາວັກແຊັງ ໃຫ້ໄດ້ໂດຍໄວ; ການກຽມພ້ອມຟື້ນຟູເສດຖະກິດສັງຄົມຮອບດ້ານຫລັງໂຄວິດ-19 ໂດຍສະເພາະຟື້ນຟູບັນດາຂົງເຂດທີ່ໄດ້ຮັບຜົນກະທົບຈາກພະຍາດໂຄວິດ-19 ແລະ ການເຊື່ອມຈອດອາຊຽນ ເປັນຕົ້ນການຮັບປະກັນຕ່ອງໂສ້ດ້ານການຄ້າ, ສະຖຽນລະພາບຂອງການລົງທຶນໃນອາຊຽນ, ແກ້ໄຂບັນຫາໄພຫວ່າງງານ ແລະ ຫລຸດຜ່ອນຄວາມທຸກຍາກຂອງປະຊາຊົນ, ເຊິ່ງທັງໝົດນີ້ໄດ້ປະກອບສ່ວນເຂົ້າໃນການຫລຸດຜ່ອນຄວາມແຕກໂຕນດ້ານການພັດທະນາ ລະຫວ່າງປະເທດອາຊຽນດ້ວຍກັນ ແລະ ສ້າງຄວາມເຂັ້ມແຂງຮອບດ້ານໃຫ້ແກ່ປະຊາຄົມອາຊຽນ, ລວມທັງ ການປັບຕົວຂອງສັງຄົມເຂົ້າກັບສະພາບວິຖີຊີວິດໃໝ່ (New Normal).

ພ້ອມກັນນີ້, ບັນດາຜູ້ນໍາອາຊຽນ ຍັງໄດ້ປຶກສາຫາລື ແລະ ແລກປ່ຽນທັດສະນະ ກ່ຽວກັບ ການພົວພັນຮ່ວມມືອາຊຽນກັບພາຍນອກ ແລະ ບັນຫາພົ້ນເດັ່ນຢູ່ພາກພື້ນ ແລະ ສາກົນ. ໃນນີ້, ໄດ້ຕີລາຄາສູງຕໍ່ຜົນສຳ ເລັດໃນການພົວພັນຮ່ວມມືກັບພາຍນອກໃນໄລຍະຜ່ານມາ, ເຊິ່ງໄດ້ປະກອບສ່ວນເຂົ້າໃນການສົ່ງເສີມສັນຕິພາບ, ສະຖຽນລະພາບ ແລະ ຄວາມເປັນແກນກາງຂອງອາຊຽນ, ແລະ ໃນການພັດທະນາເສດຖະກິດ-ສັງຄົມຂອງອາຊຽນ ໂດຍສະເພາະສົ່ງເສີມຄວາມພະຍາຍາມຂອງອາຊຽນ ໃນການຕ້ານ, ຮັບມື ແລະ ແກ້ໄຂການລະບາດຂອງພະຍາດ ໂຄວິດ-19 ແລະ ສະໜັບສະໜູນກອງທຶນສຸກເສີນອາຊຽນ ເພື່ອຮັບມື ແລະ ແກ້ໄຂພະຍາດໂຄວິດ ແລະ ຄັງແຮສຸກເສີນພາກພື້ນອາຊຽນດ້ານຢາປົວພະຍາດ ແລະ ອຸປະກອນການແພດ. ກອງປະຊຸມ ໄດ້ຮັບຮອງເອົາ 2 ເອກະສານສຳຄັນ ຄື: 1. ຖະແຫລງການວິໄສທັດຂອງຜູ້ນຳອາຊຽນ ວ່າດ້ວຍ ອາຊຽນທີ່ໜຽວແໜ້ນ ແລະ ຕອບສະໜອງຕໍ່ສະພາບການ; 2. ຖະແຫລງການອາຊຽນ ວ່າດ້ວຍ ການພັດທະນາຊັບພະຍາກອນມະນຸດ ເພື່ອຮອງຮັບການປ່ຽນແປງອາຊີບທີ່ເກີດຂຶ້ນໃໝ່ໃນອະນາຄົດ.

