| ຜູ້ອຳນວຍການ AEON ຍີ່ປຸ່ນ ຕີລາຄາສູງຄຸນນະພາບ ໝາກລິນຈີ່ຂອງຫວຽດນາມ | |
| ຊາວອາເມລິກາຢູ່ປະເທດຫວຽດນາມຂຽນກ່ຽວກັບ Covid-19: ສະຖານທີ່ປອດໄພທີ່ສຸດໃນໂລກ |
ຕາມສຳນັກງານການຄ້າຫວຽດນາມ ປະຈຳຍີ່ປຸ່ນ ໃຫ້ຮູ້ວ່າ, ສຳນັກງານການຄ້າ ກຳລັງມີການຮ່ວມມືກັບບໍລິສັດນຳເຂົ້າສິນຄ້າຂອງຫວຽດນາມ ຈຳນວນໜຶ່ງ, ເຊັ່ນ: AEON, VIENT Corporation, Yufruit, Sunrise Farm... ເພື່ອຊຸກຍູ້ການສົ່ງອອກສິນຄ້າ ໝາກລິ້ນຈີ່ແກ່ນນ້ອຍ ຂອງຫວຽດນາມ ໄປຂາຍຢູ່ຍີ່ປຸ່ນຍີ່ປຸ່ນ ໃນລະດູການເກັບກ່ຽວປີນີ້.
ມາຮອດປະຈຸບັນ, ໝາກລິ້ນຈີ່ແກ່ນນ້ອຍ ຂອງຫວຽດນາມ ໄດ້ເລີ່ມວາງຂາຍໝາກລິ້ນຈີ່ສົດຫວຽດນາມ ໃນຮ້ານສັບພະສິນຄ້າແຫ່ງຕ່າງໆຢູ່ນະຄອນຫຼວງ ໂຕກຽວ, ປະເທດ ຍີ່ປຸ່ນ ແລະ ໄດ້ຂາຍດ້ວຍລາຄາແມ່ນ 500 ເຢນ ສຳລັບກ່ອງນ້ອຍ 200 ກຼາມ. ດັ່ງນັ້ນ, ໝາກລິ້ນຈີ່ແກ່ນນ້ອຍ ຂອງຫວຽດນາມ ທີ່ໄດ້ຂາຍຢູ່ຍີ່ປຸ່ນຈະມີລາຄາປະມານ 500.000 ດົ່ງ ແຕ່ລະກິໂລ.
 |
| ໝາກລິ້ນຈີ່ແກ່ນນ້ອຍ ຂອງຫວຽດນາມ ໄດ້ສົ່ງອອກໄປຂາຍ ຢູ່ຍີ່ປຸ່ນ ເປັນຄັ້ງທຳອິດ. (ພາບ: ກະຊວງອຸດສາຫະກຳ ແລະ ການຄ້າ) |
ເຖິງແມ່ນວ່າການລະບາດຂອງພະຍາດ COVID-19 ເຮັດໃຫ້ຜູ້ຊ່ຽວຊານດ້ານກະສິກຳ ຂອງຍີ່ປຸ່ນ ມີຄວາມຫຍຸ້ງຍາກໃນການເຂົ້າມາຫວຽດນາມ ເພື່ອຊີ້ນຳການຜະລິດ, ແຕ່ສຳນັກງານການຄ້າຫວຽດນາມ ປະຈຳຍີ່ປຸ່ນ ຍັງໄດ້ແລກປ່ຽນ ແລະ ປະສານສົມທົບກັບກະຊວງກະສິກຳຂອງສອງປະເທດ ເພື່ອຊອກຫາວິທີທາງແກ້ໄຂຄວາມຫຍຸ້ງຍາກ, ສ້າງເງື່ອນໄຂໃຫ້ຜູ້ຊ່ຽວຊານຍີ່ປຸ່ນ ໄດ້ມາຫວຽດນາມໃນວັນທີ 3 ມິຖຸນາ 2020. ສະນັ້ນ, ໃນວັນທີ 18 ມິຖຸນາ, ໝາກລິ້ນຈີ່ແກ່ນນ້ອຍ ຈຳນວນເກືອບ 5 ໂຕນໄດ້ຮັບການຢັ້ງຢືນບັນລຸມາດຕະຖານ ໂດຍຜູ້ຊ່ຽວຊານຍີ່ປຸ່ນ ແລະ ໃນວັນທີ 19 ມິຖຸນາ, ໝາກລິ້ນຈີ່ແກ່ນນ້ອຍ ຈຳນວນ 1 ໂຕນທຳອິດໄດ້ສົ່ງອອກໄປຍີ່ປຸ່ນ ຜ່ານທາງອາກາດ. ໝາກລິ້ນຈີ່ທີ່ຍັງເຫຼືອຈຳນວນ 4 ໂຕນ ຈະສົ່ງອອກໄປຍີ່ປຸ່ນ ຜ່ານທາງທະເລ. ຄາດຄະເນວ່າ ໃນປີນີ້ມີໝາກລິ້ນຈີ່ແກ່ນນ້ອຍຂອງຫວຽດນາມ 200 ໂຕນ ຈະໄດ້ສົ່ງອອກສູ່ຕະຫລາດຍີ່ປຸ່ນ.
