ໃນໂອກາດເຂົ້າຮ່ວມພິທີໂຮມຊຸມນຸມ ເພື່ອສະເຫລີມສະຫລອງ ວັນຄ້າຍວັນເກີດຂອງ ປະທານ ໂຮ່ຈີມິນ ຄົບຮອບ 130 ປີ ໃນວັນທີ 19 ພຶດສະພາ 2020, ທ່ານ ບົວເງິນ ຊາພູວົງ ຮອງລັດຖະມົນຕີ ກະຊວງຖະ ແຫລງຂ່າວ, ວັດທະນະທຳ ແລະ ທ່ອງທ່ຽວ, ຮັກສາການປະທານ ສະມາຄົມມິດຕະພາບລາວ-ຫວຽດນາມ ຂັ້ນສູນກາງ ກ່າວວ່າ: ພວກເຮົາຂໍໃຫ້ຄຳໝັ້ນສັນວ່າ ຈະປ້ອງກັນມິດຕະພາບ ຂອງສອງຊາດລາວ ແລະ ຫວຽດນາມ ຄືກັນກັບແກ້ວໜ່ວຍຕາຂອງຕົນເອງ ເພາະສິ່ງນີ້ແມ່ນປັດໄຈອັນຊີ້ຂາດຕັດສິນ ຂອງໄຊນະຂອງການປະຕິວັດລາວ ແລະ ຫວຽດນາມ.
 |
| ຄະນະກົງສຸນໃຫຍ່ຫວຽດນາມ ປະຈຳພາກກາງລາວ ວາງທູບອາໄລຫາ ປະທານໂຮ່ຈີມິນ. (ພາບ:TTXVN) |
ພ້ອມກັນນັ້ນ, ທ່ານ ບົວເງິນ ຊາພູວົງ ຂໍນ້ອມອາໄລເຖິງດວງວິນຍານຂອງ ປະທານໂຮ່ຈີມິນ ແລະ ຂໍຮ່ຳຮຽນເອົາແບບຢ່າງ ອັນເຫລື້ອມໃສຂອງເພິ່ນ ໄວ້ໃນດວງໃຈຕະຫລອດໄປ ເພື່ອຮັບໃຊ້ການປະຕິວັດ, ຮັບໃຊ້ຊາດ ແລະ ຮັບໃຊ້ປະຊາຊົນ. ປະທານ ໂຮ່ຈີມິນ ໄດ້ຖືສຳຄັນຫລາຍ ແລະ ຍາມໃດເພິ່ນກໍໄດ້ເພີ່ມພູນຄູນສ້າງ ສາຍພົວພັນມິດຕະພາບ ລະຫວ່າງສອງຊາດ ລາວ-ຫວຽດນາມ ພວກເຮົາຕະຫລອດມາ. ສະມາຄົມມິດຕະພາບ ຫວຽດນາມ - ລາວ ຂັ້ນສູນກາງມີຄວາມມຸ່ງຫວັງອັນແຮງກ້າ ໃນການສືບຕໍ່ ຮ່ວມມືກັບທົ່ວພັກ, ທົ່ວລັດ, ທົ່ວກຳລັງປະກອບອາວຸດ ແລະ ປະຊາຊົນລາວບັນດາເຜົ່າ ກໍຄືອົງການຈັດຕັ້ງທີ່ກ່ຽວຂ້ອງ ຂອງຫວຽດນາມ ເພື່ອພ້ອມກັນ ເຄື່ອນໄຫວ ວຽກງານການທູດ ແບບປະຊາຊົນ ເພື່ອໃຫ້ປະຊາຊົນສອງຊາດ ລາວ-ຫວຽດນາມ ໄດ້ໄປມາຫາສູ່ກັນ, ໄດ້ຄ້າຂາຍຮ່ວມກັນ ແລະ ໄດ້ຢູ່ຮ່ວມກັນຢ່າງສັນຕິ. ຈຸດປະສົງດັ່ງກ່າວ, ແມ່ນ ເພື່ອສືບຕໍ່ເພີ່ມພູນຄູນສ້າງ ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບ ດ້ານຫວຽດນາມ-ລາວ, ລາວ-ຫວຽດນາມ ໃຫ້ຈະ ເລີນງອກງາມ ແລະ ໝັ້ນຄົງທະນົງແກ່ນຊົ່ວກາລະນານ.
ເພິ່ນໄດ້ຮ່ວມກັບ ປະທານ ໄກສອນ ພົມວິຫານ, ປະທານ ສຸພານຸວົງ ທີ່ແສນເຄົາລົບຮັກ ພ້ອມກັນຖະໜຸຖະໜອມ ແລະ ສ້າງສາຍພົວພັນ ມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ຂອງສອງປະເທດ ໃຫ້ແຕກດອກອອກຈາວ ແລະ ໝັ້ນຄົງຖະໜົງ ແກ່ນຕະຫລອດມາ ບໍ່ວ່າຈະເປັນສະໄໝການຕໍ່ສູ້ກູ້ຊາດ ເພື່ອພ້ອມກັນຍາດ ເອົາເອກະລາດ ແລະ ອິດສະຫລະພາບ ມາສູ່ປະຊາຊົນສອງຊາດ ກໍຄືສະໄໝການສ້າງ ສາພັດທະນາ ເພື່ອນຳເອົາ ຄວາມຢູ່ດີກິນດີ, ຄວາມອຸດົມສົມບູນມາສູ່ປະຊາຊົນບັນດາເຜົ່າຂອງສອງຊາດ ລາວ-ຫວຽດນາມ.