ໃນໂອກາດກອງປະຊຸມສຸດຍອດອາຊຽນຄັ້ງນີ້, ບັນດາຜູ້ນຳອາຊຽນ ຍັງໄດ້ເຂົ້າຮ່ວມກອງປະຊຸມພິເສດຂອງຜູ້ນຳອາຊຽນ ກ່ຽວກັບ: “ການສ້າງຄວາມເຂັ້ມແຂງແກ່ແມ່ຍິງໃນຍຸກດີຈີຕອນ; ໄດ້ພົບປະກັບສະມັດຊາລັດຖະສະພາອາຊຽນ (AIPA)”; ສະພາທີ່ປຶກສາທຸລະກິດອາຊຽນ (ASEAN BAC) ແລະ ຊາວໜຸ່ມອາຊຽນ ແບບທາງໄກ, ເຊິ່ງໄດ້ຕີລາຄາສູງຕໍ່ການປະກອບສ່ວນອັນສຳຄັນເຂົ້າໃນການສືບຕໍ່ສ້າງປະຊາຄົມອາຊຽນຂອງ 3 ອົງການຈັດຕັ້ງດັ່ງກ່າວ ໃນໄລຍະທີ່ຜ່ານມາ ແລະ ສະເໜີໃຫ້ສືບຕໍ່.

ຫວຽດນາມ ຈັດພິທີໄຂກອງປະຊຸມສຸດຍອດອາຊຽນ ຄັ້ງທີ 36 ຍສໝ - ຕອນເຊົ້າວັນທີ 26 ມິຖຸນາ, ທີ່ສູນປະຊຸມສາກົນນະຄອນຫຼວງຮ່າໂນ້ຍ ໄດ້ໄຂຂຶ້ນກອງປະຊຸມສຸດຍອດອາຊຽນຄັ້ງທີ 36 ດ້ວຍຮູບການອອນລາຍ ຢ່າງເປັນທາງການ.

ນາຍົກລັດຖະມົນຕີ ຄາດປີນີ້ເສດຖະກິດລາວ ຈະຂະຫຍາຍຕົວລະດັບ 3,6% ສຳລັບປັດໄຈທີ່ເຮັດໃຫ້ GDP ຂະຫຍາຍຕົວໃນລະດັບ 3,6% ໃນ 2020 ມີດັ່ງນີ້: ຂະແໜງກະສິກຳ: ຂະຫຍາຍຕົວ 2,3% ຫລຸດແຜນການ 0,4%, ເຖິງວ່າຈະບໍ່ບັນລຸຕາມແຜນການທີ່ວາງໄວ້ແຕ່ເຫັນວ່າປະຊາຊົນ ໄດ້ຫັນມາສູ່ການຜະລິດກະສິກໍາ ເພື່ອສະໜອງພາຍໃນເພີ່ມຂຶ້ນ ຕາມຄວາມຕ້ອງການຂອງຕະຫລາດຍ້ອນການຈໍາກັດການສົ່ງອອກສິນຄ້າກະສິກໍາ ຂອງປະເທດເພື່ອນບ້ານ ເຮັດໃຫ້ການບໍລິໂພກຜະລິດຕະພັນພາຍໃນຫລາຍຂຶ້ນ.

ຫວຽດນາມ ກະກຽມຢ່າງຕັ້ງໜ້າ ເພື່ອເປັນເຈົ້າພາບ ໃນການຈັດກອງປະຊຸມສຸດຍອດອາຊຽນຄັ້ງທີ 36 ຍສໝ - ວັນທີ 18 ພຶດສະພາ, ກອງປະຊຸມເຈົ້າໜ້າທີ່ອາວຸໂສອາຊຽນ (SOM) ລະດັບຮອງລັດຖະມົນຕີການຕ່າງປະເທດ ໄດ້ດຳເນີນໃນຮູບແບບການປະຊຸມອອນລາຍ.