 |
| ພາບປະກອບ |
ຕາມທ່ານ Vojtěch Filip, ຫວຽດນາມບັນລຸໄດ້ຜົນສຳເລັດເຊິ່ງຫລາຍປະເທດພັດທະນາພຽງແຕ່ສາມາດໄຝ່ຝັນໄດ້. ລວມທັງ ສະຫະລັດອາເມລິກາ, ເຊິ່ງປະຈຸບັນກຳລັງປະເຊີນກັບການລະບາດຂອງ Covid-19.
ຕາມໜັງສືພິມ Halo Noviny, ຫວຽດນາມປະກາດວ່າໄດ້ຄວບຄຸມພະຍາດດັ່ງກ່າວຢ່າງສຳເລັດຜົນແລ້ວ. ບໍ່ມີກໍລະນີ ໃໝ່ເກີດຂື້ນໃນ 22 ວັນໃນຊຸມຊົນ, ມີພຽງແຕ່ 17 ກໍລະນີທີ່ໄດ້ກັບມາຈາກຕ່າງປະເທດ ແລະ ໄດ້ຈັດຕັ້ງປະຕິບັດການແຍກຫ່າງໃນທັນທີ, ຈົນເຖິງປະຈຸບັນຍັງບໍ່ມີຜູ້ໃດເສຍຊີວິດຍ້ອນພະຍາດດັ່ງກ່າວ. ຍ້ອນເຫດນັ້ນ, ລັດຖະບານຫວຽດນາມໄດ້ເລີ່ມຜ່ອນຜັນມາດຕະການສຸກເສີນ.
ທ່ານ Vojtěch Filip ກ່າວວ່າ, ຫວຽດນາມແມ່ນປະເທດທີ່ມີປະຊາກອນຫຼາຍກວ່າ 96 ລ້ານຄົນ, ມີຊາຍແດນຕິດກັບປະເທດຈີນ ແລະ ບໍ່ແມ່ນເປັນປະເທດມະຫາອໍານາດດ້ານເຕັກໂນໂລຢີຄືກັບ ສ.ເກົາຫຼີ, ແຕ່ຫວຽດນາມສາມາດຮັບມືໄດ້ໂດຍໄວ ແລະ ປະຕິບັດບັນດາມາດຕະການສະເພາະຕັ້ງແຕ່ຕົ້ນໆເພື່ອປ້ອງກັນການລະບາດຂອງ COVID-19.
ຄວາມຈິງທີ່ວ່າລັດຖະບານຫວຽດນາມໄດ້ມີການຕັດສິນໃຈຢ່າງທັນການເຊັ່ນ: ຢຸດການຕ້ອນຮັບການບິນຕ່າງປະເທດ, ກົດລະບຽບຂອງການແຍກຫ່າງສອງອາທິດ ສຳລັບທຸກຄົນທີ່ເຂົ້າເມືອງ, ປິດໂຮງຮຽນ, ຮ້ານຄ້າ ແລະ ໂຮງແຮມ... ໄດ້ສະແດງໃຫ້ເຫັນການເປັນເຈົ້າພາບໃນການປ້ອງກັນ ແລະ ຄວບຄຸມພະຍາດ ໂດຍບໍ່ຕ້ອງລໍຖ້າຄຳແນະນຳໃດໆຈາກອົງການອະນາໄມໂລກ. ພ້ອມກັນນັ້ນ, ກໍໄດ້ຮັບການສະໜັບສະໜູນອັນໃຫຍ່ຫຼວງຈາກປະຊາຊົນເຮັດໃຫ້ການປ້ອງກັນ Covid-19 ປະສົບຜົນ ສຳເລັດ.
ນອກຈາກນີ້, ລັດຖະບານຫວຽດນາມຍັງແຈ້ງໃຫ້ປະຊາຊົນເປັນປົກກະຕິໂດຍຜ່ານລະບົບສົ່ງຂໍ້ຄວາມ ແລະ ໂປແກມທາງການແພດໃນໂທລະສັບ. ກະຊວງສາທາລະນະສຸກຫວຽດນາມປັບປຸງຂໍ້ມູນກ່ຽວກັບພະຍາດໃນເວບໄຊຂອງຕົນຢ່າງໄວວາ. ທ່ານ Vojtěch Filip ຖືວ່ານີ້ຈະແມ່ນບົດຮຽນສຳລັບສາທາລະນະລັດເຊັກ. ທ່ານຍັງໃຫ້ຮູ້ວ່າປະຊາຄົມຊາວຫວຽດນາມຢູ່ສາທາລະນະລັດເຊັກມີບົດບາດອັນສໍາຄັນໃນການຕໍ່ສູ້ຕ້ານກັບ COVID-19 ຢູ່ປະເທດປະຈໍາຖິ່ນ.