ປະຊາຊົນລາວ ມີຄວາມເອກອ້າງທະນົງໃຈເປັນຢ່າງຍິ່ງ ທີ່ເຫັນວ່າສາຍພົວພັນ ມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານ ທີ່ຜູ້ນຳຂອງພວກເຮົາຮຸ່ນທຳອິດ ໄດ້ພ້ອມກັນກໍສ້າງ ແລະ ບັນດາຜູ້ນຳຮຸ່ນຕ່າງໆ, ພ້ອມດ້ວຍພະນັງງານ, ກຳລັງປະກອບອາວຸດ ກໍຄືປະຊາຊົນລາວ ບັນດາເຜົ່າ ຂອງສອງ ຊາດລາວ-ຫວຽດນາມ ຮຸ່ນຕ່າງໆ ໄດ້ພ້ອມກັນເຊີດຊູ, ເສີມຂະຫຍາຍ ແລະ ສືບທອດມາຢ່າງບໍ່ມີວັນຈືດຈາງ ແລະ ໄດ້ຮັບການເພີ່ມທະວີ ທັງທາງກວ້າງ ແລະ ທາງເລິກ, ທັງໄດ້ນຳເອົາຜົນປະໂຫຍດ ຕົວຈິງມາສູ່ປະຊາຊົນ ສອງຊາດລາວ-ຫວຽດນາມ.
ປະເທດລາວ ຍາມໃດກໍຈົດຈຳ ແລະ ຈາລຶກບຸນຄຸນອັນສູງສົ່ງຂອງ ປະທານ ໂຮ່ຈີມິນ ທີ່ເພິ່ນໄດ້ເປັນແບບຢ່າງ ອັນເຫລື້ອມໄສ ໃນການນຳພາການປະຕິວັດ ກໍຄື ການດຳລົງຊີວິດ ຂອງເພິ່ນເພື່ອຊາດ ແລະ ປະຊາຊົນ.
 | ສື່ມວນຊົນລາວ: ຕ້ອງໄດ້ປົກປ້ອງ ແລະ ຖະນຸຖະໜອມສາຍພົວພັນພິເສດ ລາວ - ຫວຽດນາມ ຍສໝ - ໃນຊຸມມື້ຜ່ານມາ, ສື່ມວນຊົນລາວ ໄດ້ລົງພິມບົດຂຽນຫຼາຍບົດກ່ຽວກັບຊີວິດ ແລະ ອາຊີບຂອງ ປະທານ ໂຮ່ຈີມິນ ຢ່າງຕໍ່ເນື່ອງ; ກ່ຽວກັບສາຍພົວພັນສະໜິດສະໜົມ ຂອງ ເພິ່ນກັບການປະຕິວັດລາວ… |
 | ການບິນລາວ ກຽມຄວາມພ້ອມເປີດຖ້ຽວບິນພາຍໃນ ເລີ່ມ 22 ພຶດສະພານີ້ ທ່ານ ຄຳຫຼ້າ ພົມມະວັນ ຜູ້ອຳນວຍການລັດວິສາຫະກິດການບິນລາວ ໃຫ້ສຳພາດວັນທີ 19 ພຶດສະພາ 2020 ວ່າ: ແຜນການເປີດຖ້ຽວບິນເສັ້ນທາງພາຍໃນປະເທດຄືນ ເລີ່ມຖ້ຽວບິນທຳອິດນັບແຕ່ວັນທີ 22 ພຶດສະພາ 2020 ເປັນຕົ້ນໄປ ເຊິ່ງບິນເສັ້ນທາງພາຍໃນປະເທດທັງໝົດມີ 6 ເສັ້ນທາງຄື: ເສັ້ນທາງນະຄອນຫຼວງວຽງຈັນ (ນວ)-ຫຼວງພະບາງ-ນວ ບິນ 4 ຖ້ຽວຕໍ່ອາທິດ (ວັນຈັນ ວັນພຸດ ... |
 | ທ່ານນາຍົກລັດຖະມົນຕີຫວຽດນາມ ໄດ້ເຂົ້າຮ່ວມກອງປະຊຸມອອນລາຍ ສະມັດຊາໃຫຍ່ອົງການອະນາໄມໂລກ ຄັ້ງທີ 73 ຍສໝ - ທ່ານນາຍົກລັດຖະມົນຕີ ຫງວຽນຊວນຟຸກ ແມ່ນໜຶ່ງໃນບັນດາຜູ້ນຳຈຳນວນໜ້ອຍ ທີ່ໄດ້ຮັບການເຊື້ອເຊີນກ່າວຄຳປາໄສໃນກອງປະຊຸມປີນີ້ ໂດຍຜູ້ອຳນວຍການໃຫຍ່ອົງການ WHO. ທ່ານນາຍົກລັດຖະມົນຕີ ໃຫ້ຮູ້ວ່າ, ຫວຽດນາມ ໄດ້ຮັບຮູ້ໄພອັນຕະລາຍຂອງພະຍາດ COVID-19 ແຕ່ເບື້ອງຕົ້ນ ແລະ ໄດ້ລະດົມບັນດາແຫຼ່ງກຳລັງເພື່ອຕ້ານໂລກລະບາດ. |
ຄຳຮຸ່ງ
