 |
| ກອງປະຊຸມເຈົ້າໜ້າທີ່ອາວຸໂສຂັ້ນສູງກ່ຽວກັບ ປະຊາຄົມວັດທະນະທຳ - ສັງຄົມ ອາຊຽນຄັ້ງທີ 28 (ພາບ: Baoquocte.vn) |
ຕອນເຊົ້າວັນທີ 22 ມິຖຸນາ, ກອງປະຊຸມເຈົ້າໜ້າທີ່ອາວຸໂສຂັ້ນສູງກ່ຽວກັບ ປະຊາຄົມວັດທະນະທຳ - ສັງຄົມ ອາຊຽນຄັ້ງທີ 28 ໄດ້ດຳເນີນຕາມຮູບແບບທາງອອນລາຍ, ພາຍໃຕ້ການເປັນປະທານຂອງຄະນະຫວຽດນາມ.
ກ່າວຄຳເຫັນທີ່ກອງປະຊຸມ, ທ່ານ ຫງວຽນແມັ້ງເກືອງ, ຫົວໜ້າກົມຮ່ວມມືສາກົນ, ກະຊວງແຮງງານ - ທະຫານເສຍອົງຄະ ແລະ ສັງຄົມ, ຫົວໜ້າຄະນະເຈົ້າໜ້າທີ່ອາວຸໂສຮັບຜິດຊອບດ້ານວັດທະນະທຳ - ສັງຄົມ ອາຊຽນ (SOCA) ຂອງຫວຽດນາມ, ໃຫ້ຮູ້ວ່າ ປີ ປະທານອາຊຽນ 2020 ຂອງຫວຽດນາມ, ກະຊວງແຮງງານ, ທະຫານເສຍອົງຄະ ແລະ ສັງຄົມ ໄດ້ເປັນກຽວດຳລົງຕຳແໜ່ງເປັນປະທານປະຊາຄົມວັດທະນະທຳ - ສັງຄົມອາຊຽນ ດ້ວຍຫົວຂໍ້ແມ່ນ “ສະໜິດຕິດພັນ ແລະ ເປັນເຈົ້າການໃນການຮັບມື”. ຫວຽດນາມ ໄດ້ຕັ້ງຂຶ້ນ 5 ບຸລິມະສິດໃຫ້ແກ່ການຮ່ວມມື ອາຊຽນໃນປີນີ້. ທີ 1 ແມ່ນສາມັກຄີ, ເປັນເອກະພາບ, ສະໜິດຕິດພັນ ແລະ ໜູນຊ່ວຍຊຶ່ງກັນ ແລະ ກັນ, ສົມທົບບັນດາຫຼັກໝັ້ນລວມເພື່ອມີບັນດາການປະພຶດທີ່ຖືກມາດຕະຖານ ແລະ ທັນການ, ທີ 2 ແມ່ນ ຮ່ວມສຳພັນ, ເຊື່ອມຕໍ່ພາກພື້ນ, ປັບຕົວໃຫ້ແທດເໝາະກັບສະພາບການ ແລະ ສວຍໃຊ້ບັນດາກາລະໂອກາດ, ທີ 3 ແມ່ນຊຸກຍູ້ຄວາມຮັບຮູ້ຂອງອາຊຽນ, ທີ 4 ແມ່ນ ຍູ້ແຮງການພົວພັນຄູ່ຮ່ວມມືເພື່ອສັນຕິພາບ, ພັດທະນາແບບຍືນຍົງ, ທີ 5 ແມ່ນຍົກສູງກຳລັງຄວາມສາມາດ, ປະສິດທິຜົນ. ກ່ຽວກັບບັນດາຂົງເຂດການເຄື່ອນໄຫວຈຸດສຸມໃນປີນີ້, ທ່ານ ຫງວຽນແມັງເກືອງເນັ້ນໜັກວ່າ:
“ເສົາຄໍ້າວັດທະນະທໍາ - ສັງຄົມ ຈະຊຸກຍູ້ບັນດາການປະກອບຄໍາເຫັນ, ມຸ່ງໄປສູ່ບັນດາຈຸດສຸມ ເຊິ່ງລວມມີ: ແຮງງານ ແລະ ພັດທະນາແຫຼ່ງຊັບພະຍາກອນມະນຸດ; ສະຫວັດດີການສັງຄົມ; ສາທາລະນະສຸກ, ການສື່ສານ, ວັດທະນະທໍາ ອາຊຽນ, ຊາວໜຸ່ມ, ສະພາບແວດລ້ອມ ແລະ ການປ່ຽນແປງຂອງດິນຟ້າອາກາດ... ລະອຽດ, ດ້ວຍບົດບາດເປັນປະທານ ອາຊຽນ, ຫວຽດນາມ ຈະຕີລາຄາລະຫວ່າງອາຍຸການກ່ຽວກັບແຜນການສັງລວມຂອງ ປະຊາຄົມວັດທະນະທໍາ - ສັງຄົມ. ນີ້ແມ່ນການເຄື່ອນໄຫວສໍາຄັນເພື່ອຕີລາຄາບັນດາໝາກຜົນທີ່ບັນລຸໄດ້ ກໍຄື ຮັບຮູ້ບັນດາແບບວິທີ, ຈາກນັ້ນຍົກອອກບັນດາຂໍ້ສະເໜີແນະໃຫ້ແກ່ບັນດາອົງການວິຊາສະເພາະ, ຊຸກຍູ້ການຮ່ວມມືຢູ່ໃນລະດັບຊາດ ແລະ ພາກພື້ນ ເພື່ອສາມາດເຄື່ອນໄຫວຢ່າງມີປະສິດທິຜົນກວ່າ, ບັນລຸເປົ້າໝາຍຂອງປະຊາຄົມ ວັດທະນະທໍາ - ສັງຄົມ ອາຊຽນ ວິໄສທັດ 2025”.
