| ອາຊຽນ ໄດ້ແລກປ່ຽນສົນທະນາ ກ່ຽວກັບການກະກຽມບັນດາກິດຈະກຳໃນໄລຍະຈະມາເຖິງ | |
| ບັນດາປະເທດ ອາຊຽນ ຕີລາຄາສູງການກະກຽມໃຫ້ແກ່ກອງປະຊຸມສຸດຍອດ ອາຊຽນ ຂອງຫວຽດນາມ |
ໃນຖານະເປັນປະທານອາຊຽນປີ 2020, ທ່ານ ຫງວຽນຊວນຟຸກ - ນາຍົກລັດຖະມົນຕີຫວຽດນາມ ໄດ້ເປັນກຳກັບບັນຊາພິທີໄຂກອງປະຊຸມສຸດຍອດອາຊຽນ ຄັ້ງທີ 36, ກອງປະຊຸມຄົບຄະນະ, ກອງປະຊຸມພິເສດ ກ່ຽວກັບສິດອຳນາດຂອງແມ່ຍິງໃນປະຈຸບັນ; ການໂອ້ລົມສົນທະນາລະຫວ່າງຜູ້ນຳຂອງບັນດາປະເທດອາຊຽນ ແລະ ກອງປະຊຸມໃຫຍ່ລັດຖະສະພາອາຊຽນ (AIPA); ຜູ້ຕາງໜ້າຊາວໜຸ່ມອາຊຽນ, ສະພາທີ່ປຶກສາທຸລະກິດອາຊຽນ (ASEAN-BAC).
 |
| ທ່ານຫງວຽນຊວນຟຸກ - ນາຍົກລັດຖະມົນຕີຫວຽດນາມ ທີ່ພິທີໄຂກອງປະຊຸມສຸດຍອດອາຊຽນ ຄັ້ງທີ 36. (ພາບ: zing) |
ກ່າວຄຳເຫັນທີ່ພິທີໄຂກອງປະຊຸມ, ທ່ານ ຫງວຽນຊວນຟຸກ - ນາຍົກລັດຖະມົນຕີຫວຽດນາມ ໃຫ້ຮູ້ວ່ານີ້ແມ່ນຄັ້ງທຳອິດກອງປະຊຸມສຸດຍອດອາຊຽນ ໄດ້ຈັດຂຶ້ນດ້ວຍຮູບການອອນລາຍ. ທ່ານນາຍົກລັດຖະມົນຕີ ຫງວຽນຊວນຟຸກ ກໍ່ໃຫ້ຮູ້ວ່າ, ຫົວຂໍ້ກອງປະຊຸມສຸດຍອດອາຊຽນຄັ້ງນີ້ແມ່ນ “ສະໜິດຕິດພັນ ແລະ ເປັນເຈົ້າການໃນການຮັບມື” ຈະໄດ້ຈັດຕັ້ງປະຕິບັດໃນສະພາບມີການຜັນປ່ຽນຂອງພາກພື້ນ ແລະ ສາກົນ.
ໃນໄລຍະ 5 ປີແຫ່ງການສ້າງປະຊາຄົມ, ອາຊຽນ ກຳລັງປະເຊີນກັບບັນດາໂອກາດ ແລະ ສິ່ງທ້າທາຍຫຼາຍຢ່າງເນື່ອງຈາກການປ່ຽນແປງຍຸດທະສາດທົ່ວໂລກ ແລະ ຜົນກະທົບຂອງພະຍາດ COVID-19. ໃນສະພາບການດັ່ງກ່າວ, ຄວາມກ້າຫານຂອງປະຊາຄົມອາຊຽນ ໄດ້ສະແດງໃຫ້ເຫັນຢ່າງຈະແຈ້ງ, ເຊື່ອມຕໍ່ບັນດາສະມາຊິກຢ່າງໃກ້ຊິດ ເພື່ອສ້າງຄວາມສາມັກຄີ ແລະ ຍາດແຍ່ງໂອກາດຢ່າງມີປະສິດທິຜົນ, ຜ່ານຜ່າສິ່ງທ້າທາຍ.
ເຖິງວ່າສະພາບການພະຍາດ COVID-19 ຈະສັບສົນ ແຕ່ບັນດາປະເທດສະມາຊິກອາຊຽນໄດ້ຄວບຄຸມສະຖານະການໄດ້ເປັນຢ່າງດີ. ອາຊຽນມີອັດຕາສູງ ໃນຈຳນວນຄົນເຈັບທີ່ໄດ້ປິ່ນປົວຫາຍດີ. ໃນຊຸມມື້ມໍ່ໆມານີ້, ຢູ່ຫຼາຍປະເທດອາຊຽນ ເຊິ່ງບໍ່ມີການກວດພົບກໍລະນີໃໝ່ໃນການຕິດເຊື້ອພະຍາດຢູ່ໃນປະຊາຄົມ, ແລະ ພື້ນຖານເສດຖະກິດອາຊຽນຍັງມີສະຖຽນລະພາບໝັ້ນຄົງ.
