 |
| ພິທີເຊັນບົດບັນທຶກຂໍ້ຕົກລົງລະຫວ່າງພະແນກການຕ່າງປະເທດ ແລະ ອົງການ NPA.(ພາບ:Baoquangtri) |
ຈາກຜົນສຳເລັດຂອງໄລຍະ ທີໜຶ່ງ (2018-2020) ໂຄງການ "ການພັດທະນາຄວາມສາມາດໃຫ້ສູນປະຕິບັດງານກ່ຽວກັບລະເບີດທີ່ຍັງບໍ່ທັນແຕກແຂວງກວາງຈີ້" (QTMAC) ແລະ ຄຳໝັ້ນສັນຍາຂອງກະຊວງພັດທະນາສາກົນລາຊະອານາຈັກອັງກິດ (DFID) ), ພະແນກການຕ່າງປະເທດແຂວງກວາງຈິ ແລະ ອົງການຊ່ວຍເຫຼືອປະຊາຊົນນອກແວ (NPA) ໄດ້ລົງນາມໃນບົດບັນທຶກຊ່ວຍຈຳວ່າດ້ວຍການສືບຕໍ່ການຮ່ວມມືໃນການຈັດຕັ້ງປະຕິບັດໂຄງການ QTMAC ໄລຍະ 2020-2021, ທ່ານ ຮວ່າງນາມ ຮອງປະທານຄະນະ ກຳມະການປະຊາຊົນ ແຂວງ ແລະ ທ່ານ Jan Erik Stoat ຜູ້ອຳນວຍການແຫ່ງຊາດ NPA ເຂົ້າຮ່ວມພິທີລົງນາມ.
ໂຄງການ QTMAC ໄລຍະ 2020 - 2021 ຄາດວ່າຈະປະຕິບັດພາຍໃນ 12 ເດືອນ, ເລີ່ມແຕ່ວັນທີ 1/4/2020-31/3/2021 ດ້ວຍງົບປະມານທັງໝົດ 201.700 ເງິນປອນ (ສະກຸ້ນເງິນອັງກິດ), ເທົ່າກັບຫຼາຍກວ່າ 6 ຕື້ດົງ.
ບັນດາການເຄື່ອນໄຫວຕົ້ນຕໍຂອງໂຄງການລວມມີ: ສືບຕໍ່ໜູນ ຊ່ວຍສູນປະຕິບັດງານກ່ຽວກັບລະເບີດຝັງດິນຢູ່ແຂວງກວາງຈິພາຍໃຕ້ການຄຸ້ມຄອງຂອງພະແນກການຕ່າງປະເທດແຂວງກວາງຈິ. ຝຶກອົບຮົມຊັບພະຍາກອນມະນຸດເພື່ອຮັບປະກັນຄວາມຍືນຍົງ, ຄວາມຕໍ່ເນື່ອງ ແລະ ຄວາມສາມາດໃນການດຳເນີນງານ ສຳລັບເຈົ້າໜ້າທີ່ທ້ອງຖິ່ນ ຂອງ QTMAC ກ່ຽວກັບຄວາມຮູ້, ທັກສະ ແລະ ປະສົບການໃນການຄຸ້ມຄອງຄວາມສ່ຽງຈາກລະເບີດຝັງດິນເພື່ອໃຫ້ໄດ້ມາດຕະຖານສາກົນ. ສຳເລັດການນຳໃຊ້ເຄື່ອງມືທາງກົດໝາຍ ແລະ ຂັ້ນຕອນການຊີ້ນຳທີ່ກ່ຽວຂ້ອງກັບກິດຈະ ກຳ ການປະສານງານກ່ຽວກັບລະເບີດຝັງດິນຢູ່ແຂວງກວາງຈິ ແລະ ໃຫ້ຄຳແນະນຳ ແລະ ສະໜັບສະໜູນ ການເຄື່ອນໄຫວຂອງຄະນະຊີ້ນຳວຽກງານຄວບຄຸມລະເບີດຝັງດິນພາຍຫຼັງສົງຄາມພາຍໃຕ້ການຊີ້ນຳ ຂອງພະແນກການຕ່າງປະເທດ ເຊິ່ງຈະໄດ້ຈັດຕັ້ງປະຕິບັດໃນໄວໆນີ້.