ສຳນັກງານການຄ້າຫວຽດນາມ ປະຈຳຍີ່ປຸ່ນ ໃຫ້ຮູ້ວ່າເມື່ອໄດ້ຮັບໝາກຜົນນີ້ກໍ່ໄດ້ປະສົບກັບຄວາມຫຍຸ້ງຍາກຫຼາຍຢ່າງ, ຕ້ອງສຸມກຳລັງ ແລະ ສະຕິປັນຍາຂອງບັນດາອົງການທີ່ມີໜ້າທີ່ຫວຽດນາມ ນັບຕັ້ງແຕ່ປີ 2014, ເມື່ອພະແນກປົກປັກຮັກສາພືດ ເລີ່ມປະຕິບັດການເຈລະຈາກັບກະຊວງກະສິກຳ ແລະ ປ່າໄມ້ - ການປະມົງຍີ່ປຸ່ນ ເພື່ອແນໃສ່ຊຸກຍູ້ການເປີດຕະຫຼາດຍີ່ປຸ່ນ ສຳຫຼັບໝາກລິ້ນຈີ່ຂອງຫວຽດນາມ.
ໝາກລິ້ນຈີ່ທີ່ສົ່ງອອກໄປປະເທດຍີ່ປຸ່ນ ຕ້ອງຕອບສະໜອງຕາມຄວາມຮຽກຮ້ອງຕ້ອງການ, ເຊັ່ນ: ການປູກຝັງໃນສວນທີ່ໄດ້ຮັບການຕິດຕາມກວດກາ ແລະ ອອກລະຫັດທ້ອງຖິ່ນບ່ອນທີ່ປູກຝັງ; ຕ້ອງມີການກັກກັນພະຍາດຢ່າງຮອບຄອບ, ຕາມລະບຽບການດ້ານຄວາມປອດໄພດ້ານສຸຂະອະນາໄມ ແລະ ອາຫານຂອງຍີ່ປຸ່ນ.
 | ຜູ້ອຳນວຍການ AEON ຍີ່ປຸ່ນ ຕີລາຄາສູງຄຸນນະພາບ ໝາກລິນຈີ່ຂອງຫວຽດນາມ ຍສໝ - ໂດຍປະເມີນໝາກໝາກລິນຈີ່ ທີ່ນຳເຂົ້າຈາກປະເທດຫວຽດນາມ, ທ່ານ Okazaki - ຜູ້ອຳນວຍການ AEON ຍີ່ປຸ່ນ ກ່າວວ່າ ໝາກລິນຈີ່ຂອງຫວຽດນາມມີລົດຫວານ ແລະ ແຊບ, ມີແກ່ນນ້ອຍ, ຄຸນນະພາບດີ. |
 | ຮູບແບບການຄຸ້ມຄອງພະຍາດ COVID-19 ຂອງຫວຽດນາມ ແມ່ນແບບຢ່າງເພື່ອໃຫ້ປະເທດບຣາຊິນຮຽນຮູ້ ຍສໝ - ທ່ານ Jair Bolsonaro - ປະທານາທິບໍດີປະເທດບຣາຊິນ ໃຫ້ຮູ້ວ່າ ຮູບແບບການຄຸ້ມຄອງພະຍາດ COVID-19 ຂອງຫວຽດນາມ ແມ່ນແບບຢ່າງເພື່ອໃຫ້ປະເທດບຣາຊິນຮຽນຮູ້. |
 | ຊ່ຽວຊານລັດເຊຍ: ນະໂຍບາຍການຕ່າງປະເທດຂອງຫວຽດນາມປະກອບສ່ວນຊຸກຍູ້ສັນຕິພາບ ແລະ ສະຖຽນລະພາບຢູ່ທະເລຕາເວັນອອກ ຍສໝ - ວັນທີ 20 ມິຖຸນາ, ຢູ່ມົດສະກູ, ສະຖາບັນຄົ້ນຄ້ວາທິດຕາເວັນອອກ (ສະພາບັນດິດວິທະຍາສາດລັດເຊຍ) ໄດ້ຈັດຕັ້ງກອງປະຊຸມສຳມະນາອອນລາຍ “ການຂັດແຍ້ງຢູ່ທະເລຕາເວັນອອກ - ສິ່ງທ້າທາຍ ແລະ ໄພນາບຂູ່ໃນປະຈຸບັນ” ດ້ວຍການເຂົ້າຮ່ວມຂອງນັກຊ່ຽວຊານ ແລະ ນັກຮຽນຮູ້ ແຖວໜ້າ ປະມານ 30 ຄົນ ກ່ຽວກັບພາກພື້ນອາຊີປາຊີຟິກ ທີ່ມາຈາກບັນດາສູນ, ສະຖາບັນຄົ້ນຄວ້າ ແລະ ສະຖາບັນການສຶກສາຂອງຣັດເຊຍ. ... |
ຄຳຮຸ່ງ