ທີ່ກອງປະຊຸມ, ບັນດາຜູ້ແທນລ້ວນແຕ່ຖືວ່າ: ປີ 2020 ແມ່ນປີພິເສດສຳລັບອາຊຽນເວົ້າສະເພາະ ແລະ ໂລກເວົ້າລວມ, ຍ້ອນຜົນກະທົບຈາກໂລກລະບາດ Covid – 19. ທ່ານ ຫງວຽນແມັງເກືອງ ມີຄວາມຫວັງວ່າ ກອງປະຊຸມບັນລຸໄດ້ຄວາມເຫັນດີເຫັນພ້ອມກ່ຽວກັບບັນດາເນື້ອໃນຈຸດສຸມ, ກໍ່ຄືຮຽກຮ້ອງໃຫ້ການສະໜັບສະໜູນຂອງບັນດາຫົວໜ້າຄະນະເຈົ້າໜ້າທີ່ອາວຸໂສຮັບຜິດຊອບດ້ານວັດທະນະທຳ - ສັງຄົມ (SOCA) ຂອງບັນດາປະເທດ, ເພື່ອໃຫ້ຫວຽດນາມ ອາດຈະປະຕິບັດໜ້າທີ່ເປັນປະທານອາຊຽນ 2020 ປະສົມຜົນສຳເລັດດ້ວຍຫົວຂໍ້ “ສະໜິດຕິດພັນ ແລະ ເປັນເຈົ້າການໃນການຮັບມື”.
 | ຂໍ້ສັງເກດຂອງລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມ ເຈິ່ນຕວັນແອງ ກ່ຽວກັບກອງປະຊຸມ RCEP ຄັ້ງທີ 10 ຍສໝ - ທ່ານ ເຈິ່ນຕວນແອັງ ລັດຖະມົນຕີກະຊວງອຸດສາຫະກຳ ແລະ ການຄ້າ ຫວຽດນາມໃຫ້ຮູ້ວ່າ: ສັນຍາ RCEP ໄດ້ເລີ່ມເຄື່ອນໄຫວແຕ່ເດືອນ ພະຈິກ 2012 ຢູ່ Phnom Penh ປະເທດ ກຳປູເຈຍ ເໝືອນດັ່ງຂໍ້ລິເລີ່ມຂອງ ອາຊຽນເພື່ອແນໃສ່ສົ່ງເສີມການຄ້າລະຫວ່າງ ບັນດາປະເທດອາຊຽນ ແລະ 6 ປະເທດຄູ່ຮ່ວມມືຄື: ອົດສະຕາລີ, ຈີນ, ... |
 | ບັນດາປະເທດອາຊຽນສົມທົບກັນຢ່າງແໜ້ນແຟ້ນໃນການກະກຽມຈັດຕັ້ງກອງປະຊຸມຂັ້ນສູງ ASEM ຄັ້ງທີ 13 ຍສໝ - ຕອນເຊົ້າວັນທີ 12 ພຶດສະພາ ໄດ້ດຳເນີນກອງປະຊຸມກຸ່ມເຈົ້າໜ້າທີ່ອາວຸໂສ (SOM) ອາຊຽນຂອງເວທີປາໄສຮ່ວມມືອາຊຽນ - ເອີລົບ (ASEM) ໂດຍມີການເຂົ້າຮ່ວມຂອງຜູ້ຕາງໜ້າ 10 ປະເທດອາຊຽນ ແລະ ຄະນະເລຂາອາຊຽນ. |
 | ອາຊຽນຍົກສູງນ້ຳໃຈຄວາມສາມັກຄີໃນໄລຍະເກີດໂລກລະບາດໂຄວິດ - 19 ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ສະເໜີໃຫ້ລັດຖະສະພາແຕ່ລະປະເທດສະມາຊິກ AIPA ພ້ອມກັນຮ່ວມເດີນທາງ, ຮ່ວມແຮງຮ່ວມໃຈພ້ອມກັບລັດຖະບານບັນດາປະເທດ ອາຊຽນ ຮັບມືກັບໂລກລະບາດ ດ້ວຍເລື່ອງເສີມຂະຫຍາຍບົດບາດຂອງຕົນຢ່າງແຮງ, ຜ່ານບັນດາມາດຕະການ ແລະ ນະໂຍບາຍໂດຍລັດຖະບານສະເໜີ ເພື່ອແນໃສ່ຮັບມືກັບໂລກລະບາດ. |
ບຸນຄົງ