ທີ່ພິທີລົງນາມ, ທ່ານ ຮວ່າງນາມ ຮອງປະທານຄະນະກຳມະການປະຊາຊົນ ແຂວງ ໄດ້ຮັບຮູ້ ແລະ ຕີລາຄາສູງຄວາມມານະພະຍາຍາມຂອງພະແນກການຕ່າງປະເທດ, ອົງການ NPA ແລະບັນດາອົງການບໍ່ຂຶ້ນກັບລັດຖະບານໃນການຮ່ວມກັນກໍ່ສ້າງ ແລະ ພັດທະນາ QTMAC ແລະ ສະແດງຄວາມມຸ່ງຫວັງວ່າໃນໄລຍະຈະມາເຖິງສູນດັ່ງກ່າວຈະສືບຕໍ່ປັບປຸງຄວາມສາມາດ ແລະ ກົນໄກການ ດຳເນີນງານ. ອໍານາດການປົກຄອງແຂວງຈະສ້າງທຸກເງື່ອນໄຂສະດວກທີ່ສຸດເພື່ອຊ່ວຍໃຫ້ບັນດາຂໍ້ລິເລີ່ມຂອງບັນດາອົງການຈັດຕັ້ງປະຕິບັດໃຫ້ປະກົດຜົນເປັນຈິງໂດຍໄວ.
 | ທ່ານເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ ໄດ້ສົ່ງຈົດໝາຍສະແດງຄວາມຊົມເຊີຍເຖິງທ່ານປະທານາທິບໍດີ ລັດເຊຍ Vladimir Putin ຍສໝ - ໄຊຊະນະຂອງການຕໍ່ສູ້ຕ້ານລັດທິຟາດຊິດ ກ່ອນນີ້ 75 ປີ ແມ່ນຂີດໝາຍທີ່ຮຸ່ງເຮືອງເຫລືອງເຫລື້ອມໃນປະຫວັດສາດມວນມະນຸດ, ແມ່ນໜຶ່ງໃນໄຊຊະນະຍິ່ງໃຫຍ່ທີ່ສຸດຂອງສະຕະວັດທີ 20, ມີຂອບຂະໜາດ, ຄຸນຄ່າ ແລະ ຄວາມໝາຍຍຸກສະໄໝເລິກເຊິ່ງ. |
 | ຫວຽດນາມ ໄດ້ປະຕິເສດຕໍ່ການຕັດສິນໃຈຂອງຈີນທີ່ຫ້າມການຫາປາໃນທະເລຕາເວັນອອກ ຍສໝ - ຫວຽດນາມມີຫຼັກຖານປະຫວັດສາດ ແລະ ພື້ນຖານດ້ານກົດໝາຍທີ່ພຽງພໍເພື່ອຢັ້ງຢືນອະທິປະໄຕຂອງຕົນຕໍ່ ໝູ່ເກາະ ຮວ່າງຊາ ແລະ ເຈື່ອງຊາ ຕາມກົດໝາຍສາກົນ. |
 | ຕ້ອງການຢາກເອົາແຮງບັນດານໃຈຈາກປະເທດຫວຽດນາມ ພາຍຫຼັງ ທີ່ ຫວຽດນາມ ປະສົບຜົນສຳເລັດໃນການຕໍ່ສູ້ຕ້ານກັບການລະບາດຂອງພະຍາດ Covid-19 ຍສໝ - ໜັງສືພິມ Halo Noviny (ເຊັກ) ໃນວັນທີ 6 ພຶດສະພາ ໄດ້ອ້າງຄຳຖະແຫຼງການຂອງທ່ານ Vojtěch Filip, ຮອງປະທານຜູ້ທີໜຶ່ງ ຂອງສະພາຕໍ່າສາທາລະນະລັດເຊັກ, ປະທານຄະນະກຳມະການສູນກາງພັກກອມມູນິດເຊັກ ແລະ Morava (KSČM): “ເອົາແຮງບັນດານໃຈຈາກປະເທດຫວຽດນາມ, ເຊິ່ງປະສົບຜົນສຳເລັດໃນການເອົາຊະນະໄວຣັສ Corona!”. |
ໄຊພອນ