ຕາມນັ້ນແລ້ວ, ທ່ານ ຫງວຽນຊວນຟຸກ - ນາຍົກລັດຖະມົນຕີຫວຽດນາມ ໄດ້ຖືວ່າ, ກອງປະຊຸມສຸດຍອດອາຊຽນ 36 ຈະແມ່ນກາລະໂອກາດ ເພື່ອໃຫ້ພວກເຮົາຢັ້ງຢືນຄວາມສາມັກຄີ, ເຈດຈຳນົງດ້ານການເມືອງທີ່ເຂັ້ມແຂງ ແລະ ຄວາມຕັດສິນໃຈສູງຂອງບັນດາປະເທດສະມາຊິກອາຊຽນ ທີ່ຜ່ານຜ່າຄວາມຫຍຸ້ງຍາກ. ທ່ານນາຍົກລັດຖະມົນຕີຫວຽດນາມ ໄດ້ສະເໜີໃຫ້ບັນດາປະເທດອາຊຽນ ຕ້ອງສືບຕໍ່ຄວບຄຸມການລະບາດຂອງ COVID-19 ເປັນຢ່າງດີ, ແລະ ຜ່ານຜ່າຜົນຮ້າຍຂອງການລະບາດ, ຟື້ນຕົວ ແລະ ພັດທະນາເສດຖະກິດ. ພ້ອມກັນນັ້ນ, ຄວນພະຍາຍາມເຮັດໃຫ້ສຳເລັດບັນດາເປົ້າໝາຍຂອງການຮ່ວມມື ແລະ ການເຊື່ອມໂຍງອາຊຽນໃນປີ 2020.
ທ່ານ ຫງວຽນຊວນຟຸກ - ນາຍົກລັດຖະມົນຕີຫວຽດນາມ ໄດ້ເນັ້ນໜັກວ່າອາຊຽນຍັງຈະເພີ່ມທະວີການຊຸກຍູ້ການເຂົ້າຮ່ວມ ແລະ ການປະກອບສ່ວນຢ່າງຕັ້ງໜ້າ ຂອງທຸກໆຂະແໜງການໃນສັງຄົມ ໃນຂະບວນການກໍ່ສ້າງຊຸມຊົນທີ່ຖືປະຊາຊົນເປັນໃຈກາງ.
 | ສື່ມວນຊົນລາວ ລົງຂ່າວຢ່າງຫຼວງຫຼາຍກ່ຽວກັບບັນດາກອງປະຊຸມຂອງອາຊຽນ ທີ່ກອງປະຊຸມບໍ່ເປັນທາງການລັດຖະມົນຕີການຕ່າງປະເທດອາຊຽນ, ບັນດາລັດຖະມົນຕີໄດ້ແລກປ່ຽນທັດສະນະກ່ຽວກັບສະພາບການຂອງພາກພື້ນ ແລະ ໃນໂລກ. |
 | ອາຊຽນມານະພະຍາຍາມປະຕິບັດບັນດາໜ້າທີ່ຄວບຄູ່: ທັງປ້ອງກັນໂລກລະບາດ ແລະ ທັງຜັນຂະຫຍາຍການກໍ່ສ້າງປະຊາຄົມ ຍສໝ - ທ່ານ ຫງວຽນກ໊ວກຢຸງ ຮອງລັດຖະມົນຕີກະຊວງການຕ່າງປະເທດຫວຽດນາມແລ້ວ, ຫວຽດນາມ ໄດ້ລົງມືກະກຽມໃຫ້ແກ່ປີປະທານອາຊຽນ 2020 ແຕ່ດົນແລ້ວ. ເມື່ອໂລກລະບາດ Covid – 19 ຫາກໍ່ເກີດຂຶ້ນ, ຫວຽດນາມໄດ້ປ່ຽນແປງບັນດາວິທິການໃຫ້ເໝາະສົມກັບສະພາບການໃໝ່ໂດຍໄວ. |
 | ໜັງສືພິມໄທ: ຫວຽດນາມ ນຳພາອາຊຽນ ໃນຍຸກຫຼັງ Covid-19 ຍສໝ - ໃນການວິເຄາະທີ່ມີຫົວຂໍ້ວ່າ "ຫວຽດນາມ ນຳພາອາຊຽນ ໃນຍຸກຫຼັງ ໄວຣັດ" ທີ່ລົງພິມໃນໜັງ ສືພິມ Bangkok Post ເມື່ອມໍ່ໆມານີ້, ນັກຂ່າວ Kavi Chongkittavorn ໄດ້ມີການຢັ້ງຢືນວ່າກອງປະຊຸມສຸດຍອດອາຊຽນ ອອນລາຍ ຄັ້ງທີ 36 ທີ່ຈະມາເຖິງ ແມ່ນການເລີ່ມຕົ້ນໃໝ່ ຂອງອາຊຽນ ເຊິ່ງມີຄວາມສາມັກຄີ ແລະ ເປັນເຈົ້າການໃນການປັບຕົວ ກວ່າເກົ່າ. ... |
ຄຳຮຸ່ງ