| ໄລ່ຮອດເວລາ 21 ໂມງຂອງວັນທີ 06 ພຶດສະພາ, ຕາມເວລາ ຫວຽດນາມ, ທົ່ວໂລກມີຜູ້ຕິດເຊື້ອພະຍາດອັກເສບປອດໂຄວິດ-19 ກ່ວາ 3,75 ລ້ານຄົນ, ໃນນັ້ນ ມີກ່ວາ 259.000 ຄົນເສຍຊີວິດ. ຕາມຕົວເລກສະຖິຕິຂອງເວັບໄຊ worldometers.info ແລ້ວ, ຢືນຢູ່ແຖວໜ້າໂລກກ່ຽວກັບ 2 ດັດຊະນີຈຳນວນຜູ້ຕິດໄວຣັດ SARS-CoV-2 ແລະ ຈຳນວນຜູ້ເສຍຊີວິດຍັງສືບຕໍ່ແມ່ນປະເທດ ອາເມລິກາ ດ້ວຍຈຳນວນຜູ້ຕິດເຊື້ອແມ່ນກ່ວາ 1,2 ລ້ານຄົນ ແລະ ມີກ່ວາ 72.000 ຄົນເສຍຊີວິດ. ປັດຈຸບັນ, ໂລກລະບາດຢູ່ ອາເມລິກາ ຍັງມີຄວາມສ່ຽງຕິດແປດຢ່າງສູງ ໃນສະພາວະປະເທດນີ້ ຄ່ອຍໆຫລຸດຜ່ອນບັນດາມາດຕະການແຍກຫ່າງໃນສັງຄົມ ເພື່ອເຊື່ອມຕໍ່ບັນດາການເຄື່ອນໄຫວເສດຖະກິດຄືນໃໝ່. |
 | ອະດີດນັກສຶກສາຫວຽດນາມ ຢູ່ ເຢຍລະມັນ ສະໜັບສະໜູນຜ້າອັດປາກ 5.000 ອັນ ເພື່ອຊ່ວຍໃຫ້ເຢຍລະມັນຕໍ່ສູ້ກັບ COVID-19 ຍສໝ - ໃນຕອນເຊົ້າວັນທີ 7 ພຶດສະພາ, ຜູ້ຕາງໜ້າ ອະດີດນັກສຶກສາຫວຽດນາມ ຢູ່ ເຢຍລະມັນ ໄດ້ມອບຜ້າອັດປາກ N95 5.000 ອັນ ລວມມູນຄ່າທັງໝົດ 295 ລ້ານດົ່ງ ໃຫ້ແກ່ສະຖານທູດເຢຍລະມັນເພື່ອສະໜັບສະໜູນປະຊາຊົນເຢຍລະມັນ ໃນການຕໍ່ສູ້ກັບ COVID-19. |
 | ກຽນຢາງ: ມອບອຸປະກອນການແພດໃຫ້ແກ່ກຳລັງປະກອບອາວຸດ ກຳປູເຈຍເພື່ອປ້ອງກັນ ແລະ ຕ້ານ ໂລກລະບາດ COVID-19 ຍສໝ - ແຂວງກຽນຢາງ ໄດ້ມອບເຄື່ອງອຸປະກອນການແພດ ໃນນັ້ນມີຜ້າອັດປາກການແພດ, ຊຸດປ້ອງກັນພະຍາດ, ຢາສີດຂ້າແມ່ພະຍາດ, ຖົງມື... ລວມມູນຄ່າທັງໝົດ ເກືອບ 412 ລ້ານດົ່ງ ໃຫ້ກຳລັງປະກອບອາວຸດກຳປູເຈຍ ເພື່ອປ້ອງກັນ ແລະ ຕ້ານ ໂລກລະບາດ COVID-19. |
 | ຊາວຫວຽດນາມຢູ່ Saint Petersburg (ລັດເຊຍ) ໄດ້ສ້າງຕັ້ງ 5 ອະນຸກຳມະການເພື່ອຕໍ່ຕ້ານ COVID-19 ຍສໝ - ຈັດກອງປະຊຸມປົກກະຕິໃນວັນຈັນ, ການລະດົມທຶນ, ການຈັດຕັ້ງ 5 ອະນຸກຳມະການເພື່ອມອບໝາຍວຽກງານ... ຄະນະຊີ້ນຳການປ້ອງກັນ ແລະ ຄວບຄຸມ COVID-19 ໄດ້ເຮັດວຽກທີ່ດີ, ມີກິດຈະກຳຕົວຈິງຫຼາຍຢ່າງແກ່ຊຸມຊົນ. |
ໄຊພອນ
